坤記糕品專家 (已結業)

2005年5月5日(星期四) 下午7時40分食完公和便過來坤記，這裡有我至愛的芝麻糕，不過每天很快賣晒，是最熱賣的糕品其中之一，幸好那時候還給我看到，實在有點驚喜，我便立刻買下兩件芝麻糕($10)。這裡的芝麻糕有九層，芝麻味道濃厚，暫時還未能找到其他地方的芝麻糕好吃過這裡。P.S. 這裡的紅豆糕也不錯，值得推介！

食完維記行去搭車前經過因為朋友仔驚睇戲時肚餓見唔係咁多人走去買左件芝麻糕同紅豆糕各一買完隔左四個鐘先食雖然凍左但仍然好香拎出黎前已經聞到(但好奇怪芝麻糕係芝麻香味但紅豆糕我聞到似係花生味多d喎唔通我嗅覺失調???)兩樣各試食左一啖芝麻味比想像中濃味甜度適中又好滑不過因為咬左好細啖戲院又黑漆漆都唔知係咪真係由九層造成而紅豆糕都好正咬一啖已經有好多豆而D豆淋得黎又保留左少少咬口甜度又適中但係或者對呢個期望高D有少少失望因為有個朋友佢自己整仲好食過佢p.s.佢呢度d糕品唔係一早切好一件件咁賣架而係你話要幾多咁但minimum佢會mark定係5蚊芝麻糕6蚊紅豆糕不過咁o岩今日佢切多左少少結果每樣都買左6蚊

素來都喜歡吃此號的件裝「馬蹄糕」，趁農曆新年幫老媽辦年貨，到這兒買了馬蹄糕（$38/底）和蔗汁年糕（$68/底）各一底。前者水準有變，雖仍舊清香甜美，但較平常甜兩度（據說，賀年食品要「夠甜」才好意頭，大抵是這緣故！）；質地不太好煎，故凍食較佳！至於年糕，因為回家後沒立即放入電冰箱，置在室溫約廿四小時後，整個表面巳經發「霉」！果真如店家所言，似乎沒有下防腐劑！另外，相當易煎，兩茶匙油便煎半底，三分鐘便軟透和香脆，甜。度適中，正！題外話： 1. 當我對著那底價值$68 的「發霉」年糕，連連嘆息時，老媽高興地說：「嘩！發得好！」對老人家而言，年糕的主要用途是用來「責」過年，霉發得越厲害就越好！學精了，明年會買底便宜一些的年糕用來「責年」（如街市那些十蚊一底的廉價年糕。） 2. 對於那底「發霉」年糕，老爸冷冷的說，「批」掉那些「發霉」部份，蒸熱咪食得囉！我雖然無言以對，心裡暗說：「老爸，你腸胃真好！」最後，我亦削掉「發霉」部份，把它煎來吃，易煎好味，讚啊！

芝麻糕最好吃，有九層的，足見功夫，芝麻味很濃，入口不會得個滑字，很好。紅豆糕很有口感，只是覺得砵仔糕沒有特別。但整體糕點的質素仍甚高。

我住在sham shui po, 但一向都很少留意這小店。因為看到很多人都讚此店的糕點,於是就去試一試。試過了紅豆糕、芝麻糕、砵仔糕、白糖糕、鬆糕。紅豆糕:好好味,個人十分喜歡,推介~芝麻糕:覺得清淡了一點,味道濃一點會更好。砵仔糕k, 不過唔覺特別。白糖糕:好味,唔太甜,幾清新,不錯不錯。鬆糕:口感幾好,味道都好,買到熱的更加正,推介。這店通常七點十左右開門,有熱鬆糕賣,上班上學前不妨買件試試~

呢度有live band，d 燈光較到暗暗地，每張台都有一個小洋燭，又可以望到海景，環境同埋氣氛都唔錯．最重要既係d 野都幾好食．係live band 前面，有個小舞台．果日我去既時候，岩岩有人book 左近舞台位係果度gathering，食度咁上下既時候，仲出去跳舞( 當然係social dance 喇!!)，都唔錯0架!!

前日閒遊深水步，來得呢區當然要來整件一路行一路食。坤記仍然旺，來買的人是絡繹不絕。見有一大盒糯米滋剛拿出來，就買了一件豆沙糯米滋。拿上手好似好煙韌，但吃落又唔夠軟熟，內裡的豆沙不過甜，與糯米皮也算配合，食完，幾飽的。4蚊一件，不可說平。又兩位阿姐寸寸的，有祖業可守係不同凡響。見這裡的芝麻糕是一層層的，合牛油果所提及的規格，有機會都可以一試。

中午等人之際，肚餓餓於是走去坤記買舊糕頂肚。本來諗住試o下紅荳糕，但見到舊黑麻麻的糕點，於是就改為買了呢舊黑東西來試。糕點不是很大，比起白糖糕還細，但好食多了，因為冇酸味。而味道就好似開「熙」了的芝麻糊，淡淡的。食完會有幸福的感覺(誇張了點)。總括而言，口痕痕又唔想食太多野的人士最o豈食呢種糕：芝麻糕是也。

白糖糕($4)-依到既白糖糕真係好食喎,件糕本身都幾爽,唔會濕,而且厚身,口感都幾好,酸味都只係好少,就算有酸問題都唔大,真係食得過,個哈哈笑係比白糖糕既砵仔糕($4)-砵仔糕分左白同黃,仲可以選擇有豆同冇豆,幾彈牙,豆未夠林,味道一般,比想像中冇咁好食因為起屋企附近街市食開既仲好食,而且$10/4件所以覺得砵仔糕試下都無妨,唔試都冇咩損失

這天夜晚會有食家聚會,之前在車品品與牛油果提及很欣賞她自製的沙爹醬,想不到她日前坐言起行,告之已整了給我,而且不收分文,有點受寵若驚之餘,也不好意思白吃人家的一番辛勞吧,於是記起早前她想找回童年回憶,於是便專誠到這裡買些糕點,和她來個以物易物,一來令自已好過一點,二來她受益之餘,其他食家又可共同分享,何樂而不為呢?這裡不難找,地鐵站一出便是了,芝麻糕,紅豆糕,白糖糕和砵仔糕等,每款買了一些,全是一件起兩件止,芝麻二件,紅豆三件,白糖四件,砵仔兩個.....一些是與與食家分享,一些是買給家人的,買時不需等候很久便招呼我了,而在買的途中,也察覺人流絡繹不絕的,差不多兩個時辰以後才可享用糕點,只因全是買去和食家們分享的,食味如下:芝麻糕~~ 一層層的,黑漆漆的,細數之下,共有九層,而且層次分明,是可以逐層吃的,吃了一小塊,甜味不太重有一點點粗糙,芝麻味尚可,個人認為,如能濃一點就更好.紅豆糕:都算幾多紅豆,豆煮得很腍身,糕亦都頗有質感,不會太軟,亦不會大硬,較芝麻那款甜,但就個人喜好而言,認為此款比芝麻更勝一籌.白糖糕~~ 本身不好白糖糕的我,吃了少許這裡的出品之後,或多或少,也令我對這件白

買糕都要排隊? 好可能係佢至有.黑芝麻糕真係好正,不太甜,俾足黑芝麻磨,唔係用粒開,食完都重覺d芝麻味留住系個口度...白糖糕就差d la, 酸酸地...砵仔糕普普通通,北河街街市對面的餅鋪d正過佢(人地用细瓦砵).呢度d價錢真係唔平,當正自己開係跑馬地,$6一件芝麻糕(重係好細件),可能$6已經係佢一底的成本.(我見過有師奶買糕買左百幾銀,有米).不過,間中食都唔錯ge

這裡做白糖糕十分講究,由糖到糕漿都有指定的,你買其他白糖糕必定沒有坤記的發得那應高,而甜味必定不同,而坤記白糖糕有酸味也是有原因的,因為要做得到他們的白糖糕特別之處,所以一定有些酸味,不過吃的時候你絕都不會咬到酸味, 以前是一位婆婆造糕的,不過而家她的子孫承繼了,不過婆婆有時也會到鋪頭監視著,這家的糕品是我吃過最好吃的

試過白糖糕,砵仔糕,黑芝麻糕,紅豆糕,全部都好好食.價錢適中,唔系貴.但店的外貌令人覺得不是很衛生.

之後試過白糖糕，的確比平時買到既好食，最重要係無酸味。今日經過坤記，見到寫住"招牌砵仔糕"，試下啦。不太多紅豆，外皮都幾滑，有彈性，唔會"死實實"，不妨一試。而且佢比市面既砵仔糕($4)貴d呢！

早前聽友人話坤記出名糕點，剛好尋日行經附近，口痕痕，於是走去諗住買件白糖糕試o下，4蚊件，話多唔多話少唔少。睇住呢舊白白地的東西，可能擺得耐關係，糕是凍冰冰的，所謂清香...唔，我聞唔到，食落還有點層次感，但有點酸囉！你話會唔會再幫襯，會，不過我會買砵仔糕，較有保證。