坤記糕品專家 (已結業)

前言：老爸到深水埗聚會後，給我們帶回來坤記的各式糕點。食物和評語： a. 千層黑芝麻糕：黑芝麻味道濃郁，甜度恰當，不俗。 b. 紅豆糕：豬肝色的粒粒紅豆糕，吃完後可謂「齒頰留香、回味再三」。打個比方，若同類的酒樓點心賣十塊錢一件，那麼這兒的便值廿塊錢！ c. 馬蹄糕：入口即溶，手功出色，甜度恰當，讚！ d. 砵仔糕：體積比一般細三分一。入口清爽彈牙，師傅在火喉控制得好，整件糕的密度勝在夠均勻，口感佳，可謂「水準之作」。 e. 白糖糕：味道清新，口感清爽，一點酸味都沒有，師傅手功令人讚歎不巳。註： a. 就那麼普遍的糕點，這兒的師傅就是做得比別人好吃，是否因為這兒是人手作的？還是因為足料？ b. 個人覺得，師傅在處理米漿（在來米粉漿）的功夫相當到家，特別是師傅對於火喉和烹調時間拿得很準確。故此賣得貴些少都可以理解。 c. 據說店家相當有「性格」，大概是有名氣的關係。不過，奉勸店家：若果水準可以保持到，而又無對手，才好玩「有性格」。

本身唔食白糖糕，所以唔知點樣o既白糖糕為之好味，但係坤記o既芝麻糕同多款口味o既茶果就真係好好味，百吃不厭，當中最喜受紅豆茶果和花生眉豆，size適中，多吃兩個也不覺滯呀！

我好怕食早餐，有時晨咁早無胃口就會去買件砵仔糕，d價錢好實惠，唔會話好貴，之後放學我有時會買芝麻糕同白糖糕，芝麻糕睇到有好多層，食落有淡淡的芝麻香，味道唔會太甜，岩岩好唔會覺得甜到膩~白糖糕聞落好酸，但食落口係無酸味架~~好正有時4、5 點會有好多人排晒隊咁買，手慢就無架啦~~

見倒咁多食評話哩度既白糖糕好好食,山長水遠都要黎嘗試啦,好彩都冇令我失望,真係好得, 而我都係第一次食一d 酸味都冇既白糖糕ja~哈哈!

慕名而來, 第一次幫趁, 買左:- 白糖糕: 聞落有酸味, 但食落口真係無, 反而嫌佢甜左少少.- 芝麻糕: 無想像中咁香芝麻味喎.- 紅豆糕: 感覺足料, 好.- 砵仔糕: 唔太甜, 個人覺得最尾呢兩樣反而比著名既白糖糕同芝麻糕好食添.仲有都係出名既鬆糕, 去到果陣已經賣晒嚕.

星期日去到,見佢仲有糕點賣更係要買件黎試下啦,(上次去綠林裝修,佢就東主放假),買了一件芝麻糕$5,一件紅豆糕$6,兩件都算大舊.芝麻糕-係一層層有八層,但聞就聞到好香芝麻味,但奇怪食落又唔係好芝麻味,味道淡了d.紅豆糕-有一粒粒紅豆,不過唔太多,lee個聞唔到紅豆味,又係味道好淡.佢d糕點唔知係咪落好少糖呢,好似無嘜甜味敢.

都有一輪冇食今日行過見到有芝麻糕,於是買舊咬下.上次件紅豆已經麻麻,今次件芝麻仲退步得緊要.出晒水,而且味道淡左好多,以前濃濃既芝麻香味已經成為歷史.而且佢好似賣平左一蚊,以前冇記錯好似六蚊.令我不禁懷疑佢係咪減左料....自從前排飲食男女介紹過之後就每況愈下,看來好食店實在不應該太出名....

我食過芝麻糕,紅豆糕同砵仔糕,芝麻糕最impress,好似一層層硬左0既芝麻糊一樣,粉粉地,好好味,紅豆糕都好食,有一粒粒,好有口感,但兩樣都好似甜左少少(少少啦~),不過係貴囉,5蚊得0個少少,我上次話要5蚊,點知佢一cut,之後在磅,就話收我6蚊,都唔知係唔係路!~

我買左芝麻糕,白糖糕同蒸蛋糕不過佢用刀仔切得好細件,佢d態度唔好,佢見我買咁小好似唔like.不過芝麻糕好軟同好重芝麻味,白糖糕無酸味.我覺得蒸蛋糕好香,但我男朋友話好難食.我見個紅豆糕幾貴要6蚊,所以無買.

之前食過白糖糕今次就食芝麻糕& 紅豆糕，每樣一件個呀姐切完磅左話$11蚊，紅豆糕微暖好多紅豆，d紅豆好淋，芝麻糕都好食，望到一層一層，手工都唔少!食哂2件好飽呀!!!

食完合益既腸粉就行黎呢到買左件白糖糕，個呀姐隨手切，好細件但幾好食，無酸味幾甜!有個婆婆買芝麻糕個呀姐切去磅，好細舊就$10蚊!!!

有一輪冇食幾日前食過一次紅豆糕,發覺林左好多.而且好似細件左.唔知係一時失手定點.比多次機會佢,下次再試過.

之前食過芝麻糕，紅豆糕同白糖糕。白糖糕普通啦，唔太甜但其實又唔係好特別。芝麻糕同紅豆糕就真係幾好味，同一般出面食到既唔同，個質感分別好大，係真係糕（又或著話係蓉）既質感，所以好濃味，感覺好足料。但幾蚊一細舊我都覺得算貴，久唔久食一次都ＯＫ啦。

路經呢度,見到好多人排隊.原來芝麻糕就出.貪得意我又排隊買. 聽講一日只會出兩次. 除左芝麻糕,都仲有好多choices,有雞蛋糕,馬蹄糕...點不知我排左一陣,呀老闆話今日得兩盆. 排咁後應該冇得買...我即走...下次有緣經過至試囉...

本來想買砵仔糕, 行到埋去, 已經有2, 3個人圍住, 咁我就諗住等陣啦, 但果位"服務員"只顧serve買芝麻糕0的客, 其間陸續有人比我地遲黎, 佢都照樣serve佢地先, 咁我地就再叫多次"唔該兩件砵仔糕", 點知佢竟然好惡咁話"等陣啦你, 等我賣埋畀佢(指另一位女士)先啦, 佢黎先過你家嘛!" 但事實上係我地黎先, 反而要畀人鬧! 其實我地都預左佢有好多客, 即使要慢慢等都冇所謂, 但問題係明明我地等得最耐, 都要畀人鬧, 咁既態度, 你0的糕再好食, 都唔會再幫親.