坤記糕品專家 (已結業)

上星期行開深水埗 順便去買兩件糕試下啦!我買o左芝麻糕,白糖糕同砵仔糕各一件.先講講件芝麻糕,一入口o既感覺係唔多得喎,因為質地比較淋,又無乜芝麻味,個人覺得唔好食囉!而白糖糕質地幾爽,不過我覺得又真係太甜喇!至於砵仔糕就唔係人地講到咁多豆囉!不過質地就幾爽滑而又唔會太甜! 個人覺得d糕唔係傳說中咁掂喎!要特登搭車o黎買就無謂喇!

這是一間士多，所以夜晚十一點也未關門，至於還有沒有糕點要看運氣。紅豆糕、芝麻糕很好吃，白糖糕、砵仔糕也不錯。

響深水埗返左幾年工都未食過呢間野，好似有d過份。今日行過見到有芝麻糕就立刻買左一件,聞就聞到好香芝麻味,但奇怪食落又唔係好夠芝麻味，味道太淡了，而且好軟身，不過好彩唔係太甜，麻麻地啦~~

幾好味, 不過對我黎講太甜la~唔會有酸味。

前幾日屋企人去開深水步,到坤記買野砵仔糕,白糖糕同芝麻糕.砵仔糕都幾多紅豆,但就冇乜特別;白糖糕我好少食,入口都ok冇酸味;芝麻糕就好似食緊芝麻糊,都好香芝味,不過我數極都只係得五層,冇九層既?!個人認為芝麻糕最好,但價錢都唔平架!

同事去尖沙咀工作, 叫佢回公司時順道去坤記買糕食.叫佢買左白糖糕, 紅豆糕, 砵仔糕, 全部都好好味, 又不會太甜, 我食左好多, 呢個下午茶食得好飽, 哈哈~~個人非常喜歡食紅豆, 特別推介紅豆糕, 真係好好味的. 仲好食過飲紅豆沙呀~~

食完lunch.坐mtr去深水步, b2出口轉右就見到.買左4款番屋企試.全部都要雪凍食會更更更好味.1.芝麻糕,係九層幾得意,芝麻味算幾濃,又未到芝麻糊果種濃度.幾好食.2.紅豆糕.糖既分佈唔平均,聚晒去底度.個底好滑但上面有紅豆部份就唔夠甜.普通3.白糖糕.好耐冇食.成三年冇食過.食唔出有乜特別.睇番大家d post反而係形容詞同講故事能力豐富過原有味覺.有一個值得一提既感覺.依度d白糖糕食完唔會口內形成酸味.我以前試過好多都會有變酸味既情況.讚呀.4.極力推介凍食馬蹄糕.愈凍愈正.甜味分佈平均,馬蹄爽口,糕既質地好滑.正.(另外推介浸會大學聯福樓既菊花糕.凍食又係超正)

地鐵站隔離囉，都唔知點解講到咁隱藏咁.......試左白糖糕，感覺好得意，同出面食既唔同，好香，一路行未食都聞到淡淡既香味，唔靭，有甜甜地好好食，4蚊一舊都算ok，份量夠女仔食飽肚，做下午茶都幾好。自己就覺得砵仔糕麻麻地啦，唔夠豆同甜，都係鐘意中環蘭桂芳阿伯個檔多d，唔知仲有冇擺檔呢?

諗住要搵一陣,點知一出地鐵就見到!原來d芝麻榚係即叫即切,五蚊一件,阿姐切完之後去磅一磅,唔知唔足枰會唔會切多一dd比我??? 其實都幾細舊,食落唔太甜,暖暖地,唔知係出爐無耐定係佢有爐keep住溫度,不過我估凍食會仲好食.我冇數幾多層,不過好似唔止九層.

行到去坤記就梗係要食件芝麻糕啦，因為唔係次次行過都有得買，所以見到有即刻"整"番件先(仲要係剛剛出新o既一底)！依然係咁有水準。今次仲試咗茶果，味道都唔錯但係芝麻糕始終係首選。

今日去行去太子,深水埔一帶掃街第二站係坤記目標砵仔榚坤記有好多壞舊小食,以家好難搵到黎買本人對砵仔榚的睇法,其實食返童年回憶多過食佢味道.砵仔榚紅豆多,大隻,但顏色就比出面買開淺色,味道都幾好

星期六終於無落雨,走左去深水步買野,第一站整件糕頂住先。曾幾何時睇左xx男女介紹想買件試下,當時排隊排到呢....而家就可以慢慢揀,傳媒威力真係好勁!!款式都好齊,不過都係試左十蚊芝麻糕,其實我都唔係好肯定阿姐以什麼準則黎賣糕,佢張紙寫五蚊一件,我見阿姐用菜刀頭插左2件出黎之後,又用個磅秤下bor。拎上手軟棉棉,質感幾好,起碼覺得唔係硬掘掘之流;聞下都有幾重芝麻味;真係有幾層架。食落口唔係太甜,有d立口,幾軟滑,芝麻味算係食咁耐芝麻糕最芝既一款,唔錯!!我諗雪凍食會更正囉!!! 下次買埋其他糕試下至得。

記得呢間野好似都幾出名, 買左件九層芝麻糕well...咬落去都幾得意,有九層~有芝麻味同唔太甜,有咬感,ok得~有機會試下砵仔糕,好似好好賣咁

尋晚食飯前路過此店,買左件紅豆糕,$6件,size吾系太,有d 搶錢感覺,就當系試食價.甜度適中,頗多紅豆,食落有沙沙地既感覺,証明紅豆煮得夠腍.service方面,我又吾覺好差喎!我同阿姐講話吾洗膠袋,阿姐仲問我"你吾要膠袋點食呀?"

因為第一次食,見佢好大底糕,又唔知點買,於是我指住底芝蔴糕同個女人講"唔該呢個吖",跟住個女人指住側邊張紙唔出聲,上面列咗一件同多件的價錢...唉,我覺得好差呀,那時又冇人,我又未買過,又睇唔到張紙,點解佢唔講比我聽點買... 求其咁指一指,好似好唔至在,你買就買唔買就算咁,好被忽視呀!味道多好又如何?都被她的態度全破壞了