坤記糕品專家 (已結業)

星期六自己一個傻婆為左搵衫，由2點由旺角走到荔枝角再走返轉頭non-stop咁不停走，水都無飲過，又餓又渴，經過呢間野，記得有個fd話間野d糕點好好味，就打算買舊試下。行到間野，嘩！好貴！一件糕唔駛賣成$4.5掛？但又想食，唯有買一舊試下啦。買件白糖糕，一早就袋好既，一拎起睇，嘩！好細舊，有d被搵笨既感覺。一食，好甜，唔酸其實係應該既，但太甜就不該喇！但舊糕涼涼地，都可以話解到渴既....但係女仔食都係幾口就食完，唔抵！

好耐冇食啦~好記得我好細個時已經有呢間舖~(廿幾年前)以前阿媽成日買砵仔糕比我地食~所以今次一食~有好多回憶喔~今次同男友一齊食~買左一件9層芝麻糕同馬蹄糕9層芝麻糕有d軟身,亦係有d濕~但唔係其他網友仔講到咁差~但佢d芝麻味好香~好似食緊芝麻糊咁~最重要係唔太甜~馬蹄糕清甜爽口,ok喎~其實,我覺得佢砵仔糕冇變喎~都係好似以前咁好食~(我最近有食)係略嫌芝麻糕有d濕~但整體黎講唔太差~^^

我黎都係為左食缽仔糕.依家香港地好難搵到好味既缽仔糕啦.依度要$4.5一個.個糕本身好味.但紅豆唔夠"諗".不過都依然會再去買黎食既

之前出SSP都搵唔到呢間野,今日同事帶左2隻糕俾我食:1) 芝麻糕 2) 紅豆糕我鍾意紅豆糕多D!因為似媽媽傃煮的紅豆沙一樣起沙!!!又唔太甜食落好有親切感呢!不過如果切開就好難用牙簽篤喇,可能因為起沙的關係所以質感方面會影響到喇至於芝麻糕,我平時都麻麻地鍾意,但今次呢個呢幾好,唔太甜,質感有d似食芝麻糊,唔會太爽good! 最緊要係食完個口唔會酸!

剛巧有同事出深水埗,仲好好人甘幫我地去坤記買芝麻糕,真係要多謝佢!芝麻糕(3件): 好似無以前甘好食,不過水準仍然高過出邊好多舗頭o白糖糕(2件): 雖然唔係我既心頭好,不過作為童年回憶甘去倀,都ok既紅豆糕(2件): 幾好味,多紅豆,唔太甜總括來說,雖然貴左d,不過久不久食下,都OK既!

四月廿五日(六)食完豆腐花行過坤記又忍唔住買番舊糕黎食下，因為剛食完豆腐花都幾甜，所以無買白糖糕買左無咁甜既芝麻糕黎食。芝麻糕($6)今次買番黎睇睇個樣證實左上次果舊應該係解左體，因為舊糕都幾淋，應該幾易解體。芝麻味依然濃郁，今次食落有一種黏黏的感覺。如果可以再滑D就更好~去到時見到阿姐依然好認真咁磅D剛入袋既糕~ ~" 另見到多左鍚紙杯裝紅豆糕要$7，阿姐話係多D，但睇落好似細過一舊舊，於是都係無試到~ 下次有切既先試紅豆~

四月十五日(二)見完工食完TEA行左陣都未到六點，於是就過左深水埗黃金度行下，順道去左坤記度買番幾舊糕食下。再去接老婆收工。自細係酒樓都非常鐘意食白糖糕，果時有酸味既都食得好開心。直到有次上網定雜誌見到深水埗有唔酸白糖糕，於是同老婆去左試，一試之下每次黎深水埗都想買番舊黎食!今次買左兩件白糖糕同一件芝麻糕白糖糕(@$4.5)其實尼度白糖糕唔止唔酸咁簡單，糕中間係一絲絲，咁先有好口感，難得係外皮仍然非常滑，唔好既係太細舊，同味道俏甜，好甜既我當然唔介意~ ~\" 但其他人可能未必太鐘意。芝麻糕($6)據說有九層，但今日買俾老婆果舊發覺解左體做兩舊，唔知係我放左係袋攪到咁定係本身係兩舊細D，味道方面芝麻味非常濃郁，都幾好味，雖然解左體都仲係幾厚下，但真係唔算大舊，$6舊唔平但OK啦。今日買白糖糕見個阿姐岩岩磅緊舊白糖糕以為佢\係度做緊乜，去到買時先知原來佢\磅下舊白糖糕係咪重左，我買既時候佢\話有一舊大D要$5...咁多$0.5我都唔會太介意，但覺得多果小小都要計太\"君真\"，咁攪到無左手切可能買到舊大小小既情趣~

之前食過都唔錯, 是日經過, 咪再買芝麻糕和白糖糕食囉. 芝麻糕, 好淋. 芝麻味一般, 唔算好濃, $6.50一件, 好貴呀!白糖糕, 甜都喊...算啦...

見佢好似幾出名又多人幫襯所以買左舊白糖糕($4.5)..男朋友要芝麻糕(因為呢個係我second choice)..芝麻糕$6一件幾貴..又唔係大件..白糖糕都好細件..兩件比ge話我地都覺得白糖糕好d..其實味道同出面o個d無分別..唔通因為佢就腳o係地鐵站出面所以先多人去?

四月六日(星期日)同老公仔前往維記途中,比我spot到呢度wor,佢個招牌係一塊膠,所以唔望到都幾難搵!佢標榜住有九層既芝麻糕,食落口都唔錯,唔係其仔網友講得咁差,可能之前真係好好味!都食到粒粒芝麻,比想像中好!幾蚊一試無妨!

看到很多人排隊實在想不出有什麼好吃的:-s芝麻糕一pat pat既不滑也不香~缽仔糕還可以但要$4.5/個不太合理~還有就是那個老闆的臭態度好像不願做一樣差!

大家都好似冇咩提馬碲糕喎$6可能佢外表唔吸引半透明,淺黃色一粒粒我男友睇咗都唔知係咩但係好好好好食另外買咗3個茶粿第二日食都好un佢比少咗舊白糖糕我但唔知做咩收我$21呢

所謂一分錢一分貨。但只得這個水準就超唔值。芝麻糕：沒有芝麻的香味。砵仔糕，一PAT PAT，冇味道。十年前的坤記不是這個水準。

同事買番請我食, 芝麻糕---芝麻味係香濃, 但糕身質地好濕身, 軟得滯, 唔太鍾意白糖糕---少少酸(正常的酸?)糕、身算挺身, ok紅豆榚---俄白己最鍾意呢款, 紅豆煙un, 連無紅豆部份都有紅豆味.

食完維記唔多夠喉'行過坤記整左件芝麻糕'果然係名不虛傳'芝麻味好香濃又唔太甜'根本就係固體芝麻糊=]