坤記糕品專家 (已結業)

坤記~基本上無一刻係冷清的~小比每次一落巴士~~行入黎都會忍唔住....是次在周末經過~人是多得可怕~~阿姐快手地入好晒一袋袋~要乜就執乜~有別於平日即切即磅~紅豆糕。芝麻糕。馬蹄糕。缽仔糕。白糖糕。茶果。鬆糕。糯米慈小比還是鍾情於芝麻糕~應說是固體狀芝麻糊~haha是日沒有馬蹄糕供應~就要了一黑與一白在烈日當空之下~芝麻糕必定要即吃~要不是就會糊化了...(因為試得多)清晰的九層~每層厚度一致~看得出芝麻密度很高~與光滑''菲林卷''不能相提並論矣~今天的白糖糕是因為天氣夠熱發酵得夠 ?比平常厚多了~正宗。好吃的白糖糕是不應該帶酸的~坤記的就做到~獨特彈牙的感覺~就在這裡尋~雖然每次的大小都不同..價錢也比別家貴..但人家就是有本事.

聽就聽得多...但係食就真係第一次...今次起我女友+深水埗地膽帶路後,終於試到喇...好味,感覺好清(因為冇左d酸味 XDD), 甜味就甜左少少,不過o岩我lee d鐘意食甜野ge人...下次經過一定要再買!!!

來深水埗, 當然係要食下坤記啦叫左個鬆榚, 有蔗糖味, 又幾鬆, 不過有點 "鞋" 口, 唔錯唔錯!下次再試其他糕品啦!!

每次出深水埗都會到坤記買糕點回家與家人分享, 多數會自備食物盒來保持糕點靚樣, 食過多次, 總括來說, 白糖糕, 砵仔糕只覺一般水準, 不值專程去買, 紅豆糕, 芝麻糕十分好味, 尤其是芝麻糕,, 暫未找到比它整得更好的鋪頭.

琴日買左2件芝麻糕($12),一拎上手,真係輕左喎,正如其他食評所講,好細件,不過唔打緊,最緊要好食.雪左一晚先食,好似仲好食喎,凍凍地,芝麻味好濃,軟硬度啱啱好,QQ地,仲可以一層一層咁食,好得意.$6件,物有所值啦,如果再加價就唔抵食啦!

下午茶試埋剩余兩件。紅豆糕 (鍚紙上) 就真係好食喇。 紅豆多而淋﹐ 不太甜﹐ 岩岩好。馬蹄糕夠清甜。總體黎講﹐ 四件糕都好合水準。 糕粉唔太稀﹐ 重幾杰下。 放入雪櫃雪下重好食。 價錢就真係幾貴啦。 深水埗平民百姓區賣 $7 紅豆糕 ﹖ 中環重係賣緊 $4 缽仔糕渣。 大圍火車站商場 都係 $10 三件。ps 翻讀樓下食評﹐ 方知 紅豆糕賣 $7﹐ $47 八件應無計錯數。 個位賣糕姑娘都好君真﹐ 秤過件糕先俾你。

潭仔等食期間﹐ 轉角到坤記買缽仔糕。 第一次幫襯﹐ 唔知定。 請大家俾D 意見。缽仔糕﹐ 紅豆糕﹐ 馬蹄糕﹐ 芝麻糕﹐ 各兩件 = 8 件﹐ 收費 $50 找三 = $47 = $5。9 一件﹐ 幾貴﹐ 同埋無人題過呢個價錢 ﹖﹖今早試過的缽仔糕同芝麻糕﹐ 係幾好食﹐ 真材實料﹐ 下午茶再試埋其它兩樣。

好細個成日吃...十幾年都可以咁好生意水準都差唔多~~芝麻榚係 must eat~~~~好多層好好吃~~

次次去深水埗，都會來坤記買我最愛的紅豆糕 ...但系我覺得無以前甘好食啦，依家的紅豆糕好濕，無甘多豆。。。

有好多電視、雜誌都介紹過呢間糕品店，有日行經深水土步，咁當然要試下啦～買既時候都頗多人，要左件白糖糕和一件紅豆糕，價錢比一般賣糕點的較高，要成四蚊件．．．而且ｓｉｚｅ也不大件．．白糖糕仲偏細呢．．＞ˍ＜食落其實又無咩特別，和一般的糕點無異，咁出名都睇怕係多得各大傳媒的幫手呢～

和男友晚上到深水埗去吃晚飯，經過坤記看見有很多人光顧，我看見是賣甜品的便兩眼發光的衝了過去，但之後看見糕點是$6一件便猶疑了...這麼普通的糕點竟要這麼貴！到最後還是買了，我和男友分別買了白糖糕和紅豆糕，本以為賣得這麼貴，份量應該會比正常的多，但看見店員遞給我們的糕點，打開膠袋，竟然比正常的份量小很多！！我試了一口白糖，沒有酸味且略過於甜，我再試了幾口男友的紅豆糕，沒有甚麼甜味和紅豆味，且糕點頗濕...和男友一致認為糕點的味道只是一般！順帶一提，我們看見店員每切一件糕點入袋後，便會放在天秤上量重量，是品質管理？還是怕蝕給顧客呢？個人認為後者的可能性較大...

食過坤記既糕好多次，最初鐘意佢既紅豆糕，但而家就覺得馬蹄糕最好味。最怕食d勁甜，食完會起啖既糕，但坤記既糕唔算甜，啱啱好。紅豆糕好多豆，糕裡面食到少少豆茸係糕裡面先有口感，好多人會拎坤記既紅豆糕同鴻發既比，我覺得各有各好，鴻發既紅豆糕果皮味重好多，都好味。芝麻糕芝麻味超香，比紅豆糕軟身d。馬蹄糕好清，三隻糕中最唔甜就係呢隻，清甜馬蹄夠多夠爽，試過放係雪櫃雪凍少少食仲好味！其次白糖糕同砵仔糕都好食，不過砵仔糕好快賣哂。但賣糕既幾位阿姐都幾寸架，唔知係咪好生意既舖頭d職員都係咁寸呢？

食左好多甜o野同埋唔同既野都諗住回家結束今日既深水埗之旅﹐但係淋走時見到呢間野﹐所以憑住都唔知邊日再會尊登出來深水埗就買多3舊糕先走。1)芝麻糕 - 好重芝麻味﹐但太甜。2)缽仔糕 - 幾好﹐但亦太甜3)紅豆糕 - 3重糕最好既。都幾多紅豆﹐同埋唔會太甜。4) 鬆糕賣晒。幾蚊幾蚊本身雖然唔係多錢﹐但係以佢地糕點既質素同味道來講﹐底唔底就真係見人見智。唯有諗佢地用超於所雖既糖來整呢d超甜糕﹐佢地買糖既皮費都唔少既。

2008年3月30日，坤記行完山，到深水埗買東西，路過這裏，見咁多人，又想食。芝麻糕：都幾有芝麻味，但又唔係好食到令人食過番尋味嗰隻囉白糖糕：一般喞，都係唔鍾意有D酸味。缽仔糕：唔太甜，不過都唔太香，唔夠紅豆。

朋友說坤記的糕點很出名，自己又好想食白糖糕，於是買左一件白糖糕&紅豆糕白糖糕冇酸味，但係好甜，雖然叫「白糖」...但是不用這麼甜吧...紅豆糕...好多紅豆，可是一咬落去塊糕係粉/"lum batbat"的，實番少少口感會好好多，同埋冇紅豆味...n年前食過荃灣街市附近賣既紅豆糕(忘了在哪裡)，好好吃，坤記的真的不算好吃...咬了一口就不想吃了。還有...以糕點來說...地點還是在深水po...價錢算偏貴