地茂館甜品

營業中

休息中

去開九龍城買泰國嘢，梗係來朝聖依間中式糖水啦，九龍城冇人吾識佢，叫地茂館，平靚正，最出名係中式既糊糖水，梗係叫返碗熱嘅合桃露，又香又滑、非常香濃嘅合桃味，吾係沖粉的食完好飽肚，大大碗都係＄24，出邊買少見少，每次去九龍城都會幫襯一碗

食完飯梗係食返個甜品先啦，去九龍城又想食中式甜品就諗起佢，地茂館，已經好多年歷史，細個屋企人都會帶我出嚟食糖水，都食e間，叫翻個合桃糊食，好香濃合桃味，香滑香濃，正，都係＄24，非常飽肚感，依間鋪頭嘅糊糖水好出名，因為佢係用機磨的，唔係開粉！

人地話呢間係九龍城老字號，於是黎試一試，點了芒果班戟同腐竹薏米雞蛋糖水。芒果甜而不酸，佢寫明係來自呂宋既芒果，大大塊芒果俾你咬，！腐竹雞蛋糖水 唔太甜，竹料，值得推薦！

九龍城出名食中式甜品就得兩間(利申：主觀可能唔認同），一間就合成（佢個清心玉好好食！）另一間就係今日要介紹既地茂館。呢野食左十幾年，主打中式甜品，好似有時令燉品咁，都有小小西式甜品好似班戟同布旬咁。依加係香港地閒閒地食個甜品都起碼40蚊，個日先去完尖沙咀食綠茶雪糕，真心好貴！呢到佢價錢好合理，同埋天氣凍最岩就食中式甜品暖下肚，我每次黎都係嗌燉奶，都係廿四蚊，佢整定哂但係會用個蒸爐令到佢熱住，所以上枱都熱既！佢個奶味好重，但係又唔會好厚，略嫌唔夠滑，但係廿四蚊好抵食呀！近年見佢係保留傳統方面，有加多d新野，好似多左呢d甜品畫作，好過就咁甜品相，又有facebook同Instagram ，係傳統搵突破點！小店一定要支持支持⋯唔好加價加太快

冬至，天氣寒冷，吃熱騰騰的湯丸，溫暖又應節。Honey點了紅豆沙(另加兩粒芝麻餡湯丸)我就點了糖不甩。兩款都很一般！紅豆沙水汪汪的…簡直是…稀流流…沒甚材料。又沒有果皮味…湯丸一般，跟超市買的雪藏湯丸無異。而糖不甩呢？只是在糖水中煮一煮過的糯米團，顏色白雪雪的……正宗的做法，是糯米團在糖漿中煮好一陣子，糖漿的蜜甜入味到糯米團，糯米團的顏色棕黃色，糯米團是煙煙韌韌的…這個…下一次到地茂，還是叫合桃露或芝麻糊，才最穩當。

呢間九龍城中式糖水老店真係由細食到大，記得細細個家人冬天好鍾意買椰汁燉雪蛤食，不過而家呢碗糖水都唔再喺餐單入面存在。今日又同家人去食糖水，發現佢地嘅餐牌同宣傳單張好靚又有新意，冇咁老土。四人分別點左以下糖水：薏米腐竹白果糖水，又香又濃，超足料，啖啖白果薏米，好下火，正！得傳統糖水店有售嘅桑寄生蛋茶，有啖啖藥材香氣，唔會太甜，蓮子好鬆化，係傳統滋味，聽講亦都係安胎良品。由細到大嘅最愛—蛋白燉鮮奶。呢個只有熱食係好食，又香又滑，完全冇實的的嘅口感，拎上台仲會晃幾下，冬天食完覺得好潤！糖不甩都好食，花生椰絲好幼細，唔會食落「索索聲」，麵團都好煙靱！想食傳統糖水，呢間都係不二之選，最緊要係性價比好高。

呢排天氣涼涼哋...食完晚飯去咗九龍城搵糖水食！今次就去咗呢間經營咗二十七年嘅傳統中式糖水舖 『地荗館』！數吓手指...原來對上一次嚟食都已經係差不多成8年前嘅事。今次再訪，糖水同甜品質素依舊無變！一様咁好食！而且價錢非常合理！我最鐘意食佢嚟呢到既合桃露...事關合桃打磨得非常香滑！我曾經去過多間糖水舖但係都無呢到咁好食。朋友就叫咗一碗蕃薯糖水！不但多蕃薯而且仲大大嚿好足料。跟以往一樣...呢到宵夜時段依然人頭湧湧...而且要排隊等位啊！

本身我麻麻地食糖水，其實係好甜，同埋甜品嘅消費都唔平。有啲出名嘅西式或者日式閒閒地都50元以上，就更加麻麻地想食。「今晚糖水？」呢條問題我開始搵到答案，除左係想同朋友傾多陣計，我都想食唔同嘅傳統糖水，三十元內都可以接受。呢次朋友帶左我去佢地頭九龍城，對我嚟講，九龍城有兒時回憶，不過只限某兩條街。我初初真係被佢個名呃咗，地茂真係以為係地茂咁有風味。最鍾意呢類傳統店，總算朋友無帶錯。完全揀唔到，由於朋友同我都愛芝麻糊，所以我要諗多個，頭都大埋。芝麻糊（$22）另加兩粒湯圓（$7），正呀！佢唔會好燶，芝麻味濃同算係結，唔太甜都ok。湯圓係芝麻味，正常。椰汁黑糯米（$22），還可以，夠料，係淡左小小。

最鐘意去傳統甜品鋪食中式糖水絕對係我最愛的甜品唔使任何花巧野 唔使fancy賣相只需要做好傳統的味道🥣合桃露芝麻糊雙拼 | $24選擇困難症的我真係揀唔到合桃露定芝麻糊所以決定一次過食哂兩款!可惜太多芝麻味 合桃味就冇掟企芝麻糊味道香濃 唔會過甜 啱啱好但合桃露相對就比較淡 被芝麻味蓋過下次要淨叫合桃露先得不過兩款都好滑夠傑身😋明明已經叫左一碗糖水但見到餐牌有糖不甩 始終忍不住要叫埋🙈真係好好食😆丸子好軟熟煙韌微溫沾上花生椰絲真係好夾又甜又有花生脆感 丸子又有咬口幾時都話中式甜品最好味👍🏻👍🏻👍🏻

鐘意食芝麻糊,試過好多間,呢間都係頭幾位!!!!下午時間行過九龍城。。。基本上一定有位!! 目標清晰,坐低即叫。。。。。份量方面,不得不提,都算大碗,食過其他間有d可以好細碗!!!! 外觀係正常,望落都覺得足料"傑"身。。。。質感方面,人人口味唔同, 呢間食得出一d芝麻小粒,唔係好似水咁稀,好滑得黎,係有d質地,甜度okay....唔算太甜。。。性價比黎講,估唔到呢到都算便,市面有好多都上到$25。。。仲要勁細碗....行過都一定會再食....

周末到九龙寨城公园玩，顺便来喝碗糖水。很喜欢这里的核桃露，很细滑绵软。小朋友喜欢这里的榴莲班戟，对我来说太甜腻了。我还喜欢这里的芝麻糊。总之这家店除了交通不太方便（不靠近MTR，开车过来也很堵）以外其他都很满意。

星期五留喺屋企食住家飯，但食完飯想落街散散步，最後竟然即興去左九龍城食糖水。九龍城云云咁多間甜品鋪，我當然有喜好啦，當晚天氣稍涼，最後決定食熱嘢。地茂館甜品以中式糖水做主打，夜晚10點入面座無虛席，好旺場。熱紅豆沙（$19）加芝麻湯圓（$7）久違了的傳統味！紅豆沙滿滿一碗好足料，加兩粒芝麻湯圓，其實好飽肚架！合桃糊拼芝麻糊（$24）雙拼只計較貴個價錢，呢碗糊味道好濃郁、又香滑，正！天氣開始凍，呢度絕對可以比到份溫暖我呢！

金枕頭榴連班戟期間限定 當然係夏天食最正啦😋一黎到已經包裝好既班戟打開盒 榴連香味吾算太濃而且咬落發現 cream仲多過榴連😭榴連肉係吾錯😋但如果比例可以做到1:1 會更加好☹️-紅豆馬豆糕 ($6)上次黎食仲係$5 眨下眼又加左價不過好食 就冇計啦哈哈🤤用料又足 椰汁味尚算足夠雖然係痴埋一齊食 但兩者吾會話搶左另一款既味道👍🏻宜家出面既新式甜品店好難再搵到依種傳統滋味😢希望繼續保留住啦🙆🏻💗

偽文青去九龍城「茂茂」先😎😂平時就食合成多 今日就試下第二間 去食地茂館先😊有傳統中式糖水 亦有西式甜品班戟 同樣值得一試 而且價錢合理 經濟 食多幾碗 幾個班戟都仲得啊😂**如果唔怕肥的話🙊腐竹薏米白果糖水 足料薏米白果 又唔會太甜 剛剛好 *但又一兩粒白果苦苦地😅芒果班戟 厚切芒果 香甜🤤香蕉班戟😍來佬香蕉🍌 香蕉控必食 最愛😄食過翻尋味😂好想再食香蕉班戟！=========================緊貼三個90後吃貨的美食推介，就不會錯過任何一個食好野既機會😂-三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_九龍城美食推介=========================

話說我由細到大都住九龍區，細細個就開始食哩度。又話說好耐無黎食，成年幾無黎食，都係跟他黎食，甜品依舊keep住高水準，價錢亦非常okay 無錯！佢舖頭係翻新左，不過餐牌依舊，只不過係美化左，令到個環境更舒服，乾淨企理傳統得黎，店入面其他嘅餐牌設計都色彩繽紛，好得意，坐喺度好舒服原盅燉木瓜燉雪耳，潤得黎養顏之餘又可以有豐胸作用呀雪耳燉同木瓜都燉得好淋，加上糖水甜度適中，唔會太甜亦唔會唔夠甜加上仲有好多南北杏，好爽口蛋白燉鮮奶，度度嘅中式甜品舖都會有，不過整得好味嘅真係少至又少咖！哩度燉嘅好有奶味，又滑，而且唔會好散佢地嘅餐牌詳細認真寫上甜品製作過程，用心出品九龍城必食