地茂館甜品

營業中

休息中

呢間位於九龍城嘅糖水老店，主打各款中式糖水同甜品，而糖不甩同湯圓就最出名！價錢亦好親民，一於試下佢！💕軟滑糖不甩 $1717蚊有八大粒，幾抵食！上枱糖不甩仲係熱辣辣嘅，每粒都飽滿圓碌碌，賣相吸引👍食落口亦都好煙韌！花生碎亦都做得唔錯，夠曬細碎，加埋食好有口感！💕芒果涼粉 $26芒果肉份量幾多而且夠甜，芒果汁濃厚！涼粉亦夠滑整體呢個價錢質素真係唔錯，雖然坐得比較逼狹， 但都幾值得食！

地茂館甜品是九龍城區頗有名氣的老字號糖水舖，主打傳統糖水。隨著五花八門的新派甜品舖迅速發展下，要面臨越來越多競爭對手的挑戰和威脅，地茂館開業接近三十個年頭仍然屹立不倒，皆因甜品用心製作，保持水準，且價錢實惠！餐牌設計保留傳統特色，但沒有老舊的味道。餐牌加插了不少插畫，圖文並茂，還解釋了製作程序，更搶眼奪目，令人耳目一新！雖說是傳統糖水店，但除了傳統甜品外，也有西式甜品可供選擇。星洲喳咋 ($23)喳咋很足料，有腰豆，鷹嘴豆，眉豆，赤小豆，扁豆及芋頭。所有材料皆烹調至質感軟綿，吃下去有起沙的感覺。

可能太早食完晚飯，覺得口痕痕，於是同老公再搵個地方食糖水。星期六日鋪外有好多人排隊，但今日可能係平日既關係，人唔算多，一入鋪即刻有位坐。老公食湯圓，我就食芒果涼粉。我諗等左三分鐘就上齊，速度好快！是芝麻湯圓，老公講好味，連湯都飲哂！一放低，要即刻拎匙更食啖先！因為滿到瀉🤣 要不斷畢返側面d芒果汁，芒果很香，是新鮮芒果，芒果汁是用芒果打溶，涼粉都好爽口，芒果同涼粉既比例好好，一口涼粉配到一兩舊芒果對於芒果迷，很滿足。

夜晚食完飯梗係心思思想食糖水冬天又梗係最岩食中式傳統糖水💕中式糖水 價錢十分街坊一心就想食呢個豆花核桃糊生磨既核桃糊質感岩岩好 飲落滑口 香豆花就成配角 haha呢個糖不甩推介!湯圓熱辣辣煙韌韌！花生碎夠細！好味朋友叫既芝麻糊係核桃糊隔離就被比下去 哈哈仲有個芒果班戟 始終係傳統糖水鋪 食番傳統野好d

之前早已經聽過九龍城有間好出名嘅地道糖水，所以上星期難得同班friend經過九龍城，就去咗呢間地茂館，試下唔同嘅特色糖水。入到去，我地一行三人就揀咗糖不甩、芝麻胡、杏仁胡同埋桂花薑湯湯圓，可能我地嗰日食野嘅時間比較早，落咗order大概5分鐘啲糖水就到齊。糖不甩口感幾煙韌，食落唔會好似食緊一大舊粉咁，再加上佢呢個平民級數嘅價錢（17蚊有8粒，仲有全部都大大粒），我個人嚟講幾推介試下糖不甩。另外個桂花薑湯湯圓都唔錯，非常足料，桂花薑湯襯托芝麻湯圓，食落唔會話太淡或者太甜 ，而且價錢都係17蚊，值得推介。不過芝麻胡同杏仁胡就普普通通，食落都幾smooth嘅，不過我自己就覺得無乜特別，可以試下其他特色本地糖水。總而言之，呢個價錢喺香港地都好難搵到第二間好食過佢嘅中式糖水。

除咗鍾意食雪糕，窩夫，西式甜品，其實我對中式糖水都情有獨鍾。以前細個讀書好鐘意成班同學放學後落九龍城食串燒食糖水，真係要講翻句，地茂館我細細個就食過，食到而家第二代傳人接手都仲食緊😋呢到嘅裝修咁多年都冇咩點變，知道佢有翻新過，但就保持住原有嘅設計同枱櫈。價錢上都好似冇乜大變動，佢地加價加得好慢，絕對係抗通脹系列。⭐️桑寄生蛋茶 HKD$23香濃嘅桑寄生茶，有藥材嘅甘香，甜而不膩，呢排瞓得唔好，飲桑寄生啱哂，佢有安神養心嘅作用，有助睡眠。⭐️木瓜燉雪耳 HKD$30清甜滋潤，仲有養顏作用。木瓜入口即溶，雪耳都燉到好林。嚟呢到為嘅除咗係嗰陣熟識嘅舊式糖水味道，仲有回憶，人情味，同埋好欣賞佢地上下一心對堅持嘅執著。

因為飲食習慣，我是比較少吃甜點，平常人所接受的糖度，對我來說都太甜，所以偶有甜品試味，我也不敢如何點評，始終對方首先就不易打動我。地茂館，成名多年，已不知多少年前已經營於此，多次路過不入。今天不知那裡來的勁，想來一點甜。坊間我所嘗過的糖水舖都沒有好感，有一間尖沙咀名店，紅豆煮時太早下糖，結果口感其差，居然能厚臉皮奉客。又試過有店以砂糖調味，只有死甜。再者業界都知道，糖水都可以叫貨，能叫醒人的味蕾嗎？今天第一次來到地茂館，晚上十點多了，人不算多，但也算滿座，人走人入，不乏人氣。我點的是合桃糊，原因是坊間太多開粉，再兌粘米，這店賣得比一般貴，想必認真。不用兩分鐘就來了。敢於用熱水陣坐熱等客人點，自然流轉得快，必定新鮮。有不是店家都煮好以微波爐翻熱，感覺就是那麼不一樣。再談味道，俗套地說，完全打動了我，也推翻了我的偏見，原來世上還有有心的糖水店。首先甜度就沒有多餘修飾，剛剛好，有好些店就想以甜來掩蓋主料的不足。而這裡的合桃露，首先濃稠度就很對了，糊口的感覺緊密地貼著味蕾，合桃味沒有被其他任何東西奪味，就像滿口合桃一樣驚艷到我。而當中的甜謹謹流過，猶如綠葉在點綴合桃一樣，主副有序，各司其職。其

係九龍城食完飯，想食啲甜嘢，係呢頭附近讀過書嘅朋友，推介我哋食呢間中式糖水舖嚟到門口已經好多人！不過好彩等左無耐就有位冬天滋補系列🍐我係鮮奶燉蛋白嘅die heart fans😄天氣凍凍地就叫左個熱嘅！好滑呀😌好好味！有朋友叫左凍嘅，但試左我嗰個都話熱好啲腐竹雞蛋糖水☺️都好好味！腐竹薏米都好足料！朋友仔都話芝麻糊好香好滑👍🏼朋友仔話楊枝甘露都幾好食，下次我都會試下叫😁😁😁最後我地叫左紅豆馬豆糕🥰好軟滑！我個人超鐘意上層個紅豆！好好味！！！！推介大家可以試下！

對於有駕車的朋友來說，晚飯後的活動，可能是駕車去吃個糖水，然後再諗下場。九龍城是一個吃糖水的熱門地點，不少駕車人士都會前往該處，行車甚為緩慢。為了避開車流，所以去了福佬佬村道的地茂館甜品。可能因為是知名老店的關係，所以在晚上9:30後仍有人在門口自覺地排隊 (但也有些不守規矩的福佳，不排隊就直入鋪頭，無視秩序﹗)在等了一會後，終於能入鋪吃糖水。餐牌上有數個推介項目，其中一個是補腎合桃糊﹗﹗正所謂「好腰好腎好男人」，所以不論男女，為了自已或伴侶，都應該點一客補腎合桃糊吧﹗合桃補腎其實是中國古代的智慧，根據《本草綱目》記載：核桃「補氣養血，潤燥化痰，益命門，利三焦，溫肺潤腸，治虛寒喘嗽，腰部重痛。」核桃歸腎、肺、大腸經。既補腎陽，又潤腸通便，還可治寒虛喘嗽，對尿路結石也有效。核桃能溫補腎陽，能強健腰膝，經常夜尿頻多、腰膝酸軟的人群也可多食核桃。究竟吃過合桃糊之後，能否收到補腎之效？ 嘿嘿.... 試下你咪知囉..... 

久不久都會落來食下甜品，中式糖水永遠食唔厭，今晚六時半到達，以為大家都食緊飯冇咩人之際，原來都坐滿人！叫左兩個秋冬進補燉品：生磨杏仁蓮子百合杏仁味較從前淡唔係幾食到百合，蓮子食得出質素差左川貝茅燉馬蹄川貝少到幾乎搵唔到話燉足三小時，似乎未夠火候！希望下次來會進步番！

食咗好多年尋日再去食覺得好似稠咗好多又唔夠熱希望有待改善我一直都只係食芝麻糊好朋友就食合桃糊佢話好好味好香濃其實係咪急到都未坐定服務員就企喺度問你食啲乜嘢其實抖下氣都得啩感覺上我食芝麻糊咁多次今次係差咗啲

九龍城什麼最出名？當然係傳統美食！每次黎九龍城都特別愛食泰國菜，而今次就想試試其他，就係食糖水宜家既糖水款式愈黎愈多，如心太軟，綿綿冰等，而難得媽媽有興致食糖水，於是決定帶佢黎《地茂館甜品》，一邊食住傳統中式糖水，一邊細說過去。由於我地係晚飯時間來到，所以人流不多，坐得非常舒適，而糖水既選擇亦很多，主要係養生滋潤功效，非常健康，真的第一次食糖水感覺不會肥，沒有罪惡感呢，哈哈！最後，我地一行三人點了香滑芝麻糊($23)，補腎合桃露($25)，桂花薑湯芝麻湯丸($17)同軟滑糖不甩($17)。由於芝麻糊跟合桃露係生磨，所以食落特別香滑，感覺食完後皮膚會變好，特別養顏而且用料十足，食落不會太稀，價錢只係二十元多，就能食到一碗裝得滿滿而用料豐富既糖水，真係十分抵食另外，桂花薑湯芝麻湯圓亦很推介，由於芝麻湯圓味道較甜較濃，但配合淡淡的桂花薑湯令整個甜品不會太膩，配搭很好！而糖不甩亦不簡單，粒粒又大又圓，形狀均一，而且有八粒咁多，又一抵食推介！！！吃完後，完全感受到呢間糖水店的用心製作，價錢完全不貴，而且用料豐富，絕不馬虎！怪不得在香港遠近馳名呢！下次一定會再來！l will be back

見今晩涼涼地過開九龍城個頭，於是去咗「地茂館甜品」叫咗碗冰糖雪耳燉木瓜，簡單講係好好味呀🤤， 呢度嘅燉品絕對唔求其，原個燉盅放入蒸爐燉製甜品不在話下，材料更係豐富😋 啖啖膠到爆嘅雪耳，仲有香甜嘅木瓜肉，加埋清潤嘅冰糖水做膽😍 突然覺得塊面滑左添🤗

呢間甜品我食過1次，覺得好好食，今晚再去食多次冰花燉鮮蛋，蛋味極濃，而且非常滑!!好食杏仁蓮子百合，呢個都好正，而且杏仁係生磨，食落去好糊狀，好香！蓮子同百合大大粒

很久很久以前，到九龍城必定到大良八記。我喜歡的是傳統中國糖水，西式，許x山西米撈之類也不是我的茶。中式糖水有講手工講藥療，吃得比較安心。亦因如此，喜歡的就不單是味道了。這裏的選擇甚為正路傳統，標榜手工。用我點的合桃露和芝蔴糊為例，甜味適中。最見功力和質素，是非常結身，不是水汪汪，在口中可以感受到濃濃的味道又幼滑的口感。至於另外的豆腐花就比較普通，不太滑。下次會再來試試其他中式糖水如蕃薯糖水，腐竹白果糖水等。