地茂館甜品

營業中

休息中

最鐘意呢間糖水店；行過九龍城都中意去呢間糖水店食糖水，自從店面菜單改革後就好中意去，成日都好多人坐係個度。最鐘食椰汁黑糯米，次次叫都係佢，無得走，已經好少食到甘足料既糖水，良心製作，楊枝甘露都好得，值得一叫，份量好足，夏日炎炎最解渴同解暑，店面好乾淨好整潔，員工一得閒就會整潔木枱面，一致好評。一得明就會去食，最正係可以係觀塘叫過黎食，一解口痕。不過有次叫雜果涼粉，唔夠甜，唔夠味，有一次叫椰汁黑糯米，又甜到飛起🤦🏻‍♀️😂不過之黎叫個幾次就無甘樣失準了，希望keep落去，

無論幾遠都好 我都會特登去食 有時仲會一食就食2-3碗 甜而不膩 綠豆沙紅豆沙真係會做到起沙 外加薏米 打完邊爐想清熱一定要食呀！ 燉品亦都一流 可惜有時係期間限定 顧客服務冇因為係老店而唔招呼你 我個人覺得呢間甜品店係九龍區no.1

今日黎到九龍城食完泰國菜之後，由朋友帶去附近既甜品鋪食飯後甜品。朋友介紹呢間甜品鋪叫「地茂館」，已經開左十幾年，佢地做既甜品好有傳統氣息同埋味道唔錯，經常都有外地遊客特意過來一試。黎到鋪頭門外，映入眼簾既係外面超大餐牌，雖然話老字號，但令人感覺到佢好有自己特色，幸好今日唔使排隊，可以即刻有位入座。坐低之後，覺得補賢合桃露好有特色，因為唯一呢樣甜品好少係其他甜品鋪食到，而且今次係第一次試合桃露。等食既途中，見到鋪頭好多地方都有唔同特色既圖畫，好特別。合桃露終於上台啦，份量好十足，岩岩好滿一碗，而且很濃厚既合桃味，但味道唔太甜，恰當好處值得一試，而且價錢十分親民。

#double_甜品 #double_九龍城.【傳統中式糖水店】@地茂館甜品.上集#👧🏽👧🏻 帶咗大家去九龍城食泰國菜 食完當然要食啲飯後甜品🍮(🍎👧🏽中學時期成日嚟呢間 最鍾意佢個糖不甩～)－－－－－－－－－1⃣椰汁黑糯米 ($30) 黑糯米比例好多😆❤ 面頭有薄薄一層椰汁 較稀☹️ 芒果好甜🤤 味道偏淡 喜歡吃黑糯米的人必定要點！⭐評分：7.5/10.2⃣蛋白燉鮮奶 ($25) 凍唔～蛋白好滑 鮮奶味吾係好強 凍食都唔錯喎🤓.⭐評分：7/10.3⃣糖不甩（$17）一碟八粒 Size一口一粒 煙韌軟滑 花生碎很幼細 好香👍🏼👍🏼⭐評分：7.5/10－－－－－－－－－其實間唔中食下中式糖水都唔錯 起碼感覺吸收嘅卡路里會低啲呀嘛🙊

經朋友介紹下得知九龍城有間出名懷舊式的糖水鋪。一場黎到絕對要黎試一試九龍城條條路都差唔多咁都係經open rice搵到個地址黎到lu夏日熱辣辣，緊係要食返碗冰凍糖水朋友推介我食蜜瓜西米露就一於試試啦平時食芒果西米露就食得多啦蜜瓜西米露就真係第一次食真係大鄉里蜜瓜有真蜜瓜味仲有粒粒既蜜瓜添甜度剛好，唔會太甜，西米十分足夠都只係$21，好親民既價錢呢出面大部分都接近$30了最緊要佢係好味仲有好多中式既甜品糖水下次黎九龍城再黎試其他

係九龍城食完lunch , 仲想食份甜品，周圍行左一陣，黎左呢一間“地茂館甜品”，係一間中式甜品鋪。成日都食西式甜品，轉下食d 中式嘢，好似幾滋補(年紀大, 開始養生😚😂😂😂😂) 鋪頭裝修同埋 d 碗碗碟碟都係比較中式，幾特別。叫左份熱既 芝麻糊湯丸，份量合量，芝麻味好濃厚，湯丸口感煙韌，整體唔錯 。朋友都幾鐘意食。平時比較少食熱或暖嘅糖水，不過呢碗都接受到之後我地間唔中都叫呢間外賣，因為覺得水準都還可以。

同老公食完正餐，可能天氣太熱，老公提議飯後糖水我呢個甜品怪梗係舉腳贊成啦行過隔離就見到地戌館，老公話呢間中式糖水幾好架，咁我地就入咗去幫襯一下我嗌左個腐竹薏米白果糖水，老公叫咗蛋白燉鮮奶其實味道來講呢，都唔錯嘅，因為我嗰碗薏米唔太甜，甜度剛剛好👍🏻而且啲薏米有好多，鍾意食薏米嘅人簡直非常好！不過白果都好多，只係有一點扣分嘅係......啲白果好苦我食左三四粒到，以為唔係好多，但我最後都係筆起晒冇食到🙈因為真係太多而老公嘅蛋白燉鮮奶我偷食咗一啖，就覺得一般般啦

九龍城食完泰國菜宵夜好自然地搵甜品收尾，朋友帶路黎咗呢間野，似係主做中式甜品然後佢想食既黑糯米賣曬楊枝甘露 $29研究咗menu 好耐最後大家都叫咗楊枝甘露，好普通既野，但因為而家好無聊要打下字。食落無主做特色甜品舖果啲咁結，芒果肉份量都接受到而且幾甜，外面舖有啲西米係脆口但呢個係軟淋淋，啖啖都有柚子肉成碗野都接受到，唔會甜到糖尿但離好食仲有啲距離呀姐方面，果陣我地都幾夜黎食食食下啲呀姐都好有禮貌問可唔可以埋單先，坐就繼續坐無問題係愛呀

放假到九龍城走一趟購物，回家前想找間店鋪吃甜品和歇歇腳，才發覺九龍城的甜品店鋪數量少了！經過一間頗新的甜品店鋪門前，看看水牌發覺每款價錢都介於卅十多到四十多元，心想也許會是好好吃吧！？同行朋友不太願意幫趁，我們又繼續行，終於又行番到地茂館甜品，大家都似有默契的，一同推門入座。實而不華的凍芒果西米露多芒果，中式芝麻湯圓都好啱心意，熱騰騰甜湯不會過甜，甜得剛剛好，如果多些薑就更完美，人均消費$22.5都算抵食！                              

假日去九龍城行一行,食下野,也是不錯的。九龍城除咗泰國餐廳，亦有很多不同的餐館。一個九龍城,已經有很多甜品舖,飯後甜品好像已成習慣，我比較欣賞傳統的甜品,今日途經地痞館甜品,發現人少少,即管入去幫襯一下。叫咗個生磨芝麻糊，水準可以，芝麻味足夠，不太甜。在食飯中途,見到餐廳d員工將芝麻糊放在一個膠桶再拿出來,雖然明白很多甜品店也會將甜品放在膠桶內儲存儲存，但親眼見到覺得怪怪的見到有榴連甜品，下次一定要試試。

好耐無過黎九龍城，先知地茂館茶餐廳搬左去隔離街，不過今日唔係黎食飯，係食糖水好好彩，今日到糖水舖唔太多人，即刻有位有時幾怕去d太多人排隊既甜品舖，人逼人，食完想同d朋友坐下傾下偈，都怕出面有人等枱阻止人做生意，呢度假日午飯後，人流唔多，自然坐得都舒服d蛋白燉鮮奶有時食燉鮮奶，面頭有層水，呢到無睇得出唔係擺左好耐，蒸完又蒸嗰d蛋白加鮮奶香濃，鐘意食甜野既，會覺得夠甜芝麻糊，無試，朋友話ok九龍城人流好似比以前少左，岩哂d想食好野又唔想排隊既人！

九龍城食過幾次中式糖水都冇咩好感，醒起朋友話過地茂館既楊枝金露唔錯，睇完其他食評見出品都幾靚仔，就行幾個街口黎試下啦。入到門口見幾個人由收銀處開始排隊，由於入口只有一個身位，不其然隨後企左一陣先發現係排緊隊入座，等左幾分鐘先有位。生磨芝麻糊 ($23) 加芝麻湯圓 (+$7)近乎滿瀉既表面張力最令人心猿意馬，標榜生磨既芝麻糊並冇令我失望，幼滑得黎仲食到黑芝麻幼粒，濃稠唔似芡，而係有如whipping cream發起後既層層疊狀態。可惜甜度同香度都爭少少，係芝麻湯圓餡料既映襯下，更加顯得索然無味。蛋白燉鮮奶 ($25)水潤嫩滑如蒸水蛋，同傳統燉鮮奶相比的確較易入口，但蛋味奶味都淡到好似維他奶咁，唔太夠喉。由menu既字體同碗碟既設計都有種新派既感覺，環境幾光猛，但繁忙時間要坐一邊卡位。整體而言都係水準以上，係九龍城呢個中式糖水沙漠，下次黎食泰菜都有機會再訪。

食完晚餐當然要食甜品九龍城最多甜品店見依間環境不錯點了芝麻糊大大碗好好食芝麻糊好香滑有好香的黑芝麻味值得一試朋友點了燉蛋白佢都讚好好食好滑溜 ~食完好飽肚, 過了一個滿足的晚上

呢間鋪頭應該開咗好耐我10幾年前已經嚟食最鍾意食佢嘅蜜瓜西米露雖然聽起來係一個好容易整嘅甜品但係要做到蜜瓜爽口又甜夠晒新鮮，唔會係雪左好耐嘅感覺而且啲西米露粒粒都晶凝通透而且咬落去係有口感唔會太淋整體嘅味道唔會好甜加埋一齊就係幸福嘅味道

去開九龍城買泰國嘢，梗係來朝聖依間中式糖水啦，九龍城冇人吾識佢，叫地茂館，平靚正，最出名係中式既糊糖水，梗係叫返碗熱嘅合桃露，又香又滑、非常香濃嘅合桃味，吾係沖粉的食完好飽肚，大大碗都係＄24，出邊買少見少，每次去九龍城都會幫襯一碗