地茂館甜品

營業中

休息中

去九龍城除左食清真菜、泰國菜當然唔少得係去食甜品!所以我地食飽飽正餐後就揀食咩糖水喇~之前通常都去合成食蓮子, 今日想去下好耐冇去既地茂館。對上一次已經唔記得係幾多年前LU, 記憶中係幾好食既!於是今日去到, 我點了合桃露,紅豆馬豆糕, P大人就點左腐竹薏米白果。合桃露 - 幾年前我鍾意左食合桃露呢樣野, 幾年黎都食過好幾間出名既合桃露既甜品店,而今日食地茂館呢一碗我認為係細滑既, 合桃味亦濃, 但如果再"杰"身一D我會鍾意多D~腐竹薏米白果 - 清清地, 正正常常, 唔差。紅豆馬豆糕 - 原來係咁既樣, 分開兩層, 口感OK, 唔知係咪食完糖水先食呢件野, 覺得淡左D。總結: 地茂館KEEP得幾好~得閒再去幫襯下!

第一次食，本身想食芒果pancake,不過賣哂，最後買左芒果黑糯米同芒果西米露，共$50，佢比起某九龍城糖水鋪量少一半，當然價錢都平d, 但我覺得只係一般，有d水，味道唔夠濃，應該唔會再買，不過個pancake會再想去試下

冬天是火鍋和糖水的世界。難得來到九龍城，當然要拜訪一下名字響噹噹的地茂館，雖然老實說我也是第一次光顧。侍應推介生磨杏仁糊，內裡有蓮子和百合，既然推薦，我就嚐嚐。杏仁糊－吃的出不是沖粉的貨色，而且帶有淡淡的杏仁香，加上蓮子和百合，煮的時候應該沒有放太多糖進去，整碗都是淡淡的甜，一向都知道中式糖水是減肥大敵，但面對寒冷天氣，有時候也只能暫時投降，不會死甜已經要感恩了。合桃糊－入口綿滑，充滿合桃香味，口感濃郁，也不是太甜，加上兩粒黑芝麻餡湯丸，但黑芝麻就偏甜了。兩款甜品都是中上品質，地茂館一向出名手工甜品，而在香港這個保持傳統的店舖也買少見少了，喜歡傳統味道的，可以去試試。

杏汁蓮子白合加芝麻湯圓1）杏汁一般不算香濃2）蓮子及白合亦太硬，不太入味3）芝麻湯圓表皮煙韌，函料亦有芝麻香甜4）餐牌及美術設計都不錯，不至留到舊顧客更吸引年青冬日來吃碗甜品不錯

食完晚飯行過見到決定係meeting後再黎食呢度既中式糖水見menu佢個蛋白燉鮮奶幾吸引舉手落單時原來同行友人大部份都叫呢款等左陣就上枱原盅燉原盅上口感細滑充滿鮮奶味但又唔會話羶甜度適中同行友人叫左湯丸同木瓜雪耳糖水湯丸芝麻餡，一碗有五粒木瓜雪耳糖水更係有張紙包住上面寫明原盅燉保存到水份及原本味道

由細細個開始幫襯，一向食開老餅糖水，有小朋友叫咗一份芒果班戟，意想不到，原來好好味！還以為係交貨返嚟既批發貨，問問老細，原來係响舖頭自己手造的！蛋皮好香，芒果甜又多，cream 好滑淡淡的！味道不會太甜！我食完一碗糖水，都忍唔住食咗一件！下次去食糖水既朋友，可以叫一份share圖影得有點衰，不要介意。

進入秋冬季節，就很想念傳統糖水，上個月幫趁過地茂館甜品，今晚吃過晚飯，順路又到地茂館甜品，順便又吃吃甜品。$23熱鮮奶燉蛋，亮亮滑滑的不太甜，很有滿意感。$21椰汁黑糯米糖水，稀杰度適中，甜度稍遜，甜多一點點就更好。

最近每星期也會在九龍城出沒一次，好自然又走咗去地茂館，因為自上次食過那盅足料燉品之後就愛上在甜品店門外有個宣傳牌，介紹"杏仁蓮子燉百合" , 初次去都係因為見到依個牌所以入去食店員拎住盅被紙蓋著的燉品上檯，即刻撕走D紙同埋開蓋(快到我都未準備影相就拎走埋)，即時聞到淡淡杏香味驟眼望是白皚皚，但當用湯匙攪兩攪便知道係正野蓮子百合好鬆化，南北杏比例剛好，沒有一點苦澀，杏香味不會太濃，甜度適中

從小就來吃糖水，最近老板退休了，換了第二代來接掌，但品質仍然貨真價實，味道一點也沒有退步。我喜歡吃他們的榴槤班戟，可惜今次過了季節冇貨了，只好吃芒果班戟補數，但一樣美味非常，另外我也order了合桃露和薏米白果，taste good too。跟老闆閒聊了一會，聽得出他很用心經營，很喜歡在九龍城吃東西，支持那些用心經營的小店

秋天終於來臨，乾燥又涼爽。🍁🍂到九龍城食畢晚飯後意猶未盡，與朋友再去食中式甜品！除了傳統中式糖水外，還會按時令季節推出甜品～秋季有原盅燉製杏仁蓮子百合及川貝燉馬蹄～合桃露 - 合桃補腦又有益心臟，所以中式糖水中我尤其喜愛！入口滑溜，合桃磨得細膩，味道濃厚亦帶點微香氣！涼涼的天氣下食，可以暖暖身～川貝茅竹燉馬蹄 - 秋風涼當然要叫番盅潤一潤～飲落清甜舒喉，馬蹄爽口，紅蘿蔔軟綿易入口～

上星期五，食罷蠔宴，三位久未見面的朋友自然嫌不夠，去附近找甜的慰勞第二個胃，因為朋友想食中式糖水，九龍城純中式的甜品店，選擇不多，大概也是合成和地茂館之爭，因為上次俾湯丸嚇親，最後揀左地茂館。星期五晚等候客人比較多，大概等了十分鐘左右就安排入座，十分鐘大概可以望望門口掛著的大型餐牌，先想想待會吃什麼。我哋決定左叫星州靚喳咋（冷熱同價$21）喳咋當然是點熱食，可以見到呢一碗糖水並沒有偷工減料，只差一點點或服務員手震必定滿瀉，臨上枱前再放上椰奶。喜歡食喳咋的朋友，大概都是因為一碗有齊不同的豆豆，這兒的出品，豆量是屬於非常非常之多，而且亦都唔會煮得太淋身，留有適量的咬口，伴著椰奶香，非常滿足。至於溫度方面，是適合入口又不會過凍。另外叫了一客軟滑糖不甩 $15一客有八粒糖不甩，份量都算幾多，質感彈牙帶QQ的，雖然用糖水煮過，但味道不會太甜，可以根據喜好加埋花生碎一齊食，少少脆更香口，的確係招牌！雖然是小店，但看得出食物有堅持，對得住價錢，喜歡舊式糖水的朋友大可一試。

呢排食得熱氣野多，最岩去地茂館甜品食番碗傳統糖水。今期秋天系列推出左杏仁蓮子燉百合~ 南杏，北杏磨成汁，濃香細膩，口感順滑，再加上蓮子粒粒飽滿，已去蓮芯，味道溫和，滋補養生。秋天點可以唔飲番盅川貝竹蔗燉馬蹄，清甜潤喉一下，而糖水既甜全由竹蔗燉出黎既蔗糖甜味，馬蹄清爽，健康有益。合桃糊一定必叫，入口細膩絲滑，永遠都可以磨得咁細緻，絲毫不見渣滓，合桃味濃烈👍黎親都未試過綠豆沙拼豆腐花，所以試下，不過我都係鐘意綠豆沙還綠豆沙，豆腐花還豆腐花。綠豆沙應該有用香葉煮，所以甜味唔同一般，不過有啲水，豆腐花唔算濃黃豆味。

看完電影搵甜品食，懷舊起來走到九龍城，去了地茂館。合桃露湯丸味道傳統，夠哂黏稠，湯丸係花生醬餡料，幾腍幾滑。食完傳統食新派，榴櫣班戟，非常有榴櫣香，肉都唔少，無得食新鮮榴櫣的時候，頂住癮都好。

芝麻糊非常滑嫩，價格合宜，加蛋，蕃薯，薏米白果，蓮子等等，都係一律4圓正。地方簡潔光猛。poster 很有文青感覺。甜品製作很有效率。九龍城區，服務算很好了！真的可以行過來感受一下。

自小時候已光顧的中式甜品店，換上隠約新裝後令我忍不住為它寫份小食評。今次來到我點了墩鮮奶，豆花合桃露和榴槤班戟。墩鮮奶依舊奶味香濃，質感幼滑。合桃露合桃味重，甜度剛好，又不會口感粗厚。豆花今次雖然只是配角，但仍能嘗到清香豆味。榴槤班㦸都算不錯，忌廉與榴槤的比例剛好，班㦸皮又不是過厚。食物不需無限創新，強烈刺激感官方為好吃。有時就是如舊的味道，嘗得到的回憶，正是香港人需要的小快樂。見到下一代願意接手，還對一碗一勺的設計如此用心，今次還讓我發現她們已將店舖申請列入為文化遺產。確實頗高興。