在家 (已結業)

心郁郁想食日本菜，幾經搜索後，知道有一家餐廳食物賣相唔錯。呢間餐廳位於舊式工業大廈頂層。一上到去，雖然一層唔係好大，但搵來搵去都搵唔到，仲唔小心差d入左個廚房，後來都搵到個正門。呢到價錢唔算平，平均要80蚊以上，小弟就點左個角切魚生飯，味道不過不失，刺身尚算新鮮，其中三文魚都算肥美，全部魚生都切成細細粒，方便入口。主菜來之前，不得不提還有味噌湯，但最特別的係唔係普通的味噌湯，而加左龍蝦汁熬成，龍蝦味道好出，但有點兒鹹。呢個價錢來說，食物味道尚可，不過就有點兒熱，可能人多，唔太夠冷氣，食到一半開始出汗，建議夏天就到要加大冷氣。

6月4日，我們一行3人來吃，二人同點了旋風蛋鰻魚飯，另一人點魚生飯。吃了蛋飯那2人，當天六點，一人肚瀉嘔吐，行路也乏力；7點，另一人也出現肚瀉，十一點多已痾了十多次，痾嘔致頭暈要召白車送院，醫生堅持病人要留院觀眾。隔天出院，吃藥還是急瀉不止，於是往私家醫院求診，醫生同樣是建議住院😢。吃魚生飯那人，只分了一口蛋飯淺嚐，翌日也發冷發高燒和肚屙。其後兩人均出現發燒，發冷，標汗，肚痛跡象，有小孩的朋友形容那種痛是生小孩的痛。其后每天都屙十多廿次，最嚴重試過一天屙四十多次。到今天已第5天，我們兩位仍有屙嘔，無法進食，飲水也馬上屙。同時，從朋友口中得知，其5位同事同樣於上星期五5，6月1日光顧蛋飯，5人到6月7日仍然有肚屙（屙7日還未止屙），其中一名孕婦因為不能用藥，肚屙仍很嚴重，仍需要留院。有關食物中毒報導如下，本人句句屬實，絕無詆毀之意

6月4號我同同事喺在家食左旋風蛋鰻魚，個晚有一個同事就去左ER，我地都唔知咩原因.差不多凌晨，我自己亦都開始發燒肚屙想嘔.我高燒到39.5，持續3日，終於到今日好返少少，但係都冇力氣起身，一起身就頭暈.今日先有精力睇新聞，發現原來係因為鰻魚飯，另外一個未食鰻魚飯嘅同事就好d，其他食左鰻魚飯嘅都肚屙到想死....好痛苦....請左三日病假，近排又真係好忙，自己都覺得比另外的同事添麻煩...人生第一次食物中毒 sigh

我地同事一行9人book左呢間餐廳1230, 4/6。當中6人點左旋風蛋鰻魚飯，其他三人點左魚生飯。至接近放工時間，部份同事就開始來料，開始肚痾。我返到屋企亦痾左水數次，至半夜，全身發熱又畏寒，每15分鐘去痾一次水，連落床都沒力，成個人溫溫燉燉，成晚去左20幾次廁所。5/6睇左私家醫生，食左藥，但仍未止到痾，痾水既周期由15分鐘去到個幾鐘一次，6/6繼續call sick 係屋企休養。同事有兩個入左院，呢個野原來係2/6已經開始有人食物中毒，估唔到我地會成為下一批受害者。已通告衛生署，衛生署職員已告知會聯同食環做野，我好少寫食評，廢事寫臭人地阻人搵食，但呢個食肆真係要注意下衛生，錢你收左，提供安全食物係好重要。唔係你只會影響到食客。

我個朋友連續食左3日，話繼續食都無問題，我心諗係咪咁癲呀，好啦，咁試下你。我地訂左台盡時到都要等，有少少失望。我無叫刺身類食物，因為好怕有伏。所以叫左旋風蛋炭雞飯，雞肉個汁好奇怪，蛋上有半個青檸，加埋落蛋度個味一d都唔夾，一個蛋飯賣$98本人覺得好貴。好在個度坐得算舒服，個度有少少文青感覺的。朋友話好食，我唔覺而且太貴，唔會再黎。

又一觀塘工廈餐廳 不過今次就食日本丼飯如其他工廈一樣內部裝修幾別緻這裡廚房跟餐廳是分開兩個單位食物都是從隔離傳送過來特別喜歡簡約木抬加上日系抬布 感覺好日式這裡地方較細 目測只有20座位 滿座都應該會幾迫幸好星期六中午只有我一抬客🙆🏻‍♀️獨享清靜環境餐單以日式丼飯為主有各式魚生飯亦有熟食如鰻魚炭雞🥄豆乳龍蝦湯超濃的龍蝦鮮味 真係好足料煮不過就略嫌鹹了一點🍳旋風炒蛋鰻魚丼 | $98蛋控是為這個而來🤩賣相💯 真係旋風形滑蛋 蛋控表示好興奮內藏燒鰻魚好淋好香 醬汁好味略鹹蛋+鰻魚+飯 一啖過食真係超正鰻魚的鹹香餸滑蛋飯 冇得輸飯底還有大量蛋汁😍輕易掃清整碗飯我會為旋風蛋再來💁🏻‍♀️🦐綜合海鮮丼 | $198雖然價錢真是不便宜但真是幾足料 多款厚切刺身 勁肥美亦喜歡有大量三文魚子 餸飯一流火灸左口裙邊 輕輕燒過令口感提升入口即溶油甘魚超肥美比起普通三文魚 我更愛火灸的微微燒過半生熟口感特別好 又有少少焦香甜蝦就一般不是特別鮮甜海膽不錯沒有苦澀腥味但不夠鮮味

What's more fun than #9looking at the industrial building? This is my second visit to the #secretive spot. I still haven't tried their signature #turnadoomlette rice, but the sashimi is tasty enough I keep coming back. For this price you might get something #mediocre in #central, but here in #kwuntong you get a slight bit more extra love with the saved rent. The four color rice is a summer special, and the green paste is a smooth #avocado paste. I can't quite fogure it out what they added extra,

服務生態度很差，明白午膳時間緊近，地方淺窄。我地一行三人，我朋友遲來及被·分配膠櫈給她坐，其閒不停被侍應生踢著，差點我朋友也被跌。我地一早便落了order，等了很久侍應生才發現，這樣一漏了單而令我們食得非常趕速，我地一未食完，侍應生亦沒有說一聲吾好意思，就趕著將我們的用具等快速收去。唉，我明白做生意立塲，做多一個round的利潤非常高，但也令顧及客人的感受，為何侍應生錯誤而令我地suffer今我們趕得咁樣。在這樣的價錢下連最基本的服務質素也沒有，與大排檔有咩分別，真的很失望的。

到達第三十篇食評，寫一間我覺得幾好咪，幾特別既餐廳。係官塘有好多工廈餐廳，cafe，有d地方係活化左既工廈，捐下窿拿，好多時會搵到正野。呢間係私房菜餐廳，一入到去間餐廳嗰間餐廳就比較細嘅咁，但係就環境好舒服用咗一啲木枱木凳，呢到好舒服而且餐廳都有一路播住柔情嘅音樂感覺係真係chill嘅我地叫左個龍捲風滑蛋丼仲有海鮮丼，其實價錢都唔便架，午餐一個丼要80幾蚊，加一，晚餐就更貴，但係係真係好味。叫餐時仲會送一碗湯，加送多一杯杞子茶比女士，其實十分體貼，亦都非常呼應到餐廳既主題在家，在家既媽媽辛苦了，所以可以帶佢地尼飲呢個湯同杞子茶補補身，sorry 男士們，這裡是女士優先：）兩個丼的飯量非常足夠，男士食都一定夠飽。明太子海鮮丼比起旋風滑蛋丼驚喜。滑蛋分量多，掩蓋正碗飯不過吃到最後會感覺有少少流。至於明太子海鮮丼非常好吃，魚生嘅味道鮮甜，不同的魚生配搭好夾。 但係我唔敢吃太多魚生，但喜歡吃日本野的朋友可以試試這個。總括而言這兩個餐也很好吃，吃完大滿足，不過價錢方便不算太便宜，畢竟只是兩個飯亦沒有包括飲料。

近来，官塘在脱變，起了很多甲級寫字樓，進駐了很多外資公司，連带人也多了起來，食飯時候，又貴，又難揾位，很多商人，睇準了這個時機，紛纷在工厦開了樓上餐厅鋪。在家。。聽同事講，呢間嘢d食物好得，打算lunch 去一下。餐厅位處於一坐舊式工業大厦，上到14樓，餐厅門口没有指示牌，店内地方不大。本來book 了位，但因為前枱客人未走，店員示意我們，先睇個餐牌先。一睇。。最平一個刺身飯都要120元以上，價錢一d都唔平，而後一頁，個韓式醬油蟹，要成199下，食個工厦lunch 要199？？唔係呀？仲要咁嘅環境？官塘仲有好多選擇啦。我叫咗個《帆立貝海膽甜蝦丼》($148)，睇相就好以好靚，但食落，刺身就唔係太新鮮，又腥，北海道帆立貝只得二片，3L甜蝦就有三隻，海胆就ok , 而炙燒過既玉子，都係好一般餐厅嘅貸色，不明前人為什么會說是大滿足。而同事就叫了旋風蛋鏝魚飯，她跟個說，個蛋好硬，鏝魚又不夠肥美總括嚟講，比成一百幾元，嚟呢度食個lunch ，唔係好抵，出面仲有好多選擇。

旋風鰻魚蛋飯上碟係一個賣相一百分用蛋整成既旋風，超高技巧將蛋捲成一座小塔, 加上玻璃汁, 蛋尤如絲咁滑，亦有濃厚蛋味, 打開入面係鰻魚，鰻魚有豐富既醬油味, 鰻魚係來爽脆的, 好有驚喜, 係必食之選味噌湯有昆布、豆腐、蝦，蝦味道濃郁但唔鹹。本身唔太好味噌湯, 但味噌濃蝦湯出色帆立貝海膽甜蝦丼刺身都算新鮮，北海道帆立貝, 甜蝦, 海膽加上炙燒過既玉子, 不過份量唔算多, 建議旋風鰻魚蛋飯較好吃記得要book定枱因座位非常有限, 座位與其他客既距離有點近, 建議座位可以闊落點, 給人舒服感覺。

肥髀生日晚餐，由爸爸負責，佢叫咗到會，包裝好企理，大紙袋，微波爐膠盒，再包保鮮紙，肯定唔漏汁！食物賣相靚！不過我唔知價錢！佢加錢送貨1.黑松露帆立貝刺身沙律配和風柚子汁：沙律菜🥗都係火箭菜，紅生菜之類嘅菜，肥髀唔喜歡，爽口無澀，帆立貝嫩滑，黑松露油幾香，油醋汁清爽！好味2.清酒蚊一口鮑魚：賣相好吸睛，鮮鮑魚雖然唔大隻，彈牙，清酒汁入味唔苦，好味3.古法蘿蔔清湯腩：牛腩件連筋膜，索晒湯汁入味，湯汁無澀味，好清爽，不過大件啲嘅腩肉有啲嚡，啲肉絲都黏牙縫！4.桂花白金嫩鴿：醬油乳鴿，自己對乳鴿一般，鴿肉唔嚡，索晒醬汁！醬汁唔會太鹹！好味！5.手撕烤雞胡醬撈手打烏冬：賣相靚，我平時都唔喜好麻醬，呢個雞又撈得幾好味，麻醬唔漿口，加上芝麻香，雞肉幾滑唔嚡，烏冬正常，都好夾麻醬味，好味！6.在家．海鮮拼盤：啲海鮮放滿咗海鮮（盤滿砵滿）牛油炒香蒜及洋蔥粒，配合海鮮好夾，蜆肉唔乾，連殻蝦開背方便食，蝦肉爽口，食咗蟹鉗，雖然無蟹身咁入味，好在蟹鉗夠實！粟米切件，吸咗香草牛油味，油香甜美！好味！7.頂級海鮮刺身丼：賣相靚，玉子甜蛋略乾，甜蝦爽口唔腥，三文魚、白身魚、三文魚籽都新鮮嫩滑！紫菜就淋咗，醋飯鬆軟！

Decided to try this new restaurant near my office this monday, feel lucky to make a booking in advance so I can be seated once I arrived the restaurant. The 'hurrican egg with chicken rice' is so yummy, the egg is just perfectly cooked and the chicken is 'smooth'!!! However the water they served is a bit weird~something like lime with water in worse way. And the price is a bit high for lunch.

論訂位、座位安排、服務、衛生（飯全是隔壁廚房弄好經過走廊辛進來的，但走廊是工業大廈，食物也完全沒遮沒掩的，有時侍應又會拿着食物大聲說話～），都完全令人生氣，看到menu，一個海膽飯細細碗在觀塘以這個服務竟然要$158，心裡很有被騙感覺，食物來到之前本來覺得一定沒有下次！直到湯來了，開始改觀，個湯有濃濃又鮮的海鮮味，不是一般麵豉湯，有點驚喜，到海膽飯來了，就真的連氣也下了，海膽夠多又肥厚，十分好味，所以那$158完完全全是海膽飯的，沒有服務或環境在內，只要好味不要其他的朋友可以一試。

上到觀塘工廈，穿過走廊，推開隱秘既大門，可以係一間在家既大廳食午餐，入面地方唔大，用左Open Kitchen，晚市會做私房菜。必然要點既當然係招牌《旋風鰻魚蛋飯》($98)，用蛋整到成個旋風咁賣相一百分，超考技巧落完蛋等一等就要整先有呢個效果，打開入面係鰻魚同沾滿左蛋汁既飯，一齊食好好味。仲叫左個《帆立貝海膽甜蝦丼》($148)，刺身全部都好新鮮，用上左北海道帆立貝同3L甜蝦，加上炙燒過既玉子大滿足。店名：在家地址：觀塘駿業里10號業運工業大廈14G