在家 (已結業)

終於有機會試到，食材新鮮！但地方迫咗少少⋯ 所以滿人個陣都幾得人驚（嘈）⋯ 食左個三文魚海膽飯⋯重有佢個湯好好飲，蝦味幾重，有驚喜吖！ 有機會都會再去試多一次，但可能早少少食好d? 一定要訂位

在家。Dining At Home有喜出望外的午餐鵝肝海膽丼 好食到超乎想像，一片煎香的鵝肝上面放上一大片海膽，海膽很鮮，入口有甜，好食。鵝肝的香和油加上米飯太好食，他們的壽司飯做得很好，粒粒分明，加上玉子的蛋香和 即磨Wasabi 的辣味剌激鼻竇，這樣子合起來，組成一個完美的丼。

近年觀塘有好多餐廳選擇，雖然在家位於工廈，但係餐廳裝修溫馨，好有家嘅感覺。今日食咗旋風滑蛋鰻魚丼，雖然午餐嘅價錢喺觀塘區唔算便宜，但係呢個飯嘅賣相同味道都好高質素，值得一試。

間唔時都會同同事嚟食晏，今次叫左醬燒明太子比目魚邊丼，好快已經有得食啦。明太子醬真係好好食，比目魚入口即溶，平日絕對食唔到一碗飯嘅我都清碗，唯一想提係價錢偏貴，間唔時食一次都ok嘅！

觀塘不單工業大廈林立，還是一個美食天堂，高手如雲。今天去 巧明街一工廈 參加好友的婚前派對 順便在這兒逛逛。朋友極力推介在 業運工業大廈的 ［在家。丼］上到14G 有點失望 因爲G單位好像未開門，敲敲門好像無乜聲氣，正想轉身離去之際，有員工出來禮貌地請我們再向前方走，完來正門在前面呢！入到餐廳 客人仍未坐満，因為我沒有訂位，店員問我可否坐bar枱，噢！其實我喜歡的。Today special S3 油甘魚、甜蝦、海膽丼 午市套餐，先來一個非常非常好味的餐湯，不是普通的味噌湯，他們加入其他材料，我感覺似龍蝦湯的鮮和惹味 yum 😋 個 「丼」實在太吸睛，色彩鮮豔，甜蝦大大隻，好鮮味，連蝦頭的部分也很甜美，玉子做得好好，配合壽司飯的醋香很平衡。海膽真是冇得彈，很甜很鮮，魚子入口卜卜聲，油甘魚份量也很足夠，我忘了食咗幾多塊😂好味。不消一會就整個丼吃掉了。這兒的名字改得很好， ，你用完餐便有這個感覺，下次一定會約好友來品嚐。

「在家」是一間日式私房菜餐廳，位於隱蔽既工廠大廈，我地坐舊式手拉鐵閘貨lift,開放式的，見部 lift一層一層上，好驚驚!早知唔貪快，等客lift。哩間食店必須預先訂位，只有幾張枱，經常爆滿，walkin 吾使諗。深木式家具，開放式廚房，好有家既感覺。晚市係私房菜。午市是日式午餐，$98～138。呢個午餐價位係觀塘區係較高，不過物有所值。午餐招牌菜有旋風滑蛋炭雞丼，滑蛋嫩滑重蛋味，賣相吸睛。加上青檸檬汁，味道清新。魚生亦係主打，全部都附上青檸，提升味蕾。牛油果粒粒魚丼，有三文魚，吞拿魚等等，新鮮肥美，配上牛油果，非常配合。😋炙燒星鰻比目丼，比目魚燒得幾彈口，鰻魚肉質夠淋！第一次見呢兩種魚既配搭，口感好好！飯又夠淋，呢個set都好👍！白吞拿魚海膽赤蝦丼，係採用白吞拿魚，肉質比一般吞拿魚厚身肥美，海膽無腥味不錯，蝦就普通，整體賣相同新鮮度都不錯。餐廳選用日本肥嘟嘟既米，飯味十足，大大碗，飯同餸都好多，非常滿足既一餐。仲有個日式蝦湯， 味道鮮甜。 一口飲盡， 唔記得影相！

今日係第二次來光顧呢間好有家的感覺嘅餐廳，原本同朋友2人想再試佢地信招牌旋風蛋炭雞飯，可惜店員話即叫即做需時而我地又趕時間，就點左另外兩款新丼。有驚喜嘅係佢地個牛油果溫泉玉子雞扒丼！雞扒粒好Juicy, 牛油果又好新鮮，配埋個醬汁味道剛剛好. 特別要一提嘅係佢地個醋飯好好味，味道酸中帶甜，仲有微溫配埋魚生配料真係好好味！另外佢地嘅三色魚丼真係好新鮮不過要提提大家如果book左位記得要提早出發，因為佢地樓下部等電梯都等左好長時間。

好耐之前已經bookmark佐要食依間野，但諗唔到依日竟然係頂住傾盆大雨咁去👉🏻👈🏻 一上到去原來只需打一打開閘門就係一間餐廳，感覺好似私房菜咁，環境唔算大但都睇得出有花心思去佈置，仲有投景機播住流行音樂，真係有比人係家好悠靜好舒服既感覺。.未上正餐前，先上了湯品，同埋香茅既茶，味道幾特別。未上菜前，見到鄰桌客人既刺身丼，都好吸睛😍 勁大pat海膽，下次要試下。.旋風滑蛋鰻魚丼 $98其實我就係衝住依個菜式而黎😍 靚到都唔捨得整爛佢🙈 一打開就係滿滿既鰻魚鋪係面😍 滑蛋真係好滑送飯一流 配搭鰻魚都好好味 而且佢既飯真係用佐日本飯 感覺黏黏的～ 唔好睇佢細細碗但真係好飽肚.鴛鴦鰻魚丼 $118每一份丼都睇得出好比心機整😚 原來鴛鴦係一半吉列一半炙燒鰻魚，鋪滿紫菜亦有搭蛋令到個飯感更加豐富。覺得諗到出吉列鰻魚感覺好特別，第一次食，咬落去真係脆身都有食到鰻魚味，但略嫌炸粉太厚。.總結又睇得又食得又影得，我會再去試其他😍 如果放工或者假日去應該會更好 因為可以慢慢談下心梳乎下😚

呢幾日落雨落到狗屎，都無阻我地出去食lunch 既決心，落到公司樓下，橫風橫雨，冒著下半身俾雨淋既風險，踏出左第一步，亦都豁左出去。係網上面搵到一間日本料理，對佢既鰻魚飯同魚生飯充滿住期待，果然無令我地失望。一坐底叫完野食，就有一杯香茅水同面豉湯，杯水飲落好似飲薑汁咁，幾特別。另外個湯唔會好咸，如果可以再熱D就仲好。鴛鴦鰻魚即係一款普通鰻魚同吉列鰻魚，吉列牛、吉列豬同吉列魚就成日過，但鰻魚真係未試過咁食，入口即溶，要食大嗒d先食到鰻魚味，最中意佢個飯，係用日本米，上面仲有少少飯素同紫菜，好夾，好味。個份量仲要唔錯，下次會再黎試下魚生飯

星期六又係要去揾好西啦一早book左哩間工廠區既日本餐廳我完全係俾嗰旋風蛋鰻魚飯吸引左作為一個蛋控又點會錯過所有同蛋有關既餐廳呢點知今日勁爆場，book左位都要等喔，無辦法啦，食好西需要付出既。。。終於有位俾我地，侍應都好有禮貌同我地講唔好意思，估唔到今日咁多人上黎食晏。我哋四個人嗌咗四樣嘢食，有牛油果角切魚生飯，漩風蛋鰻魚飯，白吞拿魚海膽甜蝦飯，溫泉蛋牛丼飯同埋明太子玉子燒，仲有冰果茶。由於所有食物都係即叫即煮，所以係需要啲時間既首先嚟咗個明太子玉子燒，我覺得都唔錯嘅，不過係凍左少少😝😝然後嚟咗個牛油果魚生飯同埋白呑拿飯，我都係第一次食白吞拿魚，又幾好味喎，我反而幾欣賞佢啲壽司飯嘅調味，酸酸地，好啱我既口味，個溫泉蛋牛丼飯好治癒呀，讀穿咗個溫泉蛋再撈落去啲壽司飯度，好match，不過呢度啲牛肉同我期望既唔同，我以為係燒牛柳嗰啲，但係原來同吉野家嘅牛肉飯一樣，但係哩度食要$138🤫🤫🤫🤫最後個旋風蛋鰻魚飯既賣想好出色，旋風蛋整得好滑😋😋😋最後杯冰果茶又出奇地好飲，茶味好濃，但又唔會過苦聽住呢度播既柔和音樂，再同朋友傾計，真係好有家嘅感覺

為左旋風滑蛋丼系列而黎架❗️❗️.有四款選擇，都是$98 我揀左鰻魚丼❣️（太趕冇影到入面既鰻魚🙈）落單後好快有得食，眼見個飯較細碗，不過食落係夠飽架🤣個旋風蛋真係好吸引呀😍🤤望見都好治癒❤️蛋好滑好好味😋入面有好多鰻魚，加埋一齊食好正！每一啖都有幸福既感覺😂如果多啲汁會更正！.自家製明太子玉子燒 $20雖然幾迷你，但20蚊都可以呀。呢個玉子燒都好滑好味🤤下次黎試下其他野☺️.Btw因為我試過夜晚去摸過門釘😫果陣店方話淨係中午先有得食丼飯（1200-1500）時間短暫，大家要注意呀，同埋座位吾多的。我地兩點幾去到，點餐上餐再影相之後，所以想影都兩張相都吾夠時間🙈最後得10分鐘暴風吸入個飯😂..

本人及8名同事一行9人，於2018年6月4日到「在家」DINING AT HOME 午膳，分別點了6份旋風蛋鰻魚飯及3份魚生飯。當中連同本人在內共6人，進食了旋風蛋鰻魚飯後陸續出現發燒、腹痛、腹瀉和嘔吐等病徵，懷疑集體食物中毒。 本人是最早出現病徵的一位，用餐後3小時已經開始腹瀉和嘔吐，期後更發燒、腹痛及嚴重腹瀉。本人首2天分別到私家診所及法國醫院求醫，但服用藥物和2次打針後，情況不但沒有改善，反而每況愈下。由於病情嚴重，醫生轉介我到聯合醫院接受治療，入院長達一星期之久，足足兩星期不能上班工作。出院後接受胃部和腸部內窺鏡檢查，發現本人胃部腸部發炎持續，可見是次食物中毒嚴重。 另外一名女受害人情況與本人相約，她入住聖保祿醫院長達一星期接受治療，醫院不但從樣本中發現了沙門氏菌 (Salmonella) 及類志賀鄰單胞菌 (Plesiomonas shigelloides)，更從電腦掃描中發現病人2/3腸部發炎，必須接受注射式抗生素治療。其餘2男2女受害人分別到私家診所和急症室求醫，但食物中毒病徵依然持續了數天才漸趨穩定。 就上述懷疑集體食物中毒事件，本人及其餘5名受害人已向

This smoothy egg don is one of my favourite in Kwun Tong. It is located in an industrial building in Tsun Yip Lane. Reservation has to be made as seats are limited. Seats are quite close with each other, while more spacious is preferable especially in an industrial building. The miso soup is the best ever with a strong flavor of shrimp. Twisted smoothy egg with grilled teriyaki eel don $98 has silky and runny egg covering the eel and don inside. Sometimes the eel is mixed with japanese pickled g

餐廳裝修好日式 有＂在家＂嘅感覺 地方小小只有20座位 午飯時間滿座係有點迫 同埋記得要book定枱😉餐單以日式丼飯為主，叫咗個旋風形滑蛋再加溏心蛋 同埋一個魚生丼旋風炒蛋鰻魚丼 $98不得不承認真係為咗個旋風形滑蛋而嚟😍賣相💯 ✨份量唔少一個女仔食一份好足夠係飯入面吱上青檸汁可中和炒蛋同鰻魚帶來油膩而且更開胃而藏於炒蛋下鰻魚，鰻魚醬汁好惹味但略鹹🦐甘蝦海膽丼 $148全部好新鮮😌整體來說食物同服務質素都好好 雖然價錢偏高但久唔久食一次都👌🏻 下次再嚟😆

連窗台的位都用埋，吊住隻腳坐住bar枱櫈食日本野....怕怕.... 成間舖只有5/600呎但係坐左廿幾人，嘈到不得了。旋風蛋包飯係好有特色，但係甘既環境絕對吾會再去。