園林閣咖啡室

營業中

休息中

地點都算方便,service都ok,價錢都好實惠我地三大一細都只係11xx，openrice有優惠卷可以使用。可能係平日既關係，加上無音樂，環境比較靜雖然款式不多，但蝦、小龍蝦、青口、生蠔同長腳蟹都供應有，三文魚刺身都有，仲有北京填鴨，果汁汽水都有，生豪好細隻，壽司麻麻地，D飯太硬，燒牛肉太生同無咩味，甜品都還可以啦，有好多中式食物，茶餐廳都可以食到，唔特別。。賣相都唔太好。有dreyer雪糕食

團購食自助午餐，三文魚自己任羅，唔駛排隊等。再沒其他好，冇蝦食，冇雪糕，好多野都冇得食，係我周圍食過自肋午餐第二差既。人多要爭，食完一轉後沒有新野出。雖然比其他平左好少，但都覺得唔值。

“ Cafe by the Park 園林閣咖啡室”所在的龍堡國際是間 3星級賓館，地點位於尖沙嘴與佐敦之間，旁邊是環境優美的九龍公園。與此同時，聞名遐邇的玉器市場和廟街購物天堂，俱只是咫尺之遙。但由於賓館住客俱以內地旅行團及自由行為主，所以我對這裡的自助餐品質和食客質素都沒抱有太大祈望。園林閣咖啡室每天提供早午晚三場自助餐，逢星期六、日3:15pm~5:15pm加開下午茶。我衡量過旅行團的團體餐都只會在賓館吃早餐和晚餐，而午餐及下午茶應該可以避開團體用餐的人潮，所以我決定選擇下午茶時段來進餐。結果不出所料，當天下午茶時段完全沒有遇到不文明的情況，而自助餐的品質和服務也相當滿意下午茶自助餐供應時間：星期六至日及公衆假期3:15pm~5:15pm價錢：HK$148/ 65歲或以上長者HK$98(需出示長者咭)

上星期六到龍堡國際食lunch buffet. 原本兩星期前confirm訂左10月10日，但咖啡室話額滿無位，這已令我有點不滿， 不過我心中仍抱著可能很受歡迎的心態一試，而且有coupon, 可惜卻令我大失所望。首先，食物的質素奇差， 沙律唔夠新鮮，涼伴也唔新鮮。而熟食方面，煎魚太煋，水餃皮太厚，湯品味精超重，飲完之後很口喝。其次，品種唔多， 一般的生蠔，串燒等都欠奉，炸物只有炸蝦，炸芝士丸。壽司和刺身只得一，兩款， 熟食只有炒飯，魚蛋，菜膽燴菇等，而其中橙味燴鴨一點橙味都無。如果只是食中菜菜色，到一般酒樓都有，而且比這間好味好多，何必要花錢來這間食？ 最後， 這兒服務態度亦 「令人難忘」，甫入餐廳，因為早到了，即被經理呼喝叫住，其實對方只需回應便可，無需叫喝。自問當日我和屋企人穿著打扮都算得體，唔明白為何對方要呼喝。另外，問侍應菜式名稱時 （因為部分並沒有註明），十問九唔應，服務質素有待改善。 不過試過這次之後，我想我以後都唔會再來。

見Yahoo有團購...星期六食lunch buffet加埋一只係$140...一行五人..一於同媽媽去試o下~ 估唔到都幾多人...我地被派到坐o係望到lobby o既一張6人檯...不過d檯好密...完住係櫈貼櫈...出去拎o野食真係好唔方便...食物方面...除o左海鮮...所有自助餐應該有o既o野都有~ 魚生係放o係度自己夾ge~ 味道都ok...refill都快~ 呢度冷盤比較多~ 有一個corner全部都係冷盤~ 有涼拌雲耳, 青瓜, 酸薑皮蛋咁~ 仲有醃墨魚片~ 都幾特別~沙律d汁都有5, 6款...比我想像中多~ 呢度熱食唔算好多...炒薯仔, 關冬煮同南瓜湯都唔錯~ 另外有個西洋菜魚頭湯...媽子話好味...但係我想去拎時已經無晒lu~ 燒牛肉比教韌...另外有個海鮮煎餅粉又太多...唔係幾好味...熱檸茶, 檸水, 奶茶, 咖啡同鮮橙汁都全自助~ 一杯杯o既甜品以泰式糕點為主...味道較甜...一分錢一分貨...呢個價錢算係咁啦~ 

聽聞龍堡國際嘅自助餐唔錯, 最近仲加入埋團購行列，抵食lunch buffet卷為$108/位，即刻買番兩張優惠卷試試先 是日同豬仔準時到達園林閣，餐廳環境一般，有點内地酒店feel！驟眼看，有好多嘢食 ，款式多樣化，有多處地方擺放buffet bar！冷盤、沙律巧多款式 , 有我最愛嘅朝鮮泡菜小魚干 ，魚仔好有口！有豬仔至愛嘅醃八爪魚仔 ，好爽口！有成盤紅菜頭啊 , 甜甜地好好味！有魚子三文魚醬釀新薯 ，巧多魚子舖面啊 ！有雜果蝦沙律 ，雜果有火龍果、士多啤梨、蜜瓜、藍莓等等，撈埋爽彈中蝦食，正 呀！有吞拿魚、雞肉通心意粉沙律等。凍肉、火腿拼盤都唔少呢！沙律配料巧多，有紅腰豆、車厘茄、粟米、菠蘿粒、青瓜、蘑菇等等！沙律醬都有几盤添刺身、卷物方面，有三文魚刺身 ，都算肥美。太卷 ，一望賣相就知舊飯實啦 ！熱盤有日式盬燒鯖魚 , 燒得入味，加埋照燒甜汁，惹味非常 ，食左3 round呢！春卷 ，炸得香脆好味！有細細件Pizza ， ！有炆牛腩 , 豬仔話勁腍入味！有日式薄餅燒 , 有點似熱香餅，自己加啲沙律醬及紫菜上面後，yummy ！好多人排

一行10幾人，一家大細最好就梗係自助餐～價錢合理，抵食，又好味～！好多選擇！多又正～蠔就食了起碼6隻，大大隻！刺身款不多，普普通通～長腳蟹大又長！正！一人限量一塊鵝肝，超肥美！甜品：推介，即焗蘋果批，春卷脆蘋果香～個人推介，中式湯飲，好足料！！

星期6下午趁媽媽唔洗返工就2個人黎哩度食個tea buffet其實之前已o係度食過幾次lunch buffet同dinner buffet對佢o既印象都唔錯價錢平唔在講食物未必最好食, 選擇亦未必最多款但提供o既食物種類往往有驚喜睇得出花心思揀過個人覺得絕對係物超所值講返今次tea buffet先15:00準時黎到, 就即刻陸續獲安排入座幾平都好話晒都係酒店座位當然都坐得舒服野食冇乜特別果汁竟然有橙汁, 蘋果汁同西柚汁3款咁多再貴價d o既buffet都未必間間有果汁任飲, 抵讚熱盤野食雖然都係平價貨但味道都ok, d春卷咖哩角都夠脆曲奇唔錯, 脆脆地, 有咬口, 好香牛油味燉蛋白淡左d, 同唔夠軟身, 唔熱唔凍麵包布甸軟硬適中, 幾好食椰撻ok紅豆蛋糕, 下面蛋糕身質地似栗子蛋糕, 唔係咁鍾意左面o個2舊係大菜糕, 冇乜特別但估唔到哩度都有甜品店先有o既河粉真係未o係buffet見過, 有心思下面o既豬古力蛋糕, cream未免太多雪櫃太凍雪條還ok, 紅豆雪糕d紅豆雪到好硬最正係連棉棉冰都有同出面一樣的仲有多款生果同topping任加南瓜露冇乜味, 普通

龍堡國際酒店坐落在尖沙咀，位置却接近佐敦，從佐敦地鐵站步行不用5分鐘的路程便到達。龍堡國際園林閣首次有團購自助午餐，自助午餐原價$188團購價$108另加一小費$18.8，盛惠$127。Stella購買六張和朋友品嚐。先嚐沙律、燒牛扒、烘餅、酥炸茄子。牛腩、羊腩、魚柳、貓耳朵都不錯。豬腳薑很酸，似乎沒有甜醋....難怪的.....甜醋很貴.....哈蜜瓜不甜，蜜瓜很清甜，西瓜雪得過凍不好吃！外表天使內裏魔鬼的甜品不可不吃呀！！！自助午餐食品種類選擇頗多，食物品質不錯，在園林閣用餐，環境也算舒適，團購價也算抵食！

園林閣咖啡室 - 呢間係我一向喜歡光顧的餐廳， 鍾意佢嘅自助餐價錢實惠有保証， 但今次有點失望！今次以亞洲風味為主題， 但食物就少之又少。酥油餅超市化貨色，倉魚仔霉嘅 ！海南雞飯不吃也吧！話有魔鬼魚但無見過 ，炸蝦丸OK，咸菜胡椒豬肚呢個好食有驚喜 ；長腳蟹水準有保證，但有部份未解凍夠仍有冰粒，生蠔新鮮肥美 要讚 ！燒蝦爽口都唔錯 ，但燒牛肉就無牛肉味NO GOOD！串燒普通。今次甜品方面就少咗好多，仲要未夠8點就話我至愛嘅芒果拿破崙已經唔會再出，即刻心情低落 ，其他甜品一般，好彩Dreyer's 雪糕都有四款口味(藍莓芝士、開心果、芒果及朱古力)選擇，我吃了其中3款 ；至於生果有菠蘿、西瓜、哈密瓜及蜜瓜都新鮮爽甜。

一家人約埋母親節前夕聚會, 我提意去園林閣, 因為見呢期雜誌都有報導, 而星期五價錢冇加,重有$100現金優惠, 所以決定開心吓。由於事先訂位, 所以一去就可以安排位置, 又可能當晚是母親節前夕,特別多人, 所以我們被安排於宴會廳內。見到廚師們忙於擺放食物，一排又一排海鮮, 畫面非常豐富  大家開動後當然向海鮮進發, 生蠔不算好大隻, 但尚算鮮甜,所以一出就被人掃哂,好在廚師亦好快就補充返。一般酒店嘅魚生每次只分配3、4片,但呢到可以任食, 食得非常暢快。而肉質厚薄適中, 味道新鮮彈牙, 讚!今次自助餐以南歐為主題, 所以西班牙乳豬是別一個亮點, 剛燒出嚟乳豬色澤均勻, 一切之下香味四溢,原以為同一般中式乳豬冇分別, 食落發現肉質比較嫩滑鮮甜,唔須要醬汁亦好好味 。鐵板燒都幾多款選擇, 推介: 蝦、牛肉、魚, 廚師手藝幾好, 尤其魚 - 煎得香之餘可以保持唔太老。其他推介包括洋蔥湯、羊肉丸、麵包布甸、枝裝汽水、Dreyer's 雪糕.....果汁亦都喺任飲, 結果一班小朋友最開心。  

當日母親節Book左呢間酒店自助餐, 諗住價錢唔算貴可以接受, 打去book位果陣果邊職員話落左五百蚊訂先母親可以做七折, 咁我就去ATM過數fax埋張收據比酒店啦打去酒店酒店個妹妹就話得架啦, 我已經問過佢你使唔使check左先, 佢就話唔使ga la我地收到ga la.到食果晚就出事啦, 個中女經理埋單果陣走埋黎話我地收唔到你張receipt wo, 我就叫佢check 下啦, check完又話真係冇, 我開始火滾, 我直頭叫佢check 接線生同我ge通話紀錄,點知佢同我講酒店對街ge電話冇紀錄ga, 我心諗我大把朋友做酒店你當我弱智ga? 我仲控制到自己, 我反問佢你而家想點, 佢就話照做番折比我, 但我要再send 多次收據先可以安排信用卡credit番個數比我.之後我前後fax又好whatsapp(經理個手提電話)又好, send到佢地收到為止, 當時個經理都書面話番比我聽會做番credit比我, 點知第二日又收到電話, 話佢地做唔到, 要我自己親身去拎張支票wo.成個人即刻著左, 之後佢先醒水話叫人拎張cheque過黎炸.成件事我跟晒程序做, 每次做完一樣野都double

龍堡國際近柯士甸站，出了地鐵F出口，行幾分鐘就到。不過，這餐廳卻不算易搵，進入了龍堡賓館後要行一條頗長的樓梯才到達，外面又沒有指示牌、廣告牌，要問保安才得知這間餐廳是在樓上，餐廳入口亦比較隱閉。坐下來等侯了幾分鐘便開始自助餐，我們一行三人先試了生蠔、長腳蟹及煙三文魚。生蠔-味道不錯，refill得快，保守估計我們每人至少吃了十隻，但我曾吃到有蠔殻，不過這味道算對得起這價錢，畢竟$300自助餐不能要求太多。😁長腳蟹-鮮甜，不過到了後段大約8點45分仍想吃時，侍應好似已不打算refill了，這讓我有少許失望。煙三文魚-好好味，覺得比這兒的三文魚刺身更好味，雖然這菜色是煙三文魚，但碟中一塊塊薄薄的煙三文魚不多，反而三文魚腩就多了點。串燒-必吃雞串和燒蝦，很惹味。麵食-吃了墨魚長通粉配野菌及黑松露忌廉汁，吃下去味道不差，但美中不足的是師傅沒等忌廉汁收乾一點才上碟，長通粉與忌廉汁的味道分開了。熱食-推介扇貝，好好味，每次refill得大約9隻，常被人搶購一空，我行左幾圈才吃到。其他熱食如焗蠔可以不吃，吃下去不像焗蠔，像蠔豉😕甜品-甜品算較失敗，啫哩太硬，蛋糕太甜，木槺布甸只得cream。只推薦麵

早陣子實在太忙碌，完成手頭上的工作就立即相約朋友吃自助餐，放縱一下。今次來到位於佐敦的龍堡酒店，離地鐵站不遠，位置也很便利。由於時間尚早，可以四周看看，今晚的主題是日韓美食，食物選擇也不少，而且價錢相當大眾化，難怪星期二的晚上也坐得滿滿的。這裡給很親切的感覺，因為我家也是用上這款檯墊，而銀色的仿韓式筷子，也和我家中的一樣呢。冷盤方面，有刺身，壽司，而刺身是已切好的，沒有配給的限制，感覺很爽呢！不得不提的是，這裡有生蠔供應，還有長腳蟹，海蝦，青口和龍蝦仔等。當然也有沙律和其他冷盤。值得推介的是這裡有即場製作 BBQ 串燒，席間香氣四溢，吸引了不少客人。熱葷選擇不算很多，但總是很快被搶吃的，估不到還有西班牙乳豬而日韓主題食物，最印象深刻莫過於韓式部隊鍋另外也有韓式人參雞湯，炒年糕，燜牛仔骨，日式蒸蛋，即製天婦羅等甜品方面，款式也不少最受歡迎的相信是 Dreyer's 雪糕，而且更是 D Collection 系列而飲品除了果汁，亦有樽裝汽水，比較少見吧！我要開動了，先吃一個海鮮拼盤，雖然是美國生蠔，但不是大大隻那種，味道相對較濃。大概是美國太遠？我始終鍾情法國和紐西蘭的。反而長腳蟹質素不錯

話說嗰日係我生日, 老公就帶埋我同bb去呢度試下夜晚自助Buffet慶祝一下,有100元coupon回贈,都係三百元1位,性價比高,, 咁既價錢食自助餐+環境開陽都己經不錯了原來今次Buffet主題主打日韓美食自助餐, 又有生蠔提供, 仲想點...對於我呢啲本身熱愛蠔當然不放過, 吃吃吃...還有其他海鮮, 長腳蟹, 翡翠螺....吃回夠本又有韓國泡菜灌湯餃子, 燒物果度有天婦羅, 燒蝦, 各式各款串燒咁多款野食入面最鐘意食日本年糕, 口感煙韌, 內裡係芝士涵, 10個讚.. 還有各款日式壽司, 刺身, 日式串燒,甜品都有好多款, 最鐘意食紫薯蛋糕, 啲甜品唔會過份太甜, 又有禾果子(vanilia味同朱古力味), Dryers雪糕,咁多款不同美食當前, 真係好難扺擋