園林閣咖啡室

營業中

休息中

都係用買一送一嘅優惠平均每人大概＄280到！自助晚餐來講算係好平！佢最大吸引之處係有生蠔食總評語係食完呢餐唔會推介！亦都唔會覺得有乜特別好味！會情願拎＄280去食一餐好嘅！好過食一大堆質素平平嘅嘢！ （純粹個人喜好） 首先講咗生蠔先！佢真係好大隻好肥美！但係就冇乜鮮味，比起出邊食餐廳有啲＄10 一隻嘅生蠔更無鮮味但係佢真係 refill 得好快！直情有個師傅企左海鮮檔隔離，一見就黎夾完就會搬一盤出嚟，冇停過超級抵讚！屋企人覺得凍蝦同蟹腳反而仲鮮味！ 牛扒可以一試！天婦羅都係即炸，都OK！中湯都好味！甜品係有好多選擇！但係質素就真係麻麻，反而最欣賞個菠蘿同埋有個熱辣辣嘅椰撻我食咗兩個！刺身壽司我冇食，屋企人就話刺身麻麻哋新鮮全餐最好味應該係D字頭雪糕，一致認為開心果味係最好味供應量都算多，唔會出現攞唔到嘅情況！本身我食自助餐一向都好少食熱盤，所以如果有人鍾意食熱盤嘅話 ，我就俾唔到一啲參考你啦仲有其實佢呢間唔係酒店，門口係寫住賓館大家要有個心理準備我哋嗰日坐嗰度應該係加出嚟嘅，所以感覺有啲似中式酒樓係鋪白枱布 雖然食物質素麻麻，但係企係我哋枱附近嘅侍應就招呼都幾好！收碟收得好勤快！亦都有

見到網上不停顯示呢間酒店買一送一，講到好吸引甘。就打電話去book啦。打左十幾次先有人聽，真係好繁忙！5月中打去，最快有位已經係6月13日，所以吾理照book啦我地6點4去到，已經坐左5成人。7點左右，已經full場，供應食物位置都有點分散，而坐位都圍住食物附近。所以吾會有好多人堆哂一齊。我地6點半準時食野！一開始緊要食凍盤，有生蠔，蝦🦐蜆，長腳蟹，仲有職員不停refill，可以密密食。。一開始無乜人，吾洗點等，好快就可以拎到。不過覺得凍盤就吾太新鮮，所以食一轉就無食啦。熱盤都有好多款，炸魚，豬仔骨，湯🥣，蔬菜，魚蛋，蟹殻等。。。都係不停refil旁邊仲有幾位大廚即場剪煮食物，有片皮鴨，牛扒，串燒，煎魚煎牛扒。。即場整夠熱夠好味沙律🥗呢個就普通啲，睇落一般，所以我就無食啦壽司🍣刺身。放左係一邊，一盤盤。我都覺得一般，壽司飯好硬，好似3蚊壽司甘飲品，有玻璃樽汽水🥤好正另外仲有果汁同茶啡添。。雪糕甜品，有好多不同甜品🍮重點係有d字頭杯裝雪糕🍦，有果仁，朱古力，芒果味。酒店件裝甜品就一般般，不過都好多款選擇。整體來說，買一送一價錢係對得起價錢既，雖然食物質素吾算太高，但食個飯吹下水，仲好過放

HK$280同放題差唔多嘅價錢即管試吓，提早咗一個月訂枱， 去到果然人山人海。食物質素比預期好，雖然 好多人，不過師傅好快就補充返D食物。生蠔大大隻夠凍，夠creamy。蟹腳淡淡地，有海水味。凍蝦好新鮮，彈牙爽口。食到中段，飲返碗蟲草花湯補一補，味道。魚生夠厚，有咬口。壽司普通，冇試到。天婦羅有生蠔，有意外驚喜。熱盤有珊瑚蚌，清清地。Pizza細細個，一口氣食咗兩個都唔濟。除咗有汽水仲有柑桔汁 雪糕都多口味以呢個放題價錢食足3粒鐘，食完重有時間傾吓計，我覺得真係抵食。

我以為酒店一定係西餐擺位，結果我坐的是酒樓枱櫈，這個都算！🤭衛生問題，真的有好大進步空間！蚊子食西瓜🤦‍♀️另外，壽司竟然有包裝紙，請問係咪叫貨？😦最後，唯一可讚賞的是樓面，清枱速度是有效的！

一向都喜歡試不同既自助餐 因為自助餐能見餐廳真章 不同款式不同國家種類既食品都能夠一次過吃盡這天剛好正值母親節 於是帶著兩老及姨姨一齊去尖沙咀柯士甸道既龍堡國際吃個環球自助餐雖然登記時有點不愉快而且亦比編位到最後 不過亦無損雅興 一於吃個開懷 除了有多款熱門熟食 亦有即煎即炸既炸品 地道名菜 冷盤沙拉生蠔凍蟹 仲有多款冷熱飲品 甜品生果 應有盡有 不妨老實說 不算得十分好吃不過有些是可取的口 例如雞肉串燒，片皮鴨，天婦羅，凍蟹都是十分不錯 n_cc都有一而再的encore 甜品款色算是十分多 有切餅有果凍類也有撻類 意外地有台式麻糬 甜品味道不錯 不過每樣都是淺嘗好了 要不然升糖太多其實還有雪糕及汽水提供 不過已經無能力裝下了以正價四百多一位來說其實不算太划算 因為畢竟食物質素跟價錢不成正比但當日剛好有折那就不過不失吧想試試既朋友們作為參考吧 龍堡國際 園林閣 地址: 尖沙咀柯士甸道8號閣樓

好耐都未試過有自助餐咁平，諗住週末要$218已經唔貴，職員幫我用coupon再減$50😍本身以為咁平都唔會抱太大期望，點不知款式好多又幾好食。忍唔住要讚一下侍應生，見到我小心翼翼攞住杯熱☕️，即刻過黎offer幫我拎返埋位，非常貼心。如佢地繼續keep住此等質素同服務，我一定會帶親戚朋友再黎👍🏻

終於打通電話訂到園林閣自助晚餐，佢哋做緊買一送一優惠，真係好吸引果然嗰晚去到好熱鬧。一去到已經立即開動，一開始我梗係食海鮮啦，大大隻蠔好肥美，師父不停添加冇停手， 蟹腳唔太鹹 ，有海水味，凍蝦係我嘅最愛，一口氣食咗好多隻。魚生冇雪味夠彈牙。轉 攻現場廚房天婦羅師傅密密炸，仍然好好笑容問你想要乜啲食物都好新鮮冇油味，除咗有炸蝦之外，仲有炸蠔熱辣辣好香口，佢哋炸咗好多蔬果，有南瓜、茄子同青椒，最特別有炸金菇，所以不至於太油肥膩。串燒有魚牛雞魚，師傅密密煎，我密密食到咗我最愛嘅片皮鴨時間，師傅會好細心問你有冇特別要求，鴨肉辣辣、鴨皮香噴噴，自己仲可以無限量加蔥同醬汁。呢度飲品唔需要收費，除左橙汁同金桔汁外，仲有經典支裝汽水。雪糕甜品選擇亦多，件件細細件，一啖一口，我可以試曬所有款式。二百幾蚊可以一班人開開心心，我哋成班朋友都覺得物超所值。

晏晝鬼死咁肚餓，見到枱頭有張園林閣自助午餐優惠券，一於唔好諗訂咗枱先。 今日最值得讚嘅係佢用咗個好似中國茶杯嘅碗仔裝咗啲肉醬蝴蝶粉跟住再用芝士焗，一啖一口，俾平時一大碟嚟得吸引，我一口氣食咗兩碗。魚生當然唔少得，大大件，佢哋加咗唔少中式嘅元素，例如有煎腸粉，煎蘿蔔糕同埋牛肚蘿蔔。仲有嗰個酥皮牛肉，細細個，可以試多幾款選擇。 雖然得一個鐘頭食飯，有你冇你放到一枱都係，甜品當然有我嘅至愛麵包布甸，今餐食得好滿足。

平時多數去食放題 ，但絕大多數嘅放題都冇蠔食，同老公心思思想食蠔，所以搵番間自助餐可以喪食蠔，而且要400蚊有找 ，終於搵到呢間！今晚總共食咗兩打蠔，大滿足！！！ 雖然啲蠔唔大隻，但好鮮，好海水，好好味呀，以400蚊嘅自助餐黎講，絕對值回票價。另外，我地都食咗好多蟹腳，yummy!其實食自助餐呢，我就好少會食熱食，今晚都唔例外， 喪食海鮮可以番本阿嫲。最後做食埋甜品作為總結，都係雪糕最好味，其他嘅蛋糕 好一般 ，寧願留番個位食雪糕。

由於朋友有企業員工優惠，我地就用每位238連加一, 平過普通放題嘅價錢去享受一個dinner buffet去到已經有唔少人，仲要枱枱都大枱8人以上冷盤有生蠔，虾，青口，蜆同長腳蟹，個人推介長腳蟹，真他可以唔食，生蠔/虾同青口係乜味都冇的，蜆就有沙而刺身有個冰櫃放住俾人自己夾，但就只有三文魚同鯛魚，感覺好似參加大陸美食乜旅酒店嘅buffet咁到熟食，其實款式唔多，但推介意大利飯，冇錯食buffet但依個飯我覺得係可以令全個buffet加分的唯一食物。另外片皮鸭都可以，但都係buffet宗旨，師傅切得好大件，好多肉，等你快d飽吧！而烤牛肉，全塊勁熟，唔食仲好！甜品就不值一題了，唯獨有dryers杯裝雪糕提供而朋友就係咁飲樽裝汽水，話外面好少有總括而言，238係超值的，但要用原價的話去食放題會好d😥

呢間性價比高，蠔新鮮，我朋友食完又拎，表示味道好，都大隻！我就最鍾意北京填鴨，好新鮮，有師傅幫我地切鴨，好味多汁，海鮮都吾錯，價錢又吾貴，有咁的服務同食物質素，我已經滿意，我3位朋友都滿意。粥好味，甜品都合格，生果都甜汽水任取，仲有咩挑剔呢？

落雨天，重要諗食晏，突然收到龍堡自助午餐快閃優惠電郵，出發！而家食一餐閒閒地都要成百蚊，都只可以揀一個種類。今日決定食回本先，魚生 - 自己任攞，肉夠厚 。大大煲秘製魚旦墨魚丸，唔辣 至愛 - 食咗2碗。意粉一貫水準 - 師傅即叫即煮。 Pizza 足料細細件 - 剛出爐 驚喜喺 ... 豆腐花 質地夠滑....有紅荳蓉、黃糖、糖漿自己加 ... 好開心講真HK$110蚊我唔會要求超級豐盛，不過，有個舒服嘅環境hea住嘆一個鐘。

一直都搵緊自助餐食，因為工作壓力關係，想多d選擇既地方食野會開心d，跟住又比我搵到呢間算係平既。老實講要搵400樓下既dinner buffet真係難，呢間就做到，用佢優惠卷可以$468 「二人同行一人價錢」，即係半價呢個價錢其實我唔期望有幾高幾好架啦，不過都還好，居然有生蠔，燒乳豬同片皮鴨！生蠔屬爽肉品種，不過比佢洗到冇晒海水，好淡，而且第二輪開始唔凍，有d擔心乳豬唔錯，唔係中式做法，冇左脆皮，不過肉非常嫩滑，廚師仲好大方比左3，4件我睇過其他依評知道佢片皮鴨出名，試左一件，味道可以，但面皮太大而廚師比得一塊，而且廚師片得厚，唔似酒樓只片皮，算過得去至於飲品有即磨咖啡，檸茶檸水，仲有橙汁，另一邊就有超懷舊樽裝汽水，我地每人飲左一支，啹晒

話算前排我係Facebook 見到呢間酒店buffet買一送，見平平地，又有生蠔去試下囉一去到，個地方都幾大，300蚊我地都冇乜要求架啦，又有海鮮、刺身、熟食、甜品，算係咁啦首先，我要食我最愛嘅沙律菜，都新鮮嘅再食生蠔，隻隻都好大隻，不過唔係即開😂竟然仲有我最愛的北京填鴨雪糕係 dreyer's，甜品都叫多嘅只可以講係抵食

生蠔大隻新鮮，但味道不及其它酒店。地方窄。希望酒店會改善一下。熱葷比較少。如果以買1送1來說，真系超值。有優惠時候，真系好抵食。片皮鸭椒鹽瀬尿蝦稍嫌細隻雪糕用DRYER'S魚生