園林閣咖啡室

營業中

休息中

放工相約好友尖沙咀龍堡國際賓館園林閣食buffet，，今日餐廳是做日韓放題，有湯(泡菜湯，人參雞湯和鴨湯；前者偏辣，後兩者好好飲，尤其是人參雞湯細細碗，適合女仕)韓國菜(牛肋骨，泡菜五花腩、韓國蝦沙律、韓式車仔面(關東煮配上朱骨湯底!)和韓式燒餅；牛肋骨好入味，五花腩偏辣、蝦沙律好開胃，車仔面好得意似關東煮配上朱骨湯底，而燒餅入口香脆，不錯!)日本菜(燒壽司、雞軟骨串、翅身(鮑片，甜蝦和三文魚) 、天婦羅(蝦和蟹棒)、明太子帆立貝、日本三文魚炒飯、日本豆腐和豆角魚腐；燒壽司好特別，味道一流，翅身好新鮮，天婦羅炸得香脆，明太子帆立貝焗得好香甜、三文魚炒飯細細碗又足料，而日本豆腐和豆角魚腐味道一流，口感不錯!)其他熱食(烤牛肉，咕嚕魚柳、焗薯和蒸甘筍，牛肉烤得很新鮮，魚柳酸酸甜甜開胃、焗薯和蒸甘筍，好好食!)其他冷食(煙三文魚和蝦杯；兩者都好新鮮，保持水準)甜品(木糠布甸、和果子(有綠茶和芋頭) 、蜜瓜布甸、紐約芝士餅、玫瑰jelly和Dreyer’s 朱古力雪糕；第一次食buffet有和果子食，很好味，食左好多粒；木糠布甸，蜜瓜布甸和紐約芝士餅細細件，好食)玫瑰jelly略嫌味道似藥水味

今晚一家連同細妹5人去左佐敦食自助餐, Openrice有100蚊coupon又去再試, 過年時細女生日已去過, 大女話今年生日都要去, 因她下星期會去加國交留個半月, 星期天又喺父親節, 咁就一齊去再享受吓, 大女就最開心, 阿姨又送禮又比利市, 傾傾講講, 開開心心又一餐

又係...堅持同埋忠於自己味蕾既時間.... 真心說話, 食過咁多BUFFET, 呢間都真係幾差~同朋友係附近做D野, 咁就比百幾蚊黎食lunch buffet, 當然百幾蚊, 你想點? 入到口, 飽既又一餐~佢有三文魚刺身...已經係我覺得成場最好食既野, 因為唔需要煮... 我講既係salmon, 唔包括snapper, 佢snapper 刺身係好大陣雪水味...唔識形容而係暖櫃既麵包...唔新鮮, 冇香味... 好似茶餐廳餐包咁.... ok, 佢有一氣蒸魚, where唔會太過火, 呢個可以讚!!! 其他熟食唔吸引見到咁多甜品都真係好開心, 但每一件都覺得中伏, 除左杯牛奶公司雪糕......sorry, 呢篇食評唔可以盡例所有野食, 因為真係太失望, 食左一陣飽左就即走... 冇留戀,冇影相~但堅持要寫食評, 一定要比個喊佢~

尋晚同屋企人黎哩到食自助餐, Openrice Coupon 減100後每位238再加一, 價錢便直, 座位數目不多, 不會有搶食情況.  但食物質素就一般了。  生蠔 - 細只無所謂, 但不新鮮,拆肉時好似蜆咁成舊肉"痴"住殼, 而且看上去好濁, 好似壞左咁, 無咩人拎黎食。長腳蟹 - 完全無鮮味, 肉質很削, 唔juice,好似雪得耐無晒味咁, 拆左兩三只腳後都無再拎。串燒 - 是唯一最好食的, 有雞軟雞, 雞翼, 牛肉, 肉腸 等等。刺身 - 三文魚, 甜蝦, 鮑魚片 成盤供應任夾, 唔洗師傅配給, 但甜蝦夾個陣仲有雪, 所以d蝦"痴"住一大舊咁, 另有幾款壽司供應。火鍋 - 每枱有一個火鍋爐, 可以自己去車仔檔夾配料, 有花甲(有沙), 大蝦, 菜, 肥牛, 栢葉, 魷魚, 菇類, 丸類。熱葷 - 只有幾味, 雞, 鴨胸, 咖哩, 薯仔, 豬手, 炸蝦等, 最正係有即切扁皮鴨,但係餅皮唔夠薄, 食完一舊後有d 濟。甜品 - 有多款中西式糖水, 但西式甜品味道一般, 另有dreyer 及大腳板雪榚。總括來說, 如果想主打食海鮮冷盤的話就無謂晒錢了, 但純粹平平地醫下肚的話都可以o

 朋友介紹有openrice的優惠卷到園林閣好多款式和好底食,今晚就全家連細妹一行五人同細女提早興生日今晚每人還有一盅佛跳牆, 真喺好多野食, 樣樣都想食, 但都試唔完, 長腳蟹, 麵包蟹, 生蠔....我自己最鍾意就喺長腳蟹唔太咸而且好鮮甜, 生蠔大女和老公最愛但唔太新鮮只食了2只就無食熱盤都有好多款申燒都有4-5款, 蝦, 魚,牛排雞翼...火鍋就有蝦, 魚菜菇, 肥牛....飲品有奶茶, 咖啡檸檬茶, 果汁和支裝氣水, 我就最喜歡可樂甜品都有十幾款, 女兒最愛西瓜芝士蛋糕, 慢慢食更會食出西瓜味 dryer雪糕都有4-5款可選擇

第1次去食呢間自助餐，都好好味...以為聖誕前會貴d，點知原來都好抵食~服務態度好..收野速度又快~特別係麥皮蟹..真係好好食~仲有麵包蟹超多膏...可能天雨關係啦！都好少人來食~我食咁多間自助餐,第一次有邊爐打..好特別~雖然食得好少野,希望下次再去過值得一去呀^^

自問本人是個超級大食怪，嗜吃生蠔、生蝦、三文魚、吞拿魚和各種貝類刺身食物。對生的食物非常喜愛，穀飼牛肉可以吃到兩成熟。食量也很驚人，自助餐生蠔可以吃到六十隻以上，中級生蠔吃到四十五隻以上，珍寶蠔也吃到二十隻以上而面不改容，談笑風生。三文魚亦非常喜愛，可以輕鬆吃到三磅以上。我太大食，要配給刺身的自助餐廳我是不會去的，一定要我任取任食才可以吃飽。《園林閣》就可以做得到，翻添的速度亦很滿意。我主力吃生蠔、三文魚和甜蝦，幾乎整晚都未停過。長腳蟹，我朋友就喜歡吃，我就不太喜歡～最近試過連續兩日都去食，一樣係非常滿意。服務都很好，有100元優惠券去食過，加咗價都去過很多次，好彩我有建行信用卡，結賬有八五折。服務員很好人，幫手影相，提你用那張信用卡會有著數，很窩心的。食物種類真的絕對算不少了，甜品又多又好吃又美觀，正！食極都想去，一有空就會陪家人去食，抵贊！ 今回貼相，是我陪朋友去食，朋友比較細食，相中七成以上的食物都是我一個人食～ 原來只可以貼八張相片，我食得太多，唯有把相片拼合才可以出貼～

想食自助餐又唔知咩心水好，睇下開飯食評先! 見依間好似唔錯，3百幾蚊有生蠔長腳蟹，食評都唔差，打去訂檯時職員仲話可以列印$100優惠券仲平d! 又真係幾平喎，每人平$100，優惠至今個月14號星期一至四先用到咋，即係每人埋單價$261，抵呀!依間原來大堂都幾大幾靚，有條長長閃令令既樓梯可以行上去，唔行可以搭電梯不過等得都幾耐，而依間夜晚自助餐得一個時段，1830-2130，我地上去時1835左右仲早不過都有唔少食客啦，位置尚算寬敞，不過餐廳唔係四邊形，係半圓形所以感覺餐廳唔太大!雖然地方唔算大，但好多美食，生蠔、長腳蟹、燒物、熱食、天婦羅、壽司、刺身、片皮鴨、湯水、樽裝汽水、甜品、泡冰、雪糕等等，真係算多美食，好多食物就黎無職員就好快refill!生蠔唔大隻但鮮甜! 燒物、天婦羅、片皮鴨、壽司同泡冰都有專人整，所以都好熱辣辣好味道! 刺身得四款，三文魚、甜蝦、仿鮑片同鯛魚，我食過咁多間刺身都係職員限定數目攞，但依間全部都放係雪櫃內比客人任攞，啱哂我，後期refill既三文魚仲要更新鮮肥美! 熱食都好多選擇，朋友們話好多都好味道! 而飲品方面，湯水有5款選擇，老鴨螺仔湯，雞湯等等都好老火

友人生日, 要找一間又平又有生蠔食,又有長腳蟹的自助餐,真係少之又少……….好艱難找到呢間,食評好壞參半,因為價錢吸引(因一般起碼要過$400……所以即管去試試 一去到行一圈, 食物種類不多, 每樣都係細細盤…………但買相都算OK.第一輪想食生蠔,點知比人取得7788, 所以轉攻長腳蟹- 蟹腳算係粗壯, 不會有D平價自助餐,剩係比個幼位你食. 味道同新鮮情度都不錯………..也不會太咸.跟住終於拎到生蠔- 不是大隻個種, 但係都算鮑滿, 不會死死地個種…..食落都算OK,不能有太大要求.魚生- 只有4款, 鮑片,三文魚,甜蝦同蠟魚…….., 食落OK, 三文魚同甜蝦都算甘香.涷蝦- 肉質幾爽, 都算幾鮮甜6人送茅旦蝦- 好大隻,好多蝦糕, 同好鮮甜…….沙津- 款式不多, 不般3-4款菜同3-4款生果……………熱食- 辣酒花螺,酒煮花甲,西芹 炒蚌 - 花螺不夠味, 又唔夠辣,其他都算OK燒烤- 串燒雞軟骨,雞翼,牛扖 - 雞軟骨OK,其他一般甜品-全部細細柸,啫喱,CHEEZE CAKE, 蛋………., 都算OK, 有DRYERS雪糕,款式2款,都算OK終合呢間餐廳, 以呢個價錢都算不

今日最後1日未加價, 不過就算之後依然都係呢個價錢, 我都未必會再黎, 因為其實都唔係真係咁抵食...  熱食: 今次既意粉係 芝士煙肉蘑菇白汁燴菠菜麵, 呢個超爆正 好好味呀!!! 無論係d 芝士(淨係得第1次出既意粉先有芝士...), 煙肉, 蘑菇, 洋蔥, 白汁, 定係菠菜麵, 全部都超級香口, 超級好好味(凡係有白汁既都係v. delicious 嫁)!!! 食幾多都仲想食, 忍唔倒口><...!!! 香橙骨都係超爆正 超級好好味!!! d 掛骨真係超香既橙味, 甜甜既 又冇乜肥肉, 真係又香又好味到好想食多d, 不過竟然出過1次就轉左第二款><... 其他熱食就冇乜興趣: 有菜肉包, 素春卷, 素咖哩角, 蘿蔔炆雙丸, 腸仔, 洋蔥炒薯, 雞翼, 燴蔬菜, 蒸排骨, 炒飯等~ 冷盤: 有自選沙律, 雞肉沙律, 扎肉雜菜沙律, 三文治等...  甜品: 面包布甸 超爆正 超級好好味!!! 呍呢嗱汁勁香甜!!! 面包(麥包嗰款) 焗得超香脆!!! 下面既蛋布甸都好香滑!!! 雖然平時不嬲都覺得白面包整出黎既面包布甸係比麥包整出黎既好食,

是次朋友生日，選擇此餐廳，之前經過友人嘗試，以為不會有問題，誰不知，除左結婚生仔不能靠人外，連餐廳也不能靠人，此自助餐，款式小不是問題，但款式已經小，質素又低，部份海鮮類又好像不夠新鮮，真的非常失望。

第6次黎呢度食tea buffet, 今次冇左三文魚... 變左咖哩牛腩..~ 冇左上次既腐皮卷, 焗蘋果撻... 變番腸仔同煎堆... 同款既野食都冇上次咁好食.. 有d 失望左...熱食: 牛肉批 依然係"香, 鬆, 脆"!!! 不過同上次1樣 入面 d牛肉餡料唔多, 但都好好味既~ 咖哩牛腩咖哩味都夠~ 細嚿o個d 腍d 好好味~ 蟹籽冬菇豬肉燒賣, 素春卷, 素咖哩角(好有咖哩味) 都好味~ 香草蜆肉意粉味道唔錯, 但d 蜆肉少到不得了... 菠蘿燴腸仔 入面有2款腸仔-- 香草牛仔腸& 脆皮腸, 味道都ok, 但冇乜點想食sausage.. 另外仲有蘿蔔炆雙丸, 炒時蔬, 蒸排骨, 炒飯等~冷盤: 凍牛筋腩辣辣地, 幾好味~ Caesar salad都唔錯, 不過 d多士又係用油浸淋左o個d...唔係炸脆既.. 雞肉沙律d 雞肉好鞋, 好難食... 鴨腎冇乜好食.. 黑椒吞拿魚都唔係幾好食.. 凍肉辣味唔夠, 又係唔好食.. 仲有自選沙律, 芝士火腿三文治, 生果等等~甜品: Panna cotta 雖然冇上次咁好食&幼滑.. 不過都仲好奶味濃郁既, 都好好味~但上面既杏仁

今次係第5次黎呢度食tea buffet, 野食款式唔同左d~ 1去到見到多左我好鍾意食既腐皮卷, 牛肉批, 焗蘋果撻~仲有三文魚卷, 焗得香脆既面包布甸, panna cotta 等~ 未開始食就已經諗定一定要再encore 喇 ^^" 熱食: 日式燒汁腐皮卷 超爆正!!! 佢個牌只係寫住"腐皮卷", 所以一食發現原來係日式燒汁味, 咸得黎又有少少甜, 入面有豬肉 (全部都係瘦豬肉餡, 冇肥豬肉), 蘿蔔絲, 木耳絲等, d 餡勁多, 所以成個腐皮卷都圓嘟嘟 荷包腫脹咁, 食落啖啖肉, 味道又咸咸地 o岩o岩好, 真係超爆 (>v<) 呀!!! 牛肉批 其實係第1次食, 三個字講晒:香, 鬆, 脆!!! 雖然入面既牛肉唔多, 不過個pastry 食落真係好鬆化, 牛油酥皮最少有30層!! 又熱烘烘咁 勁香牛油味, 成個食落真係超爆正呀!!! 至於 蕃茄汁三文魚卷 就冇想像中咁好食, 初初以為係菠菜面卷住d 三文魚, 不過原來係捲心菜.~ d 蕃茄汁(有蕃茄肉^^) 好好味, 不過d 三文魚就淡左d.. 而d 汁太少, 如果多番d 汁就更加好了~ 蟹籽冬菇豬肉燒賣 依

為左食生蠔，特登BOOK左呢間龍堡國際。因為佢$318有生蠔又有長腳蟹，仲有有樽裝汽水、果汁、茶、咖啡任飲價錢黎講算OK。(用信用卡仲有9折，連加一都有9折)冷盤有生蠔、長腳蟹、青口、蝦、龍蝦仔。魚生都有4種選擇 (只識得一種: 三文魚)賣相唔錯而且非常充足，唔駛等。熱食選擇都OK。炒虲好好食片皮鴨，我地食左4-5塊，不過皮比較厚。甜品有即場泡製既CUP CAKE，整得好靚。不過其他甜品就唔係太突出。糖水都有好幾款，不過我只記得有: 南瓜露、羅漢果雪梨蜜

今次係第4次黎呢度食tea buffet, 原本係想睇下我最愛既面包布甸繼上次咁差之後有冇改善, 點知竟然冇左...不過都有其他好好味既野食, 都食得好開心好滿意 ~~熱食: 黎左4次 今次第1次有三文魚食!! 雖不是魚生, 但都好過冇! 香草芝士焗三文魚 大啖大啖三文魚肉, 面頭有好多morzarella cheese, d cheese 味又勁濃郁, 真係超爆正呀!!! 而炸魚柳配千島醬 都好好味~~ 牛仔腸 & 素咖哩角都唔錯~ 炸南瓜鯪魚餅比炸魚柳更好味~ 而豆角炒牛柳 d 牛柳都好夠腍, 好好味~ 另外仲有蘿蔔炆雙丸, 洋蔥焗薯, 時蔬, 蒸排骨, 炒飯, 炒意粉, 饅頭等冇食~冷盤: 芝麻米通昆布卷蝦仁 d 昆布甜甜地 好好味, 最欣賞佢手工, 有個小小既結綁住昆布卷, 而咁細既昆布卷入面竟然仲包住d 醃漬菜, 真係好靚好的骰 同埋花功夫!! 凍肉/ 午餐肉, 鱸魚柳 都好味~肴肉(事後先知原來係豬前蹄@@!!) 第1次食, 有辣油辣辣地 好味, 透明既位置(tendon?) 有嚼口, 食落又幾得意~ 芝麻銀魚仔都好味~ Caesar salad 既面包粒係腍&油立立的,