園林閣咖啡室

營業中

休息中

有個朋友生日,帶左佢來這間食,上 openrice 見評語都ok,就不防一試!刺身...好差, 無味...一早切定,唔新鲜...我見無咩人拿,有支裝汽水, 芬達..可樂..雪碧..三款鮮奶魚刺蛋白...十分好味...本人都食了三大碗(極力推介)甜品都算 ok, 但只得 好幾款!生蠔 - 大隻, 肥美但冇海水味, 有碎殼...ma ma 地雪糕....ok. ....三款味煎野.....一早煎定,只係整反熱小小的,又好乾!no good服務: 職員收碟好慢, 我地已經坐近大堂,他們經過都唔收碟本人下次都不會再光顧這間!

本人過往多數常光顧$300-以下之自助餐, 質素大多數是一般, 一係種類少, 一係翻添份量慢, 一係一分錢一分貨, 昨天和同事們一同去這間味嘗, 超出期望, 首先是湯的款式是比較多, 大約有4-5款中式湯(竹絲雞湯好飲), 西式湯好像有2或3款, 而生蠔, 長腳蟹也好味, 剌身算OK, 飲味都多選揀, 唯一可惜的是本人未完全品嚐所有食物, 環境算不錯, 還聽到隔離酒廊唱緊懷舊英文歌!! 用了openrice的coupon 75折(5人以上),

見openrice既分數唔錯, 所以同honey一齊去試下壽司:一般, 不過係即時現整, 睇落都幾新鮮魚生: 顏色唔算特別靚, 不過夠大件, 自助餐水準算ok熱葷:味道ok, 不過只有7,8樣, 選擇唔係好多火鍋:一般貨色甜品:選擇都唔算少, 不過無特別驚喜雪糕:雀巢雪糕飲品:支裝汽水, 咖啡, 茶, 鮮果汁食物refill:熱葷refill幾快, 不過甜品唔覺有refill服務:收盤同禮貌幾好, 見我老婆夾左蟹腳就即刻遞把較剪上黎環境:座得幾舒服, 枱同枱之間唔會好迫, 樓底高又夠光猛唔知係唔係因為係閒日, 所以食物種類無之前D食評講既咁多, 總括來說如果單評食物只算ok, 不過如果加上service同環境, 兩個人四舊水都算物有所值, 有機會會再食一次

2月13日,今日特登黎呢度食自助餐,一行四人6點半到達,睇開飯啦見食評幾好,但......款式少,熱食有豬肉,咖哩雞,鴨胸,海鮮炒飯,炸魚柳,牛柳,燒大蝦,(唔新鮮)有刺身,三文魚,八爪魚(一般)有長腳蟹(無肉)生蠔(超細隻)仲有得打邊爐,有肉丸,蟹,蝦,都OK~有支裝汽水任飲,雪糕~~~我覺得呢餐麻麻,服務差,唔會再黎~~~$248已經有85折,但覺唔抵食~~

日期 : 2月16曰晚飯人數 : 6人價錢 : 平均205元 (openrice 75折Coupon)食物:冷盤 美國生蠔 - 大隻, 肥美但冇海水味, 小脆, 間中有碎殼 長腳蟹 - 有咸味及清甜味 翡翠螺 - 有沙! 蝦 - 不太新鮮, 但OK 魚生 - 三文魚(一般), 吞拿魚(一般)熱馨 –般常見菜色 - 咸菜豬肚湯, 南瓜忌廉湯好火鍋 肥牛, 菇, 菜, 蝦, 蟹仔等 , 海參好食鐵板燒 魚, 雞牛羊串燒, 蝦 - 墨魚咀串燒好食甜品 款色一舨 - 雪糕 杯裝雀巢飲品 有果汁, 奶茶, 咖啡等- 支裝玉泉和可樂地方- 不太噪, 乾淨服務- 有禮貌, 勤收碟及補食物 總結 - 價錢和質數配合, 抵飠.

很多朋友說大時大節別去吃自助餐，因為質素難免下降但今年想跟女朋友試試，所以11月中時四出打探甚麼地方的平安夜自助餐好食在這裡看到去年的食評，好像不錯，就Book了位，而且早訂位有7折每人才HKD 314，其他星級較低的酒店的Buffet至少都要HKD 360+ 另外有說加多100元就在另一個地方吃，有Band和舞池但我們純粹想靜靜的吃吃吃，所以就沒有加錢了(最後證明是對的，因為裡面好吵=0=...像那種70、80年代的歌廳)...每張檯上都有些小Gadgets，氣球之類，氣氛不錯，環境滿舒服每人送一杯提子+梳打水的特飲，味道不錯另外所有飲品都是免費，不用另外加錢果汁和支裝汽水全都任飲，所以我們一整晚都狂飲果汁xDDD我們先吃了幾Round冷盤蟹腳︰很多很多很多，而且很肥美很鮮甜，Re-fill得很快我們都不吃生蠔，所以不能comment，但我一個人大概快吃了差不多10只蟹腳魚生種類比較少，但三文魚和八爪魚都幾新鮮，三文魚很肥美，壽司一般另外每人都再送多一只小龍蝦和帶子之類，配意大利醬汁個人對意大利醬汁不太懂欣賞，龍蝦也太小只，味道一般但感覺就送很多東西滿不錯=p沙津沒有薯仔沙津，不過凱

早前中學舊同學聚會，廸奇介紹到龍堡國際內的Cafe食自助餐，他曾跟家人在這裹吃過多次午市自助餐，食物有一定水準都算滿意，而且價錯相比其它酒店較相宜一點，所以便决定到這裹試吓，聽聞有時都很旺場，所以我預早幾日致電預先訂位。晚上六時多抵達，這餐廳地方都幾大，餐廳佔了UG層大半位置，枱距都較遠不會坐得大擠廹，環境尚算不錯。 食物種類不少，中、西、日式食品都有，雖然選擇不夠大酒店多，但都均唔少嘢食。魚生雖只有三文魚、吞拿魚、鮭魚和魷魚四款，剌身款式雖少但都厚身味鮮。壽師每件都有獨立透明膠包着夠衛生，有甘蝦、蟹子、三文魚、鳗魚等多稚款式。中、西湯及熱葷都有，又有自選即製日式車仔麵；中式熱葷味道一般，還是主攻西、日式食品吧。甜品有雪糕、黑森林蛋糕及西併，Tiramisu也有不過質素一般，飲品除了自助茶啡外，選有一大桶冰镇支裝汽水包括Coke Light供應。四位客以上送一兜佛跳牆，當然不要期望內面有鲍參趐肚，不過味道都幾鲜味，很像少時去酒樓飲宴喝的湯味。服務都不俗，侍應都很勒力收碟，厨師和看似經理的人經常查看食物供應情况，或作出補償。以某幾幾信用咭找數，八折收費，每位大妨$220，雖然食物未能跟

呢個星期係表姐既生日 , 礙於經濟不景氣 , 所以要左揀右揀一餐抵食既餐廳請表姐食生日飯 , 結果就黎左龍堡國際試下食平偵既tea buffet , 幸好都冇令到我地太失望 , 以咁既價錢黎講就算過得去啦 , 至少有野食係填得飽個肚 , 而且環境又唔差 , 不過未必會再去。 一區放左沙律冷盤款式唔多 , 比較特別既係有泰式無骨雞爪 , 好少酒店會供應呢樣食物 , 仲有d三文冶﹑炸生果﹑沙巴翁同自助pancake ; 二區就係熱葷 , 有8種食物左右 , 水準都幾好 , 而且refill得好快 , 牛肉燒賣﹑豬肉燒賣﹑炒薯角我都不停添食 , 好味道 , 至於表姐同友人就鐘意食吞拿魚意粉 , 其他仲有牛丸魚旦﹑煙火腿﹑春卷﹑咖哩角同炒雜菜等 , 泰式青口就整得太辣 , 完全食唔到青口既鮮味 ; 三區係壽司﹑餐飲同甜品 , 真係不值得一提 , 款式少而且唔好食 , 又唔會refill新既甜品 , 搞到一心想勁食甜品既我淨係揀左曲奇餅 , 因為其他見到都已經唔想食啦 , 最好既已經係有3種口味既雀巢雪糕比人揀。

見到d食評唔錯, 加上download左coupon有七折, 於是同屋企人一齊預先食番個聖誕大餐先前菜：一般沙律，不過不失~海鮮：有生蠔，藍貝，長腳蟹，我見佢都不斷refill，適合喜歡食海鮮的家人壽司：d飯少少散wor，失敗~湯：都有三四款湯選擇飲品：喜出望外，有得飲汽水wor (平價buffet比較少任飲汽水，多數係橙汁，蘋果汁等)熱盤：都有差唔多十款選擇，加上有得打邊爐(魚蝦蟹都有)，又有串燒wor，食物選擇都唔少，每樣試少少先可以食哂，仲有每人一客小小的鮑魚甜品：都已經好飽，只可以蛋糕，窩夫，布甸每樣試少少，糖水已經無空間可以試喇~收碟好快，轉個頭個"吉"碟已經俾待應收左，成日要出去攞隻新碟先可以打邊爐七折之後每人加埋一只係一百九十元，都真係好抵食，加上佢係折左先計加一，俾多個讚佢~，我諗之後我會再試，因為仲有野食我未試過呀~

前一排係我既生日，但因為同Test Week相撞，所以就延遲左成兩個禮拜先去補食生日飯，本來係想去其他酒店食，但好多都Full Booking，唯有退而求其次去佐敦龍堡食。本身都唔抱太大期望去，但去到食下食下又發覺唔錯啵。除左環境舒適，富悠閒感覺外，食物選擇方面也不錯(當然不能與大酒店相比)。冷盤: 有五款已預先撈好既沙律，全部都好好食又唔肥太Heavy。特別鍾意一款日式醬汁醃漬物，好食到暈！也有日式冷麵同中華沙律，味道較淡！另外有簡單的材料和沙律醬汁俾你自己調製，材料都好新鮮！刺身/壽司: 刺身有三文魚，吞拿魚，魷魚和立魚。Refill 得又快又多，而且全部都好肥美新鮮又唔腥口，幾正！壽司係用膠袋包住，有熟蝦，蟹子蝦子，吞拿魚沙律等軍艦壽司。不過無我心愛既腐皮同玉子壽司，都相對失色啦！麵包: 三款麵包以小型保暖箱裝住，只試了蘑菇Pizza，可惜味道普通。熱盤: 熱盤選擇唔錯，有即做粉麵，雜肉批，咸煎堆，炒菜，臘味飯，焗薯，龍利柳等。雖是一般菜色，但味道都做到水準以上。而湯也有白湯和中湯，但卻帶油膩。甜品: 款式出預期的多，而且全部都幾好食(可能係嗜甜的我什麼都覺好食掛?!)我''淺嚐

尋日終於食到呢間buffet，聽人講話每次都可以walk-in去，但試過去到一個人都無位，咁尋日同friend2個人，2點幾打去問，都有位，咪試下啦。地方算大，一去到都發現食物種類算多，熱盤有雞、魚、意粉、羊、牛、豬咁啦。熱盤我本身唔係食太多，所以無乜comment，但都refill得快，同埋會出下d新野，茄汁煎班塊都good。另外有炸野，春卷、咖哩角、又有d係師父即場炸，試咗一個炸蛋球，麻麻地，太多油，無吸下油先，我夾咗一個都搞到成個碟油晒。本來見佢有即製班戟，但師父成日唔見人，一有人就成堆人等，所以都食唔到。凍盤有沙律、三文治、生果啦。菠蘿雞沙律好味，三文治就一般，普通麥包同白麵包夾煙三文魚或芝士火腿，但d麵包好乾，好似就過期果種風乾緊的感覺。無魚生，有壽司，都係d蟹子、腐皮，仲要一去到已經無乜剩(我地係剛剛3點鬆d去到的)，以為佢會refill，點知之後拎出嚟淨係得一款青瓜卷，仲要唔靚，散散地好似我自己整果d樣，所以堆晒響度都無人食。甜品就好多，麵包布甸好味、芝士蛋糕、綠茶cream cake、馬豆糕都合水準、芝麻糊就麻麻地，好稀好淡。雪糕就杯裝雀巢，三款味，似乎最受歡迎囉。飲品

聽朋友說這裡的lunch buffet抵食. 於是今天來試試.一去到見到個場頗大的. 帶為的待應亦很有禮貎.可能始終是"賓館"不是酒店, 所以枱椅有點像普通的會所.不過因為枱與枱之間距離不太近, 所以環境還是ok 的.食物方面, 老實講, 很失望...大部份食物都是平價貨式. 連最基本的蝦, 帶子等的菜式都沒有~但最大問題是, 連剛端出來的菜和湯都是不熱的! how come?!味道 : 又再老實說, 我會評為中下 最貴而又最"好味"的食物, 我想應該算是魚生吧!有三文魚和立魚刺身.另外還有多款壽司, 但這些日式的食物, 一被端出來便被食客掃清了我最初幾"轉"都只能遠眺, 到過了一段時間, 可能有些食客已經食夠了, 我才有機會拿到 三文魚和立魚刺身都不錯.*如果這些食物改為由待應分配給人客, 這樣一來每位人客每次拿的份量可受到控制, 另一方面可能大家會拿得方便和開心一點~其他的熱盤, 老實說, 我真的記不出吃過什麼了. 如果真的要選的話, 我想是上海湯麵和要問待應切的火腿吧. 不好意思, 真的有點懷疑朋友的"心水推介"...可能大家的要求不同吧!而且加埋一每人要成$120, 雖然比酒

5號生日，同女朋友一齊食自幫餐慶祝，竟有意想不到收獲。先講食物：生蠔夠大夠新鮮、藍青口，食左三十隻，正！至於熱食方面就差點點了，不過我所指是食物較少選擇，但味道也不錯，樽裝汽水、果汁任飲！正當我差不多夠皮時，竟又遇上另一高潮..........甜品！其實甜品我一路都麻麻，但我最終都試了八種。另外地方也很乾淨！今餐真的很滿足！

8月12日晚7:00一行8個大人吃自助餐，仲有一窩翅送.裝修後環境舒服左，食物種類以此價錢都算多同幾好.食物方面：D蠔好大隻呀！好久沒吃到咁大隻蠔.鐵板燒D蝦好好食，甜品種類都多，仲有樽裝汔水，包括"zero" 可樂.一致通過可以再來此處吃多次.註待應幾nice 及收碟好快.

尋晚同屋企人一家六口去尖沙咀龍堡食Dinner Buffet, 好彩一早Book定枱啫，全場爆滿，人山人海，起初都有D驚要搶食，好彩D廚師加食物都好快同好足。成日要搶嘅三文魚、生蠔都好足夠，至梗要都好新鮮。免費送嘅咩玉環鮑翅真坻食.D翅一梳梳好有睇頭，Ｄ湯同冬瓜肉都幾好味，另外送嘅帶子沙律就一般般啦。bbq果邊就有羊扒,大蝦,牛同魚串燒等等，大蝦超正 (我係蝦痴)，但唔知係咪人多，到九點三已經無得食！至於熱盤都正常好味，餐湯一中一西，都幾好飲。甜品就無咩特別值得推介。總括黎講，二佰零蚊都幾抵食，我諗我會再食過。