園林閣咖啡室

營業中

休息中

完成其中一件大事，感覺前所未有咁輕鬆...朝早醒來，精神爽朗，嗰肚都特別餓落嚟食免費自助早餐。對呢度唔應該，亦唔expect水準可以好得去邊...中式如粥及點心，西式如奄列、腸仔、麵包、煙肉等等，一應俱存。但行貨就係行貨...唔緊要，响呢個時侯食乜都好食gar la..^0^

我上次黎食都已經係父親節啦，上次食過都覺得唔錯～今次再番黎食，發現同上次差唔多，質素都依然係唔錯…海鮮：有蟹腳、生蠔、青口、凍蝦…沙律：大約有６款左右熱盆：大約十幾款湯　：４款中湯和西湯刺身：三文魚、「魚立」魚壽司：大約十款左右甜品：雪糕、慕思、jelly、蛋糕、布甸、麵包布甸、糯米滋另外重有點心、６款咖喱、即炒海鮮﹙魚、蝦﹚和肉類﹙牛、羊﹚、日式冷麵、肉車，重有日式魚翅湯拉麵呢個價錢食到呢d野絕對係冇得頂，其實除左間酒店個位置遠少少之外，其他野都係唔錯的，重有，dinner buffet全部都係正價85折﹙俾cash都係﹚，有部份信用咭更可有8折

今年三月中去食，有以下經驗．論服務：果日係週六, 17:00WALK IN上去訂即日DINNER BUFFET．當一干人等第於１８：００等到達，侍應竟安排我地坐餐\廳外走廊位，即我地要穿過走廊，至可入番大堂攞食物．當時我地好”興”，同女經理吵至安排我地坐番入大堂．當時我地CHECK過訂位表明明重有好多空置的大堂位，但當值人員支吾其詞，始終未能解釋點解唔俾我地坐入大堂．所以我地對當值人員的處理手法很不滿．一次不忠，百次不容．所以我絶不會再去第二次，因為服務９流．論食物：同意樓上意見，壽司最好少食為妙，衰過百佳．全場見得下人的食物寥寥無幾．只有”雀巢”獨家供應的綠茶ICE CREAM最正．如果有DBS CARD,每位送一客鮑魚；如果要加錢至有得食，千奇唔好制，因為味道唔掂．其實香港有好多好BUFFET選擇，奉勸各位三思至光顧該食肆．

野食ok la 最正都係魚生好新鮮同熟青口抵番曬, 價錢好抵星期日+埋1$88中華沙拉,日式8爪魚仔ok, 壽司有5,6隻...但唔好食..甜品唔多但好令令你好想食味道ok la,湯都幾好飲雪糕得雀巢綠茶味細杯任拿仲有即做既銀針粉食,好好食,記得加豬肉or雞肉環境幾好好開揚幾舒服講真就幾抵,不過同價格黎講我會去君怡食,好好多,如果like魚生龍堡的確唔錯

之前去食lunch buffet,講價錢,佢真係好抵,但係o的野食就真係好難食,冇一樣好食,仲要我食完個晚痌到九彩,夜晚入埋qe,以後都唔會再黎!!!!!!!

野食ok, 價錢好抵基本既熱冷盤都有甜品都好齊唯一係冇生豪食雪糕得雀巢綠茶味壽司只有蝦米壽司好彩重有三文魚生咁平既價錢也不能要求咁多lu

一食完即刻黎整番個食評先＠＠今日情人節～收費成人只係２４８蚊一位，加埋一就２７０蚊度，有一客鮑魚送，每位送一杯餐\酒，果汁任飲的。不過係咁的節日黎講，咁的價錢我覺得算抵食啦～講番正題，食物水準幾高＠＠之前訂位時比個肥仔經理呃左，講到野食好普通咁。點知黎到，發覺有好多野食我估唔到會出現：冷盤除左生蠔、蝦、龍蝦仔，仲有長蟹腳呀＞３＜至少１５寸長，所以好搶手，不過加野好快＠＠唔怕冇得食。有個counter係整d鐵板燒咁的，有蝦、魚、牛、豬、雞，夠哂香口的；另外又有個位係整ｄ日式炸物，有雜菜、蝦同軟殼蟹。魚生同壽司就切好哂，放左係個凍櫃度任拎的。講下甜品先～佢\地有梳乎里、燕窩燉奶同薑汁燕窩燉蛋食架～係鐵板燒果個counter問佢\拎的。梳乎里好好味呢～不過想食的話，一定要得閒就走去問下食得未…因為每次整得幾杯，好快比人拎哂～而燕窩燉奶同薑汁燕窩燉蛋，ｄ燕窩我就唔多識分係唔係啦～不過細細盅，可以留力食其他野＝　＝蛋糕方面，款式普通左少少，都係ｄ朱古力蛋糕，士多啤梨蛋糕等等，值得一試佢\ｄ用細碟裝的綠茶蛋糕，唔錯架，仲有個茶凍都好好味。熱葷方面…只係食左蒜蓉焗生蠔…因為都未試哂ｄ野食就已經飽飽嚕

今次又比上次差d... 食物choices好少...普通得黎又唔係好味...hot pot料冇牛...雪糕得綠茶味... refill得幾慢...羊肉好羶!! dessert d cakes 奇差...有燕窩燉蛋, 一d都唔滑, 好鞋口...好既係有juice任飲, coffee味o既疏乎里....相信唔會再有下次掛? 真係食唔過

一行5人去左食, 下午茶來講都算多野食架啦!!熱盤有炒飯,意粉,咖哩雞,咖哩雙丸,蘿蔔牛腩,焗薯,雞肉腸,雞片炒荀,炸海鮮,炒時菜冷盤有幾款壽司,沙律,三文治甜品有大約五,六款cake,同埋pancake,甜品真係麻麻地啦飲品有鮮榨橙汁,蘋果汁,西柚汁野食唔太出眾,但收野收得快同埋環境幾靜

由於buffet club既coupon就黎到期. 呢排同男朋友頻頻去食自助餐. 琴晚就黎左呢度. 一去到環境都算幾好, 夠光. 地方都算寬敞- 可能因為只係得十枱客左右既關係. 雖然得十枱客, 選擇既類別都算多, 令到我好懷疑佢地係咪聽晚會攞番出黎用...哈哈.冷盤有沙律吧, 不過d沙律好似有d係開罐頭既. 所以冇乜興趣, 冇食. 魚生有三文魚同八爪魚, 放係個雪櫃入面, 都算新鮮喎. 壽司就同百佳既一樣, 獨立包裝, 好攪笑. 冇食. 另外仲有個青口, 龍蝦仔, 蟹腳同蝦.熱盤唔知點解有好多種湯. 葯膳雞件煲, 咸菜豬肚湯, 豆腐羮, 忌廉西蘭花湯. 我最鐘意飲湯架啦, 樣樣都試哂, 最好味係忌廉西蘭花湯. (哈哈...唔知係咪開罐頭既呢)另外就有栗子炆鴨同枝竹羊腩煲. 我食左栗子炆鴨, 不過唔知係咪一路滾住既關係, 攪到d餸好老. 味道都算ok既. 男朋友食左羊腩, 都"so". 其他食過既熱盤仲有墨西哥煎雞, 美國燒排骨, 匈牙利牛肉. 樣樣都不過不失啦.另外鐡板燒既野食, 樣樣都燒到乾哂, 唯獨隻蝦都算幾好.我仲整左碗硯烏冬, 其實佢仲有其他海鮮揀, 墨魚仔, 青口,同瀨尿蝦

老實講以o甘o既價錢o黎講都算係ok! 凍盤有長腳蟹. 大蝦. 龍蝦仔. 螺. 不過竟然無生蠔魚生得好少. 重要唔新鮮. 唔掂燒味好肉酸. 好似放o左好多日o甘熱盤唔係得好多款式不過味道幾好.鐵板燒最好. 有大蝦. 羊扒. 牛仔骨. 魚柳. 樣樣都好好味.特別係大蝦. 好新鮮同彈牙甜品一般. 不過竟然無cheese cake. 失望飲品自助. 有橙汁. 蘋果汁. 西柚. coffee & tea. ok !全晚推薦: 大蝦. 鐵板燒消費: 每人$180. (原價$205. manathan card 8折)

今次黎食比上次差左少少...因為d野食全部都冇咩特別......有生野-冇蠔, 不過凍蟹同蝦唔錯;燒烤-呢個好味, 即叫即燒, 有肉同海鮮;pancake-都係即叫即整, 有朱古力同strawberry sauce, 唔同既罐頭生果;熱盤-有好多炸野, 炸魚炸薯炸蝦烤魷魚, 幾好味;仲有豬頸肉, 咖哩雞, 牛仔骨, 牛油粟米, 炸雞, 西蘭花魷魚...etc;冷盤-salad d 料, 牛展, 白雲鳳爪...etc;日式-sushi, 都係d 普通野... 魚生, 冷麵;有燒味-燒鴨, 紅腸, 蛋;甜品-最失望... 冇樣掂... d cakes好差, jelly, pudding普通野, 牛奶公司朱古力同士多啤梨雪糕, 最好味係朱古力麵包布丁, 不過個樣唔吸引人...overall唔太好.. 因為真係冇野係特別好味... 連每人一個既鮑魚都十分難食... 唔值一人$17x

酒店自助餐晚餐, 有COUPON 15% OFF 下只收$175 一位, 比正常的酒店的自助餐平得多, 所以要求也降低了。SUSHI 有保鮮紙包著, 呆了, 看上去比百佳還差, 完全沒有吃, 有點怕。(但同行所有人吃了也沒問題的)熱葷, 有SLICE BEEF, 好普通, 吃了兩啖沒吃了。但另一邊COUNTER 的煎羊脾非常不俗, 肉嫩多汁, 調味烚當, 不騷, 很好味。其他熱葷, 全部都可以入口同接受到, 只是賣相比高級酒差很遠。例如蝦仁爽口但無蝦味, 湯清得黎無乜味精, 火鍋食品也算新鮮, 飲品又任飲。仲有個觀頭鮑魚仔送。出現過的芝士焗蠔都幾好味, 所以我覺得佢的熱葷比起D 高級酒店有水準。至於甜品方面, 弱得太緊要了, 食件生果OK 的, 其他不值一提。呢度的日本野或凍盤都不合格, 甜品水平都好低, 但熱葷的確過得去, 計埋價錢, 其實係較適合唔好甜品的男士去食的。

今晚家母生日,因有coupon一行4人book左7點食buffet,見大堂有不少自由行,環境似某些大陸酒店咁.入座率約有7成.食物選擇少,基本上無咩野好食,難食既就多的是!冷盤:蚧腳有d黑色既系d蚧肉裏面,蠔不太新鮮,蝦系霉既;最恐怖系d魚生,三文魚d顏色似吞拿魚!問你怕未!熱葷:炸雞軟骨(凍且韌),天婦羅(凍),燒味檔d燒味似擺左幾日果隻!佢d木瓜魚尾湯及金錢肚反應ok!沙律:選擇少,而且無romaine lettuce供應,似乎馬虎左d!甜品:雪糕得vanilla及朱古力(雀巢),tiramisu無酒味,班戟太粉!最好算做佢既荔枝果凍.服務方面尚算合格!原價$188,有coupon連埋加一tips$580,咁既價錢肯定可以食得更好!此酒店已blacklist!

I had christmas buffet on 25/12/2004 with my bf. It costs $288 per person.I was really disappointed, christmas buffet has NO turkey!!!The taste, the choices of food are quite ordinary, I can't name anything which is particularly tasty. Most of the food are cheap and the dessert was ordinary either. There is no soffule (the desert) mentioned by the previous person here.Perhaps it worths $140 per person during weekdays? But I certainly do not think it's a choice for christmas buffet, even for a $1