園林閣咖啡室

營業中

休息中

黎過呢到食buffet已經三次了,頭兩次係食dinner,而琴日同屋企人黎食就係食lunch,,次次都係黎呢到,就係因為老爸淨係識黎呢度食buffet唔識去第二度,本應想去其他地方試試,但係都full了十二點黎到見到差不多滿座了,只淨三四張枱,後來先發覺原來分兩邊,一邊係book左枱,另一邊個無book既,就係因為黎過呢到兩次,所以佢有d咩野野食都差不多知道晒了,呢到d野大部份都係中菜黎,同埋因為係lunch,所以就更加無生蠔個d野食啦,不過對我地黎講都無乜所謂既,怕肚子受不了嘛...雖然lunch無開壽司個櫃位,但原本放左去夜晚放生蠔的位置,這裏是唯一搶食的地方,看見了也不敢進去了lunch既壽司係獨立包裝既,夜既就師傅整既,但係都幾好味丫~中菜就唔係好岩我呢d年青人口味,所以我多數都係食d pizza,火腿個d,不過d湯都幾好味既,而且我呢日食過最好味既就係一塊貌似午餐肉但食落似豬柳既肉,加埋d汁真係好好味呀而且有橙汁,蘋果汁,西柚汁同唔記得左咩汁,仲有熱檸茶,咖啡任飲,唔怕食到口乾,哈哈,d甜品就一dd好味喇,有d甜過頭,有d都ok既,雪糕更比之前都左口味,雲呢嗱同朱古力,雖然好

呢到依家$228 + 10% per head (mon - thu)248 + 10% (fri - sun)依家通漲,加左價都唔怪得佢既七點鐘黎到..都七八成滿左'坐都冇坐,放低個袋就去拎野食"行左個圈.. 覺得好普通d野食"有生蠔,蟹腳,青口,蝦壽司都有算多款既,我覺得玉子最好食仲有三文魚刺身任拎,不斷refill唔會冇bbq果邊就有羊扒,大蝦,牛同魚串燒等等仲有魚翅麵...熱盤都有十零樣既,佢d湯幾好飲@@不過希左d甜品.. 我就對佢地冇咩興趣喇超普通,連cheese cake都冇,好灰..得個咖啡芝士囉,, 但完全冇芝士味,又唔係硬身果隻"我覺得紅豆雪糕最好食"總括黎講,佢d野食真係唔吸引..價錢有d貴如果咁計...."用左buffet club card~ 8折

睇完第一個食評感到很費解，亦認為評論者沒有詳細交代食物質素。昨天到這酒店UG吃lunch buffet，$88一位，加一後每人不過$97，個人認為算抵吃。今次見食客不多，不用急於拿魚生壽司，於是先嘗嘗熱盤。紅咖喱雞隥 口，嫌不夠辣，有日式青葵(外型像青辣椒)作配料及白飯任“裝”；水煮鱔片(有點川菜風味)也是不夠辣，無骨肥美；蒜心牛肉也可以。冷盤方面有泰式雞腳、日式螺肉、冷麵的醬汁則略嫌淡；三文魚算肥美，壽司多是軍艦壽司，較為遜色。比較特別的是沒有即場切的燒牛扒，取而代之的是即切燒豬腩肉，切得薄薄的，肥瘦適中，皮亦很脆，第一次這樣吃燒豬肉扒；另外即製的還有湯米線或蕃茄麵，可選酸辣或清湯，配料有菜、牛或魚丸、冬菇、豆腐泊等。很多冷盤和甜品都是一小碟預先分好的，手到拿來，十分方便。份量雖小，既可減少浪費，也可多嘗幾款；水準則一般。其他如沙律、燒味、炒菜、水果、雪糕等也有提供。整個過程我都是慢慢吃，很寫意。最難得是提供任飲果汁，有橙汁、蘋果汁和西柚汁供選擇；我刻意選平常不大喜歡的西柚汁以幫助消化，第二轉則嘗蘋果汁，兩款都不錯。食物味道整體算不錯，值得一試。

** 此食肆的第五個OK ** 前晚15-3-2008(Sat)為預祝女友人CK生日,約同女友人VY o黎呢間食dinner buffet.我o地6:45pm到o黎唔多人,我o地即攞o野食,有: 生蠔,青口大家都讚生蠔夠鮮,我就一定要落檸汁食.青口OK,但我覺得Relaxing tea house + Fragrant Kitchen o既好食.小多士,牛油果,蜆肉呢幾樣都好食o既.茄子+脆片開頭以為係辣,但原來係甜酸汁,茄子亦夠腍,好味.三文魚壽司,三文魚刺身OK啊.腐皮壽司呢個VY食,佢話啲飯好酸.醋多得滯.南瓜魚柳芝士味好重燒釀雞翼,大蝦釀雞翼裡面o既係菜粒,釀得好飽滿,不過皮燒得唔夠脆口.大蝦冇乜味.其實重有好多中菜,中西湯等,但我o地冇乜點試. 而'謎'o黎喇.我攞o左啲甜品杯入o黎,1.VY試o左白色,我以為係焦糖燉蛋o既甜品,佢一食就臉容扭曲咁問咩o黎o架?好怪.CK就試一啲話,係薑汁唔知燉咩,唔係奶,諗o左陣就話係蛋白.咁我又試試先,啊,薑汁太多喇,而VY本身唔多鍾意食薑汁,唔怪得啦.2.好細個玻璃杯裝住o既,佢又話唔知係咩o黎,食食吓就話係芒果味.3.杯芽mousse

未食已經覺得一般般，全因為他們的服務水準實在太差，客人的要求都不能夠達成，每次都話不是我們部門負責的，要另一個部門傾！

前日同老公同朋友一行七人一齊去行尖沙咀, 行完又想搵地方坐下吹下水, 朋友話想食buffet, 就走左入去啦, 點知...我地入到去時7:00, 好多位, 心諗"好啵, 唔係太多人, 唔使同人迫!" 點知... 去到攞嘢食時先發現個個tray都係"吉", 連即整壽司都冇魚子同甜蛋... um ... 有啲失望囉, 咁少人都咩都冇, 咁多人就...只好食甜品先啦, 都ok, 但唔特別囉, 最好食都係炸芝麻湯圓, 其他就... 講真, 都成18x一個人, 唔會再去囉...

系2月13日我同男朋友系公司討論緊14日系邊個食飯,先醒起情人節要book枱呢回事,跟著系咪打電話打去平時去過既餐\廳問有無枱,點知全部都full曬,但又好上食buffet,又唔想去d超五星級酒店(可能會有位)因為太貴啦,咪上開飯刺度睇lo.睇倒龍堡個地點幾方便，價錢又ＯＫ.咪打去問下lo.好彩仲有位姐.但就要去落訂lo.唔系電話book左枱就算,系要親身上去比訂金,好似買野咁.到左2月14日,我地一到6點放底曬手頭上既工作.以9秒9既速度閃離公司,由葵芳塔地鐵向佐敦進發.首先一去到見倒個還境都幾好丫.坐底左,每位都有情人節朱古力做禮物.跟著去摞野食啦,一開始梗系摞我地既致愛刺身啦,食完一碟刺身,就去摞海鮮冷盤,有長腳蟹,青口,蝦,同生蠔,跟著就摞燒烤,食左扇貝同大蝦，食完呢ｄ之後，就咩都食唔倒啦，仲有好多野想食，例如疏乎里，cheese cake,雪糕.果汁都有幾款,有橙,萍果,西柚,總之就物超所值啦.

01/02去食團年飯, 因為好遲先訂位, 好多地方都full booking, 見呢度價錢ok又有位, 冷盟:凍蝦--鮮美青口--軟, 鮮美生蠔---有Ｄ苦, 但算肥美蟹腳---咸到食唔到刺身---有四款(三文魚, 入爪魚, 立魚, 吞拿)咁多, 亦算新鮮壽司--人手即做, 雖照Ｄ壽司飲太淋+少少散, 但誠意加分熱盤:湯有3款, 個蓮藕章魚湯尤其正其他都幾好.應話有都有每有個迷你火鍋, 可以自己取生料打邊爐, 大蜆好鮮甜甜品:蛋榚款式都多, 但味道一般雪榚係牛奶公司迷你杯, 兩種味道欽品:有3款果汁, 熱咖啡奶茶檸茶任飲, 正服務:人手唔夠, 幾耐先收一次碟, 但態度都nice, 唔會黑面食物補給都快, 唔會無食物才添雖照呢度唔係好食, 但以$228一位, 我用manhanttan card埋單有85折, 每個人先$180多Ｄ, 可以食到一個不錯的dinner buffet, 真係幾驚喜

一頓出乎意外之好的自助晚餐(龍堡國際園林咖啡室) :位於九龍尖沙咀柯士甸道童軍總會中心附近的一所酒店龍堡國際賓館.是一所不太出名的酒店,好像沒太多香港人認識,而酒店內的龍堡國際園林咖啡室也未曾所聞,但剛巧在網上看過食評,口碑好,食物相片倒也吸引,似乎也是一所不錯的餐廳,所以決定放膽一試,果然味道不同凡嚮。生蠔雖不是最好,但味道倘算不俗、青口反而幾鮮味,而吃得最多要算是長腳蟹,有人要求一口氣拆掉多隻蟹腳,哈,沒問題,眼明手快,不出幾分鐘已把蟹肉拆了出來,任人品嚐。刺身有文魚,吞拿魚,八爪魚及魷魚,不過米飯就麻麻,一沾WASAHBI就掉了下來,剩下魚生肉,好明顯手勢不好,幸好魚生肉也很鮮味。其中每檯都有一個小熱鍋,下了濃湯,點了火,讓客人自行選配火鍋材料,完全自助火鍋。而甜品則各花入各眼,自問很喜歡吃,而那兒的甜點的確不錯,有芒果mouse杯,果凍,朱古力梳乎里(謝謝朋友親自送上),還有牛奶公司杯裝雪糕(無食到,HEHE)。不過看畢全場卻找不到自助餐必有的意大利粉及炒飯類,照計這些米飯、麵條類應該早就大派用場,有點怪!另外服務也很不錯,侍應換碟很密,而且有禮貌。以二百多元吃到如此食物,如此

好友結婚, 祝你們幸福快樂.場地四正, 食物亦不賴.乳豬不肥, 皮脆肉也嫩, 不太咸, 惟只是微暖.炸蝦丸很大粒, 造形彷似炸蟹鉗, 但就用蝦尾用腳, 爽口彈牙.蒸魚火喉恰當, 尚算嫩滑.炸子雞皮脆肉嫩, 但不是太熱辣辣.有別於一般炆伊麵, 這晚是燴伊麵. 食落濕濕地, 不錯有驚喜.糖水是合桃露芝麻湯圓, 合桃露不香, 湯圓軟糯香口.美點是合桃酥, 酥脆有餘但香味不足.

本來諗了好耐, 都決定不了去那, 到差不多到期還搵不了地方, 打去那一間, 那一間都話full. 諗住打定輸數... 突然諗起以前經過尖沙咀龍堡酒店, 佢\\\曾翻新過大堂, 都算金碧輝煌, 可以試試喎. 諗住會full 啦, 點知個waitress話\\\"梗係有位啦...\\\" 哈, 都好2難, 星六下午打電話還有位, 心諗會否d食物差, 冇人幫襯?? but 難得搵到個地方又係尖沙咀, 又有火雞生蠔魚生, 咁都試下啦, 唔試唔知...~~ 好了~ 剛剛食完回來~ 哈哈... ok喎~ 環境ok, 服務ok, 食物ok (雖不至於好好味, 卻不難食啦~), 氣氛ok... 有聖誕老人拍照, 送禮物, 有好多小玩意, 有輕氣球, 又有個識閃的柸(飲完可以攞番屋企喎~). 岩晒貪小便宜又貪得意的香港人啦~~ 真係又食又攞~~ hehe~~ 食物款式都好多~ 不過我主力都係食生蠔魚生沙律甜品~~~ 講真食物不是話好食到飛起, 不過尚可入口啦, 而且回氣又快喎, 見冇就加~ 值得一讚, d 服務真不錯, 見人拍照會主動幫手揸機, 最好野是有個隔離酒廊的琴手經過, 見我影緊相, 居然放低佢

禮堂位置都幾大.坐得舒服.唔會d 好迫咁服務生也很好.收碟又快.食物選擇都ok . 但味道不是太出色. 不過都新鮮ge覺得最好味的居然是芝麻味梳乎里.面頭脆卜卜.內裡熱辣辣閒日每位$208 (不過現在有八五折)

冷盤類: 生蠔,凍蝦(中蝦size),青口及長腳蟹~好幾新鮮好味,而且經常補給.壽司類: 刺身有三文魚,吞拿魚,八爪魚及魷魚. 壽司唔似平時那些自助餐盛盤放出來後比人挾到爛,而是師傅會逐件即做.而且款式都幾特別的.麵包類: 只有兩款,感覺不新鮮.熱盤類: 都是平時那些款式,但最欣賞居然有當歸煲雞藥材湯.甜品類: Trimusa唔好食,其他款包括芒果mouse杯,果凍(幾好味),朱古力梳乎里(幾好,可惜肉桂味過重),黑森林蛋糕,麵包布甸,牛奶公司杯裝雪糕(豆腐及芝麻味),豆腐花,蕃薯糖水,煎堆仔等

星期六、日同老友晌九龍公園游完水或打完波，係隔離間龍堡國際賓館（救世軍搞嘅酒店），嘆番個下午茶自助餐都幾寫意！佢哋都唔係做高檔嘢，算大眾化個類，所以抵食得哩質素方面就唔好話同Ｄ四、五星級酒店比，但基本上Ｄ嘢食都ＯＫ嘅，但想食質素嘅人就唔啱哩喇！不過，咖啡室嘅環境又唔錯喎，比一Ｄ星級酒店仲好添，因為佢係酒店大堂對上，地方幾闊落，樓底又夠高，感覺幾開揚。侍應嘅服務都幾殷勤，幾有禮貌！食物方面，質素算係中規中矩啦，款式亦唔算特別多，叫做樣樣都有，沙律吧、三文治、壽司、班戟、即煮粉麵、小食、點心、6-7款熱盤、麵飯、甜品、生果、雪糕、任飲果汁（我覺得應該係濃縮果汁哩）同咖啡茶。由3:15-5:15pm，都係收$65位（另加一），算係咁啦！

完成其中一件大事，感覺前所未有咁輕鬆...朝早醒來，精神爽朗，嗰肚都特別餓落嚟食免費自助早餐。對呢度唔應該，亦唔expect水準可以好得去邊...中式如粥及點心，西式如奄列、腸仔、麵包、煙肉等等，一應俱存。但行貨就係行貨...唔緊要，响呢個時侯食乜都好食gar la..^0^