回到味來 (已結業)

入到嚟好似放題坐位咁，聽朋友講之前係。依加係火鍋店啦。sofa打火鍋+open kitchen = 在家感覺，光d會比較好，哈哈！一個人收$10醬料，芫茜 唐芽 辣椒等等，都齊全公道既。前菜係小蓮藕帶 $28好脆薄，微酸辣，主要作開胃之用。蕃茄濃湯牛肋條鍋 $168有別於外面用一件件蕃茄做湯底，依度係將蕃茄整碎哂令成個湯底未食已經有濃郁感，仲有幾件蕃茄坐鎮，有點睇頭，多d更好呀。喜歡蕃茄酸會幾like依個，蔬菜湯底比較清，飲多湯都得呀。4星係比個湯既。牛肋條有成8條，算多量，所以無追加牛肉。牛肋條牛味重，牛肉質同有d根位都不錯，唔會因爲湯底而老。點醬料更帶牛味喔。手打丸拼盆 $78手打豬肉丸係嫩豬肉，所以食落唔老。手打墨魚丸最好食，最彈牙又有肉既咬感，好味又無粉感。手打蝦丸既蝦肉比較散，但鮮蝦味有既！配蕃茄濃湯幾夾喎。個湯真係好味又唔會太咸！足料韮菜餃 $38很多韮菜，少少肉，好岩重韮菜既女仔，不怕肥，嘻嘻。皮薄而無滾爛。新竹米粉 $22廚師先整熟左先比我地，餓先可以食先，哈哈。新竹米粉落蕃茄湯好好味，又酸又甜同算爽口。唔錯，醉蕃茄多咁食，有d似某有名既蕃茄麵咁，我地係火鍋店食到！小知

同朋友撞左入去試 老闆同老闆娘超級nice 我地叫左個鴛鴦湯 麻辣同當歸鴨 本身想試藥膳牛 但因為同行有朋友唔食牛 所以無叫麻辣湯叫左中辣 有辣勁 但比較專主打食重慶四川麻辣火煱就無咁麻 不過當歸鴨湯要一讚 加左好多次湯依然好香當歸味 老闆話佢係台灣住過3年 個當歸鴨係佢既台灣秘方當晚叫左個新張套餐 有海鮮有牛有豬有菜籃 $599我覺得都幾抵 有份量同海鮮好新鮮另外牛筋丸要讚讚 老闆話汕頭黎既手打牛丸 真係好爽脆好香好多汁 朋友話平日唔食牛丸呢餐都食左好多粒新張期內老闆送左個薑茶水中花 愛薑必試 老薑到爆既風味

天氣乍暖還寒，一早一晚仍是清涼，想要暖暖胃，打邊爐絕對是這個潮濕初春的好選擇。這家火鍋店位置十分方便，就在旺角信和與中銀中間，上一層電梯搭𨋢便到達。店內主要是卡座，坐得舒適，而侍應服務態度都不錯，回應度高，亦主動加水加湯，不用食客粗心。以下介紹幾款值得推介的食材：- 藥膳紅燒牛肉鍋這個火鍋湯底有大量藥材，包括當歸、紅棗、黃芪等。雖然說是藥膳鍋，不過藥材味不會過份，不喜藥材味的同行朋友都接受到，還忍不住喝了多口。而全鍋重點是牛肉，份量很多！而每塊都是軟稔的，肥瘦適中，肉味還要很濃郁。這個紅燒牛肉絕對比得上台北的林東芳，值得一試。- 即炸響鈴這裡的響鈴是 鮮 炸 的！脆卜卜的響鈴放進鍋內一淥即起，想像得到是讓人滿足的美食。- 丸拼盆這裡的丸類都是手打的，拼盆有三款丸—蝦、墨魚和豬肉，均爽口彈牙，蝦丸有蝦味⋯都好吃。- 沙爆魚肚魚肚是沙爆的，不是油炸，油份較少卻不失其嫩滑口感，淥熟後吸收藥膳湯既精華，十分不錯。- 蔬菜拼盤蔬菜拼盆份量很多，抵食。- 薑茶水中花薑茶配豆腐做的水中花，絕對是手工之作，賣相一流，呃like之選，為這餐優雅地作結。同場加映，店員推介豉油配香醋作醬料，咸咸酸酸的，蘸肉

這天晚上約了朋友到旺角吃晚餐，我們決定吃火鍋。「回到味來」是新開的，有雞煲和火鍋，很是吸引。店面：裡面很光猛，看上去很大。餐單印刷精美，上面有各種食物的圖片：醬油要自己調配：醬油費每人$10...小食非常開胃：口感彈牙，有咬口！我們決定點黃燜雞煲，半隻雞要$158，價錢算是大眾化。店員把雞煲放上爐後，只需再煮半分鐘就可以吃：雞肉肉質鮮嫩，味道合宜，不會很辣。吃完後已經半飽，再吃些火鍋配料剛好！手工餃拼盤 $46有6隻，2隻是菜，4隻是肉。吃後齒頰留香。粉麵：顏色很特別，咬下去有彈力，很新鮮的體驗。蔬菜拼盤 $48在外用餐常常會忽略蔬菜。為了健康，一定要每餐吃蔬菜！蔬菜拼盤包括金菇、菜心、冬菇、蘿蔔、粟米等，你能說都有。鮮腐竹 $28味道香醇，絕對不能錯過！加多寶$14、烏龍茶 $12很下火、止渴，而且甜度適中。埋單$359，平均每人$180，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

聽聞依間食店個湯底同牛丸好得,所以就專成黎試下叫咗佢哋招牌嘅藥膳紅燒牛肉湯，個湯底一黎到已經聞到好香既藥材味，估唔到藥膳都可以加埋紅燒牛肉浸味係咁夾，好創新仲有碟汕頭正宗牛丸同牛根丸先勁，一咬落去入面有汁飛出黎～～仲唔小心噴到隔離個朋友浸牛味好濃好香！推薦大家一定要試牛丸牛根丸，同出面的真係好唔同，佢並唔係普通的牛丸依間店最得意即係，佢無偏向一個國家嘅菜式，純粹覺得好味就拼埋一齊欣賞依類的私房火鍋店員好nice，年輕的哥哥比起口音的姐姐吸精哈，依度係冇口音的姐姐我哋三個為翻起都係二百幾蚊個人，份量嘅對得起價錢

今日朋友行完信和，三個麻甩佬都唔知去食乜好，經過新城大廈醒起有間放題，點知原來變咗回到未來火鍋私房菜，費事諗就一於試吓呢間啦新開嘅火鍋，入到去成個裝修格局都好新潮😊我哋係海鮮控，見到有個湯底係南瓜海鮮湯，幾特別喎就試吓啦咁大個仔都未試過南瓜湯打邊爐，個湯底一上枱南瓜味好香好清，不得不讚個海鮮拼盤都好新鮮啲蝦仲識郁㗎另外我哋仲問店員有啲乜嘢海鮮係靚㗎，今日返咗一啲馬貝，哇⋯⋯⋯⋯⋯大馬貝，竟然呢度有喎仲要聽說數量有限得返最後幾隻，海鮮控嘅我哋梗係唔放過佢啦如果想要靚海鮮原來仲可以之後提早打電話預留*咁我下次識做啦

本來今晚同朋友黎旺角食放題... 估唔到上到黎先發現已經....結....業...... 轉左做一間雞煲海鮮火鍋私房菜..一場上到黎.. 唔想周圍走..就直接係呢度食埋晚飯店名叫回到味來... 食左西片"回到未來"個"未"字🤣🤣🤣感覺餐廳裝修仲係有少少日系feel... XD但都有幾多酒類提供下~見到佢好多口味既果酒都只係$28... 不過我地唔好酒, 所以無叫到~~竟然有當歸鴨湯底喎~ 去親台灣旅行都會去飲當歸鴨湯~係時侯回憶一下台灣的滋味...^___^豉油醬料... 幾鐘意佢特別提供香醋係加落豉油度既~ 提升返鮮味原來呢間店係新開既, 係新張優惠期間 只要上fb打卡就會送小食::: 炸蓮藕薯片!!鐘意食蓮藕既我又點會放過😁😁蓮藕片用酸酸咸咸既醃料醃得好入味! 開胃的前菜黎員工介紹當歸湯底係由台灣送黎架.....今次真係可以食返台灣滋味丫~ (當歸鴨湯底$158)呢個湯底係愈浸愈出味架... 所以一開頭你未必食到好強烈既當歸藥材味.. 但慢慢浸耐d 味道會愈突出原隻鴨咁上... 初初望住佢..其實有d驚...不過鴨肉確係幾鮮嫩... 同埋索到湯底既香味羊肉卷$88 羊香味都幾突出~

今日系元宵佳節，當然要慶祝下系openrice 搵到間回到味來的餐廳好特別，又系旺角真是挺方便。餐廳座位全部都是卡位，座位又舒適。藥膳紅燒牛肉，有紅棗，杞子，大蒜，洋蔥仲有其他藥材等。。。湯底又唔會好重藥材味，湯底有好多塊牛肉又大大塊，牛肉味香濃，牛肉又煮到好淋肉質又不會鞋口，湯底越滾味道越濃味正宗潮汕牛丸（100%純牛肉）牛肉丸爽口彈牙，一口咬落去仲有肉汁，又有濃厚牛味即炸響鈴炸到金黃色，好鬆脆浸一浸湯底更加野味。手工餃拼盤：菜肉餃，韭菜餃，鮮蝦雲吞，全部好新鮮皮又不會太厚，餡料飽滿。滑雞片滾完肉質嫩滑美味可口。甜品：薑茶水中花清淡的薑茶，又不會太甜😋

知道旺角新開左間火煱店,第一時間黎try try la 叫左個雙拼湯底蕃茄濃湯牛肋湯拼麻辣，我真係好中意食辣就叫左大辣～岀面食好多麻辣湯都唔夠辣，但係依度個辣湯唔係得個樣、真係辣！辣得好爽呀蕃茄濃湯入有牛肋條，真係勁足料出邊好多湯底都冇乜肉係入邊牛肋條係牛腩條嚟，蕃茄味好香～同埋呢度個個員工，都好有禮貌好友善，有時基本上都冇揮手叫人加湯自動有人加，服務一流呀下次你一定要試埋個水煮牛肉湯底，因為聞到隔離枱全過嚟嘅香味

因為喺fb見到有朋友share 呢間新餐廳，睇相已經俾佢吸引咗啦~ 所以諗住喺未有太多人知道呢間野之前去食咗先，遲下再嚟可能要等位啦。今日3人行6點半嚟到就有位喇，坐低第一時間梗係揀湯底先啦，有好多湯底都覺得好特別，有當歸鴨、藥饍紅燒牛肉、南瓜湯等等...... 款款都想試~~~ 而且當歸鴨&藥饍紅燒牛肉仲做緊set，價錢仲好優惠。無奈我個2位朋友想食麻辣雞煲，我當時唔太願意囉，心諗雞煲出面大把啦，難得嚟到梗係試特別野啦嘛.......冇計，今次食咗雞煲先，下次一定要試當歸鴨。食雞煲要食哂d雞再加湯嚟打邊爐是常識吧，大家都知道雞煲再好食，加咗湯之後d湯肯肯定淡哂。個雞煲係好食嘅，汁夠香濃，所以我地食到最後一舊雞都唔想加湯住。但係好神奇喎，加咗湯之後係愈滾愈入味喎，仲愈煲愈辣(好在我地點咗小辣咋)，有驚喜丫~~~朋友話唔洗點醬都夠入味，好認同!!!!! 順帶一提，醬料方面唔算好多，有基本 蒜粒、炸蒜、蔥花、辣椒 之餘，仲有芫茜、唐芹粒。(食食下先記得影相)食物質數夠新鮮，安格斯牛冇雪味，炸嚮鈴新鮮炸起脆啵啵，煎午餐肉夠香脆，魚麵吸哂湯汁好入味，芝心墨丸咬落去爆醬架~~~最後甜品~~~薑茶