回到味來 (已結業)

呢日約左幾個中同放工出黎食飯，近排天氣又涼番，所以一班人就去左食雞煲。餐廳有一個個卡位，方便朋友去傾計。回到味來有雞煲加火鍋放題，任飲任食一個人都係248，價錢比較實惠。店員首先拎左醬料比我地自己配，每個醬料碟仲細心寫埋醬料名。一開始先上左個金蒜咸蛋蒸扇貝，扇貝蒸得岩岩好，仲有好香蒜蓉咸蛋味。因為朋友唔食得辣，所以我地叫左黃燘雞煲，雞煲有成隻雞，煮得好入味，另外仲加左少少菇，食得出好足料！食完雞煲之後，店員會好貼心咁幫你換過個鍋打邊爐，同埋可以再揀湯底。每枱會送一碟手切牛，同加一份海鮮。份海鮮比我好大驚喜，入面有鮑魚，蟶子等等，每個都好大隻好新鮮。臨走之前，店員送左我地一份薑茶水中花。中間個花係用豆腐雕刻而成，我同朋友好驚訝廚房師傅咁用心去做一份甜品。所謂今時今日既服務態度，我地食飯全程店員都好好態度，呢間舖頭對客人咁用心落力，真係值得讚揚！