四點金飯店

營業中

休息中

昨天晚上一家四口，來了新都城二期這間四兩金食潮州菜，之前吃過一次覺得不錯，今次再試了其他款式，都好好味，讓我介紹以下幾款菜式給大家：1. 胡椒豬肚湯，這個可以不叫，湯不夠胡椒味，和好像有一點漂白水味，味道怪怪！2. 蒜香爆竹仔魚，魚炸得夠鬆化，還有一些蒜香味，用來送洒一流！3. 春菜排骨，菜夠林，薑味濃郁，很正宗！(不像外面一般吃到的多油有蒜頭味)4. 家鄉煎蠔洛，外脆內軟，內裏蠔仔分量十足！ （非一般外面的油炸蠔餅）5. 即炸汕頭粿肉，用來點些酸甜醬或果子醋，當小食非常好，略嫌份量比較少一點6. 芹菜鹹肉炒麵缐，材料十足，鑊氣夠，好味 !人均消費大約$150 ，酒樓格局，比大排檔坐得舒服，有興趣不妨來試吓啦 ！

之前屋企人一直都想試下呢間晚飯，諗住同屋企人試下食呢間點心，點知點心選擇好少（如圖），下次可以揀其他酒樓，海皇，滔香，翠園，新都城其實都好多選擇。點心黎到，好失望 無論賣相，味道都咁差，蝦餃皮厚冇味，抄手又硬又實，炸兩凍既，咁都食左2百幾。之前仲諗住黎食晚飯，下次不會再來! 午市冇咩客，唔洗等位，不過服務，食物質素都真係麻麻~

我們一坐下，店員便說最後一個冬瓜盅，便下單了，冬瓜盅份量足夠，5人食每人2碗🍵🍵。再揀選其他餸菜.......簡單美味，像家常便飯一樣，份量也足夠。香蜜骨甜度恰當🐷，不太甜，有肉質口感，粉絲煲也不咸，一絲絲的粉絲均勻沾滿醬油，其他菜式就.....一般啦，也可一試。

今次已經係第二次食，因為第一次覺得幾好味，不過屋企人覺得好一般。第一次食，場內只要幾檯，好冷清。一坐低就上咗兩個小前菜，9蚊一個，上咗兩個，我話要退，個女經理話公司規定冇得退，就咁硬食咗18蚊👿👿今次第二次食又退得到喎！咁點解第一次唔比退呢第一次去個女經理介紹炒薄殼，又貴又一般，味好啖，食又食得麻煩。 仲介紹一個雙拼menu，叫特定三樣嘢+半價享指定菜式。三樣嘢中叫咗最平嘅功夫湯，份量少過一碗，好似128/168⋯⋯仲要用杯飲。半價菜式50-90不等。仲有個手打麵好難食...好食菜式如下：鵝腸拼鵝肝：鵝肝好嫩，熟得啱啱好，非常滿意。鵝腸第一次食頗脆同爽，第二次就冇咁好食，韌。方魚蠔仔粥：蠔相對出面大粒小小，雖唔係好鮮甜，但冇腥味。份量多，雖然水多更多。唔夠熱。蝦蚧酥：餡多炸得脆，唔洗點汁都好味。唔記得咩雞球：一般冇乜特別梅子烏魚：好一般，魚非常hi而不鮮甜，肉碎好多個汁OK。啫啫芥蘭煲：有啲鹹，太油，但味道OK。

依間好樓好近地鐵站，開係新都城二期裏邊，一到假日同午市就好多人，我哋等左大約15分鐘就入咗去，環境都算舒適，坐底開始叫野食😁1. 咸菜胡椒豬肚湯豬肚好林又好甜，唔會太咸，湯底用白胡椒整，入味得離好清甜，夠晒火喉🥰 2.時令菜太油，出街菜離講算清爽，冇味精3. 潮洲蠔餅傳統潮洲蠔餅，「煙煙銀銀」，傳統做法，不錯4.菠羅咕嚕肉酸酸甜甜，開胃嘢味😜🙋🏻‍♀️總括嚟講呢間菜館好好食，老闆係傳統潮州人，所以做啲菜都好有傳統潮州特色，喜歡潮州家鄉菜嘅唔可以錯過～

Only tried the pastries here because of the interesting paper wrapping.Inside there are 10 of these pastries.When you eat them, it flakes everywhere.The filling inside is starchy and sweet so it depends if you like that sort of thing.Personally I found it too sweet so I don't recommend it.

今日同個friend嚟到這家開業3個月左右的潮州菜館，本身想去佢隔離嘅嗰間喇沙，不過佢有個店員好熱情咁同我哋講佢晏晝都有茶飲，所以就試咗佢喇～今次試咗4個點心，分別係香蔥炸兩腸，香煎韭菜粿，蒸合桃包同埋炸雲吞香蔥炸兩腸，假日中點($22.8)，呢個覺得好好食，睇相都知道佢幾大份，啱啱上碟嘅時候中間嘅油炸鬼仲係脆㗎，出面嗰浸腸粉皮滑同薄，呢個推介。香煎韭菜粿，假日中點($22.8)，佢出面我諗係類似粉果嘅晶瑩皮，有輕輕煎過，幾香亦厚薄適中，裏面係韭菜同少少蝦嘅餡，係咸嘅潮州點心，呢個我覺得佢入面餡料油咗少少，其實如果佢個做法係蒸（類似韭菜餃？），可能會更夾，不過味道都唔差，本身想試埋個甜嘅紅桃粿，不過兩個人唔敢叫太多驚食唔晒蒸合桃包，假日中點($22.8)，佢外面都整到好似合桃形狀咁好得意，入面嘅餡有合桃碎同埋應該落咗煉奶，我個人覺得個餡甜咗啲啲（可能係煉奶嘅關係，不過鍾意食甜嘅人應該會覺得甜度ok），同埋會想佢合桃多番啲，但係個蒸包外層真心好好食好鬆軟炸雲吞，假日小點($20.8)，味道有正常酒樓水準，雲吞皮脆，上碟時亦都係熱辣辣埋單兩人連茶芥加一$117.9（假日），平日或者下午茶嚟

今日同屋企人相約係新都城食飯，行行下就選擇咗呢間專食滷味嘅飯店。之前試過佢嘅招牌滷水鵝，都幾入味，所以推介比屋企人試試。一入到去同一般茶樓咁，會幫你開位同送上小食（個小食係要收費的）我地點咗幾樣餸，一黎就上咗個滷水拼盤。呢個拼盤有哂幾種滷味，滷水滷得幾入味，但略嫌咸咗少少，不過家人就覺得幾好食。跟著就上另一道酸甜一字骨。一上已經覺得份量都幾少下，而且無咩肉食。佢嘅酸甜味幾夠，肉質都juicy，都唔錯嘅，不過我地4個人一人兩件就冇哂。然後上咗個欖菜炒飯，個飯都幾香口，又有啲蝦米呀同埋類似菇菌嘅野，都幾好食。最後我地嗌咗個反沙芋食，上次黎食果陣仲係試業，想試都冇得試，所以今次一早嗌定。等食哂正餐，服務員會幫你執枱，佢地嘅服務態度一流，好似去酒店食飯，會同你換過哂啲碟同餐具，之後再送上甜品。呢個反沙芋比想像中甜好多，佢啲砂糖好似唔洗錢咁落咗好多，而一食落口，啲糖就同芋頭分離咗，搞到食完個芋頭又再夾返啲糖先夠甜，不過一送上黎果陣真係好熱辣辣，都幾好食。我地仲有叫到個魚肚粟米羹，不過已經忘記咗影相佢地一送上黎就會有專人幫你分好啲羹，全程唔洗自己出手，服務真心係幾唔錯。而且價錢都合理，所以我覺得性

父親節一早訂左位食晚飯，去到時間尚早，人唔算太多食物方面：菜膽杏汁炖白肺湯清甜可口，無味精感覺潮洲鵝腸幾入味同幾爽口鳳梨梅糕一字骨酸甜醒胃，但每件骨較大，入口蒜茸炒菜心都算不錯，爽脆潮洲炸蝦蟹酥，味道適中，爽口彈牙可惜溫度不夠家鄉煎蚝烙有很多蚝肉，不帶魚腥味，抵食之選侍應服務態度良好，環境舒適，又可自攜帶蛋糕，不另加收切餅費普洱茶帶有玄米味，好特別將軍澳潮州菜選擇唔多，呢間味道同服務都好，有機會會再幫襯

小弟有史以來第一編的食評，就因為一碗等齊人先煲的方魚肉碎粥話說今晚同太太收工試下呢間新嘢，入去的時候個場大概6到7成滿左右啦，寶琳星期一晚市嚟講唔算太忙太旺場我地叫左3樣嘢，「鳳梨梅羔一字骨」、「金華腿碎津白」同埋「方魚肉碎粥（一碗）」，張單的入單時間係1914頭兩樣嘢都好快到嘅，個一字骨正常，起碼熱同無伏。個津白就。。。。無改錯名，啲金華火腿真係好碎。。。。超碎濕濕嗰隻，而且個汁打得太杰，伏伏地甘啱我個位望住個出菜位，我成場飯都無見過d粥呀，鍋呀係廚房出過。再望一望全場，發覺成間餐廳都無人食緊粥（大佬，去潮州鋪頭，我打死都唔信得我一枱人嗌粥）食曬兩樣嘢差不多1940，我就第一次追個粥未到。之後我追到第3次，時間大概係1954左右。嚟serve的係在場黑衫的部長。我同佢講您全間都無人有粥食喎阿部長甘同我解釋：「先生唔好意思，d粥要全部人等埋一齊先煲架。」我應佢都廢事，如果無其他人嗌，甘我要等到幾時先有其他單同我一齊煲呀？如是者取消單俾錢走人，以後可以唔使嚟～

最近開咗間潮州餐廳，阿媽話要去吓，好在我們比較早，不然會排隊。門口左邊，經典潮州菜，如滷味、大眼雞等，在櫥窗外清晰可見，排列得井井有條，頓時食慾大增五人同行，點了蠔仔烙、粉絲煲、蝦蟹棗、魚麵和鹹菜豬肚湯，都是一些經典潮州式家常小菜。味道都算地道，但係個海皇粉絲煲有點牽強，驟眼只見粉絲和椰菜絲，沒有所謂海鮮配料。撈一下只見一點點蝦肉碎，入口間中有魚肉碎湯魚麵沒有水準，麵身過腍，而且腥味很重其實附近不乏食肆，有很多其他更好的選擇

寶林新都城的四點金，以香港潮州菜來說，不算一流，但也不過不失，經濟實惠的選擇。糖醋黃金麵： 這一碟菜式帶着正宗的黃金拉麵，加糖加鎮江醋，脆脆的炸皮和生麵，帶出甜甜酸酸和煙煙靭靭的味道。韭菜靚豬紅：豬紅不是每一個人的喜好口味，吃入口的爽度和鹹度不是那麼明顯，不過可以接受。沙薑浸鳳爪: 鳳爪的味道比較清淡，未能將沙薑帶入味。不過吃入口還可以的。滷水獅頭鵝肉： 鵝肉的肉質較一般，不是難食，但咀嚼時缺乏了那種打冷的滷水味。鳳梨梅羔一字骨： 這個一字骨反而炒得很入味。帶點芒果香味，肉也不肥，很香口很開胃。這店的潮州菜比更出名的潮州店舖是有一點距離，不過在價錢方面也有一點距離。若想吃較為實惠的潮州菜，這店可以是一個選擇。店舖本身也不細，坐得也舒適。整體來說，不是每一道菜都令人回味，但每碟菜的味道也可接受，算是一個經濟實惠的選擇吧。By CalvinCanEat

早排老公先講開好耐冇食過鹵水鵝，點知就俾我發現屋企附近又有新食店，仲要係潮州野～～梗係要同老公試下啦～～啱啱入完第一輪食客，我地就要等⋯⋯但為左食好野，咁就繼續等⋯⋯等左差唔多個半鐘，終於入得～～～門口位一大堆滷味都擺呀出黎，都幾吸引咁簡單的菜單一坐低就有個鹹菜食下，開胃開胃～～咸菜胡椒豬肚湯：每次見到都會點，呢個就比較精緻～～咸菜味濃，豬肚又夠淋滷水獅頭鵝：特登為佢而黎，點可以唔叫呢？！滷水味香、鵝味濃～～食落肉質都夠淋～～老公食得好開心，好滿足～～家鄉煎蠔仔烙：以為係蠔餅咁，點知係好似蚵仔煎咁，一pat pat糊狀口感⋯⋯唔太鍾意方魚肉碎粥：硬實實既方魚好好味～～總括黎講，食物都唔錯～～但侍應有待訓練，始終新店，好多野未順暢咁～～有機會會再食過呀。

經過呢間新飯店幾次，都見到有十幾二十人等位，今晚終於試一試。第一次寫食評，寫的原因係找不到呢間分店食評，另外的分店的食評亦都是少，坐低之後心裡有點”伏”嘅感覺。而我對潮洲食物有㸃情意結，食完後覺得要支持一下。我和先生叫了5樣食品：家鄕煎蠔仔烙($92/例): 我本身是潮洲人，小時候很喜歡爸爸做的煎蠔烙，他已經很久沒有做菜，所以常常希望在飯店找回那種味道。在這裡找到了那種口味，雖然不是百分百，但都是那種口味。蠔烙外面是煎的，不是炸到很脆很乾很油的那種，還可以看到煎蛋和食到蛋的香味。裏面是軟身厚厚的一層蠔灰色透明狀的，蠔很新鮮及份量適中。如果加多一點芫茜就更好👍🏼滷水雜錦拼盤($98/例)：這裏的滷水拼盤是沒有鵝肉的，味道都可以。蠔仔肉碎粥($44/碗): 喜歡它是清淡的，不像有些飯店加了上湯在湯底裏，另外粥裏面有方魚，很多飯店都沒有👍🏼咸檸檬炖鴨湯($38/位): 湯很清新有檸檬咸香味,同鴨肉相當之配合👍🏼福果清心丸豆爽($24/份): 甜味啱啱好，白果沒有苦味，清心丸好吃👍🏼整體來說都是一個不錯的選擇。但最後結單收多了$2的外賣盒費用，收銀員馬上退回$2現金。

餐廳空間大，但無乜大枱，4人枱佔多，人數多有排等，訂位話只限六點，但我地七點半到等位，派位員話要等八點訂左枱唔到就有位比我地，感覺雙重標準，加上服務態度差，食完飯未到十點，想叫甜品，饅頭，壽包，紅棗糕問完話有，落左單又話無…鵝件例牌份量算係甘，但唔夠味炸豆腐都ok ，外脆內滑小炒皇，用生菜包住食幾有新意，味道偏辣蠔仔粥，味道偏淡，有d失望煎韮菜粿，煙煙韌韌，中意食韮菜既我絕對推介呢個小食潮菜不可不試既蠔餅，上枱熱辣辣，蠔仔唔算多，味道尚可一字骨，咸多過酸，份量尚算多，都有啖啖肉，有得揀我會食返生炒骨😂全埸得兩張Bb椅，帶小朋友既注意價錢偏貴，質素一般，服務態度差，名過於實，所以唔會再有下次