45
7
2
港鐵寶琳站 B1 出口, 步行約1分鐘 繼續閱讀
所有分店 (2)
電話號碼
28826388
開飯介紹
餐廳主打潮州菜,做法及菜式也跟足傳統,希望把潮州文化、風味帶給食客,另會按季節不時推出限定套餐。 繼續閱讀
附加資料
Enjoy our OpenRice takeaway service to ease and enhance your takeaway experience !
營業時間
今日營業
08:00 - 20:00
星期一至日
08:00 - 20:00
公眾假期
08:00 - 20:00
公眾假期前夕
08:00 - 20:00
付款方式
Visa Master AlipayHK 支付寶 現金
其他資料
網上訂座
Wi-Fi
酒精飲品
自帶酒水
切餅費
VIP房
泊車
電話訂座
賞訂座積分
外賣服務
加一服務費
電視播放
當面支付
有關獎賞計劃
食評 (60)
等級4 2020-07-09
156 瀏覽
#將軍澳 #寶琳 #四點金 #四點金飯店今日同屋企人去到寶琳食飯,祖籍潮洲嘅我哋今晚就揀咗間潮州高級餐廳「四點金飯店」。呢間餐廳位置都算方便,佢喺寶琳地鐵站一出嘅新都城商場,好多巴士都黎到。Btw, 土瓜環都有分店咖!開胃小菜酸酸甜甜,上面仲舖咗啲南薑粉😋🦆 正宗澄海滷水獅頭鵝 ($178)首先上枱嘅係呢碟正宗澄海滷水獅頭鵝,師傅將佢排列得整整齊齊,上面放咗芫茜做香菜,另外附上白醋加紅椒粒。鵝肉超多,有部分鵝皮偏厚,皮肉一齊食真係好滋味。雖然比我平時食開嘅斬料肥少少,但肉質腍滑,而且肉汁豐富,真係會連減肥嘅人都忍唔住一啖又一啖咁食曬佢😆🐠 半煎煮黃花魚 ($128)半煎煮嘅黃花魚放入上湯之中,伴隨住仲有冬菇、白蘿蔔、蒜、葱、中國芹菜、薑絲、紅椒等多種香菜。個魚非常之腍滑,而且仲去曬骨,好正呀☺️☺️🦪 家鄉煎蚵仔煎 ($92)呢個係我食過最好食嘅蠔餅,沒有之一。食落去完全唔會覺得食緊麵粉,而係真係每一啖都係蠔仔!底面兩層之間嘅饀料就全部都係蠔仔同蠔膏🤤 好香口、啖啖蠔,呢個價錢真心抵,唔怪得左右兩枱都叫曬黎食😆🍲 金銀蛋莧菜 ($88)Waitress姐姐介紹今日新出嘅金銀蛋莧菜,價錢都好合宜,我哋就叫黎試吓啦~果然冇令我哋失望!呢個莧菜的確比普通潮州打冷/餐廳食到嘅鮮味同豐富。有普通蛋花、超多皮蛋同鹹蛋。入面仲有幾粒炸蒜😆好正!呢個菜喺邪惡同健康之間揾到個平衡,超抵讚👍🏻🍵 菜脯杏汁白肺湯 ($42/位 或 $138/窩)呢個菜脯杏汁白肺湯超潤!一窩大槪分到六至八碗,入面超多料!姐姐會幫我哋分碗,每碗入面都有大大舊豬肺同白菜膽,超滋補😚💓 杏汁超香,大愛🥰🥨 香脆招牌蛋散 ($24)最後叫返樣甜品先😚 呢個炸蛋散形狀超靚!成個蝴蝶結咁樣,淨㡳火見到個樣已經好開心啦😭💓 食落冇想像中咁脆但都一樣好好食!佢嘅表面係脆但入面係暖嘅,沾埋練奶、芝麻同花生,香口好味😋 下次要再黎試芝麻餅❣️完全感受到大廚嘅用心同侍應嘅禮貌,呢餐食得好開心。順帶一題,呢度除咗茶,仲有紅酒同其他嘢飲咖😋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-21
507 瀏覽
父親節將近,我們一家都習慣預早少少慶祝晚飯。爸爸又沒有特別想吃的,話事權給了媽媽,就揀了她最愛的潮洲菜。在將軍澳區內的潮洲菜餐廳真不多,在寶琳的這間「四點金」算是區內出名的街坊餐廳。既然經常聽到餐廳的好評,擇日不如撞日,近近地,我決定帶爸媽來食餐正宗潮州菜。遠處行近都已經清楚看到大門外的招牌,浩浩蕩蕩的「四點金」,「點」字形寫得好特別,心想名字改得好,「點」真是由四點金造成。潮洲馳名的綠豆餅,這裡都有售,價錢都只是$28因為每次經過餐廳都會買來食,可惜當日已售罄,唯再等下次先買。餐廳內環境十分有中式古典風,防疫期間,可見台與台之間餐廳都置了中式味的屏風,我們一家進食都更安心。疫情期間,餐廳推出了限定的超特價套餐優惠,自選三菜一湯套餐。眼看每台都參不多食這份套餐,二話不說,當然我們都不走輸點了一份套餐和加點一碟炒飯。*自選三菜一湯套餐*⇉ 1. 胡椒豬肚湯很驚喜地,套餐的湯是一壺地上。員工的服務很好,都替我們盛湯。湯的胡椒味十分濃郁,但又不過辣。這湯份量十分足料,都可以啖啖豬肚地食,而且我們三人分都完全不怕不夠,每人喝過一碗竟然還有剩余可以之後再添喝。⇉ 2. 潮州凍烏頭來到吃潮菜當然要試一下特色的烏頭魚。烏頭魚雖然是凍吃,但魚的鮮味依然十足,魚肉鮮甜,肉質食來都較細膩。配上兩種醬料,豆瓣醬和酸醬來食,食落更有潮州風味酸酸甜甜的。⇉ 3.滷水鵝拼盤潮洲菜必食之選少不了滷水,而這份滷水鵝拼盤就很多元化,除了鵝肉, 還有豬大腸、鵝腎、紅腸、蓮藕等好豐富。鵝肉的火候掌握得很好,吃起來香嫩可口,而不會感覺老和韌。⇉ 4.家鄉煎蠔烙蠔餅不但香脆,蛋味都香濃。這裡的蠔餅煎到外脆外軟,表面香脆,內裏煙韌,加上滿口蠔的鮮甜味,果然是整間餐廳的招牌菜。蘸上魚露食更有風味。⇉ 5.芋粒鹹肉炒飯香噴噴的炒飯,最重要是夠熱帶出香氣可口的風味。加入了芋頭粒 和鹹肉來炒的飯很香口,用來配菜簡直是一流。⇉ 6. 紅豆沙 (套餐是日甜品)意外地套餐甜品竟然是每人一碗的,吃過美味的晚飯糖水當然少不免。⇉ 7. 招牌蛋散因為沒想到甜品是每人一碗的紅豆沙,點餐時已經加叫了這份蛋散。 蛋散鬆脆可口,配上蜂蜜和糖粉,甜絲絲的。吃過這蛋散真是為我們這餐豐盛晚飯作很好的完結。四點金作為潮洲菜來說是夠正宗了,在區內有這個水準是十分推介,且現在還有這個進行中的超優惠價套餐,大大加分吧。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-27
1182 瀏覽
好耐無同過啊媽去飲茶我地今次來左呢間「四點金」呢間係潮州菜館來第一次來感覺唔錯行入來先知原來都幾大間同幾靚入面d紅色燈籠好有特色特價點心孖寶我地叫左B同E明蝦子燒賣肉質好彈牙d材料新鮮燒賣又香又juicy香茜牛肉腸個皮好滑唔錯百合醬鳳爪(上)d醬好入味好好食唔會太鹹——————————蘆筍帶子餃(左下)呢個幾特別清新口味蝦肉好飽滿好爽——————————紅糖核桃包(右下)之前內地食過一試愛上香港就未食過呢度整得好食d😍👍有驚喜👍瓜粒鮮竹卷入面有冬瓜粒幾好食飄香棗皇糕唔會太甜唔錯😄酸甜炸雲吞超脆個甜酸醬係「神來之筆」perfect match好正——————————————整體感覺唔錯服務方面有禮貌環境舒適下次可再來 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-06
694 瀏覽
平時好少見潮州酒樓,今日誤打誤撞入左一間環境很不錯,牆身有好多水墨畫,好有文藝味道至尊蠔仔泡粥黎到間潮州酒樓,當然少不了叫返碗蠔仔粥啦每隻蠔仔都脹卜卜架仲有方魚、肉碎,令整碗粥更豐富水晶蝦餃皇每次去親食點心,蝦餃都係我必點食品呢度既蝦餃特別皮薄,而且唔會痴住筷子的唔怪之得我見到每檯都總會叫蝦餃啦春風得意腸腸粉皮做得好滑身,個餡有蝦&碧綠既菜粒,幾好食,有多重口感蒜香蝦春卷+酸甜勞雲吞呢度既炸嘢好得喎唔會好油膩,炸得好乾身家鄉黑糍粿煙韌控既我一見到糍粿,當然環要叫返一客先啦中間有花生🥜芝麻、椰絲,全部我都唔食得不過外皮好柔軟、煙韌,好好食,只係個餡唔岩我個人口味......食到咁飽,都係$200咋 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-16
707 瀏覽
朋友找到坐得舒服的潮州菜餐廳, 天氣寒寒濕濕,今天特別想去。 就在新都城二期,门面古色古香,裝潢新淨。除了傳統潮州菜式, 竟然也有潮菜圍餐, 全包宴, 一般中菜以外潮味十足的另類選擇。每枱也有嘅鹹菜, 也可在店內購買。 鹹香嘅銀魚仔脆卜卜, 加上炸蒜和鹹花生, 好惹味。餐廳近門口 壁櫥窗放滿傳統嘅潮州打冷美食, 每盤也有用保鮮紙包著,夠乾淨衛生。平日星期一至五會提供特惠孖寶$199, 选了『潮式欖菜茄子煲』和『五柳糖醋黃花魚』『潮式欖菜茄子煲』熱辣辣嘅煲仔, 茄子特別香, 唔係魚香茄子嘅鹹魚味, 以欖菜代替, 味道獨特又唔會過鹹, 也有不少肉絲, 味道豐富,下飯一流!『五柳糖醋黃花魚』賣相不俗, 黃花魚難得也很有份量, 略炸過,魚皮夠香脆, 魚肉保持鮮嫩富魚香, 五柳糖醋嘅醬汁,可以再多一點醋味, 整體不俗。『 福果清心丸豆爽』$28試了這款傳統 潮式甜點, 有好似蒟蒻嘅清心丸,  質地偏稠, 味道偏甜, 綠豆頗有豆香又夠爽! 口感好豐富嘅一道甜品。臨走仲可以購物😍有自家製辣椒醬,鹹菜,咸脆花生~~ 繼續閱讀
(以上食評乃用戶個人意見 , 並不代表OpenRice之觀點。)