四眼仔腸粉 (已搬遷) 新店位置

從群記出來之後, 總覺得不太滿足. 行經這間小店, 發覺門外居然有一條人龍. 本著"有人排隊的應該差不到哪裡"的心態, 加入了排隊的行列. 仔細看看招牌, 原來這裡就是"四眼仔", 另一間在Openrice得到多個好評的小店, 售賣的正是香港地道街頭小食: 腸粉, 魚肉燒賣, 魚蛋, 豬皮. 在排隊時,透過透明膠版, 可以看到老闆及助手正在不停手地切腸粉, 放醬汁等, 努力地工作. 由於店子不設坐位, 我們買了後拿到附近的公園品嚐. 腸粉還是熱騰騰的, 腸粉卷得實淨, 很滑溜, 蘸上了豉油和甜醬同吃, 比起在群記吃的炸卷好吃得多! 老爸說跟深水埗的合益泰的水準相約. 至於魚蛋, 有食家說是用陳皮做的魚蛋. 老實說吃不出來, 只覺得不大爽口彈牙, 魚味也很一般. 不過, 腸粉一蚊一條, 實在是極便宜的價錢, 只花了十元, 便已經滿足了三個人的口腹. 而且可能係全港最平嘅價錢, 加上味道不俗的腸粉, 怪不得人龍不絕了.

在女友家看完my tv，小儀及金剛介紹粉嶺的美食，身在祥華邨的我們便動身再次走進聯和墟搵食了。由於是星期日中午的關係，豬手麵、大蕃薯及客家菜均需等位，女朋友便推介我一齊去篤魚蛋～我們走了幾分鐘便看了一條小小的人龍，大約有十個人左右啦，感覺還好，所以便到隊尾排隊了。一邊排隊又一路可以看到老闆及後生助手默默的工作，我觀察到老闆十分細心，看到來買的是小朋友，便把腸粉切得十分細粒，似怕小朋友難以放入口吧！兩個人在小小的店內默默的做，腸粉很滑，而且紥實不散，燒賣就是一般的魚肉燒賣，驚喜就少一點啦，而魚蛋都OK啦，正正常常咁囉～多數人都是外賣，但喜歡企在街吃的，也可以在店外站著吃的。腸粉一蚊一條，其他唔記得幾錢，嘻嘻，唔好意思。順帶一提，還有豬皮吃喔！支持小店！加油！

雖然自己係街坊,間中都會去食,但今次真係要贊一贊佢地服務。話說有次買完燒餅,再去四眼仔買腸粉,到買完囉貨時,服務員見到我手上囉住一細袋餅,就係比袋腸粉我時,用多一個大袋袋起包腸粉,叫我可以將袋餅放起一齊。雖然件事係微不足道,但更加反映到佢地對客人既 留心 關心 細心,雖然件事已經過左一段時間,但都係忍唔住要上來寫一寫,支持下。

中學時代經常到吃的四眼仔腸粉！離開中學後已經很久沒有品嚐了‥‥再次回到聯和墟也是因為讀書‥‥從前的四眼仔腸粉已經需要排隊才可吃到‥過了數年還是後多顧客排隊‥‥等了大約五分鐘‥‥叫了$5腸粉，$3魚旦，$3燒賣‥‥腸粉配合甜醬花生醬，非常美味‥‥我很喜歡吃這種細小的魚旦‥‥而且這店份量很多，只需十元便可吃到肚子滿滿的‥‥

星期六接放工後,到了這裡試下門口都有條人龍,等了幾分鐘腸粉,買了$5腸粉,有6條,相當大碟,腸粉比較粗身,熱辣辣的腸粉,還是很美味~燒賣,同樣經濟的燒賣,撈醬汁食亦幾好~魚蛋,叫了辣魚蛋,但不夠辣~一般~但順路經過就值得一試~~

食完午飯,見唔係太飽,所以咪去四眼仔買包腸粉食吓.這店响粉嶺出哂名,每次想食都要大排長龍,加上價錢實在太抵,腸粉一蚊條,燒賣,牛肉同豬皮所有配料都係兩蚊,正所謂平有平食,貴有貴食,最重要係好食.腸粉平得嚟味道又唔差,質感滑滑熱辣辣,我諗真係平絕全香港,每次買十蚊腸粉加其他,又飽又滿足,怪不得老細做到冇停手啦!!

話說呢次我都係第一次食「四眼仔」，全因聽人推介好抵，咁就去試喇~腸粉都係得一個字，真係好好好好滑!! 俾醬料又唔孤寒，配搭得好好~加上d燒賣又平又好食，未試過可以係第2度食度~最難形容既係佢既魚蛋。據消息，佢做既係「陳皮魚蛋」，口感同我地食開既唔同，冇咁爽口彈牙(而且其實好細粒...><。至於有冇陳皮味呢就....(被d醬料蓋過左=p 價錢方面，唔使講喇，你睇下樓上樓下d食評就知真係抵食到傻喇~~ ^0^

我晏晝4點零鐘嚟到呢度。輪咗個零字左右到我喇。我叫咗$2腸粉(兩條)，$2魚蛋(六粒)，$4燒賣(八粒)，共$8。腸粉都唔錯，滑滑。 魚蛋就冇乜味，純粹過下口癮。 燒賣大大粒，都算唔錯。 豉油、甜醬、花生醬、辣醬都有。最可惜冇芝麻。 不過咁抵食，都算啦。仲有賣蘿蔔豬皮，小弟唔好，冇叫到。似係兩父子經營。老竇負責切腸粉、筆燒賣、魚蛋。阿仔(真係四眼仔)負責加醬、入袋和收錢。

次次黎到都一定會黎食燒賣同腸粉, 始終都係依度最平同最抵食燒賣就一定次次都食, 冇咩地方可以咁平而食到又唔錯ge, 而腸粉就更加好...每次去度都好多人排隊食, 可以都係抵先會咁...但係我每次經開一定會食一食...

確係好多 人排隊, but 流轉都算好快 ...外賣自取等5-10min, ok la一句到尾....., 味道ok,醬料齊, 夠熱, 魚蛋爽口,冬天時候 凍冰冰佳選最好可以多d唔同料!!

走在聯和墟,大家都會見到一條終日人龍,要找四眼仔腸粉是一點不難.可能有人認為出品不外如是,但四眼仔主打的是速度及價錢,稱得上平通全港九新界,幾蚊已經有交易.今次要了魚蛋,豬皮,燒賣及腸粉,十蚊已經一大包,實在幫補了不少學生及老人家,雖然有時人流太多,腸粉未必夠熱,亦不過是少少問題,而魚蛋是來貨,並不是自家出品,魚味尚可以接受,豬皮亦有點爽口,燒賣反而不夠熱,美中不足.但將價就貨,又找不到挑剔的地方.

去群記食豬手要等成個幾鐘所以中間去一去四眼仔食朱腸粉2個人叫左$3腸粉$2魚蛋$2豬皮豬皮魚蛋都唔係主打勝在平腸粉就堅好食好食在於滑, 食完唔鞋口而甜醬, 麻醬,同SOYSAUCE全部都好順口味道唔會太出位總結應該係全新界最抵食又好食的朱腸粉, 幾蚊雞..必試啦

個日入開粉嵿, 聽朋友講有檔街邊野話好出名, 見咁遠入到黎, 好, 就去試下..返正我依D雜食性動物~有殺錯冇放過~間野叫咩名, 未就係叫四 眼 仔 腸 粉.係和豐街的~個到D腸粉好滑, 熱呼呼, 有陣性又唔會成口粉, 不愧係招牌.加埋D混醬, 唔錯唔錯, 冬天企街食一流既~佢同其他出邊唔同既係, 係仲係用緊懷舊既方法黎切, 用把鋼刀, 切完D腸粉又整齊, 價錢真係平啦, 腸粉1$1條, 魚蛋2$6粒, 燒賣2$4粒~, 但記住, 最底消費係2$的除左腸粉, 其他的豬皮, 魚蛋, 燒賣..好普通, 不過都好既, 因為夠平呀嘛味道又真係冇咩特別好~$10 可以飽到唔飽~抵晒既~

呢間都係粉嶺必食之店.四眼仔原來係老細個仔..哈哈....首先見到個價錢平真係平..最平4元就有交易...魚旦等如2元一串.又係時光倒流的價錢.在街食腸粉.10多歲是我人生樂趣事實上呢間店味道又唔錯.....調味簡單.味道仍有...腸粉幼滑....魚旦實魚味濃....燒賣大大粒...無豬油調味都香口...埋單9元就有呢個質素,簡直物超所值

今日遊車河去左屯門,走時3pm突然唸起4眼仔,起初細囡反對,但最停唔到口係佢,好彩唔洗點排隊,鱼蛋朱皮腸粉燒賣4合一,人間美食,醬汁足腸粉滑,魚蛋勾起童年回憶,正平靚正