四寶食堂 (兆安廣場)

營業中

休息中

餐廳位置喺銅鑼灣價錢相當親民。環境設計較新派同光猛乾淨，入面仲有一大片粉紅花海可以打卡🌸➖➖➖➖➖➖➖➖➖➖🔥香煎喜哥蔥油豬扒配招牌炒蛋、冰火菠蘿油豬扒好大塊，上面舖滿蔥油🤤炒蛋熟度恰到好處，菠蘿包暖暖地好鬆軟，牛油係放喺冰上面送到🌝 夾入菠蘿包即刻溶化，真係名副其實冰火菠蘿包👍/🥪咸牛肉炒蛋三文治好吸引既賣相，咸牛肉炒蛋多到瀉，麵包非常鬆脆，好慶幸佢冇索到啲汁變林晒🙏/🐟香煎龍利魚柳配沙律及薯菜好味既魚柳煎得好香，配埋旁邊酸酸地既沙律，實在開胃😬 炸薯角另上超大碟，兩個女仔食唔晒添😅/☕️熱奶茶茶同奶比例比均，好滑，恰到好處👍

Hong Kong Style🇭🇰You wanna try❓😋🍴💫..成日經過開銅鑼灣，都見呢間港式食堂好多人食，排隊人龍都人流不絕，心諗真係咁好食嗎❓終於有次入黎試試，食個港式tea。-呢間比我感覺係一間新派小店💕。具備傳統港式茶餐廳應有既餐點，但設計格局又好新派，結合fusion元素，仲有一大幅花花牆身🌸，真係好靚好岩打卡。食物質素有水準，難怪咁受歡迎。-ll $38Pork Chop Bun With Potato Wedges下午茶時段，見隔離枱食豬扒包好吸引，果然冇失望。豬扒嫩🐽 加上烘脆既麵包🥯 仲有滋味沙律醬，好吃。剛炸好既薯角 帶粉又熱辣辣。-ll $38Corned Beef w/ Fried Egg Submarine Sandwich另一款潛艇，蔥花炒嫩蛋🥚 加上帶咸香咸牛肉🐮，個已經吸引 食落好惹味，都係一款唔錯下午茶小食。-ll $58BBQ Pork Omelet With Rice (While Stocks Last) (售完即止）招牌之一既港式叉蛋飯，滑蛋一貫好滑，份量滿滿，加上甜叉燒 份量亦都好足。每一口蛋配每一口飯，滋味亦很好下飯。-ll $18

我已是第三次光顧這間餐廳， 除了坐得舒服之外 ，食物都好抵食，份量又多。 今次試下冰鎮菠蘿油， 菠蘿包是熱上配合冰牛油，美味 ！焗雞扒飯，外層麵包脆脆的，雞扒嫩滑，醬汁都好開胃好味。

四寶食堂 (銅鑼灣).⚜️叉燒蛋飯⚜️$58.好好好好食！ ！ 蛋好滑好滑，超香，我地叫左少飯(⁎⁍̴̛ᴗ⁍̴̛⁎) 先$58個人覺得好抵食，推薦必食之一！.⚜️巴馬臣水牛城雞翼四串⚜️$58.我倆以為一份係四隻，點知上到枱係四串😨 一共係八隻！佢係非一般嘅水牛雞翼，出面好多汁，但呢隻係乾身而且伴有泰式辣醬，好香好食！.⚜️飛魚子忌廉蟹肉焗大啡菇⚜️$68.非常juicy嘅大啡菇，啲飛魚子多到澎湃，我男朋友笑言飛魚子成本都有成十蚊🤣 蟹肉味唔濃，但勝在菇多汁！.⚜️英式班尼迪蛋配凱撒沙律⚜️$88.呢間有個好處係港式西式食品都有，連Benedict egg都有得你食味道仲好出色🤣⚜️黑松露鹹蛋醬什菌意粉⚜️$98.好少有地有鹹蛋醬，意粉乾濕度適中，有黑松露味配上忌廉汁！⚜️朱古力雪山，柚子氣泡茶⚜️.比個雪山嚇親，原來係成座山咁高嘅忌廉再配上凍朱古力，好邪惡！柚子氣泡茶都好好飲！—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📍 四寶食堂 (銅鑼灣)銅鑼灣謝斐道482號兆安廣場地下1-3號舖.—————————————————————-#hkig#hkigfood#h

果日約咗朋友去銅鑼灣食嘢，佢話想試下呢間既滑蛋叉燒飯🤣餐廳既裝修又幾靚喎！夠光猛、坐得唔太迫，仲有一大幅花花打卡牆添！蜜汁叉燒滑蛋飯 $58好大碟呀！夠晒飽肚👏🏻滑蛋既顏色好靚！金黃色咁💛食落真係好滑呀！蛋香十足👍🏻叉燒都好高質，肥瘦度適中、唔會痴牙👌🏻.喜哥蔥油豬扒煎蛋飯 $58呢個都係招牌菜之一！好多蔥油呀🤩豬扒份量超多呀！好足料！幾好食！個蛋都好靚仔🤣cp值好高！👍🏻.法式梳乎蛋多士配鮮果雪糕 $42賣相唔錯💕蛋味香濃！口感軟綿，又唔會覺得膩，正喎！🤤.朱古力脆脆西多士 $36我一向鍾意食朱古力脆脆呀！西多士都唔錯，唔會好油👌🏻如果加啲蜜糖會更好味～.雪糕紅豆冰跟餐加$15好吸引！紅豆好綿呀👍🏻雪糕都ok，不過杯飲品少咗啲牛奶呀🙈奶茶都好香濃、好飲！

呢個位於銅鑼灣既茶記同一般既好不一樣食物既選擇唔止係得傳統既選擇多左好多特式食物英式班尼迪蛋配凱撒沙律呢個作為小吃不但幾好味，而且都幾飽肚一客有兩件既班尼迪蛋上面既班尼迪蛋係半熟既加上三文魚兩個加起上黎係超好味蔥油豬扒炒蛋菠蘿油呢個係廚師推薦菜色，一客有大塊既豬扒，炒蛋加上菠蘿油成個組合勁邪惡蔥油豬扒真係無得頂！！超juicy菠蘿油既菠蘿包係暖暖地，加上一塊冰冷既芝士成個口感係100分！！！飛魚子忌廉蟹肉焗大啡菇呢個真係重點推！！好好味但好邪惡大菇上有厚厚既芝士加上飛魚子兩個係勁match 加上菇既香味食到慾罷不能！！

四寶食堂位於銅鑼灣登龍街嗰邊，地點非常方便。佢嘅外觀非常之靚，主要以Tiffany Blue作為裝修的主色，即刻吸引左我呢個港女入去。外面個外牆都係Tiffany blue ，我忘記影。原本以為係一間普通嘅港式餐廳，外表靚靚，但原來唔係虛有其表。食物竟然有一定嘅質素。今日我淨係食咗一個叉燒滑蛋飯，加埋一杯香滑嘅絲襪奶茶。上網已經見到好多人推介要食嗰個滑蛋飯，跟住佢嘅Menu滑蛋飯又係推介。嚟到果然有驚喜，係我食過最好食嘅滑蛋之一。佢整得好靚，睇得出師傅好用心。個蛋好厚好大份，剛剛好cover左我碟飯。叉燒大部份都是瘦肉，好好咬口，我自己就偏好瘦肉，係香甜的蜜汁叉燒。個滑蛋仲加咗少少青蔥，加埋豉油汁，送飯真係不得了。下次會再幫襯。

懶洋洋地去食個茶記，這間絕對令我有驚喜，佢唔單止有常餐，又有下午茶岩哂我。連海鮮都有。我先叫了出名的「叉燒滑蛋飯」嘩嘩嘩（重要的講3次）好味！滑蛋半熟，叉燒柔軟，配上熱辣辣的飯。又柯打了一客「泰式雞腿」外貌了得而且剛好炸至金黃色，夠香口。另外叫了「咸牛蛋潛艇」厚厚的蛋配上厚甜飽。最後我地仲有胃口再加小食「焗水牛芝士酸瓜甜椒帆立貝」好野味，濃厚芝士加有酸瓜味。題外話：員工十分細心，見到我叫了潛艇2人食，主動建議給我把刀。見到我叫了帆立貝，又主動給我小碟方便我食用我會再來的

這天約了朋友在銅鑼灣吃飯，去到這間見到環境不錯，被它那花牆所吸引，於是便和朋友嘗嘗。餐廳除了港式經典常餐之外，還有其他西式餐點，十分多元化haha薄餅看起來亦不錯，很多款都很想吃呢。我們最後點了一個叉燒蛋飯、一個午餐套餐和一個常餐和雪糕紅豆冰。常餐真的很高質，個滑蛋很嫩呀，用丹麥牛油製成的厚多士真的特別香甜，讓人很開胃。至於沙嗲牛肉公仔麵，賣相相當吸引，而且麵條煮得剛剛好，仍然很彈牙。牛肉亦都很惹味，肉質嫩滑。另外是招牌叉燒蛋飯，味道很濃，鑊氣十足，滿滿蛋香，令人流口水。還有鮮茄雞肉意粉配吞拿魚牛角酥，牛角酥很酥軟，雞肉亦很新鮮。沙律菜配以醬汁很醒胃，十分爽口。不少得的是雪糕紅豆冰，賣相真的十分吸引，超適合打卡，而且不會很甜，有很多紅豆。總括而言，這間餐廳有不錯的食物資素，路過可以嘗嘗。

銅鑼灣雖然同旺角尖沙咀一樣，係食店方面有好多唔同嘅選擇，但銅鑼灣呢邊嘅消費相對高啲，不過謝斐道呢邊好多餐廳都比較親民，見到四寶食堂食物種類多又大大份，就決定試一試。原來係一間西式嘅茶餐廳，除咗茶記有嘅常餐小食之外，大部份都係一啲西式嘅美食，而且餐廳嘅環境佈置都有種西式風格，坐得舒服又靚！《小食拼盤》$128分量超多，有我最愛嘅雞鎚同雞翼，仲有炸洋蔥圈，好耐冇食，炸得夠脆又香口，食完呢碟已經飽飽地🤣《黑松露鹹蛋醬大蝦雜菌意粉》$78黑松露味道好出，加咗鹹蛋將之後成個意粉更加香，估唔到兩者配搭起嚟真係幾唔錯，蝦仁好爽厚，而且意粉煮得啱啱好夠晒彈牙，強力推薦呢一個菜式！《蕃茄焗豬扒轉頭焗飯》$78呢個係因為個樣好吸引所以試吓，豬扒好大塊好厚，不過肉質略嫌較乾，味道可以。而炒飯底撈埋茄汁都不錯。《美國厚切西冷配黑醋汁》$128叫左5成熟，估唔到價錢咁抵，可以食到咁厚切嘅牛扒，而且好Juicy，唔孩口黑醋汁唔會好濃味，恰到好處。《雪糕紅豆冰》$32味道唔錯但有啲甜，唔鍾意甜嘅朋友記住少甜啦！

行街行到來銅鑼灣，外國返來的朋友嚷著要吃茶餐廳，我也是茶餐廳愛好者呢，今次四寶絕對有驚喜。先是入內裝修雅緻，主調粉藍色，那幅花花牆是各女士的打卡靚位。秋葵南瓜大蝦沙律配自家製醬汁~一大盆，蔬菜新鮮，大蝦爽口，配麻醬，醒一醒大家個胃。巴馬臣芝士水牛城雞翼~欣賞廚師把每隻雞翼都用兩支竹籤穿起，每串有兩隻，方便大家吃，味道夠辣，新鮮熱辣炸起，大家吃到舐舐脷。喜哥蔥油豬扒煎蛋飯(跟餐)，店員會簡稱豬扒蛋飯，是晚市常餐其中一款，也是招牌菜，塊豬扒厚度超過1cm有多，醃得夠入味，有口感得來不會韌，近骨位肉質更juicy，加上蔥油美味極了。夠邪惡的話可以食一號餐配菠蘿油，本人是個飯桶，且葱油一定要配飯，仲有隻太陽蛋。美國厚切西冷-黑醋汁(七成熟)配炸薯角~這個是跟餐，包括餐湯及飲品，今天是南瓜忌廉湯，creamy好飲。這件西冷好巨形，下面全是大大條炸薯角，是一個巨人餐，特別是原個焗蒜頭，除了增添健康感，也增加視覺藝術效果。凍檸水凍檸茶係堅跟order少冰少甜。

一講銅鑼灣食嘢，個個都一定會預咗唔平。但其實銅鑼灣都有平靚正嘅選擇 - 四寶冰室。招牌菜有2個。1個係叉燒滑蛋飯，而另1個係葱油豬扒飯。由於朋友唔太餓，我地就點咗1個叉燒滑蛋飯，再加小食。叉燒滑蛋飯，最緊要係蛋夠滑，叉燒夠肥！四寶2樣都有齊，仲唔會落好多豉油搞到變左汁撈飯。一黎到就已經非常香，色水亦都好靚，配少少葱花，眼見附近幾枱都有點，超級推薦！另外仲點咗個主菜龍脷柳，魚份量都幾多，有4片，仲要配蕃茄仔，味道都係唔錯的。佢另外仲配個湯同伴菜，伴菜可以揀意粉/薯菜。我哋選咗意粉，點知黎到好大碟，又係好抵！小食我哋就點咗Benedict Egg Salad同芝士焗菇。沙律雖然賣相中規中矩，不過勝在夠特別。焗焗就超多芝士，芝士迷必點！黎到呢啲新式茶餐廳，特飲一定唔少得！尤其跟主菜點有得平好多！我哋點咗1杯雪糕紅豆冰同檸賓，2杯都幾出色，尤其檸賓少少酸，非常開胃。

👓香煎喜哥蔥油豬扒煎蛋飯 $58豬扒好大肥，半肥瘦似燒肉咁一塊嘅上半部份係肥膏下半部份係瘦身肉。煎得香口多蔥油 好食。飯量足夠。同價錢成正比。👓雪糕紅豆冰 $32成杯飲品太甜，有個朱古力雪糕球，紅豆多質地都淋身不過同樣太多糖水好甜，椰汁底明顯好重椰汁味，不過成杯飲品比茶記嘅紅豆冰偏甜。

而家疫情嚴峻，當然屋企係最安全，不過有時都少不免會出外用餐，唯個時候我會盡量揀啲座位冇咁迫嘅食店。四寶食堂係一間新派茶記，裝修四正外，座位亦比較闊落，坐得舒服啲之餘，亦同鄰枱食客有一定距離。四寶食堂除左茶記常見嘅常餐同午餐之外，亦有意粉同多款西式小吃，定價雖然比舊式茶記高少少，但食物賣相同味道都交足功課。招牌沙嗲牛肉公仔麵＋嫩滑炒蛋＋奶油脆豬($58)牛肉公仔麵牛肉量都幾多，牛肉夠厚身唔會太鞋，沙嗲味幾香濃。炒蛋幾滑，仲濕濕地唔會過乾過鞋，雖然滑度未及得上澳Ｘ，但已經好過唔少茶記。跟餐原本係牛油厚多士，我加左$8轉奶油脆豬，奶茶同牛油都夠多，不過如果再烘耐少少更好。喜哥豬扒煎蛋出前一丁($52)豬扒幾大塊，有成隻手掌咁大，豬扒夠腍又入味，煎蛋都煎得靚。左: 阿華田雪山右: 凍鴛鴦常餐包咖啡茶，阿華田雪山跟餐加$7，阿華田味幾濃，上面加左忌廉，令名華田更滑。豬扒餐唔包野飲，所以另外散叫左一杯凍鴛鴦($21)，咖啡同奶茶味啱啱好，夠味得黎唔會太苦。泰式賓檸雞槌($68)雞槌一份有五隻，本身都已經醃得夠味，蘸埋泰式甜辣醬更加惹味。四寶食堂定位介乎茶記同西餐廳之間，價錢比普通茶記貴少少，但食物

最近這個時勢，吃飯也會比較快，不會去那些高檔的餐廳，今天選擇了這間餐廳， 比起普通茶餐廳會好，但是價錢也不會很貴。首先選擇了他的其中一款招牌名飯，是他的滑蛋叉燒飯，滑蛋叉燒飯要做得好，叉燒要美味， 滑蛋要嫩口不可以太老，但又要有充足的蛋味，再配上他們的特製豉油，意想不到的好味，但竟然索價只是60多元，真是非常的抵吃。除了他的叉燒飯外，朋友叫了他的牛扒餐，牛扒餐是西冷牛扒，一大塊價錢是一二八， 除了牛扒外，跟餐賠上他的南瓜湯還有飲品。南瓜湯非常濃郁，完全不像是餐湯，牛扒味道濃郁，比起港式扒房，這個火牛扒更是好味。除此之外，他不像茶餐廳的原因就有他的甜品，甜品我們選擇了是一個梳乎蛋多士配雪糕。 梳乎蛋多士軟綿綿的蛋味濃郁，很是特別，再配上雪糕。完成了一頓豐富的晚餐。同場加影， 三文魚Benedict。