四寶食堂 (兆安廣場)

營業中

休息中

四寶食堂 地址: 銅鑼灣謝斐道482號兆安廣場地下1-3號舖時間岩岩545pm,仍然有下午茶同lunch ,所以就好隨心咁點了滑蛋叉燒飯是男朋友食架，因為是招牌菜之一，一大碟滑蛋，甜豉油同蔥花己是無敵好食。$38瑞士雞脾加菠蘿油,大大片牛油連烘了底力菠蘿包，那有不好吃理由。雞脾入夠入味，大大口吃肉.$78 秋葵南瓜大蝦沙律，賣相吸引，用了胡麻醬，有高級cafe 出品質素見作佢西式出品都高水準，點多份$78 意式香草肉丸伴忌廉薯蓉，個汁美味，本身我好鍾意肉丸，一口一粒，薯蓉又好滑，食完心靈同胃都超級滿足。上菜速度快，熱辣辣食到好幸福。

在鬧市旺角，呢間茶餐廳係我今晚既小驚喜～同友人相約到旺角小聚已是21:00…要搵間收夜少少的餐廳都有困難。呢間店名四寶食堂貌似茶餐廳，但門面又似一間西餐廳～顏色走Tiffany blue~～非常注目🤩打開menu, 原來是中西合璧共一冶一爐玩法～頭幾頁是西化的菜單～而後面幾頁的是中式菜單，還有滋補湯水～環境絕對是理想，內籠裝修新穎～卡位亦比較多～看來往後宵夜地方又多一個🤩最jeng 是，餐廳行Plan C, 唔駛10:00 比人趕😜Yeah! 邪惡系列：黃金咸蛋醬露筍大蝦意大利麵🔥大讚一下～呢個意大利麵，用黃金咸蛋黃做賣點～超邪惡宵夜😈第一啖～滿滿流沙醬在口中爆發🤤何其滿足呢～材料不會太吝嗇，蝦🦐印象中也有5隻～只是醃得不夠入味（又可能係無醃過）不過有了這流砂咸蛋黃，就算醃過的蝦也搶不到其口感。（較細碟，食量小的女生應該會喜歡💕）同行友人則點了滑蛋叉燒飯～賣相不錯。只是我沒有吃，朋友回答是「好味」。😜餐飲方面，不能說是出色～品質中上

開講都有話，家有一老如有一寶，而家唔止一個寶，仲要打孖上，呀唔係…係四寶呀，簡直就係大哂幸福。福氣呢家野本身我就無乜咖啦，唯有間中沾一沾「四寶食堂」既光啦，講真我都數唔到我食過幾多次啦，無計啦…食極都唔厭，可能呢D就係食福？👇📌晚 市 常 餐 - ▪️ 香 煎 喜 哥 蔥 油 豬 扒 - $68▪️ 嫩 滑 炒 蛋 -▪️ 冰 火 菠 蘿 油 - ▪️ 蔥 油 撈 公 仔 麵 - (+$10)▫️ 常餐一定係呢到必嗌，佢個蔥油豬扒夠哂入味濃香，薑味好出唔會太鹹，豬扒食落鬆軟，配搭埋炒蛋，質感嫩滑，唔錯；而隔離既亮點菠蘿油塊牛油係另上仲有冰鎮住，將冰火效果加強化；另外仲加左10蚊要多個薑油撈公，薑蔥豉油配搭得天衣無縫，飽肚又好味。📌招 牌 推 介 - ▪️ 燒 美 國 頂 級 封 門 柳 - $138▪️ 廚 師 精 選 餐 湯 - ▪️ 黑 松 露 海 鹽 薯 條 - ▫️ 另一招牌特色既封門柳牛味好重，脂肪雖然比較少，但無損佢個質感，咬落非常煙韌，連埋黑松露海鹽薯條，啖啖滋味，份量又足，價錢幾抵食；今日餐湯係松露蘑菇湯，滿滿既松露香，整體好食。📌意  大 利 麵 - ▪️ 香辣蒜片欖油蜆肉·香草意大利麵

2021年10月7日 晴早幾日食得貴, 今日同男朋友食平d 呢間裝修又好靚成間打卡cafe 咁, 但野食一d 都唔貴, 有港式又有西式, 正招牌沙嗲牛肉公仔面 $58, 牛肉好重沙嗲味, 重點係冇鬆肉粉味而且好多片公仔面唔會好淋同好硬, 煮到arm arm 好, 好喜歡係一碗出色ge沙嗲牛面 唔好以為$58 就得一個面, 佢仲配埋炒蛋, 火腿同多士。炒蛋份量超級多, 我覺得起碼有3-4隻蛋咁款 而且好滑, 唔老。火腿正常, 而塊多士我就好中意食 佢寫係丹麥牛油厚多士, 會見到面包d 泡泡好多好靚, 入口好鬆軟, 會有面包絲, 總之就好食la 燒美國頂級封門柳 $138, 食完港式食下西式, 呢碟牛絕對唔比之前食個幾餐牛遜色牛味都好香, 唔會un, 以呢個價黎講真係泰出色 而且仲有男朋友最愛煎蒜頭, 正好食到見住男朋友大啖牛大啖牛咁食, 好好笑抵食個位仲有呢碗湯, 都係個牛同一個餐黎。係松露菇菇湯, 入面真係有一粒粒菇, 仲要都多ga, 唔會得一兩粒.以為得個湯就完? 錯了, 仲有一大碟松露薯條! 唔講以為佢係散叫小食, 但其實係跟餐ga前: 朱古力雪山, 後:阿華田雪山 $28, 個兩

四寶食堂｜銅鑼灣 竟然有甘高質既平民食堂？！｜我地成日都去銅鑼灣行街同食飯。但其實有時無乜預算嗎又想食好d既話真系唔知食咩好。今次我同幾個人就去左一間望落好乾淨，燈光好光既餐廳。我以為入面系食中式多，但原來中西式都有。餐牌真系有好多選擇。基本上，差唔多樣樣我地都好推介😍燒極級牛板腱 $138一上枱我地大家真系呆左，真系估唔到系甘大份，睇圖都唔覺得系甘大份。分量就好足啦，味道都好好! 牛板腱好軟，脂肪感都重，牛味都好重，個人就好中意啦。估唔到 $138可以食到甘既質素既牛板腱。仲要系一個晚市套餐，仲可以送埋沙律 / 薯條 同餐飲。下次黎銅鑼灣都會再食！😚燒頂級封門柳 $138封門柳系橫膈膜附近既肉，成只牛得一塊。分量又系好多，配有醬汁。肉質都好軟，牛味比封門柳差唔多，唔同既系脂肪比較少。減重人士想補充蛋白質既同時想食好西，都可以選擇佢。❤️小食拼盤 $128小食拼盤真系好豐盛，有雞翼，香草腸，雞硾，洋蔥圈同薯條。仲有幾款醬汁作選擇。而其中我印象就深刻系雞翼同炸洋蔥圈。雞翼味道好濃郁，系醬烤焗既雞翼，佢既味道有少少似系某炸雞店既炸雞，但就更加好味，更加濃郁，辣度更高。而炸洋蔥圈真系做得好唔錯

上次旺角食完呢間餐廳，估唔到今日去銅鑼灣都見到，一於再食多次，銅鑼灣呢間分店位置都好方便，行幾步就到地鐵站，餐廳環境都算舒適，不過枱有啲細，兩個人食嘅話叫太多食物就放唔落，餐廳內有一幅背景牆花，適合打卡。經典叉燒滑蛋飯 $58作為半個叉燒滑蛋飯嘅粉絲，呢一間嘅叉燒滑蛋飯絕對可以上我嘅排行榜。份量充足，炒蛋非常滑身，叉燒全部都大大嚿，一碟一個人食都非常滿足。意式羅勒蕃茄醬炒蜆 $78推薦！蜆肉份量多，而且唔會有沙，蜆肉鮮甜配上蕃茄醬好入味。松露鹽炸薯條 $40作為一個薯條迷，只要有薯條我就開心了，薯條份量足，鹽和黑松露比例剛剛好，每條薯條都好入味。雪糕紅豆冰 $15紅豆冰配上朱古力雪糕，唔會太甜，啱晒要有口感嘅我！

上星期陪朋友去SOGO買嘢，早咗到鋪頭未開門就諗住先嘆個早餐，謝菲道全條街都係餐廳食肆，但四寶似乎最旺，見好多西裝友喺入面食早餐，就同朋友入去試吓啦估唔到一間茶仔嘅早餐都有十幾款選擇，對於有選擇困難症嘅我都真係幾頭痛，不過身為一個番茄怪，有得揀茄通我就已滿足😀當食物上枱時我真係呆咗😳😳😳個牛角包大到呢…仲有煉奶同肉鬆，再加埋番茄芝士通粉，好味到打冷震，份量大到全日都唔洗再食其他野😂😂😂

鍾意食牛嘅我通常去餐廳有牛排就叫牛排，去到四寶都不例外，本身對佢哋嘅牛排冇任何期望，不過抱住一試嘅心態就叫咗份封門柳餐，仲可選擇幾成熟。牛排一上枱已見誠意，跟餐牌張相沒兩樣，配著焗蒜頭一隻，喺茶餐廳嚟講算係好特別。主角封門柳外皮煎到少少脆，肉質腍、有肉汁、有牛味，茶餐廳嚟講超哂班，非常驚喜。焗蒜頭都可以，如果可以再加油焗耐少少就好，至於配菜西蘭花苗就太老了。套餐包個西湯、黑松露薯條，百幾蚊算好超值！

_____好味指數：🌟🌟🌟🌟抵食指數：🤑🤑🤑正常去茶餐廳就係食滑蛋飯或者常餐，但係呢間餐廳選擇真係超級多，又西多士到卡邦尼，risotto，連Benedict egg都有，而且每樣水準都唔錯，如果你諗唔到食咩，嚟呢度總有一個你鍾意；如果你有選擇困難症，你應該可以喺度磨成個鐘😂✅香煎喜哥蔥油豬扒配炒蛋菠蘿包可以加個名落去嘅菜式就知有來頭，大大塊豬扒煎到外脆內嫩，配上蔥油更加惹味。炒蛋口感比較結實，水份唔會太多，然後仲有菠蘿油，食完成餐即刻變肥仔

是日同兩個friends行銅鑼灣, 其中一個地膽介紹我哋嚟到呢間食晚飯.據悉最近上咗雜誌, 好彩等咗陣就入座.餐廳裝潢幾靚, 主色用咗比較特別嘅湖水藍; 仲有一幅花花牆,  可惜我哋唔係坐嗰邊. 餐牌好多選擇, 最後我哋決定叫齊中式, 西式同美式一齊share食.經典蜜汁叉燒滑蛋飯 $58眼見最多人叫嘅飯, 因為夠哂快, 靚, 上菜最快,  又夠鑊氣.滑蛋好嫩滑, 叉燒肥瘦均勻, 配飯食真係一流.三扒兩撥就KO哂.燒頂級美國封門柳 $138呢個set跟埋餐湯, 沙律or薯條 同飲品.封門柳肉質比較軟腍, 燒得靚唔會過熟, 仲好juicy.點埋醬食仲惹味!! 跟餐西湯, 都幾多料!跟餐薯條, 竟然有黑松露醬.即炸熱辣辣, 而且黑松露醬多到我哋可以將之後嘅薯條搭埋一齊食.小食拼盤 $128.份量一d都唔惹少, 有4隻水牛雞翼、2條腸、2件雞槌、4個洋蔥圈同一大碟薯條.同樣係即整熱辣辣.雞翼帶微辣, 香口夠味, 最煩係得4 隻, 唔係6隻.雞槌唔止脆口, 仲帶少少檸檬味.我杯飲品係雪糕紅豆冰, 雪糕係雲呢拿味, 紅豆就勁多又夠腍! 地膽果然好介紹!! 多謝哂!! 

今日黎到四寶食堂，銅鑼灣呢間照樣好多年輕人食🤣 我諗咁好質素嘅餐廳，搶手啲都係好應該😂我係閒日6:00入咗，已經people mountain people sea今次主要叫咗兩個主食1️⃣香煎喜哥蔥油豬扒煎蛋飯 $60凍檸水 +$3柚子氣泡茶 +$152️⃣燒美國頂級封門柳 $138包湯 + 沙律3️⃣經典蘋果批伴雪糕 $48豬扒飯係招牌❤️ 我見到好多人都叫，我自己之前喺另一間分店都有試過！覺得好好食，所以返嚟encore，最鍾意佢煎得好香，有個骨位，有少少肥嗰part照樣好食！男仔食都會覺得好夠份量！第二個煮食係呢個頂級美國封門柳，好juicy，又嫩，上碟嘅時候已經切好咗，好方便ladies🥩🥰 個汁有少少辣，就算唔點汁已經好好食跟咗餐湯同沙律，一啲都唔Hea，簡直係茶餐廳中頂級嘅享受😂😂最後我哋仲加咗個經典甜品💕四保飯堂凍飲啲冰細細粒，欣賞佢連details都做得好好，值得支持！

食堂果然係食堂，啱晒所有人，價錢好相宜呀👍🏻招牌推介極級牛板腱，$138唔貴喎，就試一試！牛板腱有兩大塊，份量勁多，而且肥瘦都好均勻，個餐原來仲有好甜美嘅南瓜湯，個湯真係又滑又香甜，煙三文魚、南瓜沙律，好清新健康，再有一杯餐飲添。真係超值呀👍🏻朋友要了一客龍利柳，原來配有好多沙律菜，豐富了魚柳嘅鮮味😍，前菜要了黑松露薯條，薯條脆香，加埋黑松露，立即變成高級前菜👍🏻一流！一杯好普通嘅凍檸水，檸檬好香，完全冇苦味！所以叫完一杯又一杯！難得！

今日同朋友一齊去試吓呢間餐廳，因為成日返工嘅時候都見到有好多人喺度排隊，望過餐牌價錢都好合適😂所以真係要去試吓，無論西式中式都有，都真係好少見。今日終於可以去試吓。1.水牛城雞翼配薯條（味道都唔錯價錢好似$40左右，但係下午茶來說相當不錯了，雞翼唔會好乾，仲會必啲汁出嚟添，薯條都好明顯係啱啱炸出來，脆卜卜）2.瑞士雞髀配菠蘿包（瑞士雞翼味道可以再濃郁啲，但係肉質不錯，不過瑞士汁可以再出啲🤣另外菠蘿包包皮脆卜卜，應該剛出爐不久，感覺呢間野都幾新鮮）3.黑松露大蝦意粉🍝（意粉比較多汁，黑松露味道都出嘅，份量都多）4.港女西多士（真係幾好🥰西多士入邊唔係花生醬，而係蛋，再配埋雲呢拿雪糕）好match 都係$30-$40呢個價錢食到真係相當相當好5.雲呢拿雪糕紅豆冰🥰飲完已經有飽腹嘅感覺6.奶茶☕️完全唔失色，茶既味道好濃郁，配合餐加$3就飲到☺️

入到去就見到一道鋪滿花既牆，仲要係有梳化坐，好適合中意美食又中意打卡影相既朋友仔。港式常餐B($52)招牌沙嗲牛肉公仔麵+嫩滑炒蛋+丹麥牛油厚多士。一整個set，可以叫埋杯熱奶茶，考驗一下餐廳沖茶既功底。牛肉公仔麵好香，牛肉份量都適中，唔會得一兩塊。丹麥牛油厚多士好值得讚，不單係賣相吸引，口惑都好鬆軟！炒蛋都好滑，唔會好散！奶茶的比例調較剛好，未飲都聞到奶茶香，口味都香滑！水牛城雞翼串$62有一個小籃子裝住4串雞翼，1串有兩隻，再配以泰式甜酸醬。本身唔加任何醬汁都好入味。意式羅勒蕃茄醬炒蜆$78蜆份量都唔少，兩個人食岩岩好，蜆肉都算新鮮加埋醬汁都唔錯！燒美國極品牛板腱配黑松露海鹽薯條$138首先，餐湯估唔到會有蜆肉係入面，相對都不失不過。薯條炸得金黃，非常可口！牛板腱第一次食呢個部位，口味搭配都十分特別！

某天Body Check後跟車爸爸在銅鑼灣搵吃，正值Lunch Time到處也人山人海剛巧經過四寶食堂，見得幾個人排隊決定就在此解決午餐好了。這間四寶食堂內裏位置非常之多但是日也座無虛席，而且坐得非常逼夾還是快快點餐填飽肚子早點走人為上，車爸爸點的午餐會送贈熱飲一杯，他當然桄榔樹一條心繼續喝他的熱奶茶。而我這個節婦亦繼續守候我的凍檸檬茶走甜，點常餐只要加＄3便可得到這杯凍飲了，味道方面帶點茶香檸檬亦新鮮算是不錯。車爸爸選吃午餐中的香煎牛扒飯＄65，茶餐廳出品亦不會期待有什麼好質素，只求沒有雪味他已經收貨，喜歡配了些沙律菜吃下感覺較健康，而且勝在份量十足填肚絕對能夠滿足。我選了常餐中的蜜汁叉燒麻辣撈公仔麵＄50，還配有嫩炒滑蛋及丹麥牛油厚多士，這個常餐看上去真的非常豐富。嫩炒滑蛋沒有十分嫩溜但吃下也不至死實實可以接受啦！牛油丹麥厚多士烘得不夠香脆，吃下口感淋淋的一點也不吸引！！最後這個蜜汁叉燒麻辣撈公仔麵真的有點九唔搭八，甜甜瑞士汁中加入了麻辣味道的撈丁，吃落是完全夾不到的味道，還幸那蜜汁叉燒味道正常不至於全軍覆沒呢！