四寶食堂 (兆安廣場)

營業中

休息中

冰室正位於銅鑼灣廣場的後方—謝斐道，相當鄰近地鐵站，位置便利。店內裝修新穎，牆身滿佈假花，是少有帶打卡味的冰室，午餐頗多選擇，價錢也公道，不用加一服務費。招牌沙嗲牛肉公仔麵 - $54沙嗲牛肉麵絕對是冰室的中堅分子，必點之選。厚薄均勻的鮮牛肉，肉味和口感剛巧，秘製的沙嗲醬汁鹹香帶辣，又有濃郁花生香；嫩滑炒蛋軟綿滑溜，不會太老；牛油丹麥多士轉菠蘿油加$8，外層表面的脆皮香脆，夾著微凍的牛油，好邪惡。喜哥蔥油豬扒太陽蛋飯 - $62超大塊的豬扒肉厚又鬆軟，煎得略帶焦香好香口，連白飯也拌有少許醬油，再加上蔥油更添油香，還配太陽蛋和沙律菜。英式煙三文魚班尼迪蛋配凱撒沙律 - $65班尼迪麵包好鬆軟，滿佈肥美豐滿的煙三文魚，帶點煙燻香，流心蛋切開流出濃濃的蛋黃汁，口感濃稠順滑；沙律拌以凱撒醬更惹味。雪糕紅豆冰 +$15面上有一球雲呢嗱雪糕，紅豆起沙好軟綿，充滿奶香。港式奶茶紅豆冰 +$15鮮展換上店家招牌的奶茶，茶味醇濃，入口順滑。華田雪山 +$15濃郁的華田加上滿滿的忌廉，邪惡得來，又帶來甜味和一絲順滑感。

下午兩點去到 剛剛好下午茶開始同一般茶記唔同 除咗炸雞髀薯條之外 下午茶都有好多選擇有飯有漢堡包有意粉自家製吉列豚肉眼扒 零肥膏超薄超鬆化炸得香脆唔油膩 配埋黑蒜蔥油撈公仔麵芝士安格斯牛肉流心蛋漢堡可以要double漢堡 即係兩片安格斯牛肉雖然薄身 但係夠鬆軟配流心蛋 一口咬落去爆汁黑蒜油叉燒滑蛋飯係餐廳全日供應既招牌推介大碟到 足足有兩碗飯咁多叉燒厚切又多 偏瘦靚叉最重要係啲蛋煮得剛剛好 真係夠滑跟餐有嘢飲 熱奶茶重奶味 熱檸t ok

四寶食堂 地址: 銅鑼灣謝斐道482號兆安廣場地下1-3號舖電話: 23422323門口是baby green 色，呢間餐廳中午好多人呀，多人隊一定有返咁上下水準。中午我叫左個蔥油豬扒蛋飯。好多就整好有得食，首先見到豬扒又大塊又厚好震撼。切開食仲多汁又腍。叉燒滑蛋飯又係大大份，個面架蒜油好香，撈埋蛋汁真係極品奶茶茶膽好香，濃而有茶及奶香，水吧都控制得好好員工都好有禮貌呀！$60一碟飯，大碟到2個細食女生都夠share =====================

今日嚟到銅鑼灣食lunch入咗呢間叫做四寶飯堂。環境方面都唔錯。食物方面，我今日叫咗個炸魚薯條。味道都OK。價錢方面，喺銅鑼灣黎講都叫做合理！下次可以再試下佢嘅其他嘢食👍🏿

放假同屋企人嚟到銅鑼灣四寶食堂食下午茶，一入去就見到餐廳坐滿晒人，非常熱鬧。食物款式都幾多，而且價錢親民。吉列豬扒黑蒜蔥油撈公仔麵吉列豬扒炸到金黃色，大大一塊，外皮炸得香脆，肉質鬆軟，味道香口。公仔麵口感煙韌，撈埋黑蒜蔥油，味道鹹香，蒜味濃，幾惹味。沙嗲牛肉麵一送上枱，就聞到陣陣嘅沙嗲香，牛肉非常多，口感緊致，有牛肉味，沙嗲醬香得來有層次，鹹得來帶甜香，微微辣味，又有花生香，配公仔麵好夾。跟餐仲有炒蛋多士炒蛋好嫩滑，蛋香味濃。多士係用丹麥多士，烘完外脆內軟，重牛油香，必食。奶茶紅豆冰奶茶茶味香濃，口感細滑，飲落非常順口，紅豆大大粒，而且夠淋起晒沙，甜度適中。熱情果檸檬梳打熱情果同檸檬比例啱啱好，酸酸甜甜好開胃。

上個星期今晚嚟銅鑼灣呢邊行街，夜晚就同朋友諗住搵間靚小小嘅餐廳食晚飯，經過四保又忍唔住再幫襯。 食過幾次四寶發覺佢哋每一間嘅分店食物都有啲唔一樣，而銅鑼灣呢間分店主要係港式同埋西式為主。《芝士凱撒雞翼》$48雞翼有四隻，表面灑上大量嘅凱撒醬同埋巴馬臣芝士粉，雞翼嘅皮都烤得好脆，整體好味。《燒頂級封門柳》$158雖然係茶餐廳但係牛扒做得一啲都唔遜色，呢幾舊封門柳大大件，而且燒得剛剛好，唔會話太生太多血水，食起嚟都夠林，而且非常Juicy，重牛味，正！《鹹蛋醬海蝦意粉》$98呢個真係好好食，意粉口感軟硬適中，鹹蛋黃醬味道又香濃，海蝦份量又多又爽口，整體真係非常好味。《炸冬甩伴蛋糕》$48呢個係下午茶嘅甜品，有兩小舊炸冬甩，配埋朱古力味雪糕，竟然有冬甩食唔係周圍都有，炸得好香脆之餘又有面包嗰種軟熟，唔錯。 總括嚟講，四寶從來都冇令我失望，我開咗咁耐質素都keep到，抵食！

食物質素好，樓面態度都好好，唯獨係收銀態度非常差，好似吾係好想收錢咁，掛住自己做野，你有你企喺度等，佢有佢做，睬你都傻，態度真係非常之差，都吾知点解會請呢d人，食完都一肚氣

近幾年興起食冰室，在芸芸冰室中我有三間較為喜歡，銅鑼灣四寶食堂是其中之一。今日再度帶同父母一齊食晚飯。銅鑼灣店鄰近地鐵站交通方便，食完飯再行下商場。餐廳主打港式美食，價格大眾化，餸菜份量十足絕對能夠填飽個肚。招牌沙嗲牛肉麵常餐HKD58看上去真的非常豐富，配有火腿、嫩炒滑蛋及烘得好香口脆的丹麥牛油厚多士，沙嗲湯底濃郁惹味，牛肉淋香嫩。麻甩流心芝士西多士HKD38口感外脆內流心。南瓜忌廉蘆筍海蝦意粉HKD98香甜濃郁南瓜再配鮮味海蝦～超正呀！板燒頂級封門牛柳+黑松露薯條套餐HKD158封門柳肉脂肪不多肉味濃，入口滑溜香甜黑松露薯條好香，每一條薯條薯條散發松露香熱情果檸檬梳打HKD28好渴酸酸甜甜不僅能消暑解渴，而且能起到美容養顏、減肥塑身的效果。

我又食四寶，今次在銅鑼灣，食物款式跟旺角有點不同，出名的蔥油豬扒煎蛋飯、叉燒滑蛋飯、沙嗲牛肉麵一樣也有！今次點特飲，有眼前的熱情果檸檬梳打，微甜幾清新，後面是柚子蜜，也是滋潤解渴。常餐，招牌沙嗲牛肉麵+嫩滑炒蛋+火腿+丹麥多士沙嗲牛肉嫩清入味，湯底好濃郁，麵條彈牙。今次另加$8 由丹麥多士轉菠蘿油，香脆的麵包夾著厚厚的牛油，好滋味。另外點了主食，配是日餐湯，黑松露蘑菇湯，湯香濃幼滑，陣陣的黑松露香。小食是黑松露薯條露斯瑪利蒜蓉燒有機黃油春雞上檯香噴噴，趁熱品嚐，雞皮香脆，雞肉多汁嫩滑，可以點楓糖醬增加層次。

喺銅鑼灣來講呢間餐廳午市都好多人排隊，門日日都好多人，唔知係叫外賣定係排隊食嘢，所以個日都同朋友一齊去試吓，裏面嘅滑蛋聽講係最好食嘅嘢，所以試下配上枱面嘅辣椒油又真係幾 tasty ,不過在試咗個意粉就普普通通，服務冇乜特別都好似普通茶記咁，不過佢哋望起嚟都未見會趕你走🤣環境比其他茶記好，午市下午茶都有優惠，有一啲下午茶餐都抵食，上菜時間唔會好耐所以都好適合我哋呢啲趕頭趕命返工嘅人。有好有唔好既野食啦。

今日Lunch要幫公司買野， 走到落去銅鑼灣揾物料， 同同事行到咁上下肚仔餓， 見到四寶食堂排長龍，應係都唔會差得去邊， 於是等左5分鐘就有位。四寶食堂個名都有聽過， 係高級版茶記， 佢地有推薦菜式， 蔥油豬扒蛋飯， 义燒滑蛋飯， 沙爹牛肉麵等等。我同同事就點左蔥油豬扒蛋飯， 沙爹牛肉麵餐。 侍應送餐黎到後， 嚇得我半死， 果塊豬扒大過我塊面， 我係咪食得哂? 唔理啦， 食左先講。 豬扒雖然超大塊， 但肉質鮮嫩， 好軟好林， 好似黑毛豬鞍果隻質地， 有d肥肉， 煎得香身有燶邊， 正。沙爹牛肉麵， 沙爹味夠濃， 好香口， 花生同沙味好夾， 唔會搶到大家味道， 辣度夠， 麵身爽。果然係高級茶記。

今日係銅鑼灣行經一間裝修幾靚既餐廳, 睇過餐牌覺得好吸引,就入去試試佢!侍應好有禮貌咁解答我對餐牌既問題, 係一間可以約朋友黎傾計既餐廳。我見到好多枱都order經典叉燒滑蛋飯, 所以我都叫黎試下, 果然係我食過最好食既叉燒滑蛋飯! 蛋好滑, 叉燒大件, 飯好香,配埋甜豉油黎撈飯, 真係可以食到一粒飯都冇剩! 加上熱奶茶奶滑, 又夠rich, 茶又香, 中意飲奶茶既朋友可以試試!仲有雙重芝士安格斯牛肉漢堡配美式炸薯條, 賣相十分吸引, 2塊半溶芝士加2塊安格斯牛肉, 牛肉大塊, 肉質上盛, 大大個BURGER啖啖肉, 薯條份量都好多, 價錢仲要唔貴, 只售$88最後叫左個燒美國頂級封門柳, 可揀幾多成熟, 肉質好腍, 而且好貼心已經幫客人切好左, 呢個餐會跟埋忌廉蘑菇湯, 可揀薯條/沙拉

超抵食嘅茶餐廳，位於銅鑼灣嘅就係四保食堂，款式種類多，每樣都大大碟，真係好正！先講一講香煎蔥油豬扒煎蛋飯你見到塊豬扒都大過我塊面！唔算好鞋，側邊有少少肥嗰，食落就會軟一啲！蔥油爆得好香，送飯一流！飛魚子忌廉蟹肉焗大啡菇超多魚子，大啡菇又勁大隻，焗完仲好多汁喺入邊！味道偏重口味，口感好豐富！黎到茶餐廳，一定要叫紅豆冰啦！真係好耐冇飲啦！睇吓佢紅豆好多，仲有球雪糕，超足料！黑松露薯條，炸得好脆，佢係偏幼身嘅薯條！

試過旺角， 北角。都覺得好好食， 所以好有信心四季的質素及服務。 （5⭐️最高）叉燒滑蛋飯（5⭐️）必食推介❤️❤️飯量， 有足兩碗飯， 滑蛋覆蓋飯面， 叉燒肥瘦適中， 目測叉燒都有10-12片厚身。 加了少少鼓油， 野味十足， 價錢方面， 十分經濟， 勝價比高美國封門柳（7成熟）（4.5⭐️）封門柳係牛的（腹部）隔膜， 所以相對牛味會重身， 廚師用了黑椒醬及原個燒蒜頭去癖牛味，因為燒了蒜頭， 同牛柳一齊食， 會特顯牛的香味🉐鹹蛋將蘆筍忌廉蝦意粉（4.5⭐️）忌廉意粉成日都食， 但今次試吓加了咸蛋黃醬， 感覺又會點？😊 當中除了有咸蛋黃醬之外， 有菇菌類， 露筍， 會令本來覺有會好飽的忌廉意粉變得清新👍🏻。 有3-5粒蝦， 十分足料🥰特飲： 試了柚子氣泡茶（4⭐️）及阿華田雪山柚子茶一般都會感覺係甜， 今次試了加氣泡；既新鮮又特別；阿華田雪山， 味道比較清淡， 有了忌廉， 更加柔滑細緻， 點綴了今晚飯局🥰

星期六係公司執完野同同事就去左銅鑼灣食飯行過呢間四寶食堂見好多人排隊上次食過覺得唔錯就決定再幫襯下今次嚟食緊係要試下d招牌野兩個人試左蔥油豬扒煎蛋飯同叉燒滑蛋飯加左杯阿華田雪山一杯凍朱好為食既我地仲叫左個蘋果批個蔥油豬扒煎蛋飯真係勁正塊豬扒好厚煎到兩邊有脆皮夾埋油香一流果然係招牌作叉燒滑蛋都唔差滑蛋係好濃好creamy加飯底個豉油都係食到停唔到兩碟飯既份量好都係好巨型呢個價錢好抵食見隔離枱細食量可以都叫少飯柯華田雪山睇到就吸引啦有埋蛋捲仔普通凍朱都好好味法式蘋果批既雪糕可以揀朱古力味或者雲尼拿我地就揀雲尼拿蘋果批係類似Apple Crumble入面有粒粒蘋果肉冬天食好幸福🥰順帶一停雖然係茶餐廳Style不過個個staff都好好禮貌值得一讚