四季‧悅 日本餐廳 (遠東金融中心)

營業中

休息中

同事聚餐来的这里，吃的定食，觉得好好吃，应该以后会经常来这里的，食材比较新鲜，服务也还不错，我们要的包间榻榻米，大家齐聚一堂，感觉真不错啊！香港确实有全世界的美食，是吃货的天堂。

自問少有食過300以上既放題，比咁既價錢，期望當然高，都冇失望既。餐廳走高級路線，睇名都睇得岀，連入去都覺得有啲似係酒店餐廳咁放題任食4小時 $428，兩位放題送新鮮長腳蟹！肉質鮮甜,飽滿，不過本身放題都有得食就仲prefect 。刺身壽司一共多過80款，刺身有油甘魚、劍魚腩、三文魚、吞拿魚、玉子、螺等等。刺身新鮮和肥美。推介甜蝦，蝦味重，不會有雪味，而吞拿魚蓉壽司的比例剛剛好。壽司推介海膽壽司！海膽大舊而且鮮甜，飯又不會太多，海膽迷極度推介。炸物推介軟殼蟹，少有放題可以食到咁大舊，而且係不厚粉。餐廳仲有自家製甜品送架！

次第二次黎食, 第一次是誤打誤撞去食, 四百多元日式放題, 意想不到海膽一流, 真係鮮甜既, 呢個質素既海膽值回票價。這次見GROUPON做優惠, 連埋原價加一大約HK$388一位, 其實有埋五送一優惠，不過約唔到最後一位朋友，不過都叫抵食既。本身要兩日前預訂，不過侍應都好有禮貌咁話可以買左GROUPON後再打黎訂枱，最後只係食之前一日先訂枱都俾我BOOK….約一班朋友連同兩個小BB去食, 食物質素依舊，包飲品，雖然啲選擇唔係平時既可樂雪碧，反而係以阿信屋賣既特別飲品，例如粟米茶。 刺身方面沒有特別出色，同坊間其他既日式放題差唔多，當然，三文魚，帶子，魷魚等刺身都幾新鮮, 而最愛既海膽壽司依然一流, 同朋友至少每人食左四五件。仲有叫枝豆、炸物、雜菜鍋、鱈魚西京燒同埋鰻魚，所有食品比起一般放題也略勝一籌, 自家制甜品賣相也不錯。同其他放題唔同，呢間唔會限時，可以任食四小時, 是朋友相聚既好選擇。不過今次帶小BB去，個位有啲窄，唔係太夠坐。以呢個地段同環境，其實好舒服。

係中環番左兩年工第一次黎呢道食，以呢個價錢黎講中規中矩，其實可以做得更加好叫左個鍋燒烏冬定食，份量其實都相當夠飽。前菜漬物好好食，醃得岩岩好，唔會好咸。三文魚腩壽司你睇圖都知好肥美啦至於主菜天婦羅就炸得夠乾身，蝦、蕃薯、秋葵同南瓜各一小件，唔會好油膩但烏冬方面個賣相實在令人非常失望，隻蛋個樣重衰過我自己平時煮面落蛋，雖然唔係咩貴價餐廳，但168蚊一個餐無理由咁樣爛溶溶都拎出黎俾人食毫無美感可言，睇見都已經扣左一半分。味道不過不失，但烏冬入面d雞肉係韌過湯渣，唔好加好過間野價錢唔平，食物都唔係差，但如果可以唔好咁hea既話我一定會俾好評。可惜係中環金鐘呢頭番工你又可以幾有要求，d餐廳根本唔休做

好耐以前係中環返工嗰陣時，已經試過行遠少少去金鐘食四季，雖然有少少貴，但係佢哋啲午餐質素真係好好，附近嘅嘢食都係貴但係唔好食，我寧願比多少少嚟呢度食啦，之後冇再去中環返工就好少過去嗰邊食飯，啱啱發現四季依家夜晚會做放題，即刻同媽媽去試吓。睇到個菜單，食物嘅選擇唔算超級多，但係都有好多特別平常唔多見嘅款式。刺身方面，比較少見嘅油甘魚同劍魚腩都有，而且非常新鮮，魚味十足，絕對唔係雪藏貨雪到冇晒味果一種，而且切得厚薄適中，有口感得來又唔會太過肥膩。燒物方面，淨係燒魚都有四款揀，仲有非常少見嘅銀雪魚西京燒，銀鱈魚成個口感同平時食到嘅鯖魚秋刀魚好唔同，魚肉非常之滑，而且無腥味，反而入口有震震豐富嘅魚味味道，外皮燒得香脆，絕對有食銀雪魚西京燒套餐嘅時候嘅水準。壽司都有好多唔同嘅款式，連比較少見嘅蔥吞拿魚腩軍艦都有，海膽象拔蚌三文魚子呢啲比較高級嘅食材都可以搵到，除咗海鮮非常新鮮之外，連軍艦嘅紫菜都做得好好，上枱嘅時候一啲都唔諗，睇得出係即叫即做嘅。炸物都有好多款揀，我就叫左比較常見嘅軟殼蟹，外脆內軟，蟹肉仲係一絲絲，內科質量好，天婦羅有比較少見嘅香蕉天婦羅揀，個皮好薄，裏面嘅香蕉好甜，好似食緊甜品

係金鐘人對於呢間餐廳一定唔陌生，呢間餐廳最近搞搞新意思，日式任食放題！ 四季悅放題最大既特色係超長任食時間，足足有四小時，等食客可以慢慢食，食多啲。 而且食物同飲品既款類都頗多，想要乜就有乜，入座會先送上長腳蟹，不得不讚，長腳蟹味道非常好，肉質爽口，味道鮮甜。 前菜：枝豆，海蜇，蟹籽沙律，中華海藻，蒸蛋 炸物：雜錦天婦羅，蝦天婦羅都好大隻，肉質爽口，亦無粉漿既感覺，好好。其他蔬菜類天婦羅都好清甜，證明餐廳選料一流。 壽司：海膽軍艦，芥末八爪魚軍艦，䓤吞拿魚軍艦，帆立貝。最愛係海膽軍艦，其實個人認為海膽係高危食物，因為一定要最新鮮，否則就會好腥，餐廳提供既海膽絕無腥味，非常鮮甜，實在係餐廳一大亮點。 刺身：三魚魚，油甘魚，榮螺，劍魚腩。刺身整體新鮮，其中榮螺其他地方未必食得到，肉爽味甜而濃。 煮物：雜菜鍋。簡單而直接既烹調技巧，直接帶出食材既原汁原味。 燒物：燒鰻魚，鱈魚西京燒。另一兩大亮點，鰻魚肉厚，調味恰到好處；鱈魚質嫩，配合西京燒既煮法，最為地道。 總結：有別於其他放題，時間特長，個人最愛係長腳蟹，海膽軍艦，燒鰻魚同西京燒，必點。

今日忙咗成日，收工已經好肚餓！於是同老公行咗過金鐘食放題，放肆一下呢間餐廳lunch時段應該非常熱鬧，晚市就比較少人，而且放題可以食到十點，我地可以靜靜地慢慢食餐廳環境開揚，坐位闊落侍應仲安排咗我地坐窗口的卡位！飲品就自己去冰桶拎，有七八款揀。好，飢腸轆轆，睇下有咩食先！選擇好多，最正係有任食海膽壽司同燒鰻魚同銀鱈魚西京燒!!落單之後，侍應會送上一兜蟹腳二人分量啲蟹腳都唔少架！雖然蟹腳唔係好粗，但味道鮮甜，帶海水味，質素比得上自助餐嘅凍海鮮其他食物亦好快上枱！第一round係超豐富的首先當然係食刺身！刺身有八款可以揀，但我哋淨係要咗三文魚、甜蝦、石恒貝同榮螺。刺身每款都好新鮮，最正係甜蝦，味道好鮮，之後仲encore 咗兩round先夠喉壽司同卷物嘅選擇更加多！最正嘅壽司當然就係海膽壽司啦海膽唔算好大粒，但味道濃郁! 件壽司飯細細件，食多幾件都冇問題每件壽司都有好幾粒海膽架！之後就到另一款必食推介：銀鱈魚西京燒平時一個普普通通嘅銀鱈魚定食都要百幾二百蚊，呢度竟然任食銀鱈魚肉質好嫩滑，燒香之後油脂豐富，配上西京味噌嘅調味，真係好好食！蒲燒鰻魚又係好味道厚薄適中嘅鰻魚用香甜的醬油調味，香濃

朋友生日團購左呢間放題，食物種類唔算多！但佢有兩款壽司-三文魚子、海膽！為左達成呢個香港人飲食嘅回本精神，只要食夠30粒三文魚子壽司同海膽壽司就應該回本啊！刺身有牡丹蝦，都鮮甜！三文魚都肥美新鮮！呢度嘅熟食最好食係西京銀鱈魚， 雖然有啲油膩，但平時出去食起碼都一舊水一碟，呢度仲唔食夠本佢！減肥呢啲嘢過兩日再講！呢度地點方便，喺金鐘地鐵站樓上，又有巴士直達屋企，朋友集合都非常之方便！生日又有蛋糕食算係咁啦！

四百蚊一餐既放題唔平，但我相信一分錢 一分貨，今晚一於豪一下嚟食放題！貴價放題環境果然好好多，空間感足，坐得非常舒適！食物款式亦比一般放題多，首先送上長腳蟹，肉厚鮮味，唔會太咸，正！刺身亦相當新鮮，唔會有難聞既腥味仲有甜蝦同赤貝呢啲少見既款式。最驚喜既系竟然有海膽壽司，仲好軟滑鮮甜，飯粒分明微酸，一啲都唔馬虎！仲有少見既溏心蛋同足料既蟹子沙律，好鍾意溏心蛋黏滑是質感。軟殻蟹炸得香脆又厚肉！燒鱈魚嫩滑又鮮甜，好好食。少有既關東煮，食完暖粒粒，好似置身日本。魷魚比較韌，一般。牛肉卷好淋滑，如果中間卷住露荀或者金菇會更加好食。最後仲有雪芭、泡芙同奶凍做甜品，完美既總結。雖然唔平，但同平價放題系有差別既，偶爾豪一餐都不為過。

趁着七月有折扣，去了金鐘吃高級放題，折扣之後大概＄400以內，可以吃三粒鐘，慢慢食也能同時欣賞美景。未點菜之前已經收到送松葉蟹腳，味道鮮甜無比，而且肉質細嫩含有水份。見到坊間沒有的放題食品，當然必須要叫海膽和三文魚子：海膽軍艦、三文魚子軍艦、帶子壽司、蟹子壽司海膽應該是韓國海膽，鮮味是足夠的；三文魚子但是好像在吃爆爆珠，口感豐滿。帶子壽司夠鮮甜彈牙，蟹子壽司就夠晒爽口。刺身種類繁多，一些少見的都有。反而刺身的味道沒有很突出，最特別的就是甜蝦比較甜，其他也是跟坊間放題相差不大。銀雪魚、鰻魚、餃子份量非常壯觀，特別是銀雪魚和鰻魚的size是超級大，原本銀雪魚的成本已很高，叫每塊很大而且調味也很足夠。鰻魚亦是同樣的濃郁，反而餃子相對之下就比較淡口味，可以中和一下。燒粟米十分香甜，其實自己在家中也能整，只不過是懶惰和想吃。炒牛柳粒其實每一粒份量很大而且調味還是質感也是很好的，不過感覺上份量較大，會影響吃其他東西的食慾。燒菠蘿就是表面燒了，仍然能夠保持裏面水份。甜薯粒沒有用竹籤比較環保，每一粒都起晒卜卜Haha好香脆 青檸味、西柚味雪芭十分清新，在其他地方沒有這類選擇。 杏仁果凍甜品就是是日甜品

男朋友生日，uncle book左金鐘呢間放題，其實食物都係放題項目，甚至比平時食嘅放題，食物種類更少，但佢有兩款回本壽司以及好正嘅景色，都可以一戰！位置喺金鐘地鐵站附近，門面已經金碧輝煌，仲有開放廚房比妳睇住師傅做野！刺身其實無咩特別，最睇食係牡丹蝦，新鮮大隻！而且有象拔膀，爽口鮮甜！而呢間必食項目係海膽壽司同三文魚籽壽司haha有點瘋狂！但平時食放題，海膽壽司通常係加拿大海膽，但呢度用返日本野，味道濃郁，回本靠佢！而三文魚子唔係間間有，要高級野先食到！呢度任食真係好正，口入面充滿魚子卜卜卜！我好似食左十件！呢度嘅熟食都唔錯，雞奕係可以一戰再戰！話到明生日飯點可以無cake呢！呢度甜品有cake叫，唔洗出去買，不過個蛋糕就好甜！其實呢間咩都唔差，但價錢就幾驚人，成四百蚊位，抵就唔太抵，但一年一次都可以食嘅！

以前在金鐘返工、偶爾會來到遠東金融中心的四季吃午餐。四季分左右翼、左面是相對平價便宜的壽司set、滑蛋雞扒丼等。形式有點像canteen,食客都要在外面先買票、然後自己捧餐找座位。今次來到四季悦，感覺高級得多。因為價錢較貴、相對少人、座位寬敞、每張枱都鋪上米白色餐布、很舒適。有多款熱食、和風定食、魚生飯定食、稻庭烏冬定食等，價錢大約$158-$230。雜錦魚生飯定食 $180有魚籽、甜蝦、三文魚腩、海鰻、𩶘魚、帶子、蔥吞拿魚、劍魚腩、還有吞拿魚腩！賣相很吸引、食材豐富、挺新鮮的。最喜愛是那三文魚腩、吞拿魚腩、油脂分佈平均、魚香留在口腔中、很美味刺身分量多到足夠吃完整碗飯還有餘。價錢雖然唔算便宜、但質量、環境取勝、絕對物超所值

今天同事們要和老闆去金鐘見客開會，昨晚我們做準備做到晚上才收工，今天又要一早帶齊裝備去開會，會議因為大家意見不同，傾傾講講到了下午才有共識！傾成生意，老闆好開心，說要請我們去食高級放題，有好嘢食，同事們硬係贊成！老闆帶我們去遠東金融中心，果度有間叫四季.悅日本餐廳！餐廳環境高雅，座位寬敞舒適！侍應招呼週到！由晚上6時至10時任飲任食放題！足夠時間食！飲品是自助的！每2位就送長腳蟹一份，味道非常鮮甜，非一般急凍冇味的長腳蟹。刺身拼盤很新鮮，甜蝦鮮甜、三文魚色澤鮮美，魚油甘香、石恒貝爽口，呑拿魚肥美！三文魚壽司、帆立貝壽司、象拔蚌壽司和海膽壽司，每件壽司都是師傅精心製作，新鮮、鮮甜、美味！蒲燒鰻魚：鰻魚好入味，燒得熟度剛剛好，肉質彈牙又惹味！木魚絲炸豆腐：豆腐外脆內軟，加上木魚絲和特製醬汁，十分美味！炸物如：炸軟殼蟹香脆鮮甜！炸雞翼皮脆肉嫩又入味，令人食不停囗！最後每人每樣一份甜品，為今晚美味的晚餐劃上句號！

如果係要同屋企人一齊去食放題的話我極度推薦係呢一度食，因為呢一度嘅環境比較舒服，價錢合理而且仲唔會太嘈。如果去旺角區又或者銅鑼灣區嗰啲日式料理放題一定會比較嘈，而且位置相當之細，試諗下啲老人家如果去到嗰啲地方，仲唔嘈到爆。想唔到位於上班區係禮拜日嘅時候都仲會有咁多人來幫襯，應該係口啤唔錯。首先講一講佢嘅環境，就算我兩個人去都會有一張四人嘅卡位坐，好大，而且望出去就已經係金鐘嘅海邊好彩嘅話仲可以睇到幻彩詠香江添。食物同出邊嘅日式放題其實差唔多 ，但係啲質素都幾高，選擇都唔小。特別推薦食嘅係劍魚腩，因為出邊就比較少見面，呢度嘅劍魚肥瘦適中，食落去有鮮甜味。蒲燒鰻魚其實我點就淨係點左兩件，原來兩件就已經有一條咁大嘅份量，上面又塗上甜鰻魚汁而且熱辣辣，非常之好食。天婦羅亦都係幾好嘅選擇，時間可能會比較耐，但係甘就証明左係即叫即炸。我特別就係佢嘅南瓜同埋日本嘅甜番薯，好甜。壽司仲會有海膽可以揀，個飯都唔會太大舊，可以滿足到食壽司嘅慾望，又唔會令到個肚好飽。仲有日式嘅薯餅，外邊脆卜卜，入邊除咗有蔬菜蓉之外仲會有薯蓉嘅香。飲品我都想特別提一提，呢度除咗有好普通嘅罐裝汽水之外，會有日式嘅飲品有日式嘅茶

四季悅放題.四季悅放題其中一個亮點就是有海膽壽司😏 當然質素不算高 但放題來說 不腥臭已收貨了😌 刺物方面試了幾款 甜蝦暊頗新建其他中規中矩吧看到之前的食評說會有不同的推廣 我去當天是送蟹腳 蟹腳大大條 剪開有一條闊闊的蟹柳肉 都有鮮味🦀熟食選擇頗多 特別推介的是銀鱈魚西京燒 銀鱈魚充滿油脂😍 燒鰻魚等都是其他放題較為少見的燒物 飲品方面有波子汽水☺️ 整體食物屬正常放題水平 但環境與服務非常好 座位闊落 不會食單 由6點食到10點 不用吃得趕趕急急 可以舒舒服服與家人朋友聚會!