四季‧悅 日本餐廳 (遠東金融中心)

營業中

休息中

<四季悅>是日本風情洋溢的餐廳，之前吃日式放題時留了Contact，店長特意推介吞拿魚週年慶典，現場有開魚儀式，為了一睹巨型吞拿魚的風采，和營造神秘的慶生，我立即舉手報名。踏入餐廳，被體型龐大的水中霸王，吸引著視線。原條吞拿魚像躍身於冰塊上，感覺活靈活現，大家都前來拍照觀摩。到了七時半，師傅主持開魚儀式，並細心介紹生產地和特點等。吞拿魚由日本福岡直送，重30KG，師傅一邊劏魚，一邊娓娓道出赤身和拖羅的分別，魚身上半部分的魚背位為"赤身"，肉質較爽而結實；魚身下半部份的魚腩位為"拖羅"，肉質呈淡粉紅色，油脂豐腴，魚味香濃。經過講解，我也了解許多。標榜高質的日本料理，有長逹4小時的放題，食客可以慢活的享受每道精緻日食。落單後不久，萬眾期待的吞拿魚終於上碟了。每碟刺身有4片肥美、厚切的吞拿魚，3片為赤身、1片是拖羅部位，可以一次過滿足雙重口感。赤身豔紅，肉質爽脆而帶嚼勁，味道鮮甜而結實。拖羅部位有清晰的油脂網紋，質感軟腍、柔滑，油脂甘香，吃著是十分幸福， 我們吃罷都忙著Encore!芝麻醬蕃茄沙律及蟹籽沙律，十分醒胃，青瓜絲舖上滿滿的蟹籽，入口卜卜脆。雞軟骨串香酥可口，非常滋

還記得很久之前跟朋友來過一次，印象不錯得知最近舉辦了原條黃鰭吞拿魚極尚放題 愛吃吞拿魚的朋友立即訂位，試試看！ 每次只限40人，集合一些愛好者來享受這場吞拿魚宴放題時間6點至10點預早訂枱更有8 折優惠雖然放題價錢不算平，但可即嚐即剖吞拿魚的確頗吸引訂位時說七點左右開魚這晚是來自福岡的30kg 黃鰭吞拿魚可以看到師傅表演即剖吞拿魚師傅刀工十分利落，大約幾分鐘便將整條黃鰭吞拿魚剖好即剖表演完畢後師傅就開始讓大家品嚐即剖的中拖羅爺大拖羅(每人各三片)入口軟滑無筋，滿咀充斥著魚油香不需多沾醬油已好夠味品嚐完一輪即剖的吞拿魚後，便開始放題有任食海膽軍艦、拖羅壽司、劍魚腩刺身、牡丹蝦刺身赤身、蒲燒鰻魚、銀鱈魚西京燒、雜錦天婦羅、鍋物類等等牡丹蝦刺身咬落鮮甜，肉質帶爽，蝦味濃郁 帶子也來得鮮甜鐵板和牛粒味道較平淡就是，就欠缺了惹味感鱈魚西京燒調味恰到好處燒鯖魚外皮燒得香脆，油脂豐富牛舌上面更有不少黑椒提升味道爽口彈牙，不錯海膽軍艦味道好濃好鮮甜，點過不停！軟殼蟹外脆內軟，食起來不算油膩梅酒，汽水，果汁任飲最後來個甜品，作最後結尾之後的10月17號、10月25號會再舉行黃鰭呑拿魚宴，有興趣的朋友記得

大可不要信，只要親身試。我已經係用正價去食，冇任何優惠，這價錢，這質素，這服務，還是去極上大喜屋開心更多。話食到10點，但8點45分已提你最後落單時間為9: 00，一邊食一邊執嘢，就算未食完都問要吾要，員工個個趕收工，仲有大部分員工已換好衫，準備收工，即係趕客走？？已經沒了長腳蟹，飲品方面，真係吾知有乜揀，四洲岀品，星期五都吾滿座，勝價比超不高，除左海胆壽司，其他食物一概令人失望，不好吃。不值得再去。

第一次寫食評，All-you-can-eat 來講，4個讚👍👍👍👍吧唔知係咪平日黎，我又唔覺好早無晒野食野飲既情況，但漏單就無可避免，但都上到過8－9成單因為朋友請，所以食之前無乜睇食評，抱平常心黎食，不嬲都知寫字樓區難搵食，金鐘地點方便，舖位易搵👍估唔到有驚喜一入去，發現座位及間隔比一般闊落好多好座對我黎講係好緊要，同埋環境唔太噪。首先上左明太子雞翼同長腳蟹，蟹肉好鮮好甜，比一般酒店既蟹腳更好食，點解 ？因為佢鮮甜得黎咸度剛剛好👏👏，除非間酒店出名蟹好食，如果唔係就多數偏咸（包括5星酒店既buffet)，應該係無咁新鮮或食物處理問題。之後朋友講番D蟹同明太子雞翼要正價先有，用coupon是沒有的。雖然D蟹唔多，但以當散叫，佢真係值$100零元，其實唔用coupon都抵食刺身壽司就附合佢個價錢既預期，都好食同幾新鮮，絲打巴打不防多叫甜蝦，鱆紅同𩶘魚，堅新鮮又甜！一定無渣。一般日式放題之熱葷都唔得，就算得都係1-2道菜，但我地㸃的每一道都真係水準之上，燒牛肉卷雖然未算牛肉味濃郁但都算足牛肉味。我就鐘情炒一口牛肉，一咬即開又嫩滑，要encore!銀鱈魚同墨魚餅都外脆內嫩，仲好juicy添，

見食評很好，決定兒子18歲大日子生日貴小少慶祝下，點知中伏，先講飲品 飲品只得可樂、雪碧（係正常）、其餘橙汁、蘋果紅茶、檸檬紅茶（是未見過的大陸品牌）沒有雪櫃 只放在檯面或冰桶內， 感覺像是大陸跟團到二三星級的食店格局，刺身味道可以, 壽司有少見的海膽及三文魚子，熱食味道都是普通，而且比其他放題種類較少，本來覺得種類少沒所謂，味道勝就好，食物來得慢都不是最大問題 因為係3.5小時的放題（不過9點last order)就算回唔到本都唔會蝕太多，最後發現点都唔會有好味同飽肚既感覺，因為漏單情況極之嚴重，落10張單 只有4張單到，每張單最少等20分鐘，漏兩次單已經要等一粒鐘，真係等到眼瞓（換句話講 叫你唔好食）食又無得食 ，飲又唔想飲😔，服務基本上可以話無，所以唔講佢既服務有幾咁慢同無笑容，因只是不停收單，但極小送餐到檯面，連最後埋單都係要等......本來以為可能只是我們一枱人覺得有問題，點知到我離開前去廁所，廁所門口的另外一枱十多人都聲稱不知所謂，仲要絕對唔會有下次！食過咁多間放題，大部分都是二百幾（已經唔錯）至三百幾（正），但呢間要四百幾，大家未買團購的，未訂位的真的要認真想一想才好訂

首先飲品 一 只得5-6款，並且沒雪柜只有小冰柜(要放冰粒去凍D飲品果種)。第二食物 一 只有銀雪魚和海胆吾錯，其他牛肉飯，牛肉鍋冇味，牛舌超勒，燒波蘿咬吾開，天婦羅虾好厚粉。食物款式少吾緊要但質数差，連正價加一要$3xx 吾係平囉。請朋友生日飯，佢想食墨魚or魷魚刺身。。無 😢 (最衰自己冇睇清楚張餐單) 😣。重要係好多食物要追 order第三甜品 一 雪糕係沙冰款，糯米糍D皮係脆，一咬碎開 😓😓7個大人+1個小朋友 (5歲要俾錢吾緊要)，雖然仲有5送1都要$2670。冇乜嘢可飽肚唯有係咁order多D壽司填肚。😢😢

今日一行六大一小食放題，係團購度買嘅！見到出邊門口寫住四百幾蚊我哋團購後$316,一於試吓係咪講到咁OK先預先訂咗枱，地方唔大，感覺尚算乾淨！跟住一坐低梗係睇下有咩食啦，就係我哋研究緊食乜嘢嘅時候，因為有小朋友咁佢嘅餐具，我哋通常都會用紙巾抹一抹先！ 不得了，一物原來隻杯咁污糟！係茶漬嚟嘅,個感覺就即刻所以我哋叫咗個侍應過嚟，同佢講叫佢注意下！雖然係茶漬但係咁樣即係代表洗唔乾淨先至會積聚咁多，冇可能一次洗唔乾淨有咁多茶漬！所以我哋放棄咗用杯，淨係攞支裝飲品好睇吓有乜食先刺身三文魚 ok石恒貝 鮮甜吞拿魚 ok立魚 呢個真係冇得頂，必須要食，因為不嬲刺身來講都唔算太多人會鍾意，除非係去一啲火鍋店俾錢即刻劏，如果唔係一般食放題嘅都係好大浸泥味，呢個係我哋竟然全部人以前不嬲冇可能係放題裏邊會叫的，竟然不斷encore甜蝦 鮮味劍魚 ok鱆紅 好得榮螺 正常壽司三文魚子 好味，出邊放題好小有海膽軍艦。睇吓好唔好彩，叫咗三轉，中間有一轉唔得帆立貝 普通冇乜鮮甜味腐皮 正常行貨玉子 正常行貨象拔蚌 認真係冇乜味道出色嘅有：西京銀雪魚燒豚肉燒魷魚唔錯嘅：蒲燒鰻魚牛肉煲海蜇明太子雞翼鯛魚燒總括來講都算

平日有時都會系度食午餐，食物及服務水準一直穩定。不過難得食一次放題就出事了, 正好約到六位朋友又看到有折扣馬上就訂位, 前一個禮拜還確定了菜單內容。沒想到今日落單, 西京燒銀鱈魚, 落一次單少一半數量,  催到倒數第二次上黎件魚D]汁少到冇味, 最後一次落單直接漏單唔上. 其實之前已經打過電話確認有d咩食, 如果覺得有折扣虧唔起就唔好擺上menu啦. 六個人嘅聚餐搞到心情差曬, 仲系我介紹佢地黎嘅, 不過反正餐廳地理位置各種好, D侍應又好似dum嘢落枱咁都應該唔在意差果幾個客人咖啦. 

食放題嘅食得多，通常環境都係好擠迫啊，侍應又十問九唔應啊，一個侍應可能要對十幾台客，所以搞到服務質素都唔係好好，唔好講觀景連個窗都可能冇，就算幾好食都可能食得唔舒服。但呢間四季就唔同，環境非常之闊落，座位同座位之間都差唔多有一兩米嘅幾距離，仲用咗大玻璃嘅設計，當日咁啱放煙花都可以望到小小，算係一個驚喜。坐到餐廳，侍應就會送上雪長腳蟹，食落肉質都唔會話好鬆散，而且都帶有少少海水味，並且唔會感覺到有腥臭，而且同時都有鉗同埋剪刀，要剪到啖啖肉都唔係話好難。種類都OK豐富，壽司、刺、燒烤、軍艦都樣樣齊，特別嘅係軍艦有海膽軍艦，通常啲餐廳海膽都係半手卷，而呢間係配軍艦，所以唔驚食幾舊就飽可以再食多啲。

推介食品 : 甜𧎚，馬刀貝，帶子，燒鱈魚，海膽軍艦，鯛魚焼，柚子雪皅。有待改善： 1. 刺身及壽司選擇太少 2. 飲品櫃超小. 3. 好多熱食上枱時係凍嘅 4. 一口牛全晚之最.... 差！ 5.服務員放食物時好似派免費歺 feel, 完全冇日式料理感覺，似 canteen. 改善一下都可以係好正嘅聚會選擇！9點 last order, 可以食到10點

多數人應該只會留意到放題，其實呢度仲有早餐食的。我個人好老土，早餐要食粉麵或者粥。 可能好難想像到日式餐廳有咩早餐？ 選擇得好少。我最中意這裡的白粥，真材實料！唔好落鹽，啲米好香，綿綿的，好過傳統粥檔估唔到呀！配埋XO醬炒腸粉，夠飽又暖胃！

今日老細請食飯，喺HK TV Mall買了個6人set $1690，每人$280，放題來說，很抵，質素還相當不錯，又不漏單。除了多款飲品任選，還有麒麟一番搾買一送一，正！4個小時的放題，是夠吃的了，雖然我們遲了個幾小時，但肚皮都夠撐了。多款魚生、壽司都新鮮好味！尤其是海膽壽司，沒有臭味，吃得出新鮮，又鮮甜！讚！另一樣必食是燒銀鱈魚，一致認為超甜超好味，我們encour了三次！燒菠蘿也很甜，但如果再燒香些會更美味！最後是甜品，有兩三款。我叫了雪芭，柚子味，ok啦！

多數人對於任食放題既印象都系冇散叫既菜式高級，如居酒屋/ 廚師發辦等等，但呢度比人感覺都幾高汁~ 夜晚專做任食晚市放題，地理位置都幾優越，系金鐘云云既商業大廈當中。太高質既高級放題，不得不開心些牙！話說話4粒中任食，其實邊有可能食到4粒中，如果真係食到4粒鐘我諗我應該會變咗卡比獸，Finally食左2個半中就走左。門口已有兩個「四季悅」既字眼，絕對吾驚搵吾到間餐廳食過咁多間放題入面，呢間個裝修都算系最「豪」，就咁睇實系睇吾出呢間會系專做放題lol。鰻魚十分軟稔，鰻魚汁系曬度，完全吾驚有乾身既問題，真系好大好大件，食完亦不忘再點多次刺身點左三文魚、甜蝦、玉子、石垣貝，講真三文魚切得唔係幾靚，不過鮮味還是有的! 反而覺得甜蝦外型比較討好，食落都好新鮮。銀鱈魚亦系我系日本菜好中意食既野同鰻魚一樣，又系大大件咁，味道好清甜，唔似出面啲銀鱈魚咁油。Shabu shabu既湯底系好甜，呢樣野真係唔係間間做到，不過牛味可以再濃郁啲。一口牛柳粒嘅質素欠奉，唔夠凍之餘仲硬掘掘，去到食嘅千祈唔好點呢樣真系一口就算。是日嘅自家製甜品系焦糖布丁，幾有心思，如果以市面上嘅放題來講，相信都冇乜邊幾間會有自家製甜品

坊間好多放題嘅質素都麻麻，而且坐位太多，迫迫劫劫，食得都幾辛苦，唔知大家有無同感呢？之但係，去到大時大節，慶祝生日等，放題永遠都係其中一個必然選擇！個個都放題，唔通個個都想食放題咩？今日就等我A姐介紹一個高質素嘅放題選擇畀大家，記住bookmark金鐘四季悅，呢度除咗食物質素同環境一流之外，最重要係有成4個鐘嘅超長任食時間，咁下次成班friend約去放題就識揀啦！呢度嘅選擇分為刺身、壽司、卷物及燒物、鐵板燒及串燒、炸物及煮物、飯麵湯、前菜沙律及甜品7大類，合共87款選擇，好老實，選擇雖然唔多，但點都好過日、韓、台、泰款款都有，結果樣樣都麻麻哋。雪場蟹腳一坐低，餐廳就送上雪場蟹腳，除咗有濃濃嘅海水味，仲係啖啖肉㗎！肉質爽口，絲絲蟹肉，味道鮮甜。刺身連放題一向少見嘅油甘魚、劍魚腩都有，最重要係夠晒新鮮，好有口感。壽司壽司一向唔係放題人仕嘅熱點項目，但呢度嘅海膽壽司就不得不點！海膽嘅味道濃郁，連一向唔食海膽嘅M佬都一試難忘，好鮮甜呀！燒物至於4款燒魚都各有特色，我A姐就強烈推介銀鱈魚西京燒同蒲燒鰻魚！銀鱈魚西京燒銀鱈魚嘅魚肉好滑，魚味好豐富，最重要係個外皮燒到脆卜卜，燒香之後油脂豐富。蒲燒鰻

這天要往金鐘聽seminar ，走過金鐘長廊途經 "四季‧悅" 日本餐廳 ，  已到下午茶時段所以人數不多。 趁仲有時間就決定往那裏吃午餐。 要先到收銀處先畀錢選餐 ，放好號碼牌到你選好的座位便會有人送到你檯上。選了三文魚魚生飯。 三文魚厚厚的鋪在飯面上完全看不見飯。 非常新鮮而且有魚油的香味，但飯卻壓得很實淨，很難夾起。 另外附送一小碗煮熟的配菜和麵豉湯(但不太熱)。 此午市套餐售98元 (不用加一)。從餐廳望出去景色很開揚， 考慮到坐落於黃金地段，價錢也變得很"合理"了。