四季常餐 (已結業)

【叉燒炒蛋飯配秘製鼓油汁】路過中環諗起呢間餐廳，晚飯時間唔駛等位一於入去試下，常餐唔太吸引我，所以叫咗叉燒炒蛋飯試下。上菜速度快，賣相唔錯，份量適中。叉燒可以，炒蛋一般，食落唔夠滑，有生蛋白痴住，蛋味唔夠香濃。白飯質素麻麻，唔夠熱而且有兩舊飯癡住咗，鼓油無乜特別，整體來講有啲失望。餐牌大部份都係牛，對於唔食牛嘅人黎講其實選擇唔多。值得一讚嘅係服務態度良好，店舖乾淨整齊。

中環人可以唔駛黎 食物係正常 但侍應態度極惡劣 侍應落錯單要迫客人改食佢落錯單既食物 我地堅決唔肯 侍應即黑面 然後其他人比我地遲落單啲食物都上哂 我地追單 仲要同我地講跟單上 唔關佢事 基本上我覺得佢係特登既其實問一問有幾難 尤其最後生個個態度超差 一定會叫其他人唔再黎其實從來無要求過茶餐廳要有幾好service 但起碼比返一個正常既態度 $60一個餐其實有大把選擇 一間餐廳 請乜野人係好重要 係中環只要你啲食物正常味道 一定多人 但依間餐廳 請啲咁既人 好快會轉手

四季其實都幾出名（我地講四季就係指四季常餐，Auditors 根本唔會有錢lunch 食四季酒店），不過係出名多人，雖然其實佢算係流轉快。茶記通常來來去去只做那幾款，好多人黎到都會揀滑蛋叉燒，但我自己就喜歡茄通配多士個餐，好似多幾款野食咁。個蛋、蕃茄底都唔錯（儘管依家普遍有心做嘅炒蛋都會唔錯），睇埋個價錢份上，算係咁。其實因為多人，我都係夜晚先敢去食，同埋嗰個時段貪佢平。吓，Auditor OT飯唔係有得claim架咩？哈、哈、哈。

琴日經過見到四季常餐(德輔道88號), 發現佢早餐外賣只需$20!!! 就有蛋治及飲品, 今早幫襯咗, 超大件嘅蛋治+厚厚麵包, 新鮮好味, CP值贏晒; 如果可以少鹽或無鹽就perfect.

服務態度奇差，外賣時我想要凍鴛鴦，服務員只重複檸水檸茶咖啡奶茶，這是什麼服務態度， 你簡單說沒有凍鴛鴦便可以，就算再好食都唔會再幫襯😠😠😠， 今時今日 食物水準固然重要，但服務態度更加重要，如果大家吃飯時想受一肚氣便繼續去光顧客吧😠😠😠

下午茶時間不用排隊。雖然餐肉不健康，還是會偶爾吃吃，回憶一下學生時代的味道。愛心製作：好久沒有吃過這麼熱的茶餐廳菜色。滑蛋是鎮店寶，如常的超級滑和香，餐肉中等厚度皮脆肉嫩，多士外脆內軟烤得剛好，塗上薄薄的牛油。熱奶茶☕️也是水準之作。看到隔壁喝的凍奶茶是冰鎮（杯子裡沒有冰的），應該很香濃。唯一美中不足就是凍飲用即棄塑料杯，可以環保會更好。最appreciate小店把簡單而不貴的材料用心做經典菜。生活簡單就是美。

二十九日當日，我本來正在跟朋友，在香港島銅鑼灣一邊散步逛街，一邊向前行。不過走到不夠一半，去到「怡和大廈」樓下附近公園的位置，我已經發現勢色有點不妙，於是告別後離開大隊，徒步返回行人天橋。結果朋友各有自己的選擇，有人選擇繼續向前走，走向金鐘海傍，之後發生的事，相信很多人看新聞都應該知道。至於我返回行人天橋，沿着行人天橋一路前走，最後到了大約五點左右，我終於走到了中環繁忙街頭。本來我是打算，走到大約下午六點左右的時候，才正式前往位於中環「威靈頓街」，光顧位於「威靈頓街」旁邊的熱門食店「四季常餐」食星期日晚飯，然後才慢慢坐車返回九龍。我在光顧「四季常餐」之前，已經透過摸索研究「四季常餐」本身的店名設定，以及「四季常餐」裡面的餐牌，已經對「四季常餐」賣的食品內容略知一二，估計到食店出餐所需時間多極有限。所以我來到「威靈頓街」的時候，發現時間距離星期日晚餐時間下午六點，仍然有一段距離。我已經嘗試在「感靈頓街」附近地方閒逛打發時間，儘量等到接近六點正時間才正式上門光顧「四季常餐」。可惜我發現自己，可能真的來得太早，另一方面「四季常餐」食品的製作所需時間，亦比我事先預計來得更快，我發現自己還是完成

今日下午嚟到中環，諗住搵午餐食。諗起以前喺中環返工嘅時候，四季常餐經常大排長龍。今日咁啱星期六，於是決定試吓佢哋嘅常餐。今日星期六嚟到，門口果然冇人，一入去就有位坐。佢哋出名嘅常餐有兩款，分別係茄牛通，同埋忌廉雞湯通粉。另外我都睇到佢哋有午餐叫，包括叉燒滑蛋飯，咖喱牛飯。因為我有睇其他食評，話茄牛通啲蕃茄唔係新鮮嘅，所以我就決定試吓忌廉雞湯通粉。首先嚟到嘅係忌廉雞湯通粉。一望落去，覺得塊火腿都幾有誠意，唔係平日喺茶餐廳食到嗰啲細塊火腿。首先飲佢個湯，嘩竟然勁鹹，個湯完全被鹹味蓋住，我都食唔出有咩忌廉或雞味。過咗一陣，個滑蛋同多士都上菜了。首先望落個滑蛋，覺得個顏色偏橙黃色，唔係平日所食嘅淡黃色。我記得之前睇過呢間餐廳嘅介紹，話佢哋又話但係用上三種唔同嘅雞蛋做，所以我諗緊可能因為咁先係橙黃色啦。咁望落去個滑蛋都好似幾滑嘅，但係一食落口，發現其實啲蛋一舊舊有粉粉地嘅質感，一啲都唔好食。反而牛油烘多士就整得幾好食，外脆內軟，係我成個常餐最滿意嘅一樣食品。食完成個常餐，我覺得質素係直情趕唔上一般茶餐廳嘅水準。完全明白點解平日lunch Time喺中環咁多美食嘅地方，依然會有咁多人等呢間四季常餐

< 我是常餐寶寶·四季常餐😆>_ 中環四季常餐-四季茄牛通 & 炒蛋多士$46 _一字記之曰：愛❤️，作為一個中午晚三餐都可以食常餐嘅熊人，對於常餐當然係我愛常餐，常餐愛我，今次食四季常餐，熊人我聽住哥哥嘅風繼續吹，食一啖四季茄牛通，通粉係用吸湯嘅坑紋通粉，而湯底茄蓉味重，味道酸酸甜甜，非常開胃😊至於個炒蛋，蛋黃味濃，心機之作👏🏻，至於檸水就正正常常，唯一失色就係牛油多士，唔夠熱同脆口，牛油味亦有少少不足，整體不錯可以一試😆_🎈Rating :7.5/10 _

見到外賣APP可以送，之前上網見到好多人去排隊食，即刻叫嚟試下，安坐Office食個飯，飲杯凍檸茶。叫咗個招牌嘅滑蛋叉燒飯整得唔錯蛋夠滑，叉燒算新鮮，加上甜甜嘅豉油食完成個都精神晒。但可能我大食覺得份量唔係好多。不過之前食過旺記冰室嘅滑蛋叉燒飯雖然都係旺記冰室嘅略勝一籌，不過呢間喺中環仲可以送埋外賣真係方便好多，唔使去排隊都有得食。下次想試埋佢哋嘅蕃茄通粉，同埋試吓堂食始終覺得堂食新鮮滾熱辣一定會好味啲嘅。

常餐🍝 👍🏻👍🏻👍🏻👍🏻四季茄牛通🍅👍🏻👍🏻👍🏻👍🏻配炒蛋多士🥚🍞👍🏻👍🏻👍🏻加0.5熱奶茶☕️👍🏻👍🏻👍🏻加0.5如果說在中環吃個常餐有這個質素，真的已經很不錯。因為只不過是$40多元，絕對是不會後悔點錯的選擇。四季茄牛通聽說是這間餐廳的名菜，很受熱捧。果然有這水準。它不會是很稀很水汪汪那種蕃茄湯底，因為用了不少蕃茄粒做湯底（但應該不是新鮮那種），也算是有誠意的。我喜歡它調較岀來的蕃茄味，沒有那種草腥味，而且不會重味精的感覺。牛肉則採用了新鮮牛肉，尚算鬆軟，有做基本的醃味。水準明顯比外面好的。炒蛋多士方面，蛋炒得夠滑，多士烘得夠脆。尤其是它的多士，它是那種厚厚的，未烘前鬆軟，烘很鬆脆那種。單是把多士烘到這水準就覺得這餐廳對其岀品也應是有要求的。但是，我略為覺得它的炒蛋，雖然滑，但可能不是全熟的關係，好像有點蛋腥味。下午茶也提供滑蛋三文治，適合比較細食的食客。麵包能夠做到外脆內軟，聽起來是基本，但做到的又有多少呢？飲品是茶餐廳質素，奶茶略帶少少澀味，至於凍檸茶，質素還是其次，重點是它竟然沒有走塑。如果每位食客能夠提醒下餐廳就好了。

中環呢間四季常餐茶餐廳，日日到左食晏時間都大排長龍，鋪頭細少，估計只可以容納二十人左右。對於我呢啲得一小時食飯時間既打工仔，真係得個渴望兩個字😣一直都諗究竟有甚麼特別呢？係價錢便宜定真係好好味？今早特登早啲起身黎試下佢地既早餐，早餐時段果然唔需要排隊。👍🏾但係我早餐時段食吾得多，所以我睇餐牌見到佢哋啲三文治某幾款係用餐包為主，對於我呢啲咁鍾意食包嘅人覺得非常吸引，因為餐包一定鬆軟個方包既。我叫咗個芝士餐肉滑蛋治，炒蛋做得滑溜，配上溶溶地嘅芝士同煎得脆脆地午餐肉，重點係個餐包好大個，焗到脆脆地咁，好正呀！但係個份量相當之大，食到頂住左個位🤣🤣

星期五晚，去左中環接放工後，係附近找野食無意中見到呢間之前雜誌介紹過的四季常餐，主打北海道奶滑蛋和港式常餐。店面雖然不大，但位置都算闊落，仲有個外國人係度飲住咖啡做野。上菜速度快，滑蛋的確係招牌菜，質感，份量同賣相都出色，好味！跟餐的蕃茄通粉一般，偏咸，相對失色。另外叫左個牛肉飯，牛肉很淋，味道適中。凍奶茶味道中上。埋單一百左右，扺食。

喺一個可以簡單解決午餐嘅好地方。平時唔知食咩就會來呢度，點個炒蛋多士加杯凍奶茶就可以搞掂午餐。炒蛋好食Ｄ好嫩好滑，但塊多士咧就有時焗得啱啱好，脆脆嘚各種但喺呢次就有點點焗得耐，有Ｄ焦糊。凍奶茶味道仲ＯＫ，中規中矩，還ＯＫ嘅。總之想快速解決晚餐就來呢度食個常餐喺ＯＫ嘅，價錢都好高。

作為蛋控，我係今晚入左一間食叉燒炒蛋飯配秘製豉油汁既餐廳食飯。隻蛋似係日式旋風個種，唔係港式滑蛋叉燒個種。豉油汁甜甜地，似港式感覺。兩者唔算好夾，但係中環區黎講，呢個價錢不失為一個選擇。