影片
更多
2019-10-19
592 瀏覽
今日下午嚟到中環，諗住搵午餐食。諗起以前喺中環返工嘅時候，四季常餐經常大排長龍。今日咁啱星期六，於是決定試吓佢哋嘅常餐。今日星期六嚟到，門口果然冇人，一入去就有位坐。佢哋出名嘅常餐有兩款，分別係茄牛通，同埋忌廉雞湯通粉。另外我都睇到佢哋有午餐叫，包括叉燒滑蛋飯，咖喱牛飯。因為我有睇其他食評，話茄牛通啲蕃茄唔係新鮮嘅，所以我就決定試吓忌廉雞湯通粉。首先嚟到嘅係忌廉雞湯通粉。一望落去，覺得塊火腿都幾有誠意，唔係平日喺茶餐廳食到嗰啲細塊火腿。首先飲佢個湯，嘩竟然勁鹹，個湯完全被鹹味蓋住，我都食唔出有咩忌廉或雞味。過咗一陣，個滑蛋同多士都上菜了。首先望落個滑蛋，覺得個顏色偏橙黃色，唔係平日所食嘅淡黃色。我記得之前睇過呢間餐廳嘅介紹，話佢哋又話但係用上三種唔同嘅雞蛋做，所以我諗緊可能因為咁先係橙黃色啦。咁望落去個滑蛋都好似幾滑嘅，但係一食落口，發現其實啲蛋一舊舊有粉粉地嘅質感，一啲都唔好食。反而牛油烘多士就整得幾好食，外脆內軟，係我成個常餐最滿意嘅一樣食品。食完成個常餐，我覺得質素係直情趕唔上一般茶餐廳嘅水準。完全明白點解平日lunch Time喺中環咁多美食嘅地方，依然會有咁多人等呢間四季常餐
今日星期六嚟到，門口果然冇人，一入去就有位坐。佢哋出名嘅常餐有兩款，分別係茄牛通，同埋忌廉雞湯通粉。另外我都睇到佢哋有午餐叫，包括叉燒滑蛋飯，咖喱牛飯。
因為我有睇其他食評，話茄牛通啲蕃茄唔係新鮮嘅，所以我就決定試吓忌廉雞湯通粉。
$48
40 瀏覽
0 讚好
0 留言
首先嚟到嘅係忌廉雞湯通粉。一望落去，覺得塊火腿都幾有誠意，唔係平日喺茶餐廳食到嗰啲細塊火腿。首先飲佢個湯，嘩竟然勁鹹，個湯完全被鹹味蓋住，我都食唔出有咩忌廉或雞味。
過咗一陣，個滑蛋同多士都上菜了。首先望落個滑蛋，覺得個顏色偏橙黃色，唔係平日所食嘅淡黃色。我記得之前睇過呢間餐廳嘅介紹，話佢哋又話但係用上三種唔同嘅雞蛋做，所以我諗緊可能因為咁先係橙黃色啦。
咁望落去個滑蛋都好似幾滑嘅，但係一食落口，發現其實啲蛋一舊舊有粉粉地嘅質感，一啲都唔好食。反而牛油烘多士就整得幾好食，外脆內軟，係我成個常餐最滿意嘅一樣食品。
食完成個常餐，我覺得質素係直情趕唔上一般茶餐廳嘅水準。完全明白點解平日lunch Time喺中環咁多美食嘅地方，依然會有咁多人等呢間四季常餐。
張貼
