影片
更多
2004-07-09
16 瀏覽
同豬仔出街食飯好少揀中菜﹐不過見間食肆個名叫"嚼江南"咁型﹐就即管試下新野。初初諗住鋪頭名有"江南"兩個字估係食江南菜﹐但其實咩係江南菜都唔知﹐靜係知佢同阿拉麵館(上海菜)0既菜式頗為相似。之前睇食評知道店內天花板有條好特別0既紙龍裝飾﹐但我同豬仔都覺得冇乜特別,入面裝修幾"骨子"叫左水煮牛肉、江南炒飯、手撕雞、排骨麵、"煙秧"小龍包、糖醋松子桂花魚、兩杯火龍果奇異果汁上菜超快﹐點完菜唔夠三分鐘就黎左個排骨麵﹐其他菜亦接住黎﹐真係懷疑我地商量點咩菜0既時候個侍應響隔離偷聽並一早幫我地落埋單…排骨麵d湯底好清﹐冇咩味﹐麵係上海麵﹐煮得過淋﹐排骨都幾淋﹐成碗麵味道偏淡﹐好似隔黎0既麵惹味d。小龍包並唔係蒸而係浸住響湯用個紙火上﹐幾特別﹐有兩種餡﹐牛肉同豬肉﹐不過成個""只係得4 粒﹐味道都幾好﹐浸住響湯冇咁乾﹐但個湯底同排骨麵好似一樣咁…水煮牛肉又係用紙火上﹐唔太辣(比食開冇咁辣)﹐冇咁辣好d因為較易入口(對我黎講)﹐但份量幾細﹐響底0既菜索哂d味而且浸到好淋﹐幾好食。手撕雞係冷盤﹐配埋海蜇、西芹仲有麻辣醬﹔清清地都唔錯﹐不過麻辣醬太辣﹐雞太少﹐成碟好"就珍"江南炒飯其實係楊州炒飯走叉燒﹔
初初諗住鋪頭名有"江南"兩個字估係食江南菜﹐但其實咩係江南菜都唔知﹐靜係知佢同阿拉麵館(上海菜)0既菜式頗為相似。
之前睇食評知道店內天花板有條好特別0既紙龍裝飾﹐但我同豬仔都覺得冇乜特別,入面裝修幾"骨子"
叫左水煮牛肉、江南炒飯、手撕雞、排骨麵、"煙秧"小龍包、糖醋松子桂花魚、兩杯火龍果奇異果汁
上菜超快﹐點完菜唔夠三分鐘就黎左個排骨麵﹐其他菜亦接住黎﹐真係懷疑我地商量點咩菜0既時候個侍應響隔離偷聽並一早幫我地落埋單…
排骨麵d湯底好清﹐冇咩味﹐麵係上海麵﹐煮得過淋﹐排骨都幾淋﹐成碗麵味道偏淡﹐好似隔黎0既麵惹味d。
小龍包並唔係蒸而係浸住響湯用個紙火上﹐幾特別﹐有兩種餡﹐牛肉同豬肉﹐不過成個""只係得4 粒﹐味道都幾好﹐浸住響湯冇咁乾﹐但個湯底同排骨麵好似一樣咁…
水煮牛肉又係用紙火上﹐唔太辣(比食開冇咁辣)﹐冇咁辣好d因為較易入口(對我黎講)﹐但份量幾細﹐響底0既菜索哂d味而且浸到好淋﹐幾好食。
手撕雞係冷盤﹐配埋海蜇、西芹仲有麻辣醬﹔清清地都唔錯﹐不過麻辣醬太辣﹐雞太少﹐成碟好"就珍"
江南炒飯其實係楊州炒飯走叉燒﹔蝦好大粒好爽甜﹐不過得幾粒﹐飯炒得乾左少少同淡左少少。
可能我本身唔太鐘意食魚﹐覺得糖醋魚麻麻地﹔魚雖然係煎過﹐但仍然有少少鯹﹐個汁酸酸地幾醒胃﹐但竟然用罐頭雜果﹐覺得怪怪地同埋都幾求其﹐呢個碟頭算係最大
火龍果奇異果汁淡到爆﹐灰色0既…既唔似火龍果亦唔似奇異果0既顏色﹐唔好飲。
發現呢到0既甜品同阿拉麵館有d似(其實唔只甜品﹐其他菜式都係)
仲有﹐呢度好得意﹐竟然有cheesecake,mousses 呢d西式甜品賣﹐同成間店鋪0既風格格格不入﹐d侍應仲會拎住一盤逐推銷﹐都真係幾搞笑
服務好好﹐好有禮貌﹐反應亦快
埋單400 幾﹐我覺得貴得黎唔值﹐每樣食物都好細份
整體黎講一般﹐食過就算﹐可能中菜都係唔太0岩我地
張貼