嚼江南 (已結業)

唔該晒editor終於都加左呢間野上去,對上一次我去食已經係個幾月前既事,就憑呢少少記憶寫番個食評先!上次我地3個女仔去食,食左個翅(一大碗連爐上),魚頭回窩肉,小籠包,炒拉麵,雞絲粉皮等等。聽落好似好多野下,但係佢d野好細件頭,好係個魚頭比較大少少,我地3個人食左幾樣野一d飽意都無,幾驚丫!食物味道唔算濃(我以為江南菜應該受上海菜同京菜影響,會偏濃少少),但係佢又唔太咸,好明顯係就香港人既港式江南菜啦!個度環境靜局,我上次去都坐唔滿人,天花上仲有條大紙龍,幾有氣勢架~呵~不過侍應似乎對餐牌唔係好熟(可能當時都算新開?!),但係好熱心,成日同我地jump茶換野。總括而言,呢餐算係ok好食,但係3個人食左300幾蚊就唔係好抵喇,你諗下3個女仔都係靠個拉麵塞飽咋!(而且d野都偏油架)

3個女仔, 知道開左呢間嚼江南, 梗係第一時間試下啦. 之前睇雜誌都有介紹過, 好似都ok.可能係sars0既關係, 唔係好多人, 只係得幾檯客, 都有d冷清.裝修ok, 不過黑左d, 天花有一條龍, 好勁呀, 唔知點清潔呢?雞絲粉皮, 好細碟. 但係都幾好味, 特別係個汁, 好香花生醬味. 唔係好夠凍...小籠包. 呢排食得太多啦, 好麻木. 不過都唔差, 都係即叫即做, 好新鮮. d皮都薄, 好多肉汁. 可能一試. 素菜飽, 唔係好得. 個餡d味好怪. 而且個皮厚左dd紙火鍋魚翅, 幾得意. 一個用紙做0既杯載住d翅. 味道一般. 冇乜幾多條翅, 都預左. 個湯稀左d回鍋魚頭, 掂. 夠辣, 但又唔會好油. 個魚頭好入味, 好大個. d汁好好味. 要叫碗飯撈汁. 平時我都好少食魚頭. 但係都忍唔住.炒拉麵, 好油. 差左d.本來好想食甜品, 但係頂唔住.3個人埋單3百幾蚊, 我覺得唔係太抵. 0係沙田黎係貴左dd. 值得一讚係服務, 好自動自覺.

上個月同家人試過.睇menu菜名好"架勢"咖.我地四個人叫左8個orders.以為會大察一餐.點知上檯全部都係一人份量.千祈唔好order川辣牛肉紙火.得肥牛兩薄片.大量指天椒同八角;燜鮑魚+海參,隻鮑魚size就大約細蛋撻咁細.海參長過我隻食指少少.水汪汪的.埋單獨$600有找.我返到屋企要即刻煮公仔面食..仲有服務好差.成間餐廳都係頭dub dub .完全唔會望人的.當晚我眼見四檯食客企o係身complaint喇.....