嚼江南 (已結業)

22.4.2007 (sun)今次係我第4次啦，未夠7:00 p.m.已到，等15 mins先有位。喱度等位要排隊，唔會派飛。晚市茶錢每位$8，我叫碧螺春。另外，仲有鐵觀音、白牡丹......今晚，我叫3個菜，有涼拌茄子、紅番雞(鮮番茄炆雞) & 江南炒飯。涼拌茄子($38) - 醬好好味，茄子切片，若切粒會更入味。紅番雞(鮮番茄炆雞) ($65) - 個番茄汁太濃，唔多似只係鮮番茄，應該加茄膏，所以顏色好紅，我都係鐘意natural。不過，喱味真係令人好開胃！江南炒飯($50) - 即係蛋白蝦仁帶子炒飯，飯炒得夠乾身，唔錯！可能比較人多，侍應勁忙，但服務態度都o.k.。

本人基本上是長期的支持者,侍應服務態度算不錯,但大概前年開始,來了一個四眼身高算矮的經理,服務態度是十萬個差,一來到已經黑面相對,離開說\\\"再見\\\"也都像死父母的樣,一點寬容都沒有,這都算了.畢竟只是喜歡那裡的食物及環境.誰知去年的某一天,本人再次到該店用餐\\\,因梳化位差不多滿了,由於該經理負責編排座位,故帶我們到非梳化位,我們告訴他不希望坐那些位,該經理竟然說\\\"咁冇喇,你自己搵啦\\\"這很過份,怎可以這樣說話.我們從來沒有得罪他,他憑什麼這樣說話?他大可以叫我們等一等,但他這一句得我們.幸好後來有位女經理過來調停

好日都唔食中菜的我今日終於嚟咗呢度…不嬲對中菜甚無研究，似足一個大鄉里是也。坐咗10 分鐘就有menu, 茶就5 分鐘啦！順帶一提, 我都冇對清楚坐枱嗰 menu 係咪同書本式個menu 係咪一樣。因為得一本menu 想同朋友商量一下都有d 唔方便咁…食小籠包嘛！打開menu 細看發覺原來佢有分豬肉小籠包($20@4隻)同蟹粉小籠包($70@4隻)…咁我又未孤陋寡聞到唔明點解因為蟹粉的關係令到個價錢咁天淵之別。但心諗: 咁o既價錢的蟹粉都係算吧啦！咪叫個豬肉咪算lor…嗯，我都係覺得翡翠拉麵的小籠包好味d 呀！個肉汁同個肉好味d 啦！係喎！兩間嘢的小籠包冇人會care 的分別就係翡翠會有生菜墊底，而呢度冇lor….哈又叫咗個排骨拉麵($38)。甚少食拉麵, 我都唔知點先叫好…係淋d囉！咁有d 湯浸住吖嘛！咁又冇發脹，放心！係d 排骨似煲湯飲剩d 湯渣咁鞋咁韌XD都叫咗個是日推介生煎包！十蚊咋！有三個喎！抵呀！個底煎到金黃又脆又熱辣辣…肉汁索落個包度！好味…都叫咗個素菌鍋巴( $70)。菇都幾多呀！鍋巴有五、六塊咁上下啦！呢個嘢個汁底唔需要技巧, 蠔油獻汁己矣！我媽媽的煮菜仙丹…因為我成

其實呢間我一直都好想試下,但因為好多時都冇機會,入到去都有幾好招呼,有人帶我地入去,但佢有好耐都冇俾茶我地,跟住我咪問個經理羅,佢問我地有冇人問我地要咩茶.我地咪話冇羅.佢跟住都好有follow up精神,問番d伙計邊個帶客入黎.呢樣抵讚蕃茄炆雞-- 個汁好送飯,同埋d雞都整得好淋,抵讚豬肉小籠包-- 都充滿肉汁上海燒賣-- 用水餃皮做皮,但餡料就用糯米加臘味整,都幾特別排骨湯面-- 拉面係即叫即整,都幾彈牙,排骨都好淋奶皇鍋餅-- 新鮮熱辣,正招呼都唔錯,佢本身都有些唔同價錢的東西,有貴有平,都算係大眾化

昨晚胡里胡塗來到這裡,食出驚喜~1) 米酒雞- 即醉雞,超水準之作,酒味醋味恰到好處!2) 辣水煮牛肉- 好入味,連大量甜洋蔥煮,正, 但一D都唔辣.3) 水中龍(鱔鰗湯麵) - OK4) 是夜特價十蚊: 紅油抄手/南瓜餅- OK一定再來!

平安夜6:00入席，counter講明你要7:30前交枱。6:05叫菜，6:40才來第一碟炒飯（江南炒飯），等到一肚氣！三杯雞，是雞肋，雞翼尖，加埋D菇，差！瑤柱扒雙蔬，一般。帶子炒年糕，一般。燈光昏暗，侍應反應遲緩。無下次！

尋晚同個朋友2個人去呢間食, 朋友話見呢度有個2人大閘蟹套餐幾抵食, $198一位(二位起)另加一, 包2隻5兩大閘蟹; 一個紙鍋蟹粉小籠包(有4件),一個小食, 一個飯(有2條好"林"既排骨+腊腸,好味~), 一碟4件的肉卷(有金華火腿既)仲有個湯圓甜品..仲有每人一小杯既酒tim..幾樣野都好味, 但2個女仔食真係食唔晒~ 上大閘蟹時仲分2次上, 等我地食完第一隻先上第2隻, 幾細心! 大閘蟹都幾大隻, 膏又香, 唔錯..佢地有薑茶送, 好好飲, d waiter好好人幫我地添飲左2次, 有機會都想再去~

本人11月24日晚上到此吃晚飯。晚上8時半後有8 折加上西田大減價, 所以本人9:20 到步仍需等五分鐘才有位。剛坐下不久已覺座位很迫, 很嘈雜; 但端上來的食物還不錯, 所以便沒有所謂。本人和家姐叫了膳糊拉面, 炸菜牛肉小籠包及皇爺餅。正在食皇爺餅之際, 有兩個清潔男工在旁邊推著一大桶冷飯菜汁(沒有覆蓋)經過, 跟著是一桶又一桶的垃圾經過, 莫視一眾食客安全及衛生。這兩個清潔男工在後巷傾倒垃圾後拿著空的垃圾桶在旁經過, 令人惟之側目, 他們更拿著垃圾袋到處走動, 手舞足蹈, 令細菌四散。本人向經理反映, 那兩個清潔男工竟沒有停止, 只是不經過我們旁, 而是穿梭在食堂中央。此食店莫視一眾食客安全及衛生, 本人以後也不敢去。

三個人吃飯，星期二閒日，八點幾都仲好多人。但唔使等位。我地叫散餐，我地叫0左是日特價十蚊雞小籠包，有四粒，皮薄，有湯汁，ok。我最喜愛0既係醉雞，外面食通常都好勁酒味，但呢度有青蘋果，小小酒味，讚！蛋白炒飯，ok，唔太油又唔太硬，中等啦！蒜容西蘭花，油0左0的，但都幾大碟。最唔得係個水煮牛肉，用紙火鍋上，唔覺得辣，但好重花招八角味，唔太好食！下次唔會叫！仲有個酸辣湯，因我唔吃得筍，個經理好細心幫我寫-左走筍，呢個酸辣湯唔同外面，無豬什如豬紅、豬肚，但有魚，感覺新鮮，唔錯！整體感覺良好，環境、服務都ok，價錢成比例啦。下次同屋企人去！

好少去食咁多咸面的地方, 但在新城市的選擇又無乜, 最後都係揀嚼江南.平日晚上, 依然勁多人, 其實環境唔錯, 但人太多, 都幾嘈. 有套餐, 但經濟為原則下, 散叫抵D. 是晚有兩樣$10菜色, 豬肉小籠包同檻仁豆沙包, 當然兩樣都要.豬肉小籠包: 8分, $10 菜色但無欺場, 一客6粒, 豬肉唔太肥, 小籠包唔係一夾即散的貨色, 食落口都飲到小小湯, 收貨.排骨湯拉麵: 4分, 此拉麵係叫蘭州拉麵, 蘭州幾時飄移去江南? 奇. 在開放廚房見到師傅係度用手拉麵, 碗麵的味道靠得住, 係D湯比較咸. 但另上的排骨極老, 朗尼搭蘇斯, 嚴重扣分.黃金豆腐: 6分, 開始食味道幾香口, 但係越食越咸, 咸蛋黃太多, 要叫碗飯先勉強清到而碟.以為叫碟豆腐清清地, 點知成晚最濃一碟.檻仁豆沙包: 8分, 又一$10菜色, 豆沙包上檯時熱辣辣, 蒸淂剛好, 小小檻仁加上香甜的豆沙, 好味.真奇怪, $10菜色仲好食過正價菜. 埋單一位$70, 都算經濟. 至於服務, 很有禮貌, 加茶快, 追單都快. 好.拉上補下, 點都值得俾笑面.

今日下午和朋友到沙田嚼江南食lunch，食物質素、服務同埋環境都好好。我同朋友叫左一個小籠包、回鍋肉、宮保雞丁同埋酸辣湯。小籠包的味道很好，皮又夠薄，包住好多汁，好好味!回鍋肉都唔算好辣，菜同肉的份量剛剛好,好”野”味!!宮保雞丁D腰果勁好食,好脆!雞肉亦好多!酸辣湯都OK,但就稀左少少,其實料都算好足!味道都OK LA~

今日同男朋友及其中一個同&佢女朋友,4個人一齊食飯~涼衣白肉(左下):好得意啊~好似涼衫咁,豬肉好爽唔肥,幾好醬鴨(左上):鴨點左醬後會咸d, 所以連埋個飽一齊食小籠包:皮唔算厚,夠晒味,正~男朋友最鍾意^^麻辣粉皮:好像豉油,辣油,粉皮好滑, 不錯啊~但都幾辣還叫左幾款,樣樣都幾好食, 有人請食飯, 真開心..呵呵~

在附近辦點事, 順道在這裡吃午飯. 午市有多款套餐, 價錢由廿多元起, 我們就各點了一個餐.上海炸醬麵的炸醬是橙紅色那種, 味道甜甜的, 不會難吃. 麵條也不是常吃的上海麵, 麵身比較幼, 呈整齊的圓柱形, 但口感煙韌. 擔擔麵的麵條也一樣, 湯汁的味道也濃, 但沒有辣味.兩個麵餐還有點心, 分別揀了小籠包及蒸素餃, 質素普通.咖哩雞紙火鍋, 那咖哩界乎湯與汁之間, 感覺曖昧, 雞件偏韌, 水準麻麻. 在這店要嘗紙火鍋的話, 點其他的就是了.套餐包飲品, 我選了豆漿, 不是一般店子用的行貨, 不錯. 其他凍飲很大杯, 似乎更伐算.這店環境舒適, 平日午市不收茶錢不用加一, 若非抱著要吃正宗杭州菜之心, 可以一試.

同事下個月移民到加拿大, 所以特特約他和舊同學吃多一點中國菜. 嚼江南賣特色地方中國菜, 距離我們上班的地方不太遠, 便選擇那裡. 他們有房間的, 但最低消費要千五元. 我們原本只有八人, 吃不到那樣貴. 他們的套餐又不太吸引. 小籠包一般, 生煎包沒有驚喜. 能叫人留下深刻印象的是黃金豆腐, 蛋白XX炒飯. 醉鷄好味. 油浸荀不新鮮.砂鍋雲吞鷄沒有味精. 炒蝦仁太甜, 津白不滑.麻婆豆腐辣得我嗆鼻, 很痛苦.炸銀絲卷要熱吃才可以. 水煮魚據說沒有骨, 但不好吃. 其實我們還叫了很多的菜, 但我忘記了大部份的名字. 我只記得那些餐牌上的'推介' (紅字) 不一定好吃. 我覺得價錢貴, 不打算再去, 所以沒有留下菜單. 我不明白它還可維持多久. 因為我眼見只有四成滿.服務一般, 雖然加一要了我們一百五十元. 沒有人換碗. 碟只換過一次. 吃完麵吃不到炒飯. 我們閒聊到十時半, 待應們鋪枱的鋪枱, 到櫃子添碗的添碗, 乒乒乓乓的弄了很多聲響出來, 我又有點後悔不加錢要房間了.

第一次去嚼江南感覺幾好，天花板條龍幾特別，幾有中國Feel。我地一行4人點了幾道菜，其中棒棒雞最好味，有少少辣。另外，鍋貼也不錯，咬落有湯汁，好似食小籠包咁唔錯呀。其他的雞汁茭白就一般，外面未試過，不訪一試。