嚼江南 (已結業)

放工黎開呢頭又黎捧場, menu加再幾多新野, 所以點黎試下棒棒雞: 聽個名又唔知係乜, 原來係辣版雞絲粉皮, 不太辣配埋粉皮味道幾夾樟茶鴨: 鴨個皮烤得幾脆, 個醬甜甜地幾開胃鮮魚濃湯: 材料新鮮, 不過個湯好鹹...鍋貼: 煎得好香口總括而言: 不錯:-)

見平果日報報導，又好似好抵，有一天中午就來試一試。點了一客鍋貼，炒鱔糊，包公骨，咸肉豆腐湯。鍋貼煎得頗香脆，但肉汁略嫌不夠，炒鱔精很不錯，沒想到咁平都可以食到呢個水準，包公骨香脆可口，酸酸甜甜很醒胃。咸肉豆腐湯份量多，湯都ＯＫ鮮甜，但略咸。＄８８加一，＄１００有找。

本人與朋友於11月19日(星期六)晚上六時半左右光沙田嚼江南分店，點了大閘蟹套餐，不巧剛吃完前菜，我的朋友就胃痛(與貴店食物無關，是我朋友本身身體有問題)，其後更不適要送醫院，此店的服務員與負責人在此期間，主動幫忙，首先幫我們換了較舒服的沙發座位以便休息，更奉上熱水，提供關懷，當我決定送朋友去醫院時，負責人更派一名女服務生扶我的朋友去做的士。負責人更幫我們取消我們點的餐，沒有收取任何費用。嚼江南以客為先，體貼的服務實讓人感動，當晚負責人與服務員對此事的處理亦令我們留下極好的印象。

如在7點前埋單，除魚翅、套餐、大閘蟹外(如果沒記錯)，其他食物和飲品半價。我同個friend二人一起食，叫了三道菜：黃金蟹、上湯小籠包及年糕鍋巴。除鍋巴鹹了點及蟹肉是"痴"住蟹殼外，食物大致上都不錯。最重要的是半價，今餐只共花了$160元！好扺！

7點前埋單, 除o左套餐,翅等等全部半價,勁抵!2個人叫o左個湯包蟹粉小籠包($80->40), 福壽奶油菜($50->25)加個麵(忘了價錢), 再食埋甜品都係$100多少少, 已經好夠飽!食物水準唔錯,會再黎食!

我去過個到兩次,講真個句,d野好食,不過服務就好似越泥越差啦...有d野食都算平,好似個個奶油津白咁,其實初初我係俾佢既環境吸引住,所以先會入去試,但係就有少少失望"佢價錢都幾貴下,覺得唔多低食囉.不過我就覺得大家可以不妨一試!

記得對上次來此店已是其開張之時, 那時人山人海.不知昨晚是否平日的關係, 故此不用等位, 而且只得數十食客, 故能享受清靜的食飯環境.此行大致吃了雞絲粉皮, 雲吞雞, 奶油津白, 小籠包和皇太子炒飯.雞絲粉皮- 炎夏食, 好味! 十分開胃!雲吞雞- 湯底濃郁入味, 粉吞皮夠薄, 食落有種滑溜的感覺, 幾有口感.奶油津白- 個汁很creamy小籠包- 一般皇太子炒飯- 勁好食, 有松子, 故此有咬口, 而且有微辣, 夠野味~總括來說食物不錯, 特別係個飯. 服務就一般

與老師商討工作事宜,一檯十二人.由於有專人order左十多款菜.唔知菜名.黎左依間野4次. 基本上唔食係唔會損失, 但某d菜式係有特式,又唔代表好味.今次order左番茄蝦仁同xx素菜窩巴, 窩巴幾好食.好咬口.淋上汁料外軟內脆. 不過好少蝦.番茄多. 上檯時有個熱石窩再倒汁料入去,沙沙聲幾好睇.應該呃到鬼佬.另外素菜餃同煎窩貼, 普通味道,肚餓食會ok.唔餓就一個起半個止. 其實水準唔錯.豆角炒辣肉(唔知乜黎) 豆角幾新鮮但撈埋就怪怪地.可能食唔慣港式/正宗京滬菜(已唔知依個世界咩野叫正宗) xx炒油麥菜.好咸!唔掂.不過菜都係新鮮.燸米飯蒸鴨, 鴨包住糯米上仲有鴨頭.勁怪加核突.唔好食.整體黎講可以唔食.不過想試特色加怪野都黎得.價錢中等.但45知己傾野飯聚一流.唔會趕你走或好多人等令你唔好意思留低

第三次去食，今次好似少人咗。砂鍋雲吞雞($98)---唔係用砂鍋上，好似爭啲咁，唔係好多料，不過個湯幾好味。小籠包($20)---ok，好多湯。高力蛋球($45)---有六隻，入面唔係豆沙，係朱古力忌廉，好好味我覺得冇差到丫，之前食除咗咸蛋黃炒飯好好味之外，其他都一般，服務好好丫，都唔係啲人講到咁差啫

好記得佢開無耐,我已經成日去,個陣服務ok,d 野ok好食,我最記得我試過book貴賓房(即係玻璃屋)食大閘蟹餐,好好食但2日前再去,野食,服務都差到不得之了,竟然有種族歧視,見到外國人就特別好,無book枱,唔使等就即刻有枱坐,其他人就要等,差到爆

好耐之前食過.....呢間野一D 特色都冇(除裝修外)印象最深刻的是.....奶油津白係用......白菜仔, 真係嚇死人.同埋好貴的賬單

以前成日去...覺得係一間有誠意既食店，雖然偏貴...上星期去...唉。1) 茶... 仍然係有顏色既水...埋單睇張bill佢竟然話係咩"牡丹茶"... 仲要好似5 / 6 蚊位.. 唔值!2) 蟹粉小籠包..以前叫過呢度既湯包，好好味ka...今次...竟然係冇味道...食唔倒少許蟹粉既呃人包3) 咸蛋黃炒飯。以前次次必食...今次一上碟我問男朋友...你覺唔覺得...怪怪地咁呀？食落去，飯唔香..冇蛋味...飯好硬好鬼死硬(當晚真係胃痛, 唔好講笑!)，最後第一次食剩飯呀0係0個度... 蝦仲得返4小隻..有冇攪錯..以前食d 蝦又多又清，唔鐘意食蝦既男朋友都會食，仲讚好! 今次竟然有腥味.. ><"4) 醉雞，好細碟...一隻雞脾仲可以切得開兩邊咁放上黎喎~ 好刀功呀...咁貴呀= =+。仲有..苦既...醉雞？我都係去返元朗爽爽麵店到食算啦。埋單唔記得幾多錢。只係記得我話..以後唔返黎食。一間好既食店變左，對一個捧場客黎講，形同失戀。食客係好現實...你變得唔好食，就唔會有人會捱義氣返轉頭幫趁你。外加講講服務：當晚服務都唔算好...叫左好耐先搵倒個人落單..點

昨晚同家人去哩度食佢既荷香4人套餐,$398成個餐每碟都有蓮子同蓮藕, o岩哂我呀!^^荷香手撕雞:係冷盤, 都幾多下, 最正係個汁, 好似燒汁咁, 下面用蓮藕黎"朗"住蓮子仙羹: 哩個好似豆腐羹咁, 有清, 又係有d蓮子啦, 另外有d蛋白絲咁~7味蓮子肉丸: 有8粒, 係一粒炸得好香脆既肉丸包住一粒蓮子, 我都係第一次咁食, 好正呀, 不過上面灑既7味粉就少左d啦蓮子百合炒雙脆: 哩個炒得幾油下, 佢既脆係雞腎同荷蘭豆, 我唔like內臟, 所以哩個我唔鍾意, 除左蓮子, 百合, 豆同腎之外, 重有雞粒糟溜蓮藕魚塊: 我最最鍾意食哩個, 有好多魚呀! d魚超滑, 個汁又正, 有dd似粟米肉粒果d汁, 當然哩個好食好多啦, 同樣, 都係有蓮藕ga蓮藕千層飯: 哩個都好似, 一層蓮藕一層菜飯, 上面淋左蠔油汁, 有4層, 共3橦, 重有好多蓮子伴碟tim!藕粉7彩丸子: 原來係酒釀丸子, 份量又係好多, d丸係7彩色gei~真係好食~4個人食得好飽又滿足既健康餐+左10%, 都係$460

二人食dinner唔餓就黎左哩度食d野,兩人叫左小籠包同牛q紙火鍋,小籠包幾好咁啦, 都係唔太好又唔太差~起碼好過叮叮果d先lo!個牛肉鍋d牛肉份量ok,係肥牛, 又有d 王芽白~個湯底好"傑", 好似紅油, 但應該唔係~個汁係小辣度啦,好入味, 不過油左d,可能油先係正中啦, 我都唔係好認識了~

唔係好明點解咁多劣, 我成日都去果度食下午茶餐都幾抵食呀! $30連加一俾埋tips, 已經有勁大杯奶茶, 一碗麵同2隻小籠包