嚮茶 (已結業)

我見到位於灣仔嘅「嚮茶」入選為熱店之一： 小食店。 台灣始創店由 1986 年創立，上年 2010 年才進駐香港。之前試過奶茶，抵飲之餘，質素不會遜色過附近嘅"貢茶"。 今次我再度幫襯，睇吓有咩嘢啱飲！ 睇吓 Menu ，有原創系列、原茶類、桂花茶類、蜜茶類、奶茶類、鮮奶茶類、瑪奇朵茶類、果茶類、養生茶 & 醋，9 大種類。無意中俾我見到奶茶類嘅仙草奶凍，以 $13 嚟講，價錢合理，同一般奶茶相若。我先問一問店員，仙草係咩味道架？味道甘苦略帶甜味！既然係咁，唔好叫原味，要求少糖 8 分。( 糖甜度：少糖 8 分 / 半糖 5 分 / 微糖 3 分 / 無糖 0 分 )聽聞「仙草」係仙人所賜嘅奇草，英文譯名為 Herbal Jelly ，亦係台灣著名小食之一；仙草凍係將仙草汁冷卻，去暑意之餘亦帶來涼意！賣相好似涼粉咁啡黑色，不過，味道比較涼粉容易入口！有點似食緊 Jelly ，腍腍地！滑溜溜！一啜即跣入喉嚨。仙草奶凍 $13 ( 冷熱同價 )有中杯裝 $13 或大杯裝 $15( 熱飲 - 少糖 8 分 )：我見到店員喺雪柜攞出仙草凍，先放入仙草凍，然後加入熱奶茶；甜味恰到好處！熱飲溫度

每次放學去地鐵站都會留意到呢間野但因為地鐵唔俾飲野所以一直都無意慾去買黎試下終於有次因為要等人所以就可以特登買杯野飲見到佢個prompt有一杯叫做"手打鐵奶", 個名都幾特別簡介寫住用雀x奶粉加鐵觀音沖泡而成平時飲開既珍珠奶茶都知道大部份係用奶精沖出黎但見到呢間係標明用奶粉所以就要左中杯試下一入口, 好香既茶味同奶味感覺就好似飲緊港式奶茶既香配上台式奶茶既甜個人覺得幾好飲要左少糖少冰不過仍然甜左少少, 可能我本身唔好甜下次可以試下半糖本身我好少飲奶茶同咖啡因為太重咖啡因, 飲完會唔舒服但今次飲完呢杯都無事下次一定會試下其他

去完電腦城買野，咁啱覺得口乾，又見到什麼＂台灣珍珠奶茶原創..." ，所以就行埋去硏究左陣，叫左杯未聽過既＂原創白珍珠奶茶＂黎試。小小既店舖以紅白黑為主，好光猛。坐鎮既幾位哥哥仔衣著整齊，斯文有禮，態度非常友善，重好有耐性。幾乎每一個客人都問同一個問題，佢地不但唔晦氣，重好細心地解釋白珍珠同黑珍珠除左顏色唔同，白珍珠比黑珍珠細粒同少D焦糖，口感有少少分別。揀完珍珠顏色，大或中杯，重可以揀多冰／少冰／冇冰，正常份量糖(100%)／少糖(80%)／半糖(50%)／微糖(30%)／冇糖(0%)，都幾講究。杯飲品五分鐘都唔洗就有，效率都幾高。哥哥仔好人到用左一個好衛生既方法幫我插埋枝啜筒添，小弟今日又學倒野。原創白珍珠奶茶少糖：奶茶味其實做得好唔錯，好香，不過個人覺得茶味可以再濃少少（hmmm... 唔知遲d會唔會有得揀茶既濃度呢？）；話少糖就真係冇咁甜，讚；白珍珠一樣煙韌，細細粒，易入口過黑珍珠（好多時就算用枝特粗啜筒都啜唔到D黑珍珠），所以飲得暢快左，正！早知咁好飲就加多兩蚊叫杯大既黎飲啦。而家做緊買十送一外，每日都會有特價飲品，大概平兩蚊。睇真D張咭先知道原來灣仔係香港既第一站，都幾h

最近，去歇腳亭買桂圓紅棗茶；記得上次幫襯嚮茶時，店員俾咗張優惠咭，每買杯飲品，會有一個印，儲齊 10 個印，就可以免費換一杯飲品！ 揭開張咭，列出所有飲品及價錢。原來有桂圓紅棗茶，仲要唔使 $10！好抵呀！熱桂圓紅棗茶 (中杯) 少甜 $9 熱飲係中杯裝，桂圓即係龍眼，少甜即係 8 分糖份。好在叫少甜，唔會好似歇腳亭果杯咁甜；味道清甜，恰到好處！龍眼味中帶點紅棗味，飲到最尾，揭開個蓋睇吓，有龍眼肉及紅棗，兩者食起嚟仲有甜味。 我覺得熱飲可以揭開個蓋好過啤實個蓋！啤實個蓋果款，飲起嚟好熱，有排飲呀！

當貢茶要排長龍時，不用排隊的有這裡選擇。店員比貢茶親切可愛，問她釋店自慢的瑪奇朵茶是什麼，原來是加了奶及忌廉的錫蘭紅茶，無特別。於是叫了清茶加珍珠，因為怕甜囑咐要走甜，茶泡好，可愛店員微笑說：「請試試味，如太甜的話可退換。」，道：「茶的味道不甜，剛好。」早三五七年或會問她拿電話，今天，純粹是路過的生活點滴，還有幾場飯局要打點，拿著茶趕路去。

最近，我睇報紙見到嚮茶喺飲食版賣廣告，其中有原創白珍珠奶茶，呢度位於灣仔修頓中心地下。我記住大約位置，如果出開去灣仔，一定要試吓！咁啱今日出開去灣仔，搵吓喺邊！沿修頓中心行，好易搵到！原創白珍珠奶茶 ( 多奶 & 少冰 ) - 中杯：$12 因為我飲完茶會睡不著，所以叫少茶，點知店員突然 O 嘴 ，佢話不如多奶；總之我覺得奶與茶比例係奶多過茶就 OK ！飲起嚟奶味濃郁，尚帶點茶味，每一啖都有白珍珠，口感非常！白珍珠仔飲到成口都係！白珍珠仔比較普通珍珠奶茶嘅黑色珍珠，更特別及細粒，腍中有點煙韌！個 Look 似西米，白珍珠中間係奶白色。黑色珍珠以木薯粉做成，估計白珍珠以白色薯粉做成。

珍珠奶茶店市場競爭大.呢間店附近有貢茶,come buy.不計台茶.小食店都有不少.但呢間店走的竟會係高價路線14元.一杯珍珠奶茶,杯身硬...個筒都夠大.個杯奶茶,奶夠滑.茶味濃而回甘.而珍珠可以咬一段時間.堅韌...好香糯米味..貴都物有所值...

喜歡飲"愛玉"既我簡左"愛玉"黎飲一口 : 100%液體喎過左無耐番到公司....已經飲左一大柸....放埋一邊, 一陣變番我認識既"愛玉"口感唉~下次買完唔好即刻飲囉,各位

星期六要送文件到灣仔, 辦妥事後搭地鐵回公司. 看見一間新的台式奶茶店''嚮茶'. 其他台式奶茶試得多. 就試吓新嘢. 看有沒有分別. 因本人不太喜歡珍珠'奶茶', 所以問服務員, 有什麼其他好介紹, 她說可以選擇水果茶或者茶類, 她說mango茶, 百香果茶, 葡萄柚茶或鐵觀音蜜茶都是不錯的選擇. 最後我選了鐵觀音蜜茶回公司享用. 茶底非常好, 茶味十足, 喝後有回甘味. 除了好喝之外, 服務員的態度非常之好, 好有禮貌及耐性介紹. 除了貴了少少之外. 其實都可以接受. 好過那麼便宜但不好喝的店啊!唔知幾時上環會有呢?

星期五晚，放工後入書展逛逛，途中經過灣仔地鐵站，見到往日的阿土麵線，已轉成新台茶勢力「嚮茶」，宣傳單張的重點是「原創」的白珍珠奶茶，雖然不知白珍珠是甚麼，亦不知是否「原創」，但反正有點口渴，就買下一杯試試。要了中杯的白珍珠奶茶 ($12)，大杯的話更要 $14，價錢比同類對手還要貴一點，看來對自家的出品相當有信心。作為進駐香港的第一間店舖，選址在人來人往的灣仔中心地帶，人流極多，實屬明智之舉，但每當繁忙時段，其門口便會被鄰檔陳記魚蛋的人龍完全阻擋，嚴重影響了途人購買飲品的意欲，看來雙方要在客流的處理上好好協調一下。不一會茶已到手，店方的效率不俗，服務還算不錯的，店員都面帶笑容的，值得一讚。白珍珠看上去有點像西米，其實是晶瑩剔透的小粉圓，帶點軟韌的質感，味道小甜，據說比正常的黑珍珠低卡低熱量，是真是假則有待查証。吩咐了微糖少冰，茶底的味道更為突出，起碼夠香夠順喉，不是有那種味淡如水的感覺，水準合格有餘，相信遲些會再幫襯的！

逛了一整天也沒有喝過什麼，在吃飯前忍不住要喝杯東西，附近有新開的Come Buy及日出茶太，這兩個品牌也在其他分店喝過，所以最後選了令一選擇嚮茶。店子就在以前賣台灣麵線的店舖，走到店門外，店員向我們推銷是日特價品普洱奶茶，看起來又幾特別，十元一杯以為很便宜，問清楚一點才知道原來是中杯裝而已，大杯的要十四元，但其他大部份的飲品大杯裝也只不過是十二三元，我真的不明白個是日推介有幾抵？最後店員推介了另一飲品桂花綠茶，由於本人愛桂花，所以也欣然接受，店員更主動的問我們要少甜及少冰嗎？真貼心！最後我們慣性的要了微甜﹝即比半糖還要少甜﹞及少冰，另一穿便服看來似老闆娘的店員說，不妨先試半糖，因為綠茶比較甘，甜一點會易一點接受，那我和女友的第一個反應是，那如果覺得太甜怎麼辦？她說可以再加一點無糖的茶去沖淡，那也不妨試試。拿上手及喝入口都很是涼快，冰塊又果然不多，加上膠杯夠硬，這一點跟貢茶一樣的好，再喝一口，果然是有點回甘，但還不能算是很強，但已經要比不少的店子要好，印象中就只有貢茶的旺角總店及第二號分店、Come Buy的荃灣店可以比較一下，其他的都要比它弱得多，但茶的桂花味就不太強，這一點確實是有點

昨晚放工時又放肆一下去買了杯珍珠奶茶，本來想買日出太茶的，但跟同行的同事聊得太過入神而走錯路，錯有錯著的走到灣仔電腦廣場旁新開店的嚮茶。同樣是大杯裝的一杯珍珠奶茶比其他的店貴 $2，服務員卻意想不到的有禮，細心的問少甜什麼的還會叫我試一下，若然覺得過甜可幫我調教一下，服務很讚。奶茶不算香濃，珍珠卻是不錯很好咬感而且數量多，不足的只是冰塊較少不夠涼快。這家店都有派集圖章的卡，跟其他的一樣滿十個可獲一杯免費飲品，下次路過時或會再來一杯白珍珠奶茶試試。

今日下午同事要到灣仔工作, 佢返回公司前在灣仔一間新開叫嚮茶的台式茶店買了16杯台式茶回來給我們, 由於我都是剛外出回來, 回來時所有茶已給同事取去, 問了我附近坐位的同事知道當中有珍珠奶茶, 葡萄柚綠茶, 芒果綠茶...等等. 由於同事知我只喜歡台式的果茶, 當中又以葡萄柚及百香果是我的至愛, 於是就留給我一杯葡萄柚綠茶, 由於外面太熱, 回來後看見它已急不待的拿來飲, 飲到一半才發覺忘記了為它拍照, 幸好還未飲完.杯茶看上去紅紅地都幾似紅肉西柚, 當中又有少少果肉, 飲落去就覺得勁有西柚味 (我試過其他台式茶店一般都無西柚味, 呢間就唔同), 少許酸酸哋, 唔太甜, 平常我飲這些台式茶是選擇微甜的, 但同事沒有幫我改甜度, 都OK. 其他同事都覺得呢間店D茶都幾好味, 除葡萄柚外, 佢哋覺得芒果綠茶都好味,下次我都要試下先, 希望再會有同事去灣仔工作啦.

7月1日, 勁熱!今日71, 好想睇睇民主黨今年點算, 但咁鬼熱點去遊行呀結果就走鬼咗去灣仔, 因為o個度係遊行必經之路, 各黨派一定重兵駐守向o個度, 順便行下電腦廣場...點令鐘到咗灣仔, 行咗一陣電腦廣場, 跟著就企向電腦廣場外面看遊行.....企咗唔夠15分鐘, D汗已經失控咁係咁流, 唔掂, 快手走去買杯野飲, 補充下D水份, 同降下溫先. 經過阿土個位, 見到轉咗間好似賣台灣珍珠奶茶店, 叫做"嚮茶" , 門前都幾多人, 於是就買杯試下, 問個店員有冇好介紹, 我話我對珍珠奶茶冇mug興趣, 我係港式奶茶死硬派嘛, 咁不如試下檸檬綠茶ar, 天氣咁熱, 酸酸甜甜, 幾醒胃ga, 都好, 就嚟一杯. 買完就馬上走上去電腦廣場度邊飲邊降溫, 真係鼎唔順ga. 飲第一啖已經感覺好唔同, 好有檸檬味, D檸檬味有帶D清新香味, 幾正喎, 咪正係掛著飲啦, 影張相先喇, 照相時先至睇到係鮮榨檸檬嚟, 怪唔得咁有檸檬味喇. 飲完拿拿聲走返去睇遊行先......企向街上看遊行, 都幾過癮, 公民黨o個個梁家傑都有擺檔野向度, 叫人支持下, 等咗成兩粒鐘都未見民主黨, 又熱又攰, 又想買

今日過海去幫公司做嘢時見到有間叫"嚮茶"的台式荼店...見咁熱就行去買杯茶試下我本身唔飲得奶就式下d葡萄柚綠茶好快手沖完就即刻飲,都唔錯有一種清新嘅柚味都幾特別不過就甜咗小小,我跟手再就買多杯鮮榨金桔茶同葡萄柚綠茶小甜比我老婆同阿嫂飲拒地話好清新.卞次再去試下其它先cooooooooooooooooooooooooollllllllll