嚐囍煲仔小菜

營業中

休息中

話說家人難得來一次西環，熟悉這區的我當然要帶他們吃街坊美食啦！冬天來臨，吃煲仔飯最好不過。煲仔飯很普遍，但好吃煲仔飯卻不多。記憶中嚐囍的煲仔飯和小菜都不錯，便決定帶他們來。原來他們剛獲得米芝蓮推介呢這𥚃真的有很多人，還好我有訂座。我們被安排到點心皇那邊坐，有少許迫狹，但尚可接受。這邊有一位店員在看顧，他幾有禮貌呢我們五人點了2個煲仔飯和3個小菜，也共只需約$400，很划算臘味排骨煲仔飯($75)：這款煲仔飯絕對是我心中的經典，吃煲仔飯必點。煲仔飯香氣十足，米飯粒粒分明、軟硬適中，臘味的油分滲入飯中，讓飯格外美味白膳滑雞煲仔飯($78)：相對臘味排骨飯，這個較為失色，也許是因為我不太愛鱔的緣故吧。支竹牛腩煲($75)：吱吱聲響的牛腩煲熱騰騰的送到。牛腩有很多件，炆得軟稔又入味醬汁夠味但又不過鹹，如果不是吃煲仔飯的話，我一定會拌飯吃。椒鹽九肚魚($75)：炸衣很薄，魚肉很滑，推介三色蛋芥蘭($60)：味道中規中矩，多點芥蘭就更好了。

天氣凍最正梗係去食熱辣辣煲仔飯 不過係講食物之前必須申訴一下唔好以為打左電話去book就等於有位佢地的入座安排好混亂同冇系統明明訂左抬都等左40分鐘先有抬去到又話訂左的唔派飛但又不停叫有飛的人入令人費解問親佢就好唔耐煩咁求其答如果你係要人排隊派籌的話就一早唔好俾人訂啦講明要黎攞籌等位我都冇咁燥又要俾人訂又要人照排隊等係咩玩法呀等左咁耐終於可以坐低食講返食物 其實係好好食煲仔飯係幾有水準 飯粒分明 乾身唔會好黏飯焦好香好脆 雖然好熱氣但唔理啦照食😜有埋窩蛋的蛋漿再配煲仔飯豉油好好味加左#臘腸 好juicy肥瘦剛好 有咬口但唔會太乾另外的臘味田雞飯都好食 田雞煮得嫩滑小菜就相對普通d 唔算等別出色但份量都幾多 幾抵食不過食物幾好都需要清晰的入座安排囉😒

今日又黎到這裡食點心， 喜歡這裡即叫即做，熱辣辣好正！仲有好多懷舊點心，所以今日放假又黎幫襯下先我們叫了4個點心1. 大包唔係好多地方有得選擇這個，好大個，好多材料，如菜、雞肉、蛋黃、叉燒等，一個都好飽哦2. 豬肝燒賣我媽話好懷念哦，好耐好耐無食過，豬肝好薄好爽口，不過就唔係好多片；燒賣有3粒，是豬肉同蝦打成，都幾好，不過係有肥肉的3. 咸水角皮外脆內軟，好香，料好好食，唔會好咸也不多味精，好味道哦4.蒸蘿蔔糕我最愛，蒸的好原味，好甜好多料，有蘿蔔絲，唔會只是粉漿，做得好好，難得咁好食價錢都合理，用料及味道都幾好，服務就普通啦，可能多客人，所以好忙喔

就住附近，但一直冇試過，今晚同老公就去試試，因為比較夜，已經冇煲仔飯，所以就試下點心，總體感覺真係唔覺得有米芝蓮1星囉！性價比唔高，臘腸滑雞蒸飯，得兩片臘腸，真係好難理解，臘腸係咪好貴？小籠包，4只得1只有湯，無湯嘅肉好實，真係讚唔到。棉花雞，得一舊菇，自問平時都唔係食得偏鹹嘅嘢，哩個味道真係好淡。叉燒腸，真係冇乜特別。完全唔明白點會有米芝蓮1星，如果就得煲仔飯好吃，咁好多食市都可以拿啦！費解！！

今日放假同阿媽游完水去食野，難得同佢食，咁就坐底飲下茶啦！我地黎到這點心煲仔飯餐廳，佢的煲仔飯原來係炭火煮，好想試，但可惜晚上才有！所以我們今次就選點心先，下次再黎食煲仔飯！🍚🍚我們叫了4項點心，每種都好味哦鮮竹卷好入味，肉不會太多，鮮竹好軟腍好滑，有芹菜，更加添香味！叉燒腸粉好滑，叉燒都好好食，腍同無筋，有莞茜，好香🙆時菜鯪魚球：好彈牙、熱騰騰，加了豉油及胡椒粉，一點也不會魚蘚味，好爽口，正！👍🏻蒸飯：雖然24元，但大碗不油膩！雞滑又不會太肥，臘腸好味，飯軟硬剛好，製作出色！

那一天見到這店子在米芝蓮2018推介榜上有名，好鬼為食的我，即使位置比較遠，天又下著雨，也阻擋不了要試試的熱情，現在立刻去試下先。步出地鐵站行約三分鐘，便到達這家街坊地道小店。餐廳的裝潢是老街坊的風格，牆上貼著手寫的菜單，同中環的蓮香樓差不多feel, 一樣咁local。這兒點心的種類唔多，只有一張紙，小點$16，中點$18，大點$20，特點$24，頂點$28，另午市套飯也只是$42等，價錢十分大眾化。鮮蝦焼賣$24-大大粒燒賣，有四顆。燒賣的蝦肉比例比豬肉多，口感彈牙又有鮮味，正呀！黑椒金錢肚$20-這金錢肚幾惹味，少少辣，煮得未夠稔，咀嚼要花點勁。蠔皇鮮竹卷$18- 有三件，鮮竹卷只有薄薄的芫汁包住，味道唔會太咸或太油。鮮竹卷有著淡淡的蠔油味，食落幾有肉味。蜜汁叉燒包$18-滿滿切碎的叉燒，味道甜甜地，沒有過多的醬或肥肉，而叉燒包皮十分鬆化，唔錯。鮮蝦菜苗餃$24-水晶皮厚厚地，一貫傳統風味，材料十足，鮮蝦爽口有蝦味，加上菜苗的田園氣息，又幾夾。兩人埋單Total $106有五款點心，認真抵食。雖然沒有現代店子的整潔，但價錢大眾化，店子展視了傳統地道老香港的風味，可以回顧昔曰茶居的

嚐囍點心皇，2018年米芝蓮推介，一間我哋以前未食過嘅點心小店喺西環，今日一於去試下。傳統街坊老店， 大約有三十張枱，但地方淺窄， 衛生一般。 叫咗五樣點心:鮮蝦燒賣皇 (3.5/5) 好大粒總括嚟講唔錯。鮮蝦菜苗餃 (3/5) 有芫荽，個人嚟講唔係咁鍾意，但係份量幾大。黑椒金錢肚(3.5/5) 黑椒汁味道唔錯， 有蘿蔔粒，金錢肚可以煮得再稔D。蠔皇鮮竹卷(3/5) ok.叉燒包(4/5) 啲涵嘅味道都幾濃， 叉燒唔錯。$16 小點$18 中點$20 大點$24 特點$28 頂點總括嚟講味道唔錯，點心嘅分量都有番咁上下。 加上叫咗五個點心連埋茶芥106蚊，真係覺得好抵食， 雖然冇咩服務可言，但一間街坊小店可以入到米芝蓮推介，無常係一種鼓勵。 走嗰陣時候見到人哋叫咕嚕肉， 見到佢個賣相真係唔錯， 一於下次再嚟試下佢啲小炒！

這是一個尋找炭爐煲仔飯的故事。一開始時, 被門外的長長人龍嚇了一跳。聽說現時全港只剩六間用炭爐做煲仔飯的食店,此店是其中一間。親身觀察,的確用上炭爐,然而煤氣爐同樣需要出動。似乎是在炭爐上烤過一會後再以煤氣爐全速煮熟。食客之多,如真要每煲全用炭爐烤熟,相信等到髮白了。所謂炭爐,孰真孰假,已不是重點。吃進口中熱辣辣暖洋洋有飯焦有風味就是了。白鱔入味但不夠爽脆, 價錢則算平民化。臘味排骨很夠份量。幾款臘味如臘腸尤其美味香濃,排骨則較普通。這種天氣吃臘味正合時。但整體則比預期遜色。但整體比想

前幾日同網友傾計, 講起不如約出嚟食個靚飯, 大家都ok讚成, 但係有一個問題, 我食嚟食去都係嗰幾間. 咁我就問佢哋有咩介紹, 佢哋話有一間喺對面海嘅煲仔飯幾好食, 覺得好似幾吸引, 所以就決定去呢間啦.呢間令我慕名而來去到西環堅尼地城食炭燒煲仔飯叫做嚐囍煲仔小菜 (Good Taste Claypot Rice And Dishes Restaurant). 而用炭燒既煲仔飯, 香港亦冇超過10間. 除咗煲仔飯之外, 呢度仲有小菜, 羊腩煲,肉餅等.我今次唔係我要介紹嘅目標.坐底之後叫咗一個窩蛋肉片煲仔飯, 因為係現做, 所以起碼要等20~30分鐘. 加豉油嗰陣見到啲餸放滿飯上, 無論顏色同料都十分吸引. 焗一焗之後就立即食., 食到呢嗰陣, 飯焦真係啱啱好, 唔太厚亦唔太燶, 係脆架, 令人十分回味.雖然佢嘅位比較窄,但係因為係正宗炭烤, 所以覺得等耐d都冇所謂.

d員工d態度差到爆自己做錯野仲要講到好似個客做錯咁飲熱飲唔落糖枱面又唔擺定d糖系度，都唔會上野飲之後d糖比客d餐湯又重味精，又勁多鹽搞到勁咸lunch時間d客系度食野隔泥泥有人用綠水系咁拖地唔系一個鐘食飯隔泥冇位都唔泥冇得食都唔會再食佢

聽朋友講左好耐，佢地會特登來堅尼地城食這個聲稱無味精的煲仔飯同小炒。今日終於可以早放工來，幸好早來有位，我後面的情侶們要同人share table 哩！我們點了臘味煲仔飯同椒鹽鮮魷。椒鹽鮮魷真係好好味，炸了出來唔油，真的顯出真功夫。而且一碟有好多件，比足貨，抵食！主角出場！未開蓋己經好香。噴。噴！中間夾雜住炭烤香。題外話，佢地的侍應都係上左年紀的，我很欣賞這種老闆，為年老的提供就業機會。If you want to try clay pot rice in local restaurant, you should try this one. They are using charcoal to make the rice which is very nice with special taste.

今次專登去堅尼地城食呢個煲仔飯，係因為朋友介紹話好食，我哋大約七點左右到， 可能係平日關係，唔需要等位，聽講呢間 餐廳都開咗七至八年， 睇佢哋啲餐牌有好多選擇 ，又見到旁邊的枱也有叫煲仔飯， 咁我哋就叫咗個臘鴨滑雞煲仔飯 ，水煮魚， 蒜蓉油麥菜， 大約五分鐘個蒜蓉油麥菜嚟到，蒜蓉都幾多，鹽落咗好少值得一讚， 跟住水煮魚來到看到魚嘅份量都比較多下面有芽菜，枝竹，雲耳墊底， 叫咗大辣十分惹味，煲仔飯大約20分鐘嚟到，見到啲餸放滿飯上，十分吸引，之後加少少豉油 焗一焗便立即食，飯焦啱啱好薄薄哋不會太 燶，整體嚟講十分回味， 不過要食記住早啲到，因為主要做街坊生意所以比較多人七點半之後。

之前準備結業，最後重開，再擴充埋點心店的嚐囍真係煲仔飯老字好！今晚冇飯開，成家人興致勃勃出街食，突然唸起黃鱔煲仔飯，一行五人速到嚐囍等位！食開都知呢間餐廳晚晚爆滿，七點到都要等左35分鐘先有位！位置係比較窄，但嚐囍煲仔飯係正宗炭烤，等耐d 坐逼d 都係值得既！一坐低叫左黃鱔煲仔飯、排骨煲仔飯、支竹牛腩煲、甜酸排骨、蒜蓉炒小香菜。 通常煲仔飯最少要等二十分鐘，因為係現叫現做，所以都係小菜先到？！由於太肚餓，食左先記得影相......甜酸排骨 - 甜酸到剛好！排骨肥瘦適中，滿意！支竹牛腩煲 - 比我地想像中好食得多，大部分牛腩牛筋都好林好入味！主角 黃鱔煲仔飯 - 黃鱔好新鮮彈牙，又肥美，比我上之黎食再新鮮d! 可能呢期黃鱔最正! 煲仔飯又做到飯蕉剛好！雖然sip 牙但好香口！大愛！排骨煲仔飯 - 都好食，相比之下，黃鱔煲仔飯比較少有得食又出色！希望下次再正D!P.S. - 上次黎食過黑醋骨&滑雞煲仔飯都好正，大家可以試下！

嚐囍有兩個相連舖位，有做小菜和點心，查過地址是一樣的。今天公眾假期，就和爸媽在這裡飲個茶吃點心。點心紙選擇不如酒樓多，但已經足夠。三人點六款就好。球型燈很特別啊~揮春狀的紅紙寫上晚間供應的小菜。先來叉燒腸。腸粉皮嫩滑柔軟，叉燒微鹹，但沒甚麼甜味，不夠juicy。我去到哪裡都會點燒賣，頗大粒的。內裡有大片爽口蝦肉，有鮮甜的味道。豬肉軟身微鹹，混著吃口感和味道配搭得宜。鮮蝦菜苗餃好大粒，一人一粒剛好。水晶皮又滑又煙靭~ 內裡的蝦肉比燒賣更大粒更彈牙，配上爽脆白菜和水晶皮，味道鮮甜，有多重口感！好吃！迷你馬拉糕一點也不迷你。淡淡黃色有黃糖香氣，質感鬆軟，味道清甜也有香濃蛋味，是清新健康的選擇。大包是老爸要點的，因為已沒甚麼地方供應，不過他說這不是傳統的做法~這個包有清新的麵粉和米香，一弄開，內裡的肉香即撲鼻而來。包身質感鬆軟，有點甜味和黏口。餡由豬肉，雞肉，蔥末等混合而成，還有叉燒和蛋黄等食材，味道豐富，層次分明。混著吃的話濕度適中，餡有些肉汁，讓包身更軟和香。老爸很滿意這個大包~~甜品是薑汁九層糕，這樣看好像不止九層(笑)。薑汁味道不太濃不會辣，糖的份量配搭得宜，不會過甜。糕身較黏，非常煙

慕名山長水遠嚟到西環堅尼地城食炭燒煲仔飯，全因為電視介紹，用炭燒既煲仔飯，香港唔超過10間，介紹咗4，5間，見到呢間既白鱔飯最吸引，特登google左好耐，鎖定呢間。建議大家早幾日訂位，仲要訂6點頭輪，否則喺門口窄街等食西北風，門口多人到爆，遲左要再排，有人遲左20分鐘，要等下輪，一個鐘後先有。唔訂就唔駛講.....椒鹽九肚魚$78，加$10拼椒鹽鮮魷，鬆脆皮薄，但九肚魚瘦左少少，椒鹽鮮魷就好好味，爽脆。雜菜煲，佢用大蝦乾，鮮味砂鍋魚頭煲，大讚，成個大大既魚頭，用大魚，所以肉好滑。整體唔油膩，香味十足，懷舊菜經典。仲有燒肉，炸豆腐，黃芽白，吸晒d汁。主角，要炭燒，果然要遲d到，都起碼20~30分鐘。白鱔飯，鋪滿晒，$78，用左大鱔，有部份係腩，肥美得嚟肉爽口，新鮮！飯有飯焦，加埋佢地煮過既甜豉油同鱔既豆豉汁，正！臘味排骨飯，平時我唔食臘味，但今次食超香，都唔錯，有臘味香既飯，感覺食緊真正既煲仔飯