嚐囍煲仔小菜

營業中

休息中

期待已久想試既嚐囍，係米芝蓮車胎人美食推介之一😏最出名既莫過於佢既煲仔飯，但係要晚市先有，好彩呢日七點前到，唔駛點等位直入，不過再遲少少既話排幾耐就唔敢包🙈▪️ 白饍排骨飯（8/10）💲80落單後等左半個鐘左右上檯，白饍都夠肥美，排骨肥瘦適中，口感唔會好似之前永合成既韌身，仲帶有陣陣臘味既味道，而個飯質感粒粒分明，有住頗濃既白饍味，應該係油分逼曬出黎落個飯度，當然唔少得好香脆既飯焦😍▪️ 油鴨滑雞飯（7/10）💲72油鴨即係臘鴨，鹹度難免會偏高，雞都滑身，雞味不過不失，反而係啲雞油滲透落個飯度好香口😉個飯間唔中會有些少雞骨碎，同埋稍微濕左啲，不過好彩後來都有飯焦☺️▪️ 魚香茄子煲（7.5/10）💲72熱辣辣香氣四溢，食落富有鹹香既肉碎加上飽滿軟熟茄子，唯獨係會略為油膩，撈飯一流🤤▪️ 蒜蓉粉絲蒸娃娃菜（8/10）💲70呢碟粉絲同娃娃菜鋪滿蒜蓉碎，夠曬香濃惹味🥬🔎 整體評分（8/10）

This place is a popular neighborhood restaurant that’s good for a rather quick meal. I have tried their clay pot rice, deep-fried fish and veggie dish, dried shrimps (one in the picture) and dim sum on different occasions. Except for dim sum, all are above average. Dim sum.. nothing special, same as other average restaurants that don’t make their own dim sum.. Their claypot rice has good amount of crispy rice and sauce was good, neither too salty nor too sweet. Eel and sausage (options we chose)

冬天最鍾意食煲仔飯。上次因為就腳而去廟街食，結果難食到想嘔兼一肚氣，所以過一個星期就過來嚐囍再食。第二次來這裏食煲仔飯。一早book定位就洗等咁耐。2個人叫左白膳滑雞煲仔飯加膶腸，同窩蛋牛肉餅煲仔飯，加個荳苖。荳苖最先來。份量十足而且而鑊氣，火候啱啱好，煲仔飯都未到我地就食晒成碟。煲仔飯兩個都好好食! 我最欣賞白膳同飯焦。 白膳好滑好嫰，襯埋豉油味道唔會過鹹。下次會再來叫個淨白膳煲仔飯。飯焦真係做得好好，兩個煲仔飯都可以成個煲成晒靚飯焦，顏色靚，完整，無燒焦味。喺香港島區嚟講呢度真係好抵食。我覺得係香港最好食嘅煲仔飯之一。冬天完之前一定再來。

大少同我今日離開商業區去咗住宅區食午飯。一早知道嚐囍有得食點心，但一直都冇機會，今次終於有得試。大少同我叫咗蒸鯇魚飯蒸水蛋飯菜苗餃同埋煎釀辣椒大少個蒸水蛋飯好滑，一啲bubbles都冇,連埋豉油撈飯一流。個蒸鯇魚飯就蒸老左少少，有少少鞋口，不過連埋豉油，都撈飯一流。兩個飯嘅份量都OK，大少同我都有少少食唔晒。個菜苗餃同煎釀辣椒，每日客有三件。味道不過不失。呢一餐有飯，有湯，有點心，一次過可以滿足晒所有願望，價錢又大眾化，簡直性價比高。食到最後，大少先提我，我哋未影相。。。唉。。。我哋唯一有影到嘅，就係個西洋菜湯。。。個西洋菜湯都好好飲，冇味精，好重西洋菜味。

由將軍澳入港島搵食，在朋友的介紹下試試這間的煲仔飯。一行三人，三個煲仔飯加兩個餸埋單409蚊。這間的煲仔飯聞說是炭爐煲的。我們分別點了白鱔田雞，白鱔滑雞，臘腸滑雞飯，椒鹽魷魚，撚手嚐囍小炒。煲仔飯唔錯，雞係滑既，白鱔味有入到飯中面。椒鹽魷魚，魚係新鮮既，但外面層粉炸得不夠耐。食起上黎粉好似有層粉係口甘，估計應該係失誤姐。撚手小炒雖然同平時食既小炒不同，不過係好食既。

呢個地方 只要你嚟第一次就好想嚟第二次一向都鍾意食中菜嘅我嚐囍就滿足到我食小炒同煲仔飯嘅願望🤩而且香港仲用炭火煮煲仔飯就真係買少見少炭火燒工夫多好多 但係個煲受熱更平均..除咗一般傳統煲仔飯我最推薦係北海道黑毛豬煲仔飯🐷Fusion得嚟又好好味豬肉切成一粒粒 只係用少量黑椒調味肉質嫩滑又保留豬肉原本嘅味道味道比較清 不過都好正！..小炒方面個蒸肉餅係好有水準滑到不得了🤤另外蒜蓉蒸娃娃菜都好正好惹味平時少食菜嘅我都係咁食魚香茄子就好夠獲氣 夠晒鹹香🔥👍🏻不過就真係好多油但係都知道呢啲唔係咩健康菜式食得就預咗㗎啦😛

來到二零一八的最後一天，本想早點回家在睡夢中渡過，但放工前好友突然問我有沒有約，想兩想出去湊湊熱鬧也好，就以熱騰騰的煲仔飯作這年的終結。 以為除夕夜會較多人選擇西餐或熱鬧的油尖旺，八時多到來門口才知滿滿是人，以長龍名店來說等一個小時左右還可以接受。 黃金臘味撈飯 $80店員姐姐甚有耐性地為我們鬆開飯粒，務求令到每一飯粒都上色。飯粒粒分明，膶腸、臘腸、冬菇等十分鹹香惹味，完全沒有過膩感，讓人一口一口吃過不停，十分滿足。 白鱔滑雞煲仔飯 $80煲仔飯上桌之時飯焦已焗好，飯粒和撈飯一樣分明有米香，雞肉滑身鱔肥美，飯焦金黃又卜卜脆，加上甜甜的豉油，出色。 魚湯鮮菌娃娃菜 $62平日吃得清的我也覺得味道太淡，志在有點纖維到肚，一般。 吃畢興起由西環走到中環，還誤打誤撞看到倒數煙花，甚為驚喜！二零一八年鼓起勇氣跳出自己舒適圈，總算過得豐盛滿足，但願二零一九同樣平凡幸福。

今日喺港島區活動完畢, 一行十三人, 經朋友介紹落咗嚟西環呢間嚐囍飲茶醫肚。舊式茶記格局, 真係估佢唔到.....原來除咗點心外, 還有好多款式的煲仔/小炒/水煮等美食, 連油浸筍殼魚都有唔知係咪大家活動咗一個早上太肚餓, 瘋狂叫點心都不特止, 仲叫咗五個小菜, 加五碗白飯。煲仔/小菜*梅菜扣肉煲 ~ 唔太吸引的外表, 看似仲有好多肥膏, 偏肥腩肉入口又唔太油膩, 估唔到食落又好鬼正, 味道唔同一般甜豉油老抽汁, 唔知點形容, 總言之幾好食,  扣肉不鬆化, 口感卻軟軟的又帶點爽, 配埋甜梅菜, 超好送飯*豬潤啫啫煲 ~ 即叫即煮, 熱辣辣香噴噴上枱, 近年都好少食豬膶, 今日再食, 又出奇地好食, 可能啫啫爆香左, 冇咗嗰陣怪味, 亦都可能係炒, 豬潤係爽口的, 不是粉粉的, 好食好多, 味道都好香口惹味, 我之前食過的豬潤煲, 豬膶都是粉的！*鹹豬手煲 ~ 呢個有點過鹹*水煮魚 ~ 香香辣辣, 但係是不確喉的微辣, 魚片嫩滑, 個麻辣汁最好係唔太鹹, 食埋啲配菜都仲得。*鐵板牛肉 ~ 夠香口點心推介*乾蒸牛肉/山竹牛肉 ~ 牛肉滑得嚟有爽口馬蹄粒在内*炸雲吞 ~ 既脆口又鬆化, 配

入秋除咗食邊爐外就係要食煲仔飯，要搵間食到粒粒飯同有好嘅臘味唔係間間做到，為食嘅我今次又被我搵到間好嘢，有煲仔飯外仲有唔錯嘅點心同小菜...完全滿足灑我為食嘅一面。5個人2個煲仔飯，5個點心再加3個小菜再配上啤酒，又飽又滿足...食到抱住個肚走...真心推個雙腸飯個潤腸係甘香而個臘腸無咩肥膏偏瘦，但都好有咬口，好食小菜夠鑊氣3樣都炒得不錯，點心係個舖自己做，推介腸粉夠滑粉又唔厚，個豬潤燒賣一定要試，豬潤又爽又滑。

食點心我鐘情既其實只有一間，不過心血來潮而新興呢個鐘數又唔開，就唯有食住呢間先啦。記得幾年前都黎過食煲仔飯，點心亦正正常常。不過今次就真係失望而回。舖頭分兩邊，不過晚市都可以係食小菜個邊坐叫點心食星期五夜晚好熱鬧，雖然要搭枱但氣氛好好，牆上有好多手寫menu，好有舊區中式餐廳既懷舊感覺自己一個叫左兩個點心。等左成15至20分鐘，心諗都應該係即叫即蒸啦要等咁耐，點知流沙包三個都係實心既，真係丁丁流心都無，食到連影相都無心機睇個樣都係番蒸蒸過龍黑椒金錢肚屬於正常，不過蘿蔔比金錢肚出色，吸晒汁好入味。作為米芝蓮推介應該唔憂做，但香港既餐廳就係咁，唔會keep到名氣同水準同成正比

排長龍係常識，唔洗排係好彩，校啱係男友屋企睇完兩套戲，8點半左右唔洗等就有位，仲要近門口，入左第二度玻璃門就與世隔絕，想玩電話好難啦堅煲仔飯飯係生米煲既，假用熟飯唔香又唔好食，飯焦係煮燶野黑色既，最衰無田雞，叫左豉汁白鱔，魚好香滑，成個煲底都係飯焦，一刮就成排起，好脆有飯香選擇困難最好叫小炒王，無咩試過中伏，今次有豬膶炒，不過老火左d，有加左咸酸菜，應覺好清新蝦醬銀絲蒸魷魚，懷舊餸夠惹味好送飯，最攪笑我男友話銀絲唔係即係銀魚咩？暈……

.今次帶大家去食煲仔飯，因為地點對我黎講太遠，所以依加先有時間去試。.嚐囍出名既係炭爐煲仔飯，又係2018年米芝蓮推介。人客真係好多，所以我一早訂左位，點知我都係要係門口等左一陣。.我叫既係臘味油雞飯，其實全店都有濃烈既炭香煲仔飯味，加上冷氣唔會覺得熱。講返個飯，材料好足，鋪到滿一滿。有好香臘腸同潤腸，重有肥臘肉，臘味既油份滲落啲飯到，加埋甜豉油真係無得彈。重加雞係另一邊，雖然雞味一般但係真係好滑。最後要講既係佢啲飯焦，又唔會過份燶，小小油份令佢又香又脆。炭燒真係唔同啲！.

今晚收工，很想吃炭燒煲仔飯，即想到西環嚐囍煲仔飯，到達時大概9點多，座無虛席，要搭枱。見到有即蒸點心提供，即改叫點心（這裡煲仔飯，小菜經常吃）即點了懷舊的豬潤焼賣，鴨腳扎，山竹牛肉，义燒腸粉反炸腐皮卷所有點心即叫即蒸，熱騰騰很好吃，尢其是豬潤燒賣，鴨腳扎👍😋現在很少茶樓會做，其他也可比美一般大酒樓，價錢相宜，埋單是104元。下次再試其他

來拜訪朋友，朋友就讀 🇭🇰大學，約在附近碰面，朋友帶路來到了這間餐廳，門口貼了一張 2018 🇭🇰米其林 Guide 的貼紙，發現頗有來頭 😃😃，它好像是同時賣 港式點心，也提供煲菜，店面不大，過來時，正值午餐時間，但很幸運地是，並沒有排隊，哈哈點了幾樣點心，🦐餃、燒賣、蘿蔔糕、排骨金黃流沙包、發糕、🐂肚等，與朋友閒話家常，這是一次很愉快的聚餐，也㊗️店家生意興隆人潮不斷，see you again ～

返工嚟到堅尼地城，搵好嘢食，見到呢間點心近港鐵站，就過咗黎食。兩個鋪位都多位坐，12點幾都爆哂，好彩等左5分鐘就有位。坐咗落黎先知呢間係其中一間米芝蓮，點心價位唔算貴。環境尚可，係迫左小小。我地幾個餓到喊，開始狂點點心。叉腸已經急不及待要開動，呢款正常。炸雲吞，皮夠脆，而且啖啖肉，點埋汁，正！黃金榚，真係要趁熱食，好夠淋，唔算好甜。喜歡食燒賣嘅同事表示好好味，佢係燒賣達人，話料足，有咬感，又蒸得夠。我嘅最愛之一牛肉球，好大粒，但唔會蒸過頭，剛剛好，又係好淋，好香。其他都好好味，沙律蝦角，藕餅。蘿蔔糕反而驚喜唔大，還可以。可惜盅頭飯賣哂，想食下佢飯。