嚐囍煲仔小菜

營業中

休息中

今日小編去左西環堅尼地城既嚐囍飲茶、呢間24小時無休既茶樓、早上下午有點心小菜，到晚上就有埋煲仔飯添，煲仔飯質素如何就唔知啦，但佢地既點心係即叫即蒸既，熱啦啦～非常好味！起碼唔會係一早整定然後無限翻叮ｏ個d，點心既質素唔錯果然係米芝蓮推介，食完唔會口渴，價錢非常抵食，難怪係米芝蓮推介，好彩去既時候都係lunch時間唔算多人、即刻有檯。都係做街坊生意為主、呢d穩世美食真係買少見少lu，希望唔好比d集團壟斷個市場啦。下次小編會再去試埋佢地d小菜，遲d再share比大家啦

食物很普通，食完呢次永不再幫襯。去食book 6:00話明7:30 交枱。之後6人叫了一個煲仔飯，5碟小菜。6:25所有東西 來齊，我們決定加多一個煲仔飯，服務生話「吾可以加，你叫老闆都冇用，只準一開始叫，不準加單因為我們要你們7:30 交枱。6:25-7:30 距離仲有一小時！真的難以想像今時今日咁的服務態度仲可以繼續有生意！

上次黎嚐囍同屋企人飲茶，覺得幾抵食，今次就同朋友黎多次。由於琴晚突然好想食流沙包，所以一坐低，第一件事，就係劃一籠黃金流沙包。上到黎賣相比我上次食好好多，起碼包面係光滑，大小正常。（上次係細隻好多，而且一睇就係發過左）但係內餡就啲失望，因為凝固左，唔知係咪因為我地唔係一上黎即刻食既關係。上次雖然包體比較失望，但係餡係好味既。今次就包體係好既，但係餡係失望既。我地仲叫左煎釀虎皮尖椒，味道正常，魚肉唔會有腥味，亦唔會有大魚骨。鮮蝦菜苗餃份量十足，但係菜苗係白菜仔。鮮蝦燒賣皇，呢個同其他地方大大隻蝦包係裡面唔同，裡面淨見食到豬肉，雖然都幾彈牙，但係無見到蝦肉，唔知道係咪同豬肉攪埋一齊？薑蔥牛柏葉，呢個算係呢間鋪頭既高質點心，因為好多點心舖已經無賣牛柏葉（可能係因為處理工序麻煩），令我呢個喜愛牛柏葉既人都幾傷心下。嚐囍既牛柏葉唔會太韌，而且入味，屬於高質。我地兩個人最後埋單$112，屬於午茶。嚐囍早中晚茶收費唔一樣，早茶最抵食啊。

在IG STORY見到有朋友把這間店列位近期最喜歡的飯堂，在想究竟會有多好吃呢？於是這天跟老友一家人去試試。大約晚上7時到達，不用等位，店內大慨座滿一半。被安排座在近門口的一張六人台。我地六個人座，其實都幾迫，我地三個女仔座其中一邊，迫到手臂掂臂。一座下店員就話今日有冬瓜盅，我地好爽快地先點一個再考慮之後點什麼菜。冬瓜盅好足料，我幫忙分湯的時候基本上每人都分到大約3隻蝦，其他仲有大量湯料，如瘦肉、蓮子等。料的確好足但相對湯水真的有點不夠，每人分到大約半碗而已。蒜蓉粉絲茄子，很入味，份量不少，粉絲吸收醬汁真係好惹味水煮魚，我冇食到呢樣，朋友爸媽不停強調沒有另一家店好吃鰻魚煲仔飯，即叫即做的，等的時間會比較長。鰻魚雖然比較多骨，但挺合我口味而且很肥美。另外點了幾個點心和一個煲仔菜，但忘了拍照。總括來說，可能我期望有點太高，所以有點失望。但其實食物質素是可以的，而且份量對得起價錢，只是沒有特別驚豔到我的地方。但唯一真的有點不太好座。

這是一間傳統平民食店，主要賣點就是傳統，基本上這一種食店，在我童年時，其實大部分食店也是這樣的，但隨著時代變遷，很多食店因為成本問題已經改用流水式生產，中央處理，傳統的味道早已很難找到了，店內裝修一點也不豪華，說起來可能有一點陳舊，但食物他主打是小菜，點心，煲仔飯用的是傳統手法，當然很容易就拾回童年時的回憶，現在已很難找到了， 這種食物的味道，用現代手法是做不出來的，大家不妨去試一試， 味道就是廚師的功力及手藝。

今次三人晚餐，7點幾到但可能因為平日關係即刻有位。前幾次嚟都係食煲仔飯但因為其中有人不吃肉但魚ok，所以今晚只係小菜。首先係啫啫油麥菜煲，一向都係必叫熱辣辣好惹味!送飯一流!跟住就係斑腩煲，味唔係好濃，應該係用雪藏魚嘅關係係冇魚味嘅。但肉嘅數量都算多嘅。。。叫咗3碗飯，等咗好耐個黑醋脆魚柳先到。其實之前食過黑醋脆雞球係幾好食的，但當變咗做雪藏魚之後好似淨係食個炸皮咁，魚肉好薄，都係冇魚味。。。下次嚟都係叫返煲仔飯好啲。。。3

經常和先生過來食，雖然離我地屋企有D遠，無奈味道真係好。頭頭尾尾都試過幾款煲仔飯和小炒了，最推薦當然是我最愛的白鱔煲仔飯，但是日我們就試其他兩款，分別是田雞飯和滑雞飯。一個煲仔飯的分量大約是兩小碗白飯（我唔計飯焦），之前食白鱔飯的時候，覺得白鱔好少，切得好薄啊！這次的田雞飯和滑雞飯就顛覆了我們的想象，非常多餸！田雞肉非常滑，但是比較淡味，喜歡濃味的人要沾甜醬油吃。滑雞的雞味十足，非常滑。雞油滲到了飯裡面，整個飯感覺比田雞飯香！之前還吃過小炒，這邊的小炒分量都非常多，我記得我當時兩個人，叫了一個金沙骨之類的炸的排骨。因為分量太大，第二天兩個人都喉嚨痛。。。建議大夥人來share比較開心D

突如其來的溫度回落令我對煲仔飯產生了強烈的慾望，於是到位於堅尼地城的「嚐囍煲仔小菜」品嚐美味的炭燒煲仔飯。於門外稍等過後便被安排入座，店內裝潢簡潔但不失傳統特色，白色牆室搭配深色的木質坐椅，加上掛於牆上的菜牌亦別具一格。我與胖伴點選了鴛鴦臘腸煲仔飯及白膳滑雞煲仔飯，煲仔飯均即叫即燒，故等了約20分鐘，期待已久的煲仔才上桌。為了有更多飯焦，我們再稍為等候多一會才開動。臘腸的油分被迫出，與醬油一起包裹著粒粒分明的白飯，加上飯焦香脆可口，真的是人間滋味。而白膳的爽脆搭配嫩滑雞件，亦是美味可口非常，兩款煲仔飯各有特色！

Every weekend I must date my best western friends to gather here. The food menu has so many variety of food you can choose and the average quality is extremely high. This time I order the steamed chicken with bean sauces added, this dish is highly recommended for everyone. Dont miss it!

星期五晚上諗住去嚐囍飲夜茶加個煲仔飯，點知都要等三十分鐘！好食...唯有等！大部分都係星期六、日去，原來星期五都大把人等！有位即刻叫煲仔飯，因為炭燒，至少要等三十分鐘！今次叫左排骨飯加鴛鴦腸，跟著再揀點心充饑先！😊點心叫左失傳好耐的豬潤燒賣👍好耐冇食嘅魚翅鉸😘仲有腸粉。。煲仔飯黎啦⋯⋯加點豉油再蓋上煲蓋焗多啲甘香又脆的飯焦，潤腸好味又juice, 一流👏食飽飽都係一百蚊多啲兩個人😁。繼續去幫襯！

當日都算早去 大約六點半左右 所以都唔洗等位 但就要搭枱一入去睇到啲貼紙先知係米之蓮店之後就被安排到坐大圓枱雖然個個都唔識 但感覺都幾特別 有一種好舊式嘅感覺如果介意搭枱嘅 就要耐心等一等首先嚟咗 金銀蒜炒西蘭花老實說 咸咗少少 一定要撈飯其後就係重點 臘味滑雞飯好香 加埋甜豉油食 好好食食到底仲有飯焦最後嚟咗個 蒜蓉粉絲蒸勝瓜其實幾好食 不過我個人不太好勝瓜總是覺得食落好青不過男友就清晒整體對我來說都真的不錯 會想再去食多次 試下佢啲點心

之前去油麻地食煲仔飯，比朋友話不及西營盤的出色，今日難得黎到，一定要試下煲仔飯是即叫即煲的，大約要等25分鐘，我哋叫左两個煲仔飯加一個咸香炒芥蘭，個芥蘭極速黎到，不過雖然極速到，不過味道一啲都唔簡單，炒得非常香，熱辣辣，個芥蘭都好幼嫩，我哋好想等埋個飯到先食，但都忍唔住不斷食。等等等，25分鐘後啲飯終於到，不枉我地等左咁耐，個煲仔飯超級讚，啲飯好香，粒粒分明，好有炭爐煲出黎既香味。白鱔好滑好肥味，臘鴨就略嫌太咸，不過臘腸有好香既玫瑰露既香味，好味。

嚐喜煲仔小菜，攞過米芝蓮獎，我滿懷希望去食，原本都係不外如是！晚市開6點，門口已大排長龍，到6點仍未開門，終於等到多10分鐘才開門，人潮急不及待湧入店舖，門口有一個女員工負責安排位，有客人不想坐被安排嘅位，女員工竟大大聲聲鬧客人，我哋一行三人被安排坐係洗手間前面嘅座位，客人出出入入好唔方面，但我哋照坐！三個人叫咗三個煲仔飯同一碟菜，臘鴨肶煲仔飯好咸，仲超韌極多碎骨，大家食呢個飯一定要小心碎骨，好易整傷口腔！滑蛋肉片煲仔飯，肉片又係好硬，肉片無味！梅菜肉餅煲仔飯稍為好些！豆苗多油又韌！食物普通名氣大，座位已坐得唔舒服，推車收碗嘅阿嬸竟完全無禮貌，呼喝我將件褸放好，唔好放係椅背，我照做，之後仲得寸進尺叫再呼喝我將櫈推前，咁嘅服務態度，幾好食都唔會再去，何況唔好食，以後都唔會比錢去受氣!

米芝蓮一路以黎都唔係我想去一間餐廳嘅原因，好多嘅米芝蓮無米芝蓮嘅風範，而米芝蓮呢個名，只會令人帶住有色眼鏡去試一間餐廳。所以，放低眼鏡，就咁衝入去試啦。炭燒煲仔飯係呢度嘅焦點，一坐低就聞到輕輕嘅炭味，已經覺得有心去做，慢工出細貨，要有心理準備等25-30分鐘，所以如果要叫菜嘅話，記得坐低大約15分鐘後先好叫，否則菜黎曬，凍曬，飯都未到呢，又或者，嘆下個湯先啦。菜胆白肺湯 ： 一個花功夫，花時間嘅湯。第一口飲，湯底潤、鮮、豬味濃。豬肺應該首先煎過鎖質地，食落好淋，味清。湯裡面仲有雞腳，同樣地好入味，好淋，值得推介。啫啫芥蘭：一上菜時見到已經知道個賣相麻麻，菜比較老，炒到過火，咬落味道還可以，普通普通......始終過左火。油鴨排骨煲仔飯：等左30分鐘，終於等到，一黎到就已經聞到炭香飯香，急不及待，落豉油，啟動（係呀，唔洗好似平時嗰d要等）！首先，飯見到一粒一粒，水粉啱啱好。個底嘅飯焦，一塊一塊咁好輕易地挑出，唔膿，脆卜卜，第一次食飯焦係咁爽。豉油，真係令到個增色不小，帶甜甜，令到飯焦更加好味。不過唯一美中不足係個鴨比較韌，有幾舊好似一舊乾左嘅擦膠咁，另外排骨醃得有小小過多酒，酒味蓋過其它

嚐囍煲仔小菜係米芝蓮2018榜上有名，梗係要去試一試啦。 我地好彩提早六點到左，如果唔係再過多陣，就已經大排長龍要等位嗱。嚐囍既食物好有香港地道風味，而且價錢亦都非常親民。我地叫左3碟小菜同兩個煲仔飯。小菜包括三色蛋芥蘭 (HKD 60)，枝竹牛腩煲 (HKD 75)和椒鹽9肚魚 (HKD 75)。至於煲仔飯就叫左白鱔滑雞飯 (HKD 78)同埋臘味排骨飯 (HKD 75)。芥蘭非常鮮甜，分量唔細，而且仲有好多皮蛋添。 個枝竹牛腩煲，未食已經聞到好香。牛腩一啲都唔韌，好稔。 枝竹又多，個煲真係抵食又好味。個椒鹽9肚魚，炸得好香口，唔會有油膩既感覺。賣相唔錯，有紅椒同蔥花做點綴。至於個煲仔飯，就用料十足，而且味道唔錯。 白鱔，滑雞同埋排骨都係啖啖肉。啲臘味味道唔錯，連帶啲飯都有埋臘味味。試完之後，終於知道點解嚐囍可以晉身入到米芝蓮。