嘉麗園潮州粉麵餐廳

營業中

休息中

由細食到大，潮州粉麵黎講絕對一流，味道濃郁牛既不同部位都可以叫黎食，唔食牛既都可以食其他丸類墨丸幾彈牙三寶、四寶就好多地方都有啦嘉麗園就十寶都有左諗右諗唔知擇乜好既最好就係十寶啦不過就真係分唔清楚晒有邊十種啦

經朋友力薦下, 終於一試!朋友吃十寶河, 我就一心一意吃墨丸河!朋友的十寶河其實類似牛雜河, 朋友本想吃丸, 怎料有兩種十寶河, 一種是牛, 一種是丸、餃類!朋友的十寶河真的頗大碗, 餸料亦交足貨, 份量十足!朋友吃後亦大叫夠飽!我的墨丸河則相對細碗, 墨丸有墨魚香, 有點馬蹄, 吃起來頗有口感, 但略嫌有點死實的感覺, 未算彈牙!我的河粉size則較少, 但不大吃的亦夠飽!相對價錢, 十寶麵大, 價錢只高幾元, 因此感覺較我的墨丸河抵!以傳統粉麵餐廳來說, 質素不錯, 下次有機會會再試試其他口味!

都幫襯o左好幾年囉. 次次去都覺得好好味, 推介係墨魚丸、魚皮餃、牛什.超正.

昨天中午去試傳聞中很出名的嘉麗園, 試了6寶河和同事試8寶河加豆漿. 其中墨魚丸最好食, 當中有墨魚肉粒和馬碲粒, 有口感又彈口, good!另外魚皮餃(沒有用了過多粟粉而滑潺潺, 口感很實在), 酵肉片(彈口)也很好味香港仔謝記的水準, 時好時差, 相對下, 嘉麗園比較穩定. 下次要試試牛什產品

上星期一同流沙包去佐嘉麗園食tea, 聽講呢間野好出名, 而且咩時候都鬼咁多人, 諗住去試下啦, 我叫佐碗十寶河粉, 流沙包要佐碗水餃米. 十寶即係有十種唔同既丸同餃係裏面, 我數得出既有雲吞, 水餃, 魚皮餃, 豬肉丸, 扎肉丸, 兩款牛丸, 墨魚丸, 白魚蛋, 仲有一款我都唔記得, 另外仲有紫菜添. 但我覺得都唔係特別好食啫, 又唔係特別大粒, 講真$26一碗我覺得貴囉. 講真下次唔會再黎, 一來坐到鬼咁迫, 要七個人迫埋一張枱, 我隔離果個仲係肥師奶, 我又左手揸筷子喎, 食到我鬼死咁辛苦. 而且佢果度既衞生差到痺, 滿地都係垃圾同伙記落單果D紙仔, 執枱D阿姐佢唔係執枱架, 佢係將枱面上既垃圾同食物殘渣全部撥落地下架咋, 好恐怖呀~~ 都唔明點解會咁多人黎幫襯架!!

每星期最少食一次,最愛七寶河,有齊魚旦,炸魚片,炸魚皮,水餃,雲吞,泰式肉片,黑椒肉片,生菜等,D河粉超幼滑,加上炸蒜及芹菜蔥,再配上辣椒油及少少魚露,真係好味到不得了,$26蚊真係好抵食.但因為太大碗,有時真係食唔晒.D牛腩牛什都好好味,可試腩什十寶,有齊牛什牛腩,重大大件,一定食得飽,不過我近年少食牛肉,所以無食一排,不過水準應保持到.D辣椒油好香好味,但係好辣架,千祈米落太多,真係可以辣到食唔落架.

我很喜歡在嘉行食麵的,最大原因是平!十分推薦牛雜十寶麵,一碗麵有十款牛雜,很適合心大口細的人.還有喜歡食牛膀的,可以點牛膀麵,價格與其他的差不多,有很多片很抵食的!

在元朗試了多家粉麵,吃來吃去,這裡是最合我意的.品種多不說,味道都很濃郁,實在.其中,普通的牛河是我最喜歡的.

呢度好多野都出名0係元朗黎講算貴,尤其係買墨丸打邊爐...不過好食冇辦法(雖然近來已0係元朗揾度間冇咁好食但都ok0既墨丸)牛類呢度都好多好出名不過正如其他會員講,腩係冇以前咁淋咁入味故有時去都係食牛筋但佢個腩汁+炸蒜&蔥就真係好味同埋推介呢度0既河粉比坊間0既幼同埋滑,夜d去通常賣晒喜愛食粉麵0既不妨一試p.s. 有次同女友經過見到有兩個人坐0係門口食野旁邊放左幾個碗...我起初以為佢地員工用饍, 後尾我地再經過仍然見到佢地...原來佢地係黎挑戰食10碗拎1000蚊不過勸大家唔食得唔好亂黎...食唔晒要俾錢...0個兩條友食到呆呆滯滯....

墨魚丸、牛腩河多腩汁是我的最愛，多香蔥和蒜更好！牛肚都是好好味，但我長大不吃牛肚！

到元朗，要食潮州話，當地人一定會話去嘉麗園。身為潮州人，我緊係唔會錯過啦。其實呢篇食評應該早早便登出了，但係呢度有兩樣另我篇食評看起來似生活拾趣多一。首先係呢度布置，色彩十分繽紛奪目，好似去盂蘭廟會咁，這種風格正正是潮州文化好「色」特色。第二樣係佢餐牌，羅列各種與牛有關食品，睇睇，赫然發現牛各種性器官都寫入菜譜，除有一般牛子同牛鞭外，仲有牛春x (餐牌上真係咁寫)同埋牛開心(怒小弟孤陋寡聞，唔知牛開心係乜)，諗起食慾都減半，都係草草收埋餐牌，叫碗爽腩麵。驚云甫定，熱騰騰爽腩麵已經送到面前。加青同炸香蒜牛腩麵，味道濃郁，食到爽腩部份陣陣牛獨有味道已攻佔我味蕾。可惜味道實在濃到有點兒霸道，食到後期舌尖已冇晒知覺，係一大敗筆，再食時我會走青走蒜，又或者叫上湯腩就算。食到牛腩腍地方又真係幾腍，牛味就淡，可能腩汁太濃烈之故。反而麵條索腩汁後變得好好味，麵條又夠韌夠彈牙，冇鹼水味(咁濃腩汁仲有鹼水味就弊)。食完之後唔覺得口渴，皮膚又冇唔正常反應，味精呢方面過關。餐牌上仲有其他美食，但潮州食品比較油膩，還是少吃為妙。埋單連埋杯豆漿都係廿三蚊，腩麵又唔細，幾經濟實惠。

在個人認為嘉麗園是元朗最好食的潮州粉麵店,大多人來這裏喜歡食牛雜,非常咁香,我自己比較鐘意食佢Ｄ魚蛋魚片,好鮮味,最值得推介是墨丸,墨丸內裹有墨魚粒,好鮮有口感,價錢幾貴, 要$100/斥,其他魚片魚蛋,豬肉丸,黑椒丸,牛丸等約50/斥,冬天我們會買回家打邊爐,他們的雲吞,水餃,魚札,魚皮餃都OK.昨日堂食order一碗六寶麵,有魚札魚皮餃各２粒,冬丸一粒,豬肉丸一粒,墨丸一粒,泰式札肉一片,酵肉一片,紫菜一堆,有八種東西(不明白為何叫六寶), 本來想食河粉,但自從知佢Ｄ河粉用豬油整後,唔敢食,現多選米粉生麵,加了一匙葱,炸香蒜和腩汁.特別野味,我估他們東西是自己做的,工塲就在二樓,那個老板全郭部自己親力親為,從樓面都工塲(因我每次去食都見到佢).所以佢地Ｄ食物都幾新鮮.

嘉麗園係元朗最出名既潮州粉麵舖最出名係牛腩, 牛什同墨魚丸但無可否認既係, 佢地既水準呢一兩年差左出名左, 人流多左, 水準更加要keep住先係但牛腩牛什炆得無以前甘入味, 墨魚丸亦不及以前的鮮甜最欣賞反而係佢地既油菜, 特別係通菜入口無渣, 個碟腐乳又好香口, 正呀.但環境真係好一般囉, 冷氣開到大一大, 好似電費唔使錢甘.另外, 環境迫又嘈, 食完都係立即走為佳

呢間店話明唔用味精,但唔駛飲湯凈食粉麵已經感受到強勁既味精好涸喉。最弊係一向好食炆得又既牛腩,家下可能客多唔夠時間炆,所以一之比一次硬同實,遲可能要用刀叉品嚐先得喇!同埋加左價$18一碗單併好似貴左少少,雙併要$20都係誇張左~

我同女朋友行完濕地公園, 去左呢到食tea, 其實都黎過幾次, d野真係幾好食我地叫左個牛什麵+墨魚河+汽水x2食野過程真係耳仔受罪, 嘈都死, 真係想快d食完就走, 不過咁好味既野, 咁快食晒又晒左~~下次經過元朗一定再黎過!