嘉麗園潮州粉麵餐廳

營業中

休息中

昨天(jan 31, 08)來食dinner,都喺叫番: 1) 4寶河-有普寧豬肉丸,汕頭魚皮餃,潮州墨魚丸同潮安魚扎,唔跟腩汁-比較好味喺魚扎因裡面冬菇絲好香,但魚皮餃,墨魚丸同豬肉丸就得個彈字,雖然唔差,但比起幾年前友人帶我來第1次食,d質素好似好好多,嗰次好impressive,覺得比香港仔山xx記魚蛋粉還要好-不過今次其實絶對ok,可以1食-另外嘉麗園最出名嘅喺咩5,6,7,8,9,10寶..........睇吓你鍾意邊個combination

今日咁岩去開元朗，臨走前想食ｄ野，於是去左嘉麗園度食粉一去到見到潮州佬老細企響門口，坐落叫左碗牛丸米加紫菜，佢ｄ牛丸真的不錯，睇見好多人比呢度既食評都話呢度有落味精，不過食完碗野都冇飲過野，仲由元朗搭車返到葵涌都冇飲野，竟然唔覺得口渴，我覺得佢地ｄ野就應該冇味精啦雖然牛丸係唔差，不過我覺得碗粉就貴左ｄ，同埋份量唔多夠，男仔食一碗多數唔飽，所以我只比ｏｋ佢

污穢都極, 地方較狹窄. 坐得唔舒服, 食物算ok, 不過價錢較貴. 份量方面, 女仔就夠食, 男仔可能唔夠食, 平日去可能招呼好一點.

唔同平時麵檔嗰d例牌嘢，仲有呢度d麵真係大碗好d，唔似其他麵店咁食唔飽！

都有一段時間無來幫襯, 坐低左先知原來又加左價原本是$18的, 現在$19, 仲要再貼多一張紙說因為成本上漲, 所以要再加收一蚊, 即係=$20加了價的關係, 河粉入面多左少少芽菜配合幼滑的河粉一齊食, 有少少食緊泰國河粉既風味牛什份量又無少到, 味道亦keep得到湯底確實係偏咸些, 但食完之後都唔太口渴即使可能有加味精, 相信份量都不太重, 可接受間唔中來食下, 還是覺得佢既水準係屬於中上的

在蛇店落訂過後,走過來與這間"西北三雄"之其中一雄-嘉麗園相會.(其他兩雄為勝利同彪記)束著鬚子的老闆,一副潮州怒漢之樣子.見到店員有什麼差池,即刻出聲.同大家食的陸軍頭老細一樣,一樣用自己作生招牌,但同大家食有點不同在.這個鬍鬚怒漢只是用畫像來作嘜頭而已.店內裝煌帶點俗艷,有點大龍鳳之味道.本來想一試其牛什或牛丸,見到有牛鞭牛春袋,即刻變心.來個牛鞭米.店員要等十五分鐘,請耐心等候.)米同鞭另上,牛鞭同牛用秘製醬汁去煮,味道有點辣,有別吃開的鹵水味.牛鞭如牛筋,有咬口兼重膠質,而牛春袋就有點點吃著肝醬之感覺.採陽補陽之下,有沒有實質效用?你話呢?

心思思想食牛什，剛好有６８X巴士埋站，不假思索，一躍而上，大把位，由旺角大約半小時便到，香港的公路系統真發達．中午的時候，十分滿座，不過一個人去，不成問題．領教過他的梘水麵，不敢再試，叫了小淨牛什，阿姐落單，是四十元，加價了五元，可謂幾狼胎，份量和未加時差不多，但是面頭的炸蒜蓉沒有了．內容則有牛膀，肺，大腸，粉腸，金錢肚．及小許芽菜．很咸，全店都貼滿標貼強調不加味精，月前未加價前來幫襯，的確是，因飲了他的咸湯也無事，但今次則很強的味精感覺．和半小時後的全日，強烈口渴，否認不了．進食時一直很多人，全滿，反觀隔壁的勝利牛丸郤只半滿．這牙擦潮州佬老闆真是有個性，在店前押陣，三人在出品部狂做，但郤都一言不發，由頭到尾也未聽過他們自己和別人交談．店內也別具一格，枱櫈的高度，材料不配合，店員全部配戴對講機，橙色制服，金色紅色的標貼全店都是，絕不留空位．門口掛上幾具牛頭骨．食物的配搭也是別處所無的，包你眼花．

回歸十年同慶賀，飽嚐一碗牛雜河。牛肚太韌，膀、肺、腸可以，$18一碗，個人評價值$14元。

從某雜誌得知元朗嘉麗園是一間極有個性的潮州粉麵店, 一直想看看究竟是怎麼一回事.難得最近有一個時間充裕的下午, 便專程乘西鐵去試試.位置並不算難找, 尤其是以這裡以紅色和金色作主調, 並掛上牛頭骨的誇張門面, 要經過而錯過, 很難.店已接近全滿, 唯獨近門口中間有張檯還有位,便坐了下來. 雜誌說得不錯, 檯面及圓凳的高度不配合, 的確有點問題.一看餐牌, 差點眼花兼頭暈, 其複雜程度並不下於港式快餐店的外賣紙, 寫滿一版, 要全部看完非得花個數分鐘不可....無奈店員已步步進逼, 便隨便要了個牛腩麵, 吃完再算.湯底比想像中溫和, 可能是因為看過食評才去, 知道這裡的口味偏濃, 心理上有了準備, 所以就反而覺得正常了. 牛腩雖然未至於入口即化那種境界, 但味夠香濃, 帶筋膜的位置很有咬勁, 厚薄適中等等則是這個牛腩的優點了. 而麵條明顯不夠爽口彈牙, 亦吃得出少許鹼水味. 下次來這裡, 吃淨牛雜牛腩便算了.吃過牛腩麵, 一如所料是不夠飽, 便又貪心地叫了一個"足料十寶", 二十六元..裡面有以下內容(超過十粒):普寧豬肉丸☆☆☆☆手打魚蛋☆☆☆☆- 呢兩樣都好好食!黑椒牛筋丸☆☆☆☆鮮

係早幾年既事.到而家都冇再去過呢間野. 果日一個人食lunch .咁去左嘉麗園諗住食小小野算.因為之前都只係經過冇入過去.話說我叫左個雲吞麵食.一夾第一口. 我話只係第一口. 完全都唔係俾人食既.成個麵底連湯底都充滿涀水味,正確一點係有一大陣尿壓味.完全不能接受.但食唔食都又係要俾錢.只好頂硬上.食到一半,我開始發覺自己條"利"俾佢"葉"到損左....即時壯士斷臂.俾錢走人.個潮洲佬話冇用味精,搵人信至奇.我公仔麵用兩包味精都未食到我咁辛苦啦.呢間野唔係開o係呢d咁多人行過既位.基本上佢摺左十世啦

食過一次5//6 寶丸河目的都係為左試多幾款丸發覺墨魚丸係最好食ga!!!!而家我次次都會食墨魚丸河因為總是覺得嘉麗園的墨魚丸河係特別好食ga!!!

呢度好多牛乜乜o既嘢食...我就食咗個牛什米，都ok喎，D牛肚同牛腩都幾"淋"！

剛看完飲x男女介紹此店,心癢癢的要試試,在美孚搭西鐡只需十五分鐘,在朗屏站下車再步行十多分鐘便到.方便過去劉森記.中午十二時己經八成滿.過了膠的餐牌也有五六張A4哂士的,真的誇張,牆上也掛滿貼滿食物的配搭和價錢．全店是誇張的佈置和紅彫彫的，座位全是圓櫈和圓枱侍應的制服是刺眼的橙色和穿戴著對講機．老細在店前督工,緊張氣氛和澳牛差不多．絶對目不暇給的情況下，叫了個六寶麵和一個細牛雜；根據資料：六寶不只六寶，十寶不只十寶的，果然！不怕，照單全收．計有紫菜，牛丸，墨丸，魚札，魚旦，魚絞，札肉片．大大的一個八寸碗．只收２６元．牛雜是滿滿的一個六寸碗，堆得像小山，上面酒滿炸蒜蓉，底下只有少許芽菜，真正貨真價實．絶不欺塲．只收３５元．計起來，價錢絶不是平；但份量和味道來講，是絶對值得的．正如先前的食友所評，味道是偏鹹的，但憑緃橫食海多年的經驗，的確是沒有味精．所有食料都鮮味和口感一流．抵這牙擦潮州佬認叻．惟有麵的方面，可以一彈，是不如竹升麵一般彈牙．但是亦不錯，也夠爽滑．然後要讚的是牛雜，相信我要給他一個第一也不為過．香港的牛雜主要分兩派，一是廣式的：用南乳磨豉醬來炆；然後是潮式的：用鹵水和獨家香料

我是慕名而來的，叫了碗十味寶河。可惜！有十件，但不夠十樣，理應有水餃，但我食了兩粒雲吞（沒水餃），又無黑椒牛丸，得兩粒普通牛丸。唔知係咪今日新春期間，人多，坐地起價：麵每碗加＄２，飲品每杯加＄１。　仲有，可能個人口味原故，覺得這間的食物比較鹹。做街坊客無問題，如專程由市區乘車來吃，就不必了。十寶河：＄２８熱奶茶：＄１０

第一次幫襯，叫左淨六寶同牛什十寶。六寶黎講，最好食係墨丸同豬肉丸，歲晚要收多一蚊，廿七蚊一碗，有d貴。牛什不錯，但要六十蚊一碗，頗重皮。另外個通菜要十七蚊，雖然幾好食，但都覺得貴左d。問佢攞左兩隻碗仔，除左有污漬之外，仲有好多水喺入面，有d嘔心.....