喰楽

營業中

休息中

係觀塘想揾好食嘅又坐得舒服嘅地方有難度，今次就試咗新開位於駱駝漆嘅壽喜燒店❤️一入到去只有四張枱 好彩早咗食lunch唔使等就有位 建議提前book枱Lunch menu 冇西京燒🥲 所以就食咗美國牛肉壽喜燒 $108份量都ok 雖然係美國牛 但都幾滑😋 湯底唔錯 唔會太甜 整體來講會再幫襯！

經朋友介紹黎到呢間啱啱開既壽喜燒店！香港黎講，食壽喜燒既價錢都比較貴。但係入到去睇到個menu又覺得唔貴，而且味道方面都幾正宗，食完之後仲有甜品，另外店員仲好主動過黎為我地服務！所以真係值得一試！

今日嚟到觀塘工廈新開張嘅小店食壽喜燒😃 小店環境清靜，裝修好日式，坐得舒服。店長好親切介紹食物，仲要差唔多全程都幫我哋燒 。我哋分別叫咗澳洲M9黑毛和牛$298同日本產A4和牛$458套餐，跟飯同烏冬，仲有甜品。配料好豐富，睇得出廚師好有心思，冬菇同紅蘿蔔都有修飾下形狀，靚靚咁上枱🌸前菜有三種味，分別係車厘茄柚子豆腐（甜）時令螢光魷魚（鹹），蟹籽小貝柱（酸），好特別又精緻，唔錯嘅開胃小食😆壽喜燒主要係將醬油倒入鍋中薄薄一層，然後放入配料，吸至入味。店長首先用牛脂幫我哋開爐，然後就開始幫我哋燒牛牛lu～😙 M9牛味較濃郁，色澤較紅，肉質較緊實。而A4和牛油花分佈較多，肉質軟嫩，沾上滑脫脫嘅蛋漿，入口令人一試難忘😌 而烏冬就好有彈性，配吸唒醬油嘅配餸食，好滿足😋😋茶係白桃烏龍，食多左牛覺得油膩，淡淡清香白桃味，即時幫我解膩。 而甜品就係抹茶布甸，濃厚嘅抹茶牛乳味，好軟滑😆呢間真心唔錯，等疫情好返，要叫埋一班朋友去，邊食邊吹水應該會係唔錯嘅飯局😍

觀塘有新開的，同老婆去試下。晚上叫了個和牛餐的壽喜燒，牛肉靚！醬汁香！ 入口即溶！第一次在香港食壽喜燒，感覺幾好！仲有個後生仔一對一serve 我們，即煮... 牛肉剛剛好！大家可試下，座位好少。記得book 枱。

今日泥e家小店初嚐壽喜燒😍唔單止野食高質，仲有專人服務，性價比極高。本身仲以為幾塊肉點夠飽，點知食到我地飽出心口，好似有個農場係個肚入面，不過好彩杯綠茶甘甘地，好解膩！我最推薦佢地個甜品🤤好精緻😍不過泥依度要book位㗎，打電話去32479059先（我就跟朋友去所以唔洗book),大家想去可能要早d book,因為間店仔想提供優質服務，唔似外面d店咁迫到d位勁難坐🤷🏻‍♀️問左老闆原來佢地都有ig咖 @kuuraku