喜來稀肉 (已結業)

終於放寬咗晚市堂食限制，今晚同媽咪嚟咗佢最愛嘅韓燒餐廳大快朵頤，食到超飽啊!喜來烤肉$158招牌菜式必定不可錯過，由多片牛肉砌成的花朵造型十分吸晴，牛肉軟腍可口😋調味牛護心肉$160牛味好濃郁，脂肪分布平均而且無筋，同喜來烤肉一樣不洗燒好耐就有得食🥰調味醬油雞肉$110雞肉份量好多cp值超高，無論夾生菜或者配飯都一流！醃青瓜、醃蘿蔔、泡菜都係好正！同生菜一樣都係無限refill~職員超好， 唔單止主動幫我哋refill不同嘅前菜，仲幫我哋換左三次烤爐鐵板❤️

一直聽朋友講呢間韓式燒烤係頂級，我一早收了入MUST  GO名單，而家終於都有機會同朋友去食喇~入到去見到環境都好靚，而且唔會有「四圍都油淋淋」既感覺，衛生企理，而且係用QR CODE落單，方便快捷！韓式料理通常都會有好多款前菜用嚟開胃，呢度都唔例外，但比坊間份量再大一點，而且水準仲要極高添！特別係個泡菜，夠辣之餘又爽口！其實MENU都好多選擇，而「喜來烤肉」呢個item絕對係必點！用特有醬汁醃過，片片都係高質靚牛，放落烤盤，滋滋聲，實在太吸引！剛烤起，油脂均勻包著肉片，夾埋喺生菜、生蒜同泡菜中，簡直一絕！！煎海鮮餅本身已配上醬汁，但唔沾汁我都覺得夠味，主要係海鮮種類多，又夠新鮮爽口，真心推薦！

今次嚟到旺角食喜來稀肉嘅燒肉， 佢嘅豬肉同牛肉都非常多花款選擇 ，雞肉就得一款， 豬肉方面佢嘅護心肉同埋五花肉都係推介嘅首選 ， 而且份量都幾大份 ， 如果兩個女仔基本上叫兩個燒肉都已經非常足夠 ，另外特別推薦食佢嘅人蔘雞湯，原隻雞裏面仲釀咗糯米飯，人參雞湯非常有人參味道， 呢個值得推介，一鍋仲夠曬三至四人份量， 隻雞太大真係食唔曬。 飲品方面都有好多唔同類型嘅果汁同埋果汁梳打， 我就叫咗一杯西柚梳打 ，都幾唔錯， 同埋佢嘅配菜 ，芝士蛋都係任食任叫。推薦一試

食韓燒嚟講我自己最鍾意食佢嘅爐邊蛋。而喜來稀肉嘅爐邊蛋更加係我嘅至愛。先唔講其他食物。喜來稀肉嘅爐邊蛋有兩種。首先第一種就係普通嘅蛋漿。而第二種就係加咗泡菜嘅蛋漿。我自己本人就唔太好泡菜嘅。所以我比較鍾意原味多啲。佢嘅蛋漿充滿濃濃嘅蛋味。而且我自己鍾意趁佢未熟得晒嘅時候就食。個種口感簡直非常之好。而且爐邊蛋仲可以無限refill添。基本上每一次嚟我都起碼會食兩轉爐邊蛋。而且根據自己嘅喜好，我會叫待應唔洗落泡菜添

平安夜來到與好友見面慶祝，疫情關係只能一起吃午餐，雖然是吃午餐，但這裡的佈置很有聖誕氣氛。很懷念以前一起去韓國吃韓牛的日子，來到這裡當然要叫韓牛重拾一下韓國的味道。因為有選擇困難症，所以叫了“壹頭牛”燒肉套餐。牛未上枱之前，職員先為我們送上4碟前菜，也在燒烤盤上倒了蛋漿，一邊加了芝士，一邊加了泡菜，另外也放了一些蒜頭。套餐內有：喜來烤肉、牛五花、牛頸、牛肋骨肉、烤調味牛排骨、烤牛肋骨肉餅。也有兩塊翠肉瓜、一塊雞脾菇、一塊冬菇。另外有一盤生菜（可無限添加）給我們包肉吃。牛肉望上去很新鮮，脂肪和肉比例平均，每種牛肉份量也很多，兩個人吃完也很飽，我覺得份量也足夠三人吃。雖然分不出哪種肉是哪個牛部位，但我較喜歡切得厚一點和有點脂肪的牛，應該是牛頸和牛肋骨肉，其實都不用再加醬汁吃，很有牛味。調味牛排骨肉的調味吃下去甜甜地很好味。特別喜歡烤肉盤邊的煎蛋，中和一下吃肉的膩，蛋漿還可無限添加呢～

趕得切禁堂食前黎食左，如果唔係唔知等到幾時先有得食！護心肉 $158來這裏吃韓燒，一定要吃護心肉！質感較薄，燒2下就食得，快捷方便。護心肉經火燒後，肉味更濃，點鹽/燒汁來吃味道更豐厚。真雪花牛肉 $208雪花牛肉細細片，每片油脂分布極為平均，睇見都想食同想像中一樣，牛肉嫩滑，肉味較濃，充滿油脂香味，入口即溶！除了配菜、生菜，是免費享用之外，記得不要錯過這裏的爐邊蒸蛋！一邊是芝士，另一邊是泡菜。我較喜歡芝士，芝士跟半熟蛋混在一起吃，十分美味！

好耐都冇食過韓燒，特意黎旺角，食呢間大熱、口碑唔錯嘅韓國過江龍燒肉店！五花肉油脂較多，放在鐵板上，油脂在鐵板上吱吱渣渣，不停跳舞，很吸引！脂肪燒得有點脆，很香口，伴醬汁放在新鮮生菜內同吃，可中和油膩感～除了燒肉，我們都很喜歡其他韓式料理，今次就點了海鮮蔥餅！蔥餅份量十分大，每份有4大塊。裏面有蝦、魷魚、大量蔥片、辣椒，等等我們先在蔥餅淋上淋上醬油，令其充滿香氣～蔥餅外皮脆口，內裡煙韌，但不會像麻糬那樣黏口。由於加了醬油，蔥餅變得更加滋味😛

喜來烤肉•壹頭牛套餐🥩呢幾日凍冰冰，對住一個熱辣辣嘅爐就一流啦！韓國燒肉絕對係個好好嘅推介😁限聚令都好，二人韓燒都一樣有選擇，嗌一個壹頭牛套餐好fit，真係個牛牛既碟黎架😍🥩喜來烤肉 砌到成朵花咁，好厚切都好，咬落好林喎！肉味係最重！😍🥩牛五花 啲紋好吸引☺️油香都係最重既！🥩牛頸 肉質比其他部位更有咬口🤩🥩牛肋骨肉 韓國既牛肋骨真係無得輸，痴住骨既部位從來係最林！😉🥩烤調味牛肋骨 用醬油調過，香味十足，甜甜地好入味😇🥩烤牛肋骨肉餅 呢個好特別，剁成肉餅好綿，好似三文魚他他咁既樣，當然要煎熟啦！要全件一齊煎唔係會散開無左個效果架！落左黑椒同胡椒調味，好香口😋😋😋怕膩可以用生菜包住啲肉，仲有其他基本配菜，食泡菜任食～爐邊有芝士蛋同泡菜蛋，添左兩轉，仲嗌落多啲芝士添🧀🧀🧀🧀

今晚跟朋友約吃韓式烤肉，來到這家喜來稀肉，看這店裡的擺設跟氣氛，想起疫情前在首爾寒冷的街頭豪邁吃肉的喜悅店面滿大的，客人也很多。我們先點了一份五花肉來試試。油花很漂亮，烤的時候肉在爐上吱吱作響，香氣撲鼻，夾著唐生菜沾著醬料一口咬下，肉質不會太乾太肥，份量適中另外也點了份護心肉。吃起來比較有彈性，肉質Q彈比起五花肉油脂分佈更均勻，吃起來也更香更有咬勁，相當推薦！爐邊蛋更是一大特色，一種是起司味，另一種則加了些微辣的泡菜。配上肉和飯很加分，但要等蛋汁凝固熟透真是要有點耐心。當然一旁小菜都是可以一直續的，連爐邊蛋也是。食量大的朋友可以多點些肉，多續幾次小菜，飽足感十足整體而言，服務跟上菜的速度很快，食物品質很好，爐邊蛋超美味。

壹頭牛套餐🐮🐮🐮.今餐食韓國燒肉🇰🇷🔥🐮店內有位oppa進駐🙂可以單點唔同BBQ材料，都有套餐簡㗎！壹頭牛套餐幾抵食，份量超大咩款式都齊，重點係唔係傷腦筋簡🤪有喜來烤肉、牛五花、牛頸、牛肋骨肉、烤調味牛肋骨、烤牛肋骨肉餅🥩.上枱已經值得打卡啦，成個牛型既木盤上😍喜來烤肉份量最堅，砌到成朵花好吸睛🌹裡面壓實晒架好多塊🤩牛頸幾有咬口，調味牛肋骨好戶香醬油味，而個肉餅幾特別成件放上去燒，肉質軟綿綿😋唔好睇少碟牛，食完超飽的！.配菜有酸青瓜洋蔥、泡菜同沙律菜🥗、燒爐邊當然唔少得芝士蛋+泡菜蛋，食完可以任添🥰

喜來稀肉距離油麻地地鐵站大約十分鐘路程，餐廳在地庫，外頭有個大大招牌，很好找到走下地庫，就有來到韓國烤肉店的場景，餐廳侍應速度很快，一坐下不久就完成爐邊蛋製作和端上四碟小菜喜來烤肉喜來烤肉以花瓣的方式呈現，頗具新意，肉厚薄適中，配上店家的秘製醬醃過，口感很不錯護心肉韓國🇰🇷烤肉店最主打的護心肉，肉質軟嫩，配上生菜🥬，相當罪惡但好好食😋餐廳環境寬敞，侍應服務素質好，動作都很迅速，烤肉肉質都算不錯，價格也在合理範圍，適合朋友聚會的好去處

天氣轉涼，凍凍地就最啱食熱辣辣既燒肉！韓燒可以食到夠曬牛味既韓牛，同時又有勁多配菜俾你配搭，仲有埋爐邊蛋，夠正宗。最推薦既當然係店名招牌喜來稀肉，油脂分布均勻，入口咬兩下食到油香，十分和味。亦都可以加埋泡菜包係生菜裡面食，好似韓國mukbang咁大大啖放入口，超級滿足。泡菜有小小偏辣，但辣得黎好開胃，又可以解下膩。爐邊蛋有泡菜同芝士兩種送，當然係可以無料追加既。最後海鮮豆腐湯亦都係非常開胃同暖身！

琴晚，交收完約左朋友去左旺角既喜來稀肉食韓燒過下韓燒口癮。一如以往刀會有韓國前菜同生菜提供的，同樣地吾少得爐邊蛋：芝士餡，泡菜餡。五花肉：特意order左五花肉用黎包菜食用，五花肉厚度吾會好厚令燒起黎既速度加快。燒後既肉滲出吾少既油份，所以就利用生菜包住一同食用可大大減少油份既感覺！個人更喜歡跟韓國人一樣加入大蒜和辣醬食用，令整個味道更加惹味～水冷麵：不得不叫我偏愛既水冷麵，正正有poster所介紹。水冷麵份量吾算太多，而酸味足夠，令人愈食愈開胃！冷麵彈牙又夠凍，當中更有吾少白蘿蔔作伴啊！

疫情關係，無得旅行，唯有係香港食下當地美食止下癮啦！今日去左旺角既「喜來稀肉」幻想下韓國既燒肉味道！小食韓國一坐低就有泡菜、蘿蔔等小食，香港分店亦都貫徹傳統，有不同既小食！喜來稀肉店員幾肉砌成花的形狀，看似份糧唔多，但食下食下又食唔哂，味道醃得少少甜，但仍保留了肉的濃厚肉味，必點五花肉係韓國我必點五花肉，脂肪豐富之餘，味道又濃，同朋友一舊一舊慢慢禁食，真係飲酒吹水必選！牛護心肉由於係護心肉，所以運動量非常充足，豐富的纖維，又略帶點油花，肉質軟腍！環境亦都裝修特別，餐廳中央位置係有棵樹！超有氣氛

某天晚上同朋友黎左旺角食喜來稀肉餐廳位於地庫位置，不過都唔算難揾，入面有棵好浪漫既大樹裝飾，客人都可以坐响樹底下，我地坐左响卡位，望住棵大樹都幾靚嫁，坐到埋枱度就已經見到好多不同配菜俾我地食，而且仲無限refill，好鐘意食佢既醃蘿蔔同泡菜好入味，我地叫左豬既護心肉，份量都幾多嫁，同埋燒完都好淋好好味，牛就叫左牛排骨，牛排骨好大條，燒完之後勁多肉汁，好香濃牛肉味，夾埋菜食岩岩好，仲有吞拿魚石鍋拌飯熱辣辣，大大碗，好多吞拿魚肉。