喜來稀肉 (已結業)

好耐無食過韓燒，今日同朋友旺角食飯就提議去稀來烤肉食燒肉。餐廳環境有特色，成個森林咁，再加上一啲萬聖節裝飾，好有氣氛。一坐底，餐枱上已經有幾碟前菜，有泡菜、腌蘿白、青瓜同雜菜。我最鐘意泡菜同蘿白，泡菜酸辣度適中，而蘿白就好開胃。之前食過，叫兩份野都好夠飽，甘我地就叫五花腩、真雪花牛再加罐桃子汁，再加無限添加蛋同前菜，已經好夠飽。無限添加蛋有兩個口味，泡菜同芝士口味，蛋香又滑。真雪花牛份量都幾多，都幾值，牛肉新鮮，燒完用生菜包埋泡菜食，就甘點醬食，點食都一樣好味。五花腩有三大片，將佢燒到脆脆，無得頂。甘樣食我地已經夠飽，抵呀。

今日同朋友去咗旺角嘅喜來稀肉食韓燒。呢一度枱同枱之間都有間板，令大家食得安心！首先一坐低就可以食配菜，佢嘅泡菜葉得好味又爽口，同時又唔會好辣～非常開胃！我地點左四款肉：喜來烤肉、護心肉、五花肉、牛肋骨肉。聽講呢度嘅護心肉係最出名，就試一試先！護心肉咬入口好爽，亦都好有肉味，果然係招牌菜！喜來烤肉一望已經覺得好新鮮，仲要成朵花咁好靚呀！佢比其他肉質薄，但係醬料好好味！咁多款肉入面我最鍾意食五花肉，雖然有一層層嘅脂肪，但係一啲都唔會覺得油膩，反而有適量嘅油香！爐邊蛋亦都好滑好嫩，仲有個泡菜煎餅， 十分香口！總括而言，呢一度嘅肉類係新鮮嘅，醃料同其他配菜都好好味👍🏻下次可以食佢嘅燒肉套餐，咁就可以試多幾款唔同嘅肉類啦！

個半鐘真係唔夠時間食，叫得餐來，得一個鐘食，食物又唔係上得快！仲要係燒！食物質素唔差，但係係無服務員囉，叫極都無人來order.我來食野，又要計時，又要唔夠人手，食完就好似打完仗咁.無下次！並無要求咩好服務，但至少都食得開心D！！！！

疫情稍有好轉，終於可以出去食下野。太耐無食韓燒，所以今日就約左朋友去旺角喜來稀肉。呢度嘅門口放置左體溫探測器同埋消毒酒精，做足防疫措施！我哋叫左兩款牛肉同兩款豬肉，分別係五花肉、護心肉、喜來烤肉同牛肋骨肉。喜來烤肉一上到枱就令大家都需要打卡，因為砌到好似花咁靚！咁多款肉裏面，我覺得味道最好食就係喜來烤肉，醃料夠入味之餘，肉質亦都好嫩！而口感方面，我覺得最好就係護心肉，護心肉即係豬嘅橫膈膜肉，十分爽口，唔會覺得好油膩。包埋蒜片同埋生菜一齊食，再點韓式醬汁，無論口感味道都非常好！五花肉亦都係我韓燒嘅至愛，層次分明之餘亦唔會好油另外我哋都嗌左個泡菜煎餅，煎餅外脆內軟之餘，加埋泡菜嘅爽口感覺，好味道！

約朋友到喜來稀肉食韓燒， 餐廳在旺角非常方便適合朋友聚會。 叫兩款燒肉～喜來烤肉$138、 喜來五花肉配特製醬汁$133， 再加水冷麵$85和石鍋拌飯$85。 喜來烤肉是薄身牛肉， 放落燒爐裏面烤一烤很快就熟，見到是招牌菜色， 肉味香濃， 味道果然好！喜來五花肉配特製醬汁， 唔算好膩， 包上生菜和特製醬汁，味道提升。 水冷麵清涼好味， 最鍾意加上芥末， 越食越開胃。 最後到石鍋拌飯， 材料豐富， 最正係熱辣辣， 又有飯焦香。食韓燒除了燒肉， 爐邊蛋和前菜都重要， 爐邊蛋有無限添加，正！

好耐以前食過尖沙咀店事隔多年，第一次試分旺角店水準都無跌過原本用open rice book 午餐時段12:45但早到的原因12:30到店剛開鋪，仍未有客人，下次都唔太擔心無位的問題用open rice 預定最好嘅好處，餐廳會send信息通知你嘅預定日期及人數外，亦可連結餐廳提供嘅apps ,㩒入去可以睇埋餐牌🍽，無需到時先諗食咩好嘅煩惱啦！服務方面，由於午餐時段，只見得一位侍應生所以大家都唔好太心急，要落餐或者其他要求，就盡量一次過講食物方面都好滿意🥰🥰🥰

肉類食物，湯類食品，海鮮餅，都好好食！由入門到坐既位置，沿途都有很多告示警告顧客們請90分鐘內食完後請立即過主，請勿乞時！更有些標語告戒客人們不能怎樣怎樣，亦指明他們沒有義務做很多事情，怪不得連剪刀亦發霉都不清潔了。服務員的服務態度我不予置評了，簡單來說他們就是不想做，尖沙咀那間服務跟旺角這間相差九萬遠，無言了，不過貴店這樣的衞生問題，我應該會轉介到報章及食環，始終現時疫情嚴重，衞生很重要呢！有圖有真相！

平時都係食開全豬套餐 今日就試吓新野 牛大腸$160真心無得輸 最近睇我家的熊孩子 入邊嘅家姐就係成日食呢啲嘢 我第一次食牛大腸 一定要燒得好熟 原來識落嘅口感係煙煙銀銀 點少少鹽加麻油 無敵😍😍五花腩呢個我覺得係食韓燒必嗌 點食都得 點樣配搭都絕對好味👍🏻 韓牛護心肉食過豬嘅護心肉 知道係豬嘅僅有嘅部位 估唔到牛護心肉係更加頂級 厚薄適中 牛味突出 值得一試👍🏻 喜來稀肉嘅韓式泡菜好食過所有韓燒店中最好食嘅 屬於新鮮泡菜 又脆又辣又爽口 食咗少少油膩野 配返呢啲泡菜真係冇得輸☺️☺️ 而家仲有啤酒買一送一 🤩

已經第二次黎食，同行共4人，限時1.5小時用餐。一早openrice book左位，唔洗等直入。以前會揀燒肉放題，但撐飽左個肚卻不能感受燒肉既美味，而且對於食唔多既朋友非常唔抵，所以都係食返單點散叫啦。首先一黎到揀左1 set 4人份既牛拼盤，配搭好似同之前黎食有唔同，多左個牛肉漢堡扒。外表已經好靚，新鮮有雪花，醃醬不會太咸而覆蓋牛肉味。本來以為漢堡扒應該無咩質感可言，而且外相一般，沒有期望，但食落原來個調味料好香，混合埋肉汁，好juicy美味！我地另外再叫左豬五花、牛護心，仲有紫菜飯，個紫菜飯係會食上癮！有手套俾你，要自己包成一球球，食完一粒又一粒😋另外泡菜、芝士爐邊蛋任加，不過我地都無點食，主力食肉🐂。食完個牛肉set唔夠，又另外叫多碟牛五花。如果可以再食耐啲就好，食完8點半仍然好多人等位。食到飽飽，價錢平過去食放題，質素高，又可以同朋友約食下次！

五月係尖沙咀食完喜來稀肉後感覺超正 😍 今次方便朋友收工，就揾咗旺角呢間喜來稀肉。除咗啲套餐有少少變化外，餐牌大致上都一樣，今次想試吓其他食品，所以除咗喜來烤肉外，其他都同上次唔同，叫咗牛舌、牛肋骨肉、海鮮泡菜餅。小食同尖沙咀分店完全唔同，呢度有四款。喜來烤肉 ($138) : 呢個皇牌必叫，一嚟佢浸住牛肉個醬汁好好味，燒完之後調味料都唔使點就咁食就可以，二嚟份量超多，牛肉花實物重大過我個拳頭。牛舌 ($148) : 醃咗既牛舌味道幾正，每片都厚薄適中，放上爐烤一烤就食得，口感嫩滑又爽脆。😍牛肋骨肉 (138) : 無醃過既牛肋骨肉，油脂比例較多，烤到七成熟左右入口，口感幼嫩得嚟油香滿溢，邪惡得嚟好好食。海鮮泡菜餅 ($90) : 呢個都唔錯，有蝦、魷魚等海鮮，不過我自己比較鍾意食海鮮蔥餅多啲，因為比較脆口。

冇幾耐之前食過尖沙咀嗰間分店都覺得唔錯所以今次就你試吓旺角分店na🤩旺角分店位置都唔難搵 油麻地站出會近啲添記憶中Menu應該同尖沙咀嗰間係一模一樣嘅但係環境我就覺得旺角就舒服啲tim！！佢好特別喺個餐廳中間放咗好大棵樹 感覺都幾似喺韓國嗰啲燒烤店🤣🤣🤣而且座位同座位之間嘅距離都比尖沙咀嗰間多～首先叫嘅當然係必食嘅喜來烤肉🤩佢嘅醬汁真係冇得輸 而且賣相又似玫瑰花🌹影相真係好鬼靚 haha另外我就帶咗牛舌tim 佢份量都比我預期中多雖然每塊都唔會好厚身 但係我就係覺得佢唔太厚所以先唔會太易燒得好韌而且呢個本身都已經好似喜來烤肉咁樣調咗味所以真係唔使點醬汁都已經好好食😋😋再之後今次就試咗牛肋骨肉佢個size幾好 一口一條 呢個牛肉味重比較重啲添所以連埋佢跟嘅生菜食都好正ga最後我就係試咗海鮮泡菜餅唔食得辣而又想試吓泡菜嘅朋友都可以試吓 因為佢真係一啲都唔辣ga但係亦都保留左啲泡菜嘅味道☺️同埋佢呢啲薄餅類嘅產品都好大碟好飽肚所以又唔想食飯麵嘅話 叫完燒肉可以叫個薄餅咁樣已經夠晒飽㗎啦🤪🤪

今日同朋友出街，難得出到嚟梗係要食返餐好嘢嚟慶祝一下啦，朋友話好掛住韓國，但疫情關係又冇得去旅行，於是佢帶咗我嚟依間韓式餐廳嗰度食韓燒，果然冇令到我哋失望，嘢食超高質，服務態度又好，而且裝修好靚🤟🏻唔講以為我哋去咗韓國，無論係食嘢定打卡都一流🤩❤️我哋唔單止叫咗燒肉，仲叫咗幾個韓式菜式，食到超超超飽，買單都只係五百幾蚊，重點係樣樣都好好味😋！尤其是係依個韓式雪花牛肉睇落去已經好靚，果然係雪花牛肉，牛肉肉質好鮮嫩，係高質牛脷，食落去好香牛味🤩👍🏻仲叫咗三個韓式菜，同我哋去韓國食嘅一模一樣味道！最好味係依個吞拿魚紫菜飯，材料超級豐富，而且幾樣餸嘅味道好夾！又飽又好味❤️😚另外韓國年糕都好好食，甜甜地，好彈牙好過癮🤩👍🏻最後係叫咗海鮮煎餅，超多海鮮，好新鮮，而且煎餅煎得好香口！高質韓國餐廳，各位韓妹子一定要嚟食呀😋🙏🏻

喺旺角行街，突然口痕想食韓國嘢，特登嚟喜來稀肉食韓燒。一坐低已經有四種前菜，仲可以無限refill。一場嚟到梗係要嗌返碟招牌喜來烤肉，肉質鮮嫩，正！今次就試吓牛肉眼，size同手掌差唔多大。呢款肉質比較軟腍有少少筋，燒到5成熟左右，好juicy好好味！另外仲有生菜提供，包埋一齊食更有口感。爐邊加咗雞蛋漿，有芝士同泡菜味兩種，簡單又好食。泡菜湯入面除咗泡菜，仲有豬肉同豆腐等，飲落唔算好辣，味道帶少少甜唔錯。水冷麵好清涼，夏天熱辣辣食降溫一流。配料有青瓜絲、酸蘿蔔、雞蛋同蕃茄，感覺清新又健康。

突然間想食燒肉，諗都唔使諗就嚟咗喜來稀肉。必點主打喜來稀肉，次次食親都冇令我失望。肉一樣醃得咁好食，輕輕一燒已經食得。今次叫咗個牛肉眼，好大塊同厚身，每面燒咗陣就上碟。我鍾意食五成熟，所以燒完就食得。友人鍾意食熟啲，剪完一舊舊佢就再燒多陣先食。牛肉眼牛味重好多，好香好juicy，係另一個層次嘅肉。食完肉好啱飲泡菜湯，夠清爽。飲完舒服哂，又多料。有豆腐、泡菜同肉，抵食。唔夠喉，最後點多樣水冷麵，加醋加芥末即刻醒神哂，有助消滯，夏天食啱哂。每次食喜來稀肉都唔會令我失望！

好耐好耐冇得去旅行喇特別掛住韓國, 好掛住佢地既美食呀!!!為左要止渴, 係時候搵韓食喇~~~~俾我搵到間係旺角既韓燒店....一入到去就好有地道韓式燒烤店FEEL~~呢道好多燒肉種類選擇~~特別係豬牛既唔同部位...2人位都好寬敞~~~燒烤盤旁有得燒蛋....韓式小碟~~牛助骨肉 $138份量都OK~肉質幼嫩, 幾甘香!!喜來烤肉 $138卷住既烤肉打開有幾條咁多....牛味濃又軟腍牛肉放上鐵板好快就熟喇~~超正呢道有2種烤蛋~~分別係芝士同泡菜烤蛋....好好味呀~~~芝士仲可以拉絲添呀泡菜味濃但唔辣...