喜來稀肉 (金巴利道)

營業中

休息中

朋友話想去外國前食呢間咁就試下啦打左幾次想book枱都無人聽原來係要排隊既星期六6點半黎到已經勁多人結果等左成2個半鐘！！！！一坐低已經個爐邊整好哂啲旦一邊有泡菜一邊無可以添加架都幾好食外脆內軟咁之前喺第二間烤肉都食過豬皮不過呢間無咁好食無咁厚呢個護心肉幾好食好juicy呢個牛五花醃得好好味生牛肉拌飯落哂啲辣醬啱啱好唔會太辣又夠味呢個大醬湯普通啦味精咁既味呢個喜來烤肉真係麻麻地勁易燶唔好食

呢排韓風大盛，老婆提議食韓燒，以前正係識得食韓陽苑既韓燒，老婆話呢間野正宗d，我地一行4個人去食，8點到，好多人，等左30分鐘先有位，有三碟前菜，有泡菜同芽菜，原來係要黎燒完從之後包全黎食，唔算太辣,可以接受，我地點左護心肉，五花腩，雪花牛肉同豬頸肉，一燒就好香，冇咩油，同之前個d韓燒比好健康d，之後叫左兩個豆腐湯，入面好足料，有蝦有蜆，但有少少咸，但小朋友好鐘意飲，最好係冇限時間，我地食左兩個半鐘，如果有機會會一家大細再黎過，四個人兩個大人兩個細佬食左一千蚊埋單，都ok.

平安夜十時後到達仍然要等一個半小時，可想而知這家烤肉店有多火紅。我們點了推介的護心肉，五花腩，豬大腸，牛肉同大醬湯。護心肉一如說明，不含油份，香味四溢。大腸烤得脆脆的吃過不停，牛肉味道普通。五花腩切成薄片又怎會好吃。大醬湯和在韓國吃的差不多水準，很美味。泡菜與烤雞蛋也很好吃。

這間店有貼告示，9:30前入坐，限時個半鐘，想慢慢品嚐的人，可以不用太早排隊，我是由8:00等到9:45先有位入坐。一入坐已經放好了水、湯和三碟前菜，前菜有泡菜，洋蔥和芽菜，這間的泡菜較辣，芽菜上的醬味道很好，洋蔥酸酸的，很開胃，湯很淡味道，沒有特別。 我們兩個女仔，點了魚籽石頭鍋伴飯，護心肉，喜來烤肉和牛五花。這裏的生菜，前菜和蛋醬都可以refill。生菜我吃到最後一片就換上第二籃給我。蛋醬有分原味同泡菜味，但泡菜分佈不平均，而且蛋的味道都蓋過了泡菜味。我試了三種吃法，一，是把用沾一點蛋醬燒，這樣會令肉表面較滑，我只在護心肉是沾蛋醬，因為護心肉口感不夠滑。二，半生熟蛋，流心狀態下吃，蛋味不是最出。三，全熟，全熟時的蛋味是最濃郁，但又時會忘記吃蛋，令蛋底過熟，會又硬又乾。魚籽石頭鍋伴飯$88，沒有太大驚喜，味道都ok，但魚籽很少，飯擼混很，不能每啖飯都吃到魚籽，而且飯量是少，不過這間店吃肉才是重點，所以不重要，飯少才可以叫多點肉吃。護心肉$150，厚厚的，要燒久一點，聽別人說很好吃，但我們都覺得較韌，而且又不滑，可能只是當日的不太好吧。喜來烤肉$130，捲成花狀，真的很用心。一片很薄，

今日到訪出名烤肉店, 地方幾大坐底一陣, 侍應送上 "前菜: 泡菜+洋蔥+ 芽菜"(可以免費再添), 豆腐豆芽湯.叫左護心肉(200g) $150 , 牛五花(250g) $150之後, 侍應送上生菜(可以免費再添) 同沾燒肉既三隻醬, 再將蛋醬倒入烤爐外邊既凹位, 凹位有三邊,侍應會做三個味, 一邊唔加野,一邊加泡菜,一邊加蒜粒. 食完可以免費添. 蛋唔好烤太耐, 8成熟狀態口感比較好 (1) 護心肉(200g) $150 (左)-----條狀肉, 脂肪比較少肉燒好後, 肉質彈牙，唔油膩, 有肉汁點埋醬汁更增風味另一個食法係用生菜包燒肉同其他配枓 (洋蔥/泡菜/芽菜)食, 口感味道豐富.(2) 牛五花(250g) $150 (右) ----牛五花脂肪比例剛好, 唔太肥薄牛肉快熟, 有肉汁.總結: 抽油煙糸統唔係好得, 整店充滿油煙.肉醃得幾好, 味道唔錯.免費添蛋, 生菜, 前菜吸引大.價錢算抵食, 兩個女仔食剛剛好

2個人本身諗住7點幾去拎飛...最後遲到, 去拎飛時已經8點3等…門口一大堆人, 但朋友想食諗住唔會等好耐...But.隔離個外籍人士不停咁話佢等左2小時 我心諗咁耐仲等?..點知最後我地都等到10點幾 ，即係2小時, 用盡耐性加精神由於等得太苦, 一坐底就立即叫野食, 佢地已經準備好曬的冷盤同倒蛋槳...d泡菜好辣..個芽菜湯都幾清幾好..洋蔥好香..份量好足..全部同生菜都可以refill 既可能因為2個女仔個胃唔大...我地叫左3款肉類...最後係好飽咁走護心肉 - 食之前睇左資料, 個個都話好, 事實呢真係好好味, 的肉係粗條的, 所要燒耐小小, 加的生菜包住來食, 唔油脷, 入口有彈性, 係爽既..而且肥瘦好岩岩好既感覺..食完想再食..太好味啦.喜來五花肉-的花紋幾靚, 又唔算太肥, 肥肉位都算幾好食..本來想食埋的軟骨位..但太硬可能要燒耐小小先得喜來烤肉 -應該係唔錯的..但因為最後先燒關係..飽飽地再食佢...相比護心肉之下, 就失色左小小. 切得好薄, 燒完食其實牛肉味好濃...

坐下不久，侍應端上前菜，包括泡菜、豆瓣醬芽菜、洋蔥、豆腐豆芽湯。泡菜好味，入口清爽，辣度比一般的泡菜辣。每碟份量也很多，還可以不斷refill。朋友叫左一枝米酒，侍應遞上幾隻不锈鋼碗。米酒味道特別，有氣的日本燒酒。喜來烤肉有一塊茄子伴碟。另外不斷供應生菜，食烤肉時加入泡菜、豆瓣醬芽菜、洋蔥，感覺像食生菜，一起吃的時候減退了泡菜的辣，生菜且減低油膩感。烤肉肉質鮮嫩，入口鬆軟。護心肉被切成條狀，色澤暗紅。由於護心肉的脂肪比例較少，肉質保持彈性，入口不感到油膩。五花肉切成薄片，脂肪特別多，入口非常軟滑。圍繞燒烤爐邊的凹位加入了蛋醬，而且可以不斷refill，分三邊，一邊是原味，一邊是泡菜味，另一邊是蒜粒。趁半流心狀態時進食味道會更佳。魚籽石頭鍋伴飯，飯的份量少，朋友共叫來了兩碗。魚籽入口甜美且沒有腥味，飯上面更鋪滿大量紫菜碎，口感豐富。

現在去尖沙咀晚飯的機會很多, 因為太座的工作地點在金馬倫道, 收工後兩口子都會在附近用餐, 好似呢晚就去到喜來稀肉 Seorae打開餐牌, 選擇不多, 心想呢餐都會唔會食唔飽呢, 還是要叫好多碟烤肉才夠? 如是者價錢不菲 抱住一試的心態, 一來唔知好唔好食 (雖然好多人排隊), 二來好食再加都未遲啦喜愛濃味的我, 這道辣豆腐湯當然係我首選,夠辣, 夠味, 好好小小挑剔係除豆腐外. 其實無咩其他料烤肉以牛肉為主, 點了碟牛肉和牛小排, 牛肉都沒有太多的調味醃製, 不過燒好之後加些韓式豆板醬及用生菜包住食都好好味另外侍應會把雞蛋倒進烤爐邊的坑, 爐身加熱雞蛋都熟了, 就像蒸雞蛋, 加入泡菜食都好濃味仲有泡菜送埋白飯, 兩個人食差不多$300, 都幾經濟又夠飽, 之前疑慮一掃而空了

聽個個 都講到甘好味,自己點都黎試一試先!可能之前食過另一間所有有對比,覺得食物款式唔算好多....因為專係黎食燒肉,所以冇叫生肉以外的食物好似叫左4-5樣野食.每個都$120up..泡菜(太辣),蛋(味道一般),生菜就包埋既生肉份量就唔算太大碟!建議: 牛不用配生菜食,先試到真正的味道 護心肉(必試)呢個認真好味! 店內主攻!喜來烤肉 (必試)呢個認真好味! 環境幾好! 夠闊落....員工好好服務!~幾NICE!可以一試,為左....喜來烤肉同護心肉就可以再黎!

朋友話呢間野好出名，又無得訂枱，一定要 walk-in, 好啦一於早啲去等位！等左個幾鐘，終於有位啦！ Order 都有規定叫幾個，不過每樣都唔錯，豬皮好好食，泡菜好好味，食泡菜都食到飽！呢問餐廳好多韓國侍應，都好helpful!

尖沙咀的金巴利道---除了有為人熟識、專賣結婚服裝的婚紗店外，還有一系列的韓風食店，愛吃韓式美食之人，相信就算餐餐食、無反一個星期也難以食匀全遍韓風美食。這夜，多得密友專程帶我來這裏吃韓點。前一輪的炸雞、啤酒的星星狂熱仍然未淡下來，反而掀起更加多人去發掘韓式食品。早前小妹就在書面上留意到韓式餐廳有興起在大煙囱下韓燒的景況，快速抽走由火爐燃燒引發出的異味及二氧化碳，感覺清新舒服得多，所以今次就正正選擇這樣型式的韓燒食市。事關已食過下午茶的關係，肚子還未叫餓，到晚上八點許才斯斯然走去「喜來烤肉」攞飛排隊，不過似乎我們都低估了人龍的力量，原來攞飛處及座位均起一樓，但人龍從一樓樓梯處至地下門外沿路皆有人群持飛等候。我們好不容易由人堆中左穿右插才上到一樓地面。不過，煙霧彌漫---是環境給我的第一印象，繼而氣味相當攻鼻刺眼，攞完飛後經已反問自己能否繼續安坐這裏忍受這樣的氣氛下慢慢韓燒，不過眼見煙霧卻趕不走一堆等候的客人，美食當前大於一切，小妹當然跟隨大隊，一試不可。等了約一個半鐘，終於到我們了。再次重上那煙霧彌漫的場景，刺激的氣味並沒剛才的強烈，感覺習慣了自然也好了。員工先安排我們坐在大方桌，位子

今日一行4人，去左尖沙咀喜來稀肉，去吹一吹韓風我地6點就去到，唔駛等位泡菜香濃，帶點點辣，口味傳統地道熱騰騰的海帶湯，鮮甜味美我地叫左5碟肉，分別有3碟牛，2碟豬肉既質素好好，牛肉入口鮮味又嫩滑豬肉睇落有d肥，但食落一d都唔油膩，讚！配上新鮮生菜，非常清新。另外我地仲叫左一個炒年糕，賣相好好，但味道一般我地仲叫左一枝米酒，平時拎住酒杯，今次拎住酒碗，同朋友把酒談心，別有一番風味！

很一般的燒肉. 牛肉, 鮮嫩還算可以. 豬皮, 幾特別微脆還算可以. 雞肉, 多脂肪微甜還算可以. 可能在調味中注重香氣, 肉類考的時候香味特別的濃郁好聞, 令人食指大動, 是一個優點吧.服務都算可以, 不過餐廳通風一般, 很多時候都煙霧霓漫. 環境其實都幾企理整潔, 坐得尚算舒服.

聽朋友試完喜來稀肉已經不停有好評，今次終於都試左 尼到真係好多人排隊，雖然八點三先到，但都要等到九點先可以入座！今次好好彩有卡位坐，有多D私人空間之餘又冇咁多油煙 坐低之後waiter就過來倒左蛋漿，我地都即刻睇MENU叫野食，今次叫左護心肉、五花肉、喜來烤肉、牛肋骨肉、特級牛頸、真雪花牛肉、魚籽石頭鍋伴飯＆蔥餅。聽朋友講尼到既泡菜好好食，未有野食就食住泡菜先！ 但今次可能D泡菜係底果D，好紅好多sauce，見到已經覺得辣＠＠食左一啖已經辣到飲左成杯水！！今日D泡菜真係太辣了！好在之後refill既泡菜冇多Sauce冇咁辣！雖然辣左D，但泡菜味道真係幾乎食過咁多間韓國餐廳之中最好既 期待已久既肉終於都出場了，成枱都係肉真係好吸引 第一碟燒既係真雪花牛肉，D雪花紋好靚而且好新鮮！朋友真係燒得好好，食落一D都唔'un'，好Juicy！用生菜包住D雪花牛肉再加D生蒜片同泡菜真係一流！十級推介－護心肉！大家都推介護心肉，今次終於試到！兩個字－驚喜！雖然佢外表冇咩特別，燒完未必好吸引，但一食落口一定會愛上！我幾位朋友已經食過幾次，但佢地都話每次食護心肉都有種驚喜既感覺！魚籽石頭鍋伴飯，

一到直接坐低攻略是什麼?就是5:15 已經去取票(朋友先到拿了), 5:30 集齊人數你就能直接坐下用餐。我們4女1名小朋友，被安排了一個很好的位置, 好像一個圍牆圍著的獨立爐灶, 再有直立式風扇，空間很闊也很好。大概可以夠6-7個人一起。一坐下侍應已經安排起爐和倒下蛋汁在爐邊，我第一次吃，感覺很新鮮。雖然menu 不多選擇, 比例平均, 也有韓國酒。燒的肉食也只有豬和牛, 沒有海鮮。題外話:後來我從韓國同事知道原來店名是海鷗的意思。而且韓國人多昤邊喝酒邊吃。終於點好了菜。護心肉, 豬頸肉和牛肉, 另外水冷麵和豆腐湯。等菜來時吃了點伴菜, 泡菜比較辣~芽菜不錯, 這些都可以重覆添加蛋都開始熟了~心急肉快點來。 (後來問了蛋汁也可以添加)終於來了, 朋友小塊小塊剪開去處理燒起來。配生菜吃不會那麼肥膩也健康一點。不知是否跟菜一起吃我們後來很快就有飽了。豆腐湯不辣當中有雞蛋。水冷麵麵條很少, 我想一個人吃三四遍就沒了. 當中也有雞蛋。另外叫了個生牛肉撈飯，因為給小朋友吃, 我們把他放爐上燒燒才吃。配料很多, 但飯大概只有一小碗。所以男士應該不能跟人分吧。幸好我朋友懂韓語也能跟隨手叫來的侍應溝