喜來稀肉 (金巴利道)

營業中

休息中

日日home office，真係屈到個人好悶，點都要揾日出去食飯見吓朋友。星期五嚟到尖沙咀喜來希肉，估唔到咁多人！又話經濟唔好生意差嘅？！好彩我哋一早訂咗位，叫做唔駛等。兩個人叫咗三款燒肉同一個海鮮大醬湯，燒肉分別係喜來烤肉，牛護心肉，同辣五花肉。喜來烤肉薄切，油脂均勻，調味料甜甜哋。牛護心肉嫩滑，油份不高，肉味較重，啱晒牛魔王嘅我！食得韓式烤肉，又點少得烤熟五花肉之後用爽脆生菜夾住嚟食丫！肥係肥d，但真係抗拒唔到囉！所有配菜、泡菜、同爐邊蛋都係可以無限次refill，真係唔覺唔覺食好多！我哋最後仲叫咗個海鮮大醬湯，有蟹有蜆，加埋濃濃嘅大醬湯，幾飽都食晒成碗飯！