喜來稀肉 (金巴利道)

營業中

休息中

每次想食韓燒，就一定諗起喜來稀肉😋😋果然係人氣店，入座率每一次都好高，枱同枱之間有一定距離，坐得舒適有空間😋泡菜❤️最愛呢度既泡菜，帶甜又唔太辣，一食就停唔到口，最開心係任fill可以食到夠😋蛋漿❤️蛋嫩滑，有泡菜粒，惹味👍辣菜❤️又係食到停唔到口系列之一，辣辣地又清新，夾埋燒肉一齊食perfect match!!壹頭牛拼盤❤️有齊牛嘅唔同部位，份量多，食材又高質😋喜來烤肉❤️肉嫩，入口即溶👍牛五花❤️油脂適中，油花香濃👍特級牛頸肉質爽口彈牙😋肋骨肉肋骨肉入味，牛味突出👍紫菜飯仲有飯送，可以同肉一齊食解解膩😍

喜來稀肉個名應該好多人都聽過，高峰期晚晚都要排成個鐘先等倒位，而家因為疫情先叫做唔洗等位，見好耐冇食韓國烤肉，就黎幫趁。雖然話少左人食，不過平日夜晚都坐滿七八成。佢格局就同韓國當地嘅烤肉店一樣，一張張圓形烤枱再加鐵筒凳，最好係枱同枱嘅距離唔會太近，食得放心。一坐低先黎前菜三小碟，有泡菜、醃青瓜同辣醬拌菜絲。每碟都好大碟，食完仲可以免費追加，我特別鍾意佢個泡菜，辣勁十足，好惹味。黎喜來稀肉點可以唔食韓式烤肉，佢嘅燒蛋係免費任加，絕對係其中一個吸引我再黎嘅原因。燒蛋一邊加左泡菜，一邊加左芝士，我最鍾意燒到七成熟咁食，仲有少少蛋汁濕濕地，唔會太鞋。辣護心肉($168)護心肉份量都幾多，醃得入味，所以基本上燒完都唔洗再加其他調味料，肥瘦適中，軟腍冇筋，都幾好食。喜來稀肉有免費提供生菜，怕烤肉油膩嘅可以用生菜包住黎食。拌冷麵($95)拌冷麵其實就係辣味嘅水冷麵，麵量幾多，建議可以兩三個人share。拌冷麵涼涼地幾爽口，少少辣惹味得殷又唔會食得太辛苦，只係略嫌麵條黏埋一團唔夠鬆。總結，食物都算幾大份，烤肉同燒蛋都冇得輸，而燒蛋同前菜都有得免費任加，兩個人一人一個烤肉最多加多個飯/麵都一定夠飽，幾抵

近日又被一股愛的迫降的熱潮，與朋友高談闊論的時候。相談韓劇真心不如去韓燒更加有地道風味。喜來稀肉—一直是我幾鍾意的韓式餐廳，全因夠地道又有韓仔仲好貼心。餐牌上有三大類的選擇以豬、牛、雞為主，還有少量小食、主食及各款的梳打及酒類飲品。喜歡吃韓國菜全因有很多配菜跟上，例如醃蘿白、泡菜、生菜、蒜片等，另外更有爐邊蛋有泡菜或芝士味道。喜來烤肉 $138來到喜來秩肉又點少得點招牌菜—喜來烤肉，喜來烤肉捲得呈花形而且肉質鮮嫩，估不到份量都相當多而且以薄身為主，肉味濃郁而且入味高質。牛護心肉 $150另一款是牛護心肉 ，一上桌顏色上已經相當吸晴。韓國牛以深紅色的模樣為之高質，只需十分鐘內便燒至美味。護心肉相當軟腍富有口感，連同泡菜、生菜、蒜片等同吃，相當惹味。海鮮牛胸肉大醬湯米飯 $80除了燒烤之外，其實我都很喜歡湯飯。韓國的湯飯大多以辣為主，海鮮牛胸肉大醬湯米飯海鮮的份量相當多有蝦、青口、蜆等，以及牛胸肉軟腍連同米飯伴過後，吃得暖笠笠。韓式海鮮拉麵 $65韓國快速的麵莫過於拉麵 ，有別於日本更有彈牙並以金色器皿盛載更見風味。海鮮份量多，辣的美味如果多一片芝士會更好。

入到呢間正宗韓國餐廳，令我大開眼界，現場逼滿人！我哋叫左個二人餐，將牛肉逐塊慢慢燒，個爐都好高溫，上面嘅靚牛肉好快就燒得熟，點上秘製嘅燒肉醬汁，惹味非常，但係唔點佢嘅原汁原味都好出眾。牛頸肉好香甜，夾塊新鮮嘅生菜，好似食緊泰國生菜包一樣咁滋味。呢度嘅韓國食品都好正宗，我最懷念之前去首爾食嘅水冷麵，所以叫咗一碗，味道拍得住喺韓國食嗰種。加埋少少芥辣汁同埋白醋，味道更為清爽，冰鎮的感覺令人精神振奮。飲品方面要另外收費，我同朋友叫咗幾罐韓國出產嘅飲品，有青提、有米水仲有其他蔬果汁，健康得來又可以解肥膩，正斗。

仲記得五六年前最鍾意食喜來稀肉，嗰陣時一大班朋友睇完韓劇又話想食韓烤飲住啤酒。自從果次食過護心肉之後，到而家我都唔可以忘記佢嘅味道，實在太好食啦，佢係豬嘅肝同橫膈膜附近一塊嘅小玉非常之珍貴😂😂不過香港係美食天堂，越來越多林立嘅韓國餐廳，競爭日趨激烈，要保持一定水準先可以繼續吸納食客，要數算比較正宗嘅韓國餐廳都非佢莫屬。我哋兩個人叫咗兩人拼盤套餐已經有五款肉類包含在內分別係我最喜愛嘅護心肉、喜來烤肉、牛五花、特級牛頸、牛肋骨肉同牛排骨。上枱嘅時候佢仲排列得好靚添，啲肉擺係一個牛嘅形狀嘅木墊上面。牛肉整體肉質美味，每樣款式有6-8片，加埋新鮮生菜，味道好，夾仲有蒜頭同埋爐側邊嘅韓國泡菜蒸蛋，可以無限添加，啱晒一班餓鬼。

最近睇咗套韓劇，心郁郁想食韓式燒肉，就約埋友人一齊去食下。淨係前菜都已經有三款，分別係醃青瓜、泡菜同埋辣芽菜。另外仲有生菜提供，全部都可以免費refill。鍋邊會淋上蛋漿，分別有芝士同泡菜味，都係可以refill嘅。點完菜之後食物好快上檯，今次就嗌咗四款肉。豬護心肉 - 肉身較厚，無乜肥膏。肉質較韌有咬口。喜來烤肉 - 有醬汁醃製過，味道帶少少鮮甜。牛肉嫩滑多汁，好好食！真雪花牛肉 - 油脂分佈好均勻，牛肉味好濃郁。牛護心肉 - 表面灑上胡椒粒，食落味道更香，更能帶出牛肉味。伺應經常主動幫手換鐵板同refill配菜，服務態度一流！

近排睇完韓劇又想食燒肉，唔使諗，同友人一於嚟出名嘅喜來稀肉食啦。必點招牌喜來稀肉、牛護心、真雪花牛肉同豬護心。泡菜呢啲小食就任添，仲有爐邊嘅芝士蛋同泡菜蛋，全部都好正。喜來稀肉嘅秘製醬汁令肉嘅味道更佳，甜甜的。每一塊肉都好香口，好滑好香牛味。真雪花牛肉又係牛味好濃，雖然冇喜來稀肉咁香甜，但肉味更有層次。牛護心用咗黑椒醃製，條狀嘅牛肉一樣有口感，牛味瑋樣濃郁。而豬護心用生菜同泡菜包埋一齊食更有風味，一大啖放落口好滋味。食到差唔多，爐邊嘅蛋都熟，芝士蛋同泡菜蛋一樣咁正。食小食都食到飽。成餐飯都食得好滿足！

大家都知每次食韓國燒肉一定會refill 泡菜或其他東西，每次叫員工refill 或叫order, 每一個員工的面色都非常不耐煩，極度討厭，價錢又不是便宜，場內已經好多員工，但每一位感覺到都對這份工作很厭惡一樣。

星期五晚人潮極盛，好彩有book 到位，如果冇book 分分鐘要等over 45mins.叫左喜來稀肉，護心肉，豬大腸同五花肉。先講講個服務先，so far 唔錯，換盤，加蛋都極快但係係限定1.5小時每枱個方面可能可以彈性少少，無可能每枱客叫唔同份量既食物都係1.5小時，或者set 番1.5小時加3個字buffer.係食物方面，價錢同份量成正比，每樣都唔錯，由其係個腸，個油香簡直不得之了，燒個陣再輕輕理一壓佢，等佢個皮同鐵板既接觸面增加，烤得緊加香脆。食落口，外脆內軟加埋個油香好似上左7重天咁。

今晚約左朋友食喜來稀肉，呢間算係韓燒始祖，一直都係間排隊店，今晚我地就準時收工去到，7點入坐好在未開始排隊。我地就揀左壹頭牛($520)，有喜來烤肉、牛五花、特級牛頸、牛肋骨肉、烤調味牛排。配醋飯，一球球黏黏地，外面裹上紫菜。另外仲有生菜。仲有包兩杯嘢飲，我地揀左烏龍茶。呢度前菜任食，泡菜真係辣得好爽，添左好多輪！喜來烤肉，超薄切，每塊油脂唔算多，但係真係超軟嫩，又好有牛味。牛頸比較多脂肪，口感爽口。牛五花呢個超強脂肪比例，當然牛油四溢，入口即溶。另外仲有兩款菇，平衡下油膩感。另外我地仲加左個泡菜海鮮煎餅（$90），份量好大，味道酸酸味味超正。入面有啲蝦同蜆肉。

有朋友從遠方來不能失禮，帶他到遊歷西九公園拍照後便到《喜來稀肉》韓燒了！ 沿樓梯上會看見其歷史，不知不覺，2008年己開業。環境開揚，枱與枱不會過於相近，空氣也流通。職員很快先上開胃前菜，有泡菜、蔬菜、茄子、泡菜蛋等等。 全都可Re-full 特級牛頸用上特級高質素牛肉，口感嫩滑無比又有咬口 牛大腸牛大腸好肥又粗壯，內裡很潔淨，放在鐵板燒後帶點點焦又香又爽口 牛護心肉 / 調味護心牛必吃品！ 他最矜貴之處是每頭牛只有小許。油脂分布不算多卻有嫩滑口感。而有調味料的入味之如又多了份層次。果然是招牌菜之一！ 泡菜海鮮餅 除了燒烤外，也有份材料十足的泡菜海鮮餅！ 火喉控制得宜沒半點燒焦而且碟底不會很油膩整體牛肉富有光澤又鮮紅，油花均勻雖然隔枱有小插曲，可是職員敏捷地解決了。 總括食物、環境、服務都不錯。 未到七時已達8成滿入座💪🏻

熱愛追棒韓劇既好姊妹今晚又帶我食韓國野, 尖沙咀金巴利道一間韓國烤肉, 設於樓上舖, 平日晚餐廳已經什有人氣, 全場爆滿。餐廳裝修樸素, 以灰色水泥牆做主調, 打造了韓國地道餐廳氣氛。而且座位闊落, 坐得鬆動。入座先送上韓式小食、生菜同埋注入爐邊蛋 (分別有泡菜同埋芝士兩種口味), 呢D都可以免費無限量添加。除左烤肉, 還有不少韓式熟食選擇。至於烤肉類, 豬同埋牛款式較多, 我地兩個牛魔王, 想每款試少少, 就揀左【二人拼盤套餐-壹頭牛】HK$520套餐包括有喜來稀肉、牛五花、特級牛頸、牛肋骨肉、調味牛排骨, 8個紫菜醋飯同埋兩罐自選果汁,調味牛排骨醃得很入味, 味道甜甜的; 特級牛頸牛脂分佈平均, 入口鮮嫩; 牛肋骨肉較有趙口; 牛五花牛脂比例佔一半, 薄切更易迫出牛脂, 烤至甘香, 用生菜包住食唔錯; 卷成花形既喜來稀肉, 同樣薄切, 牛脂不多, 肉味較重。不同部位既牛肉, 配上鹹鹹地既紫菜醋飯食, 飽肚又可以平衡口中既濃郁味。額外加左$10轉左芒果汽水, 餐廳先家調製, 不過唔太夠氣, 似芒果汁多D。另外我地散叫左【炸醬麵】HK$95炸醬麵為常溫, 麵質中心有少少煙韌, 炸醬份量

今次點了4款肉:喜來燒肉、真雪花牛肉、護心肉、豬頸肉先説以餐廳名命名的喜來燒肉，這塊肉燒全熟並不好吃，六七成左右熟度剛好，我發現整塊攤開來燒會痴底，燒的時候應該先沾上醬汁，將2-3塊牛肉隨意放在鐵板上，不停兜亂，直至變成淺啡色，就很好吃了，因為已有醬汁，所以不需再蘸醬汁😋如覺得太濃味可以用生菜包著吃，十分好吃呢！不得不讚這個豬頸肉，無論怎少都十分彈牙，有肉汁燒完便看到刀功十分厲害，將豬頸肉切成這樣，更爽口，可以燒焦的部份多了，更香脆真雪花牛肉，這個牛肉再比喜來燒肉嫩，咬下去軟綿綿的，這個沒有醬汁，可以搭配沙律菜一起吃呢！令人一試難忘的護心肉，實在太好吃了，幸好肚子還有位置可吃！這個肉很有彈性，有一點嚼勁但很易咬開，有點像豬肺的質感，很特別的肉質，果然是珍貴稀有的肉~ 別忘了吃泡菜蛋！超級好吃❤️

冬天黎到，想喺尖沙咀搵間有啲特色嘅韓燒餐廳，然後聽朋友講呢度嘅牛肉特別出色，所以就一心黎到試下，結果都真係冇令我失望。喜來烤肉 (牛肉) (180g) $138呢個烤肉有驚喜😋，初頭以為只係普通嘅牛肉，會好韌。點知食落去好多肉汁，牛味好香好濃，薄薄一片好容易入口唔會好韌。唔需要燒好耐時間，只需要每邊燒大概10秒就已經全熟，啱啱好。海鮮泡菜餅 $90一大塊類似薄餅嘅形狀，但唔會好似薄身薄餅咁硬同脆，而係冧得黎帶有少少煙韌嘅感覺。泡菜令個餅食落間唔時有爽脆嘅口感。喺泡菜餅上面有魷魚仔同青蔥。唯獨海鮮只有魷魚仔，可能加上一啲細蝦仔會更吸引。

記得九龍區尖沙咀諾士佛臺婚紗一直條街都是韓國食肆，其中喜來稀肉較為有質素的韓燒。 這裡主要單點但如沒idea 仍有韓牛拼盤或特殊部位套餐。 前菜有蛋、泡菜、茄子🍆、蔬菜，全都可 re-fill ~ 泡菜偏辣、爽口牛護心肉 HKD 150 及 調味牛護心肉 HKD 150這個是招牌菜！位於橫膈膜同豬肝之間的肌肉肉筋，每隻成年豬得400 - 500克，非常矜貴。 由於不含油份所以口感特別柔和又有咬口。配上Seorae 秘製醬料 好好味～ 油花分佈均勻特級牛頸HKD 198 經常活動部位，油花卻不少又有咀嚼感人牛大腸 HKD 160 牛大腸有豐富的蛋白質、磷等等，脂肪含量高所以要衡量。廚師清潔得很乾淨沒異味，燒一燒再入口，感到爽口。泡菜海鮮餅 HKD 90 熱騰騰的海鮮餅，煎得乾身沒有燶，碟底沒有油膩膩感覺。 內裡很多料～ 滋味 要贊職員會主動換鐵板也很快的為客家解決問題