喜來稀肉 (金巴利道)

營業中

休息中

呢間燒肉記得以前一開喺香港就好難book位，之前都食過好幾次，覺得燒肉質素都幾高。今日再嚟食覺得水準依然保持到。夜晚都好多人，仲要等位，真係名不虛傳。我哋叫咗二人餐：壹頭牛$520，基本上呢個餐兩個人一定夠食，因為肉嘅份量真係好多，而且仲包八個紫菜醋飯。套餐有喜來烤肉、牛五花、特級牛頸肉、牛肋骨肉及烤調味牛排骨。另外仲有兩款飲品。所有肉類都好有肉味，有啲就算冇調味，另外你自己點返啲醬汁都相當唔錯。我哋另外加咗泡菜海鮮餅，泡菜海鮮餅好大份而且好足料，仲煎得好香脆，味道唔錯！