喜來稀肉 (金巴利道)

營業中

休息中

近排有啲沉迷想食燒肉，所以食完冇幾耐又再返去食。呢間我已經嚟過幾次，回頭率極高嘅韓式燒烤，肉質肥美、品質高味道又夠地道；一試再試都唔會見厭倦。 一坐低我哋就嗌左三款燒肉：第一，五花肉，第二，豬護心肉，第三梅頭肉。我哋亦都叫咗一碗白飯，因為白飯再加啲菜、蒜頭、泡菜一齊食實在非常正。每一份肉嘅份量唔會太多，但勝在品質好，唔會話係比一啲好梅好黑嘅肉你。 過程中塊板燒焦咗都不停會有職員嚟幫你換。 食燒肉點可以唔配啤酒我哋就叫咗一杯$52大大杯嘅Sapporo啤酒，一口肉一口酒， 10分過癮。每一次嚟食都一定會添啲爐邊蛋因為蛋係可以無限任添，但其實食肉加食蛋都幾飽所以絕對可以滿足到任何大胃王。呢間真係值得翻炒再翻炒。