喜來稀肉 (金巴利道)

營業中

休息中

環境：喜來稀肉位於尖沙咀餐廳林立的黃金地段，建議黎食預先book枱或者好似我地咁食晚上六點，輕鬆避開人潮😄服務：時常幫我地增添生菜，細心勤快食品：烤肉無論日式燒定韓式都好正，今次韓燒點了餐廳招牌菜 - 喜來稀肉，相當喜歡佢多汁、軟軟腍腍，不愧是餐廳招牌菜式，另外一款牛肉是牛護心肉，相對喜來稀肉它更為厚身，香草味濃，兩款肉都十分好食😋總括嚟講，今次用餐體驗良好，離開後身上冇燒肉味，我諗餐廳排氣都唔錯👍🏻

每次行過尖沙咀韓國街都心郁郁想食韓國嘢，今日再去返呢間最鍾意嘅韓國餐廳食下先。一坐低侍應已經好快手咁擺低前菜同生菜，仲幫手喺爐邊加埋蛋漿添。前菜有韓式餐廳必備嘅泡菜，另外有醃酸瓜同韓式辣醬椰菜絲，仲可以無限量refill。今次揀咗三款唔同部位嘅牛肉食。第一款係招牌喜來烤肉，擺盤將一片片牛肉捲成成朵花咁好特別。呢款牛肉用醬汁醃製過，食落好juicy好惹味。第二款係牛護心肉，切得比較厚身，咬落煙韌得嚟又有口感，用嚟包生菜一齊食更加正。最後呢款係牛肋骨肉，呢款牛肉嘅筋比較多，黑椒味幾香口。爐邊蛋有泡菜同芝士兩款口味，口感幼滑好好食。

最近去左尖沙咀🤣呢間韓燒店座位夠曬闊落，私隱度高，同朋友黎可以傾足成晚。 因為有好多韓式泡菜同配菜，同埋可能因為侍應大部分都係韓國人，感覺都幾正宗，覺得自己去左韓國一樣。 壹頭牛套餐，份量超大，咩款式都有，重點係唔係傷腦筋揀。套餐有：喜來烤肉、牛五花、牛頸、牛肋骨肉、烤調味牛排骨。另外有兩塊翠肉瓜、一塊雞脾菇、一塊冬菇。喜來烤肉 砌到成朵花咁，睇落好厚切， 燒起來都好容易， 多汁肉味重。牛五花 啲紋好靚　油香最重！牛頸肉　相對有咬口！牛肋骨肉 好軟好林！牛排骨本身醃左　香香甜甜咁肉經火燒後，肉味更濃，點鹽/燒汁來吃味道更豐厚。怕膩可以用生菜包住啲肉，仲有其他基本配菜，酸青瓜洋蔥、泡菜同沙律菜，酸酸辣辣，食出不同感覺，正！一啖烤肉，一啖配菜，十分解膩～仲有最最最重要係有爐邊蛋！一邊有芝士，一邊有泡菜，食完可以任添！ 飲品：西柚梳打　酸甜醒胃，好解渴，同烤肉簡直係perfect match！

我又嚟啦～呢度嘅環境真係好唔錯，空間好寬敞，一啲都唔黑的。午市行入嚟嘅時候，人流一般，所以都唔使話要等枱。感覺係好傳統嘅韓國餐廳。我叫咗個辣嘅五花肉，同埋喜來燒肉，兩種都好香，好入味。仲叫咗一個人蔘雞湯，超好飲！個湯煲得實在係太好味，飲完之後好想再叫多一碗。飲品方面，我叫咗芒果梳打，喺而家咁嘅天氣，飲呢一種飲料真係好正，佢唔會好甜，味道好適中。而佢錢財方面，有泡菜，同埋一啲醃咗嘅蔬菜。枱上面亦有提供濕紙巾同埋消毒酒精，防疫做得好夠。店員亦都好有線，會主動過嚟幫你。呢個地方好適合二至四個人一齊嚟，坐低傾吓計，笑吓嘢食，飲吓嘢，真係好舒服。有機會，我會再返去食。

好耐冇食韓燒，同友人放工後約咗喺喜來稀肉聚一聚。嚟親喜來稀肉，必點喜來烤肉同牛護心肉，今次試埋牛肋骨肉。呢度嘅前菜俾得好足，食哂又可以 refill，好啱我呢啲鍾意食泡菜嘅人！喜來烤肉一貫水準，肉醃得入面，輕輕一烤已食得。牛護心肉嘅油脂同肉分怖平均，入口有咬感，牛味亦濃，適合包菜一齊食。牛肋骨肉用黑椒醃，好香，但又唔會蓋咗本來濃郁嘅牛味，好出色！呢款肉都適合包菜食，加埋泡菜，味道更有層次感。食到差唔多，爐邊蛋都熟熟地。我個人取向係泡菜蛋，好香好滑，食到唔停口。順帶一提，呢度嘅店員服務唔錯，換pan、refill小菜同加水，做到唔停手都冇黑面，好！

打卡度💄💄💄好食度💄💄💄💄抵食度💄💄💄💄事次消費：$300左右一人朋友帶baby黎到尖沙咀韓國街，介紹呢間當年經爆紅既韓國過江龍🐉雖然無靚仔Oppa, 但睇到門面已經好興奮！東大門，名洞嘅回憶恍似浮現眼前🙌🏻服務員聽唔明中文令我更有feel😆埋位已經準備好晒免費既生菜，三款泡菜，芝士雞蛋同泡菜雞蛋，非常有效率！介要係無限添加嫁😆已經值回票價啦👍🏻 個芝士蛋同泡菜蛋都好好食啊🤤諗起都好肚餓啦...前菜叫咗生牛肉混雪梨青瓜，好清甜好好味！再加一個泡菜湯，味道到位，有點辣，正😋叫左一個豬肉拼盤同牛肉拼盤，可以一次過試到好多唔同嘅部位。估唔到豬肉一點都不比牛肉遜色，非常爽脆多汁！🤤🤤其實食完豬肉拼盤我地一枱四人已經開始飽😬 但見未郁過嘅牛肉拼盤，baby又點可以浪費?! 嘩，好好味啊，因為已經飽飽地所以不太能形容食物嘅味道，但係好好味嘅🤣絕對叫得過！Baby最鍾意呢間野可以無限增添生菜，生菜包燒肉泡菜令肉味更鮮甜多汁，又可以冇咁熱氣，係Baby最鍾意嘅食法😋

實在好耐無食過韓國燒烤，一諗到韓國燒烤，我一定會去喜來稀肉，佢嘅肉同醬汁都好有韓國味道，不過近呢幾年，食物質素就無乜點變，不過服務態度同其他就真係差好多，首先book位無得book嘅，但去到又問你有無book之後你起碼等成半小時，呢個其實都唔緊要，入坐時間只有個半鐘，逢係燒烤或打邊爐好老實個半小時真係唔夠時間食，好趕頭趕命，但單又照幫你落，但食唔唒都會趕你走，呢樣真係好唔ok，因為入座坐低開始計時

今日比個朋友捉咗去陪佢食韓燒，嚟咗尖沙咀既喜來稀肉，第一次食呢間餐廳，朋友就嚟過好多次，話好好食所以就帶咗我嚟呢度試吓。牛排骨有兩款俾你揀，有醃咗味同未醃既，朋友推介醃咗味既，牛肉肉質新鮮口感軟淋，加上醬汁又惹味，估唔到咁好食。😋將牛肉捲成一朵玫瑰花都幾有心思，未食就先要影返幾張 😝 牛肉厚薄適中，輕輕燒燒就已經食得 😋 因為已經有醬汁，所以就咁食已經可以，呢個招牌菜真係唔錯。海鮮蔥餅厚身又大塊，而且仲有好多配料，唔會剩係得啲蛋漿，蔥餅煎得幾脆口。豆腐湯上枱時熱辣辣，睇落去平平無奇，但飲落都幾正，少少辣得嚟，配料都幾多下，豆腐又幾滑。

今日經過韓國街，燒肉癮發作忍唔住，所以就捉咗個朋友陪我食 😝 通常都係幫襯喜來稀肉，因為品質有保證。依家轉左用手機落單十分方便。先上三碟惹味小食。喜來烤肉 ($138) : 呢個皇牌必叫，將牛肉捲成一朵玫瑰花，賣相非常別緻，味道方面，因為牛肉經過醃味，所以無需點其他調味料已經食得，而且份量亦有幾多片。調味牛排骨 ($228) : 牛排骨超級正 🤤 醬汁充分融入到肉中，肉質軟腍之剩豐腴肥美多汁，無得頂。👍🏻海鮮蔥餅 ($90) : 之前試過海鮮泡菜餅，味道同口感麻麻地，始終都係海鮮蔥餅最出色 👍🏻 蔥餅有好多餡料，有蔥、蝦、魷魚等等，而且煎得香脆可口。🥰嫩豆腐湯 ($80) : 呢個比到驚喜我，開頭會覺得叫呢啲唔抵食，但試過之後完全改觀晒，下次必定會再叫，豆腐真係又嫩又滑，而且配料又幾多，味道辣得嚟又唔會一尾得個死辣，如果配埋白飯食一流。

Yummy yummy.........😋😋😋😋黎到尖沙咀既韓國街.....呢度有好多吾同種類既韓燒店....今次揀佐呢間試一試！有很多款肉類選擇喔！👍🏻👍🏻👍🏻還有韓國的米酒先來一些前菜........可以添加的喔！急不及待吃我的泡菜了😋😋😋主食來啦.....肉質很美👍🏻👍🏻👍🏻兩旁會有泡菜蛋和芝士蛋.......也是可以添加的喔！（我都添了好幾次）人參雞湯的參味👍🏻👍🏻滿足的韓吃！

我第一次食韓燒就係嚟呢度，好記得排隊排左3個多小時😭，餓到幾乎暈，要搵其他小食頂肚😔。之後食過幾間韓式燒肉，感覺不外如是，價錢亦不算便宜，但連泡菜、配燒肉食嘅生菜，都斤斤計較，就沒再食喇😔今日重臨呢間燒肉店，再次燃起對燒肉的熱情❤️喜來稀肉將肉捲成一朵花，好吸睛😊牛肉味濃，鐵板上輕輕一燒就可以食😋😋護心肉招牌食物，口味柔和有嚼勁👍五花腩肥瘦相間，燒至金黃帶焦，再夾泡菜蒜片好食😋侍應主動添加泡菜、生菜、蒜片👍今餐好滿足😘

上一次和媽媽來金巴利道食喜來稀肉已經是六七年前的事，多年後再和媽媽過來一起吃韓燒，感覺比以前更加好味呢！一邊燒肉一邊聊天，開心地渡過這個晚上我哋今晚叫咗三款肉，分別是牛護心肉、喜來稀肉及五花肉。兩個人食得好飽，因為這裏還有前菜和爐邊蛋五花肉油脂分布均勻，豐富的油脂入口溶化，超滿足！牛護心肉是必點之一，牛味香濃，超鐘意佢調味的胡椒！當然唔少得呢度嘅招牌喜來稀肉～～爐邊蛋有芝士口味，芝士迷一定好鐘意！泡菜口味都好好食😋

都有好一段時間冇食韓燒，今日特登嚟到尖沙咀韓國街金巴利道得一間韓國人主打的燒肉店 - 喜來稀肉。記得當年這間店粗鋼到香港的時候，門口總是站着長長的人龍，記得第一次到訪都要等緊一個小時多啲先入到座。到今日，韓式燒肉店已開到成行成市，而我卻選擇來到這一間始祖店回味一下。店入面都尚算寬敞，桌上也放滿了不同的泡菜和生菜。當然少不了就是爐邊蛋！這都是韓燒的主角之一。牛西冷牛西冷肉味好濃，肥肉也略多。包住生菜同吃能減低罪惡感。剪開肥肉食都好正！牛肋肉牛肋肉肉質嫩一點，連着少少肥肉食落滿有油香！平衡了肉質的濕度。喜來五花腩而我最喜歡這個五花腩，最推薦的之一！豬腩片的肥度恰到好處。而且醬汁甜甜的，吃落去好惹味。燒完大部分的油都已經迫出了，配白飯是一流的配搭。最後來個泡菜湯作結，上枱時還滾著，的確熱度十足。可是味道過酸，飲到最後有點辛苦，可能泡菜的味道太過搶鏡，而且有點過辣。豆腐倒好滑，好足料。不過下次還是點大醬湯好了。

韓燒黎講呢間真係必食，今次已經係第二次黎食，依然咁好食！個調味牛護心肉必叫，薄薄一塊輕輕燒一燒就好快熟，入口好惹味，個胡椒味同牛肉味好夾，超好味！然後再燒招牌嘅喜來烤肉，賣相精美，牛肉味好香濃！食到咁上下爐邊嘅蛋都差唔多熟，無論係芝士味定泡菜味都各有特式，好味～食完熱辣辣嘅燒肉再食返啖水冷麵真係好正！自己加醋同芥末會更好味！麵質都好爽口，自己一個食一碗都唔係問題～紫菜飯又係好好食，一球球紫菜飯好快就清哂！飲品試左罐桃汁，好濃桃味，推介！

尖沙咀韓國街呢邊一直有間韓燒䇄立不倒，成為不少年青人嘅聚腳之處，呢間雖然係2層高，但地下嗰層基本只係等位用，而2樓空間好闊落，卡位長枱圓枱都有。一坐低冇耐就已經加左2款韓式鍋邊蛋分唔係芝士同泡菜口味，一直咁等佢keep住燒，可以食到唔同熟度，一啖肉時一啖蛋，唔會食到膩☺️點餐用app落單，十分方便，今次嗌左幾個呢度嘅招牌肉: 喜來烤肉$138，調味牛護心肉$150，以及豬五花肉$123。個人喜好護心肉>豬五花肉>喜來烤肉，因為護心肉食落最重牛味，而且肥瘦好均勻油脂分布好好🤤