喜來稀肉 (金巴利道)

營業中

休息中

迎接復活節長假，緊係要食餐好🤩呢間喺韓國街嘅韓燒都幾大，越夜越多人嚟排隊，好彩我哋一早預約😎餐廳係用QR code落餐，坐低無耐店員就過嚟幫我哋加爐邊蛋😍一款加咗泡菜，另一款加咗芝士，仲放埋蒜片喺旁邊😋仲放咗豬肥肉喺爐上當油用🙈燒肉拼盤個盤好啱打卡，可惜為咗留肚食下其他嘢我哋惟有散叫肉😢兩款都係餐廳推介，用生菜包埋泡菜&蒜片一齊食更正👻喜來烤肉🐂 ($158) 包到似朵玫瑰嘅喜來招牌牛肉🌹打卡一流❣️食落甜甜地，薄薄一塊好快燒好，不過小心容易燒燶😂牛護心肉🐂 ($160)相對上牛味更濃，質感更韌但都滑，推薦👍🏻石鍋拌飯🍚 ($85)裏面啲餡都幾足，有牛肉粒、太陽蛋、菠菜、芽菜、紅蘿蔔條、木耳(?)、紫菜等，開頭以為只係普通嘅拌飯，但係加埋韓式辣椒醬食落好有驚喜！😋飲品🥤 ($20)我哋仲叫咗甜米露同梨汁，解渴一流！整體而言坐得舒服，食物質素好，不過啲爐好易燒燶，店員成日換爐，要成日重新等個爐夠熱，被迫燒耐咗😂

話說小弟呢期極度心韓，行過韓國街都要買個飯捲食。 跟住發現韓國街d韓貨鋪好多燒肉賣。 咁女友人就話不如去食韓國燒肉啦。 咁我地諗到去比較似樣d既喜來hey肉。 我地其實之前食過， 覺得佢d配菜又齊，肉類又多同醃得唔錯。 咁今次我地就叫左牛肋骨肉，牛五花肉，水冷面同埋一個蟹子紙菜飯團。 今日呢個簡直係全牛宴咁濟，岩晒我呢個牛魔王。 我地今次係第一次試牛肋骨肉同牛五花。 我覺得牛肋骨肉比較有咬口同耐燒d, 肉味都唔錯，而個牛五花就比較薄身但肉味好濃厚。之後女友就食佢一貫致愛水冷面，凍凍哋加d芥末食好fresh. 最後食埋個蟹子紙菜飯團， 係由女友人親自制作，超好食。 成餐整體黎講都有一貫既水準。

好耐無嚟食，今次食個menu 有少少唔同咗。試咗啲之前未試過嘅野～牛肋骨肉，入口比較有嚼頭，唔多肥膏，唔包生菜食都ok~ 有淡淡地嘅胡椒味，味道唔錯！牛五花，呢個大推，超好味，薄薄地一片，燒一燒就食得，入口好重油香但又唔會好漏，讚！水冷麵，每次都要叫，食完熱辣辣嘅嘢要食啲凍嘢降一降溫，而且真心好食！食到咁上下爐邊啲蛋已經食得，正～最後加多個蟹籽紫菜飯團，要自己戴手套撈勻，韓國啲紫菜撈埋飯一齊食真係好好味！

呢間韓國燒肉開業多年，已經嚟過好多次，覺得燒肉有水準，味道唔錯。價錢亦都唔算貴。坐低已經放好晒配菜、水等等；而且爐邊蛋都已經準備好，然後就可以叫嘢食。我哋幾想食燒肉，又想食韓式料理，所以每樣叫咗啲。▶️牛護心肉 燒肉我最鍾意食呢一隻肉，因為牛味夠香，一片片有肉汁，乜都唔點都已經相當不錯▶️牛肋骨肉呢個細細碟咁，但係原來份量都幾多。好多牛肋骨肉，肉質夠林，肥瘦適中▶️ 蟹子紫菜飯團蟹子加紫菜然後自己造成飯團，手握波波，真係好食▶️ 泡菜餅是日嘅泡菜餅較厚身，但係尚算香口足料。入邊夠多泡菜，一份都相當夠食。

環境空間好寬敞，光線充足而且通風系統做得10分好。一啲都唔黑的。午市行入嚟嘅時候，人流唔會太多，並唔需要排好耐隊等位。 舖頭嘅裝修感覺係好傳統嘅韓國餐廳。我叫咗個辣嘅五花肉，同埋喜來燒肉，係舖頭最有名嘅肉，兩種都好香，好入味。因為我哋想飲啲暖暖嘅湯，所以仲叫咗一個人蔘雞湯，好清好香雞同人蔘味！個湯煲得實在係太好味，飲完之後好想再叫多一碗。飲品方面，我叫咗芒果梳打，尤其是近排天氣開始轉熱，飲呢一種飲料真係好正，唔會太過甜，味道好適中。前菜方面，有泡菜，青瓜蘿蔔、芽菜等等，枱上面亦有提供濕紙巾同埋消毒酒精，店員亦都好友善，會主動過嚟幫你添食材或換燒烤架，餐廳好適合一班朋友二至四個人一齊嚟，坐低傾吓計，笑吓嘢食，飲吓嘢，真係好舒服。我已經食過好多次都唔厭！

一向聽聞位於尖沙咀金巴利道呢間喜來稀肉食物同環境都唔錯今次咁啱同朋友黎開附近shopping晚餐就選擇喺呢度食返餐久違的韓燒我地大約7pm左右到達可能因為閒日關係, 都唔使點等位好快就可以入座不過餐廳一共有兩層, 地下果層係等位嘅地方有凳坐就算要等位, 都唔使企喺街度食塵呢方面幾貼心, 值得一讚一樓用餐區環境寬敞裝修帶點工業風嘅感覺餐椅上嘅蓋可以俾客人打開, 放私人物品入去食物方面我地兩個叫左份牛護心肉, 一份喜來五花肉, 嫩豆腐湯同海鮮蔥餅, 再叫左一支啤酒一支燒酒個人比較鍾意喜來五花肉, 貪佢肉質夠嫩再加上特製醬汁, 夠曬惹味另外嫩豆腐湯用料十足, 都係一個唔錯嘅選擇👍🏻👍🏻👍🏻

之前都有朋友介紹過呢間喜來稀肉，今日終於到我有機會嚟”燒一燒”😍地方好寬敞亦有好多燒肉爐，都坐到幾多人🤔我哋五點半左右入座，未到六點已經有唔少人，周圍都聞到燒肉香味🤩由於我哋驚食唔晒又想叫下其他嘢食，最後淨係單點喜來烤肉 ($158) &牛護心肉 ($160)👻喜來烤肉 🐮上菜既時候有驚喜❣️店員會事先將牛肉片捲做玫瑰花形，再有”綠葉”做點綴，未食已經忍唔住打個卡🤩呢款牛幾薄身，燒起嚟好香口而且好快熟👍🏻牛護心肉 🐮相對地多好多醃料，而且厚切，燒起黎會比較韌口同有多d牛既香味，雖然肉比較厚身但亦好軟身唔會太乾🙈除左燒牛之外，我地仲加左碟餐牌推介嘅海鮮葱餅 ($90)👻 果然冇令我失望，薄餅唔算太厚而且邊邊位仲好脆口，葱既比例比想像中更多，每一塊大概有一半份量都係葱，海鮮粒數量相對唔太多。份量多，值得試下👍🏻

好久沒吃燒肉啦！尤其是之前晚市堂食禁了那麼久，終於現在可以下班來kbbq一下了！必點的是調味牛排骨（$228），說實在每一家餐廳都能做得好吃的，價錢也大概是差不多。預先調味好了，用青菜包著吃就不錯。喜來烤肉（$158）是這邊頗為特別的，還會讓我特別想念。薄薄的每一片弄成一朵花的模樣。牛舌（$148）份量不少，簡單但高質素，多幾個人分享就最好了。整體一直挺喜歡這裡，尤其這裡的泡菜基本上是最好吃的。

一向都是韓燒發燒友，香港地好多韓燒店，但唔係間間做到韓國當地果種FEEL，今日同同事過左尖沙咀嘆喜來稀肉就比到我真韓燒感覺嘞！入座已來個"阿豬媽"熱情款待，一瞬間以為自己去咗韓國，餐廳環境夠哂大，每張枱間隔距離好安全，慢慢嘆韓燒好疏肝，一坐低已上韓式配菜，包括泡菜／生菜絲等等，我地點咗招牌喜來五花肉配特製醬汁，放低有8大片，燒好配生菜加醬料食好Juicy唔太肥膩好好味。燒肉夠熱氣，突登點個拌冷麵平衡下，涼涼地加蕃茄加小小辣醬好開胃啊! 最後加埋個蟹子紫菜飯團，最估唔到成兜飯咁上，我地再用手套手額飯團，真正邊玩邊食，驚喜的是飯團加埋Ｄ蟹紫紫菜係真心幾好味，搞到我返到屋企都想有樣學樣整返份來再食～久唔久嚟食個韓燒，找回韓遊的情緒也不錯啊

冇得去韓國，唯有去食多啲韓燒~今日約埋朋友一齊去尖沙咀喜來稀肉BBQ Lunch，剛好今日轉左新餐牌。餐廳環境好寬敞，有30張4人檯左右，今日lunch 只有幾檯客，坐得好舒服! 我地2人點左 喜來五花肉配特製醬汁，有8大片，夠2個女仔食，唔肥膩，好香口，配生菜食好正。另外，仲點左拌冷麵，春夏天食岩晒，涼浸浸又帶少少蕃茄酸，好開胃醒神! 最後，點左一個新菜式─蟹子紫菜飯糰，一碗滿滿蟹子，要自己搓圓飯糰，都幾盞鬼~成餐我最鍾意泡菜蛋，滑口又甜甜地，岩晒愛吃甜嘅我! 埋單盛惠$306，每人$153，都算高質合理!

疫情稍緩，再來喜來稀肉，準時到達不用等位，前菜、泡菜、沙律菜等任添，爐邊蛋有芝士及泡菜的，都很不錯。喜來烤肉 $158花朵的形狀，烤肉比較薄，不用燒那麼久，而且由於已經有調味料，包著生菜已經很不錯。調味牛排骨 $228調味牛排骨是必點，質素也是一向的好，個人偏愛調味好的，好吃！牛舌 $148第一次點牛舌，牛舌薄切，有很多塊，輕輕一燒已經好，性價比高！添了兩三次爐邊蛋，滿足！

作為一個超級韓迷我每年都會至少去一次韓國旅行可惜呢兩年因為疫情關係無奈要將行程擱置於是我就約埋另一位同樣係韓迷嘅朋友黎到呢間位於尖沙咀金巴利道嘅喜來稀肉用餐一解思鄉之情餐廳一共有兩層地下係等候區, 俾客人坐低等位唔使企喺條街出面而一樓就係用餐區域由於我同朋友事先有預約所以一去到就可以直接入座餐廳環境寬敞每張枱都相隔適當嘅距離十分安全我同朋友點左份喜來五花肉同一份牛護心肉。肉味濃郁配上特製醬汁，非常惹味。另外我地仲嗌左客海鮮葱餅同嫩豆腐湯，海鮮葱餅份量十足夠曬飽肚。而嫩豆腐用料十足，亦係個不錯的選擇👍👍👍美味嘅食物配上自調嘅소맥（燒酒配啤酒)，呢餐真係令我非常滿足😋😋😋

很久沒出外吃飯、趁這星期不用OT去吃韓燒。預先訂了尖沙咀分店的喜來稀肉、未到七點已經近乎坐無虛席了。一坐下隨即送來幾碟前菜、這裡的泡菜雖然有點辣但不過好好吃。例牌點了護心肉、喜歡它燒過後肉味香濃且滿有肉汁。生菜也是爽脆新鮮、值得一讚是服務員見到顧客差不多吃完生菜籃、會主動過來添加。五花腩也是必點、油脂燒過後更加香口、不覺太肥膩、伴上蒜頭一起吃剛好。另外點的豬皮、比想像中有嚼勁、朋友喜歡它膠質的口感、我還是偏好護心肉和腩肉～別忘記吃爐邊的泡菜蛋和芝士蛋、也很惹味！

記得十幾年前 韓風崛起、喜來稀肉剛在港開店、已成為一時熱店、每晚餐廳排隊的人龍由二樓排到樓下、擠滿整個大堂。想不到事隔幾年這裡還是很受韓歡迎。週四的晚上來到好不容易找到位子、餐廳擠滿食客、閙哄哄的、熱鬧非常、我們又投入了這種熱織的烤肉氣氛！每次來必點的牛護心肉、肉質軟嫩肉味香濃、微微一燒已經好香、包著生菜、泡菜、蒜頭一起超好吃！平日好少吃五花腩、但經過韓燒後感覺沒那麼肥膩、油份的香氣配上腩肉的爽脆好好吃！這裡烤肉款式的確很多、不過兩個人吃不了多少、下次可以試試壹頭豬或者壹頭牛套餐、一次過品嘗不同部位！

今日午餐食得比較少，所以早啲同老公黎食晚餐，好彩點完餐之後就可以食前菜，醫下個肚，前菜共有三款，青瓜漬、泡菜、沙律菜，唔夠食都可以refill，呢點幾細心～山菜可以用嚟包住燒好嘅肉類，我用嚟包烤雞肉，再夾啲泡菜同蒜片，一個美味既生菜包就完成啦😋至於烤牛肉我就用嚟配白飯，有肉汁的白飯係好好食😁可以睇到牛護心肉的紋理清晰，脂肪分布均勻，肉質細緻入口豐盈，稱得上為一塊好肉👍🏻今餐真係好滋味好滿意呢～