喜來稀肉 (金巴利道)

營業中

休息中

喜來稀肉係食韓國燒肉不二之選！一直都屹立不倒仲要開到全國都有好多間分店真係名不虛傳！🇰🇷🥢牛護心肉$160🐮正所謂物以罕為貴！一隻牛都剩係得好少份量，所以貴啲都抵！的確係幾重牛味加埋蒜頭同生菜，泡菜一齊食！之前去韓國都係見啲oppa 咁樣食!海鮮蔥餅$90淡淡都係海鮮，我自己覺得係韓式嘅蠔餅不過佢就將蠔換左咗做海鮮！點埋個汁辣辣地！好食！芝士石鍋拌飯$85超級濃厚芝士！味道唔錯不過食半碗就飽咗😂芝士控必入！#喜來稀肉#芝士控#燒肉控#尖沙咀必食#食好西#韓國菜#食左先講#燒肉#人氣餐廳

人氣韓式烤肉店！🇰🇷成條街都係食韓國嘢唯獨係得喜來希肉客似雲來，樓上店都坐到滿曬，認真誇張，隔離地舖都拍烏蠅咁，就知道唔會嚟錯地方！牛護心肉$160🐃基本上見台台都一定有就知無叫錯！有150 G護心肉真係啱晒我哋呢d食肉獸！兩個人食份量剛剛好！牛味都算重，又唔會韌！芝士石鍋拌飯$85🍚好邪惡但係又食唔停口！淡淡都係可以拉絲嘅芝士🧀地方闊落，抽風系統做得好好，食完全身都唔會好大味！尖沙咀好食嘅韓燒餐廳！下次都會再嚟🥰

今晚決定Me Time 去自私食韓國野。揀左呢間一直都好想試但未有機會既餐廳。點餐既方法係用手機掃描QR code，餐牌既價值未計加一服務費。最近控制緊糖份既攝取量，所以點左烏龍茶同埋coke zero。喜來五花肉配特制醬汁 $138特製醬汁，五花肉入味又唔太咸。五花肉薄身，好易熟，要留意火侯。我一開始一次燒三塊，數分鐘就燒燶左。再試多幾次先掌握到燒得好食既方法。燒左幾次，大成功。用生菜🥬包住烤好既肉黎食，口感會清新同埋中和左肉既配味，令整體食物既好味度提升。前菜：泡菜幾好食。青瓜都開胃。大滿足獨食難肥蟹子紫菜飯團份量算大大份，個蟹子同沙律醬都好好味，連紫菜食滋味無窮。下次要兩個人食先好叫，太多食唔曬。

放工約左朋友落尖沙咀食喜來稀肉，好在有訂位就唔使等。通常我地嗌親都係有牛有豬啦，今次就會叫兩牛一豬。喺野食未到嘅時候梗係食啲前菜先啦，我個人就好中意食佢啲泡菜，因為都幾好食。主菜終於黎啦，牛小排係一件過嘅，所以事前要用較剪剪返做一件件先，如果唔係就好難燒架啦。不過最驚喜就係牛小排可以整好多件出來，性價比幾好。牛護心肉都唔錯，好有牛味，肉質鮮嫩。辣嘅豬護心肉唔會好辣，岩岩好，而且夠入味，都有啲肉汁，食落幾香口。如果要比個排名佢地，我個人會排第一係牛護心肉，之後就豬護心肉，最後係牛小排。因為我鍾意食啲有肥或者雪花嘅野，咁樣燒起上黎會好香口，但牛小排係比較瘦嘅，所以比較起來就有啲差距，不過整體食物質素都可以嘅，無限加菜呢樣都好啲，起碼無咁膩。

尖沙咀❣️一秒回到韓國太耐無食過韓燒，一諗就諗到喜來稀肉喇！好彩有book枱咋，7點去到差唔多坐左一半，7:30竟然坐滿哂😌大家都太掛住韓國喇！一去到，餐廳職員已經準備好哂前菜係枱，仲要倒埋蛋液🤤一邊加埋芝士添！加上用埋QR code落單，好方便👍🏻 即刻check埋order左啲咩添！📍牛舌 $148薄燒牛舌，睇落好似好細碟咁，點知！原來，起碼有10幾20塊😍燒一燒到轉色就可以食，好爽好juicy🤤📍濟州五花肉 $180諗左好耐揀食五花肉定護心肉好，最後都係揀左邪惡啲既五花肉🤭雖然佢有一層一層既肥肉，但燒完係會有脆既感覺！夾埋生菜，加啲韓式辣醬同泡菜，同埋最重要既蒜頭！正👍🏻📍韓式烤牛大腸 $160去韓國，必定去食燒牛腸，點知見到哩到都有食😍燒完又爽又有濃濃既牛味！📍海鮮泡菜餅 $90外脆內軟👍🏻好多海鮮粒粒同泡菜，好足料！好食指數：8.5/10

今日中午想食韓國菜，所以來到韓國街搵食。呢間老店的確食物有質素，環境好，服務好！今次order左一個石頭鍋拌飯$85裡面有紅蘿蔔絲、白蘿蔔絲、茹絲、菠菜絲、、椰菜絲、芽菜、牛肉碎，仲有隻半濃邊的煎蛋加紫菜味道好，又足料，仲有少少飯焦！加埋前菜的泡菜超好味！呢碟椰菜絲伴酸辣汁，好特別，好開胃全部前菜都可以任添任食環境非常寬敞，舒適，抽煙好，冇燒肉味！❤️❤️最喜歡係服務至上，侍應有禮物，食得特別開心❤️❤️

韓式烤牛大腸180g ($160)好 好 味🥺煙韌爽口，點小小鹽好惹味，推介大家一定要點！牛舌($148)薄切牛舌，輕輕燒一陣就已經好香好好味！濟洲五花肉200g ($180) 五花腩唔會太膩，原味無調味，食到原汁原味。生菜包五花肉、Kimch同蒜片，再蘸韓式辣醬一齊食🤤海鮮泡菜餅($90) 外脆內軟，都好足料。餐廳係用電話QR code落單。最初以為食物份量好少，但係食到一半好似燒極都唔完咁🤭仲有小菜、生菜、蒜片同蛋都係無限refill😍真係唔怕食唔飽！仲有一個貼心既地方係張櫈下面其實係可以放手袋，所以唔怕帶黎既野會有味😌星期三平日夜晚黎都差不多full house，所以建議大家真係要book位阿！

上個月食完韓燒之後都係唔夠喉，所以約左朋友今日再食過。上次食去旺角分店既喜來稀肉，覺得好正好正，今日我地去左另一間分店。尖沙咀呢間分店同旺角個間分店好唔同。呢間鋪頭燈光光好多， 而且人流多啲，所以等一陣先有位。相比起旺角分店，呢間嘅人手冇咁多，所以每一次都要靜靜地等店員幫我地添菜，添配料……講返野食，今日我地叫左3碟肉。有豬護心肉、牛護心肉同牛排骨。豬護心都ok既，不過都係牛護心好食啲。牛排關係一大件咁上枱，可以自已剪開啱既size黎燒。不過牛味就差啲，而且肉質有啲靱。下次都係叫返雪花牛開心啲。不過今餐兩牛一豬都滿足，不過不失啦~

尖沙咀行完街想試吓附近有咩韓國嘢食食咗呢個芝士石鍋飯一上到黎就俾咗我好多前菜每樣都大大份仲有我最鍾意嘅酸甜泡菜仲有沙律菜同埋酸甜瓜泡菜酸甜入口好開胃，大概等咗10分鐘左右就有飯啦速度都比較快不過我比較鍾意食有飯焦嘅，呢種就好似冇芝士份量真係超級多仲要熱辣辣，可以拉高芝士😂仲有韓國午餐肉，芝士份量真係比較多，好彩有泡菜咁就唔會膩啦嘢飲我就飲咗呢杯橙汁裏面仲有椰果果肉，配上石鍋飯真係好啱，酸甜滋味店舖要上一層去到2樓，午餐嘅人數唔算好多，不過勝在環境都乾淨好有韓國風味！

今日一個人做完Facial唔知晏晝食乜好諗起朋友話尖沙咀有好多韓國野諗起之前食過有間燒肉店都好好味不過今次就冇食燒肉而係食咗佢哋嘅生牛肉拌飯估唔到一個人嘅前菜都好大份，有泡菜、酸瓜同埋沙律菜不過呢個就冇跟嘢飲嘅，如果想飲嘢就要另外加錢呀以前喺韓國食過好掛住，牛肉有微甜的感覺，經過芝麻油嘅調味，再加上佢本身已經有雪梨汁搭配仲有個生蛋，牛肉入口更加滑，而且夠晒新鮮蕃嘅配料都唔少有芽菜、蘿蔔、紅蘿蔔🥕等，撈埋一齊食真係幾正用QR code點餐好快就送到，大概10分鐘就有得食，可能因為食晏晝所以人都唔係好多，聽講夜晚會多人所以可以約位去啦！

食韓燒嚟講 依間都算係幾有名氣價錢唔算太貴 又有任食嘅爐邊蛋 肉質都中上所以我耐唔耐都會嚟食手機落單 圖文並茂 方便嗌到想要嘅肉每次嚟食嘅時候 都好期待佢個爐邊蛋一邊芝士 一邊泡菜我就鐘意芝士多啲啦調味方面 有辣醬、大醬、鹽我最鍾意大醬夾埋啲肉 夠晒濃郁惹味配菜都一樣係任食百幾蚊一份肉 份量唔會話太少 質素都唔錯性價比幾高📍超主觀+有偏見評分 (5為最多)📝📃hunger(食物🤤/🤮): 🤤🤤🤤🤤📃anger(感覺🥰/🤨): 🥰🥰🥰📋hangry(整體🤬/😟/😛/🥳/😍): 不錯喲🥳

好耐無嚟食啦見返依個爐邊蛋 就覺得正配菜都係同以前一樣用電話落單 夠晒方便2個人 就淨係嗌咗3款肉喜來烤肉 $158好薄切 燒完夠晒鮮嫩牛護心肉 $160依款還可以啦真雪花牛肉 $228最鐘意依款燒完呢 咁油香真係會爆晒出嚟燒肉真係好好味海鮮泡菜餅 $90好好味煎得好香脆 又足料配埋個酸酸哋嘅汁，所以唔會好膩生菜、泡菜、爐邊蛋 ，全部都可以refill生菜包住肉肉 再配大醬，食多啲菜 感覺無咁肥夾住食絕對係無咁膩aka可以再食多啲肉肉🥸埋單人均三百幾~

久不久都會想起吃韓式烤肉，而且間烤肉店在香港非常出名。這裏的客人大多是年青為主，可算是潮流熱點。牛護心肉$160，護心肉就是橫隔肌，肉質軟腍，牛肉味道十足，果然是這裏的名物，是必點的烤肉之一。白飯$12，採用了珍珠米，粒粒分明，白飯可以吸收脂肪的肥膩感，是吃韓式燒烤的最佳伴侶之一。這裏的韓式泡菜有三款，每款都很好味，仲可以無限添加。燒烤爐旁邊，有兩款蛋，其中一款是芝士蛋，令一款是韓式泡菜蛋，其中與韓式泡菜蛋的味道最為美味可口。

疫情期間冇得去旅行唯有食餐韓燒頂一頂旅行嘅癮呢一間位於尖沙咀金巴利道韓國街嘅《喜來稀肉》非常有韓國餐廳嘅感覺餐廳每一個燒烤爐和枱與枱之間都相當寬闊既冇咁大油煙 同時又保持到社交距離一坐低侍應就會遞上3道韓式前菜分別係韓式泡菜 醃青瓜 同埋酸辣芽菜生菜沙律韓式泡菜酸酸甜甜 酸味十足酸辣芽菜生菜沙律 酸酸辣辣 非常醒胃我最鍾意就係配襯買燒肉一齊食熱辣辣嘅《石鍋拌飯》係忙碌過後嘅comfort food熱辣辣嘅石頭鍋飯材料豐富有紫菜 菠菜 紅蘿蔔絲 芽菜 牛肉 煎蛋 等材料加埋韓式辣醬 同麻油 味道相當可口撈埋一齊食相當滿足石鍋飯嘅底部仲可以食到脆卜卜飯焦幾乎每一口都充滿著配菜《喜來烤肉》係呢度嘅推介用咗上乘嘅牛肉 雪花均勻 肥瘦適中牛肉浸上咗韓式醬油味道甜甜地 更添美味牛肉肉質嫩滑 用生菜包裹住一齊食夠曬refreshing另外嘅《牛護心肉》 同屬必點之選呢一個牛護心肉肉質軟腍牛味特別香濃 而且油分充足 燒起來非常香口輕輕家上一抹鹽和黑椒最能夠食出牛肉原始味道食完燒肉之後一定要記得試埋烤爐旁邊嘅煎蛋有泡菜味同埋芝士味食完真係飽飽 相當滿足食烤肉當然要配以啤酒難得放肆一餐 當然要盡興

喜來稀肉是近期冒起得最快的一間韓式燒烤店，在香港有數間分店，今天便選擇了尖沙咀的分店。喜來烤肉$158，擺盤很像心形一樣，未吃已經心醉。肉質比較結實，肉味濃郁，用傳統韓式吃法，加入蒜頭和韓式辣醬，再用生菜包裹，可以減少油膩感。人蔘雞湯$125，內有一隻春雞，肉質鮮嫩可口，人蔘湯底味道甘香，還有些糯米飯在湯來，是正宗韓式的做法。稍為加點幼鹽，可以增加未做層次感。這裏的換燒烤板速度很快，每個店員看到燒烤板有點燒焦，便會幫客人更換，這個服務態度，非常窩心，值得一讚。👍👍👍👍👍